亂皂𥴊仔店 ⓂⒺⒾⓃⓀⒾⓄⓈⓀ

(2024.02.26 番薑仔三文魚麵 + 優格/921kcal)

當胃腸願意沓沓仔佮食物鬥陣，我又閣搪著另外一个問題，一个自我有印象開始 m̄ 捌搪過 ê 問題 --- 頭殼一直踅神兼戇神。

我 buē 講家己是冊迷，總是我 mā m̄ 是彼款見冊隨慼無法度讀字 ê 人。

這斗 kā 家己種 tī 眠床 bueh 2 禮拜 ê 時間，搪我掠做家己精神較好想 bueh 繼續讀陳雷醫師 ê《鄉史補記》，我竟然無法度讀字，而且是一讀頭就隨眩(hîn)目就隨抽。

這个現象 hōo 我驚甲咬舌，畢竟無啥特殊才能 ê 我，唯一猶有通佮人競爭 ê 一步取(tshú)就賰好好仔讀一本冊 ê 耐性。

冊無法度讀，手機仔 leh？

緊 kā 離跤手 ê 手機仔揣轉來開始𫝻，畫面 tsiah 拄拍開我 ê 頭仝款眩，目仝款抽疼 buē 離閣兼想 bueh 吐 buē-su 若有身仝款。

我知影這狀況是暫時，sóo-tí 無家己驚家己，總是我 mā 足想 bueh 知影家己 ê 身體欠啥物元素，起因 tī 這段胃腸無爽快 ê 期間，我較食 ê 物食 kan-ta 白煠卵敆西洋萵仔菜。

請翁 kā 我揣欠「鐵」ê 資料佮講 hōo 我聽，揣著 ê 資料有一項有講著人若欠鐵 ē 造成無心肝無頭神，注意力無法度集中，一想著這想著捌 tī 醫師好辣聽外科醫師陳榮堅分張欠鐵上緊 ê 解決方法就是食肉，像豬肝遮 ê 物。

德國有賣豬肝遮 ê 物，總是我個人無愛食下水遮 ê 物，按呢有啥物辦法通解決欠「鐵」ê 問題?

請翁繼續鬥揣資料，魚佮豆仔攏有法度鬥相共，厝內拄好攏有遮 ê 物隨款來食，目前食 bueh 三天感覺效果無食下水遐爾仔好 m̄-koh 現此時 ê 我有法度沓沓仔寫 Blog 表示無心肝無頭神 ê 問題已經沓沓仔改進。

補鐵吃什麼？含鐵食物排行、缺鐵症狀、鐵質攝取量公開

什麼是缺鐵性貧血？原因、症狀、診斷、治療

自波羅的海落南到波蘭就無啥物機會通食魚食蝦食甲飫。

Sóo-pái，這時看出發前 ê 相片嫌伊䆀猶原 m̄ 甘 kā 刣掉。

另外，這時看彼時想著人 tī 德國就 leh 哭呻菜蔬愈來愈鞏金，料想 buē 到波羅的海 ê 野菜，正經是金仔鞏，足貴--ê。

特別是番薑仔遮 ê 外來物，是講番薑仔 tī 德國 mā 是外來物，m̄-koh 伊猶原比波羅的海3國俗，而且俗足 tsuē。

這个差別 hōo 我真真正正認捌「大路」ê 重要。

德國 ê 公路系統 m̄ 是 kan-na 頂港有名聲，下港上出名按呢 niā-tiānn，伊是 mā 是通人知 bueh 揣砂石仔路愛駛到深山林內無人蹛 ê 所在 tsiah 揣 ē 著。

波羅的海3國是顛倒反 m̄ 是觀光路線，砂石仔路 hōo 你目睭崁--leh mā 揣 ē 著 ê 角勢。

10月整理6月 ê 食譜，想著 tī 波羅的海3國車日子 uī-tio̍h 食番薑仔攏 ē 趕 tī 12點進前，做穡人出來款晝緊去搶位。

搶落價專區猶原媠媠 m̄-koh 價數已經減7成抑是5成 ê 物食。

寫著這點，我足好玄當地人 ê 消費慣勢。

起因，tī 德國佮波蘭 ê 落價專區，價數加加落到5成。

Tī 這5成 bueh 抾著寶愛有好字運，起因你愛有佮胡蠅相仝 ê 好喙斗。

波羅的海3國消費慣勢 m̄ 知敢有受著露西亞 ê 影響。

總是 tī 遐 ê 時間，我有發見一件代誌，就是𫝛款 ê 物件準做 m̄ 是 tī 觀光角勢，伊猶原鞏金，彼就表示遐蹛 tsuē-tsuē 露西亞人，iōng 物價做判斷準甲有9成 hōo gún 翁講，好里佳哉，你無活 tī 歐洲暗毿中世紀。

這久看相片 mā 想著，往過 uī-tio̍h bueh hōo 喙白翁食番薑仔攏 ē 特別 uī 伊 kā 番薑仔切甲若肉幼仔按呢 hōo 伊 buē 猶未食隨喝䆀味 buaih 食。

這久看相片是底時 hōo 伊接受若肉絲 ê 番薑仔？

我想..這無值得我繼續苦毒記持，huînn-ti̍t 現此時 ê 伊就是接受肉絲番薑仔按呢 ê 簡單。

--- 2023.10.23

      有對照 tsiah 知影手藝敢有進步      

(2023.06.05 番薑仔三文魚麵 + 洋刺波 Quark/1004kcal)

番薑仔三文魚麵

...... 材料 ......

煠好 ê I-tá-lih 麵　160g

番薑仔，切絲　2

三文魚　300g

番薑仔粉　1/2TL

敏豆，切橛　50g

洋蔥，刴幼　1

滾水

蒜頭，刴幼

鹽 & 胡椒

...... 步數 ......

1. 三文魚落鍋仔煎 hōo 赤赤，提出來。 

2. 洋蔥、蒜頭落鼎炒芳，番薑仔濫落去炒軟。

3. 落番薑仔粉、滾水、敏豆，煮10分鐘。

4. 三文魚、麵搜 hōo 齊，tiàu 寡鹽、胡椒，樂暢來食。

(26.02.2024 Nudeln-Lachs-Paprika - Joghurt/921kcal)

「Paprika mag ich gar nicht」sagt mein Mann voher, als ich Paprika gekauft oder gekocht habe.

Ich weiß " das Fleisch ist Frühstück " und " die Süßigkeiten sind Lebensmittel " für meinen Mann Familie, aber leider ich bin keine Pflegerin für ihn.

Ja, ich weiß, ich bin so egoistisch, aber wir müssen vorher auf eigene Probleme aufpassen, nichts nachher, " oh, ich wünsche, ich das nicht machen ", blah blah blah...

Ja, für die Krankheit, meistens kommt sie von unserem Lebensstil.

 Ich möchte nicht das Problem gesehen haben und weiter hören " Nie, du musst das nicht machen, du muss meinem Stil folgen, was ich esse und mache ist richtig.

Ich habe keine Phantombild, ich weiß, dass ich kein Supermann bin, und ich möchte nicht wenn ich alt bin, ich möchte viele Problem haben wegen meinem Phantombild, das ist alles.

Aber, ich weiß wenn die Menschen mir sagen, ich mag das nicht, normalerweise ist mein Problem, ich kochen nicht gut oder falschen Stil, besonders meinen Mann und ich haben unterschiedlichen Magen und Kultur.

So, ich muss die Lösung für beide suchen und das Gericht mit Paprika ist eine Lösung bei uns.

Obwohl, er sagt, Paprika kleine geschnitten ist besser, mein Ohren ist noch wie ZDF Beethoven.

Ich höre nichts.

Naja, ich muss es einfach sagen, mein Mann hat Schwein gehabt, weil seine Frau hat kein Phantombild und keine Lust für Diktatur, ich meine jede Sache muss unter Kontrolle, und ich habe nicht nur eine Geschmack, deshalb ich bin ok in Deutschland zu wohnen und keine Reis, keine Tofu, keine Sojasoße...und so weiter.

Aber, ich weiß, ich habe das Problem, ich esse sehr wenig Brot.

Das ist nicht so Fair für ihn, weil er ist deutscher.

Nudeln-Lachs-Paprika

...... Zutaten ......

Gekochte Nudeln　160g

Paprika in Scheiben schneiden　200g

Lachs　300g

Erbsen　50g

Paprikapulver　1/2TL

Fein gehackte Zwiebel　1

Wasser

Fein gehackter Knoblauch

Salz ＆ Pfeffer

...... Zubereitung ......

1. Lachs in die Pfanne geben und anbraten bis er goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Paprika dazugeben und anbraten bis sie weich sind.

3. Erbsen mit Wasser und Paprikapulver dazugeben und ca. 10 Minuten zum kochen.

4. Nudeln mit Lachs dazu geben und gut mischen.

5. Mit Salz und Pfeffer abschmecken. Guten Appetit! 

(26.02.2024 Salmon Pasta with and Bell Pepper - Yogurt/921kcal)

「I don't like paprika at all」says my husband before when I bought or cooked paprika.

I know " the meat is breakfast " and " the sweets are food " for my husband family, but unfortunately I am not a nurse for him.

Yes, I know I am so selfish, but we have to take care of own problems before, nothing after, " oh, I wish I don't do that ", blah blah blah....

Yes, for the disease, mostly it comes from our lifestyle.

 I don't want to have seen the problem and keep hearing " stop, you are not allowe to do that, you have to follow my style, what I eat and do is right".

I don't have a phantom image, I know I am not a superman, and I don't want when I am old, I want to have many problem because of my phantom image, that's all.

But, I know when people tell me I don't like it, usually my problem is I don't cook well or wrong style, especially my husband and I have different stomach and culture.

So, I have to search for the solution for both and the dish with peppers is a solution with us.

Although, he says paprika small cut is better, my ears is still like ZDF Beethoven.

I don't hear anything.

Well, I just have to say it, my husband was lucky, because his wife has no phantom image and no desire for dictatorship, I mean every thing has to be under control, and I don't have only one taste, so I'm ok to live in Germany and no rice, no tofu, no soy sauce...and so on.

But, I know I have the problem, I eat very little bread.

That's not so fair for him, because he's German.

Salmon Pasta with and Bell Pepper

...... Ingredients ......

Cooked pasta　160g

Salmon　300g

Cut the bell pepper into slices　2

Peas　50g

Paprika powder　1/2TL

Finely chopped onion　1

Water

Finely chopped garlic

Salt,pepper 

...... Method ......

1. Put the salmon in the pan and fry until it is golden brown, then take it out.

2. Put the onion with garlic in the pan and fry until they are golden brown, add the bell pepper and fry until they are soft.

3. Add peas with water and paprika powder and to cook for about 10 minutes.

4. Add the pasta with salmon and mix well.

5. Season with salt and pepper. Enjoy your meal!