【食緊挵破碗】
翁無愛食豆，我愛食豆，搪著這款兩人一雙箸，bueh 食煞無仝胃 ê 問題，bueh 按怎 tsiah 好？
生頭清面，霆某螺？
這个方式，tuì 伊來講是石頭掔水，無較縒，起因𪜶老母就是按呢 kā 𪜶晟大漢，我 mā 無彼个才調搬哈買兩齒搪著藏鏡人 ê 戲。
萬事必有因，有因必有解決 ê 方法。
我無好手藝，m̄-koh 我有好耐性學習料理佮 ē 輾轉 ê 頭殼，起因成做天霸王這工課無適合我 kā 食鬱當做食珍珠進補，目睭糊蜊仔肉過日子，這愈無可能發生，sóo-tí 我愛成做啄樹鳥 kā 翁體內 ê 蟲啄出來。
「是按怎你 bueh 講 gún 爸母 ê 尻川後話」
六月蚶，開喙臭進前先 kā 臭掉 ê 蚶撈出來「我無講恁爸母 ê 尻川後話 m̄-koh 我 teh 討論，恁爸母湠過來 ê 問題，咱愛解決這个問題，畢竟我無食過恁兜一喙飯過。」
按呢一粒田螺煮九碗湯兼日日隨碗出 ê 日子，gún tī 食食這部份總算無閣重敧爿，搪著豆仔、菜蔬、魚 buaih 搪著甜粅粅一擺囫十斤 mā 大丈夫，像𪜶爸母按呢兼一日愛食六頓。
我無反對伊一日食六頓抑是甜粅粅一擺囫十斤，總是我貧惰一鼎愛煮兩斗 mā 無法度綴伊按呢過日子更加無法度成做𪜶老母 ê 副本 buē 曉泅溪嫌溪狹兼成做茶鈷呻 buē 離按呢過一世人，sóo-tí 我愛解決伊按爸母遐承來喙斗佮伊按老母遐學來 ê 菜蔬智識。
正經講，若 m̄ 是我本身愛食菜蔬，gún 翁𪜶老母款 ê 料理正經食 buē 落腹。
豆仔水煠，白花仔菜水煠，飯濫肉桂做伙煮，雞卵糕甜甲狗蟻 mā 叫 m̄ 敢。
是講，我愛食菜蔬我敢逐項攏吞落腹，當然無可能，像飯濫肉桂做伙煮，愛食飯 ê 我甘願 hōo 大腸告小腸 mā buaih 食一喙，準做 gún 翁𪜶老母認為我就是按水準較低 ê 所在來，所以 m̄ 捌貨，我 mā 無要意，起因我清楚知影連五錢豬仔，掛一支喙攏比伊較𠢕。
這魚指野菜麵咖哩我上佮意 ê 配菜本底是敏豆，總是世事無地 hōo 咱節，菜蔬 mā 百百款無敏豆換玫瑰草花 mā 是好食甲 m̄ 免翁褒唆，我家己褒。
Kari、カレー m̄ 管按怎寫按怎發音，較早 ê 翁搪著𪜶就是 m̄ 食，問伊「你敢捌食過？」
「M̄ 捌。」
「M̄ 捌食過是按怎你有法度遮爾仔中氣十足講伊䆀味？」
「Gún 自囡仔時就按呢聽爸母講。」
教育正經足重要，我好字運搪著一个 hōo 龜怪爸母晟養大漢 ê 翁，猶有法度 kā 伊沓沓仔按慣勢 ê 歹瓜厚子，歹人厚語牽轉來 m̄ 通摸天清清掠做家己𠢕甲若猴齊天。
好，故事寫到遮。起因祖先有交代，未娶某 m̄ 通笑人囝枵。
食飯配新聞挖挖哇，聽著來賓林裕豐分張若 bueh 哭呻寫 Blog 這段，我笑甲目汁直直㴙。
翁問啥物代誌遮爾仔好笑，簡單分張 hōo 伊聽，伊笑講「tsham 你有相𫝛，不過你寫 Blog ê 目的 m̄ 是 uī-tio̍h bueh 哭呻我 ê 代誌」。
「M̄ 知，總是寫 Blog hōo 我加一个所在愖你是按怎 ē 遮爾仔龜怪佮搜揣 bueh 按怎解決咱問題 ê 好所在」我應。
確實，搪著問題 tī 遮那哭呻那捎頭摠，押尾攏 ē 得著我 bueh 挃 ê 平靜。
翻田塗 --- 2023.02.28
魚指菜蔬麵咖哩
...... 材料 ......
煠好 ê 麵 180g
紅菜頭，切塊 1
Kam-má-tooh，切塊 3
紅番薑仔，切塊 1
煎好 ê 魚指 5
玫瑰草花 100g
印度咖哩粉 1TL
洋蔥，刴幼 1
蒜頭，刴幼
滾水 600ml
鹽、胡椒
...... 步數 ......
1. 洋蔥、蒜頭落鼎煏芳，kam-má-tooh、番椒仔濫落去炒軟。
2. 滾水、紅菜頭、咖哩摻落去煮 20 分鐘。
3. 玫瑰草花摻落去繼續煮 10 分鐘，tiàu 寡鹽、胡椒。
4. 麵濫落去，魚指鋪落去，樂暢來食。
【Eile mit Ｗeile】
Meine Mutter sagte, es sei möglich.
Was Unmögliche ist, dass sie immer nein sagt.
Bevor ich verstehe nicht, warum mein Mann mag keine Bohnen.
Aber das ist kein Problem.
Weil, ich wohne in Taiwan, er wohnt in Deutschland.
Wir sehen uns nur 5 Monte im Jahr.
Und ich koche nicht in Taiwan nur in Deutschland.
Weil, in Taiwan da gibt es viele Restaurants.
In Deutschland, wir sind fast immer auf dem Campingplatz und essen öfters deutsches Brot.
Obwohl ich mag Brot nicht so....
Aber das Essen ist noch ok für mich.
Weil, ich nach Taiwan fliegen werde.
Aber seit 2017 wohne ich in Deutschland.
Das Problem, mein Mann mag keine Bohnen, kein Kohlrabi, kein Blumenkohl, kein Spinat usw....
Das ist ein großes Problem für mich.
Weil, ich kann nicht jeden Tag Brot essen.
Ich möchte das Problem lösen, aber leider...
Mein Mann weiß nicht was fuer ein Problem er macht.
Obwohl, ich sage, frei fühlen seine n Senf dazu geben, dann kann ich das Problem wegwefen.
Aber die Anwort ist immer noch Nein und Nein.
Das laesst mich vor Wut kochen.
Aber mein Mann wartet und trinkt Tee.
Warum?
Er kann abwarten und Tee trinken und ich koche vor Wut?
Ich glaube, als er Kind war, er war das gewoehnt.
Deshalbe weiß er nicht was passiert, aber er kennt nur das ist schlecht und das ist nich schlecht...
Danach verstehe ich das Problem.
Dann, das Leben ist kein Ponyhof.
Es ist interessant, meinen Mann Magen heraus zu fordern.
Magst du die Bohnen, frage ich?
Ja, die Bohnen sind lecker wenn es kleine Stuecke sind, sage mein Mann.
Oh...Mann, deutsche Mutter kennt ihren Sohn nicht, sage ich.
Es sei möglich.
Was Unmögliche ist, dass sie immer nein sagen.
----Frau Lîm Tsiam pió(in Gedanken)
Curry Nudeln mit Gemüse und Fischstäbchen
...... Zutaten ......
Gekochte Nudeln 180g
Möhren in Stücke geschnitten 1
Tomaten in Stücke geschnitten 3
Paprika in Stücke geschnitten 1
Fischstäbchen 5
Rosenkohl 100g
Currypulver 1TL
Fein gehackte Zwiebel 1
Fein gehackter Knoblauch
Wasser 600ml
Salz ＆ Pfeffer
...... Zubereitung ......
1. Fischstäbchen in der Pfanne ca. 5 Minuten anbraten.
2. Zwiebel und Knoblauch in die Pfanne geben anbraten bis sie goldbraun sind, Tomaten und Paprika dazu geben und anbraten bis sie weich sind.
3. Wasser mit Möhren und Curry dazu geben und gut mischen, dann ca. 20 Minuten zum kochen.
4. Rosenkohl dazu geben und weitere 10 Minuten kochen, dann mit Slaz und Pfeffer abschmecken.
5. Nudeln dazu geben. Guten Appetit!
【Haste makes waste】
My mother said it was possible.
What is impossible is that you always says no.
Before I do not understand why my husband does not like beans.
But this is no problem.
Because, I live in Taiwan, he lives in Germany.
We only see each other 5 months a year.
And I don't cook in Taiwan only in Germany.
Because there are a lot of restaurants in Taiwan.
In Germany, we are almost always on the campsite and often eat German bread.
Although I don't like bread that much ...
But the food is still ok for me.
Because, I'm going to fly to Taiwan.
But I've been living in Germany since 2017.
The problem, my husband doesn't like beans, kohlrabi, cauliflower, spinach etc ...
That's a big problem for me.
Because I can't eat bread every day.
I want to solve the problem, but unfortunately ...
My husband doesn't know what kind of problem he has.
Although, I say, feel free to tell what you think, then I can throw the problem away.
But the answer is still no and no.
That makes me very angry.
But my husband is still clam.
Why?
He won't be angry because my anger?
The only think i can think of is, when he was a kid he was used to that.
That's why he doesn't know what is happening, but he knows that is bad and that is not bad ...
After that I understand the problem.
Then, life can be challenging.
It's interesting to challenge my husband's stomach.
Do you like the beans, i ask?
Yes, the beans are delicious when they are small pieces, my husband says.
Oh ... noooooooo, German mother can't recognize his son , I say.
it is possible.
What is impossible is that you always say no.
---- Mrs. Lîm Tsiam pió(in memories)
Vegetable Curry Noodles with Fish Fingers
...... Ingredients ......
Cooked noodles 180g
Carrots cut into pieces 1
Tomatoes cut into pieces 3
Paprika cut into pieces 1
Fish fingers 5
Brussels sprouts 100g
Curry powder 1TL
Finely chopped onion 1
Finly chopped garlic
Water 600ml
Salt＆ Pepper
...... Method ......
1. Fry the fish sticks in the pan for about 5 minutes.
2. Fry the onion and garlic in the pan until they are golden brown, add tomatoes and paprika and fry until they are soft.
3. Add water with carrots and curry and mix well, then boil for about 20 minutes.
4. Add the Brussels sprouts and cook for another 10 minutes, then season with slaz and pepper.
5. Add noodles. Enjoy your meal!
留言列表
冊 ▪ Bücher ▪ Books (4)
