亂皂𥴊仔店 ⓂⒺⒾⓃⓀⒾⓄⓈⓀ

(2024.01.28 早起頓 菠薐仔馬鈴薯花豆 + 魚指 + 秮仔燕麥優格/941kcal)

「關鍵評論網」tsuē-tsuē 篇討論手機仔中毒，德國、英國 tsuē-tsuē 節目討論「糖中毒」hōo 我想著這陣坐車 ê 光景，逐人 ê 頭猶原犁犁 m̄-koh 手頭捎 ê 物已經 m̄ 是手機仔孤項，特別是少年囡仔，tsuē-tsuē 少年囡仔開始綴 Heinrich Heine 感受 Von allen Welten, die der Mensch erschaffen hat, ist die der Bücher die Gewaltigste(Tī 人類創造 ê 世界，上強大 ê 是冊)。

我 m̄ 知影這个現象是受著 PISA ê 影響抑是...當 PISA 公告德國 ê 排名，真久無 tī 公共電台聽著新冊紹介 ê 我，又閣開始聽著新冊推薦，是講凡勢公廣電台有推薦，只是我聽 m̄ 著電台。

我愛踅德國冊局，不過我攏做 ' 獨立書店訪視員「只借書不買書」引議 文化部：即刻停止職務 ' 這款事工 buē 歹勢 ê kan-ta kā 踅無 bué 半本冊就離開。

德國 ê 冊是死豬仔價，一本拚過臺灣三本，不過我 m̄ 是 uī-tio̍h 這个原因無 bué 冊 mā 無認為冊圖書館借就好，我無 bué 冊是我猶未搪著 hōo 我想 bueh 讀 ê 冊，德國人愛讀小說，特別是犯罪推理這款，我愛讀長短篇散文像 Mit Hermann Hesse durch Italien: Ein Reisebegleiter durch Oberitalien 抑是 Ich bin dann mal weg, In 80 Tagen um die Welt 這類那小說 m̄-koh 是真實人生 ê 文學，所以我真罕得 tī 冊局紮一本冊轉來，另外我 mā 承認一本德文小說讀煞，我 ê 元気 mā 去一半。

有翕做影戲 ê Ich bin dann mal weg

M̄ 是踅地圖 80 日，是真正踅世界 80 日 ê In 80 Tagen um die Welt

雖罔元気 ē 去一半，不過我 tuì Dinner im Restaurant Heimweh - Anne Tyler ê 興趣 tshan-tshiūnn 一杯 Express 猶 teh 三心兩意，無法度殘殘豆干切五角。

拄來德國行跤花談戀愛見著較福態 ê 人翁攏 ē 按呢講「彼是美國人，gún 德國人無遐爾仔大龐」彼陣我相信，起因我分 buē 清 tsiâ 是 tsiâ tshan-tshiūnn 𪜶分 buē 清亞洲人，總是我猶比𪜶較好，我有法度按語言分拆美國人佮德國人，亞洲語言 tī 𪜶 ê 耳空齊仝款，像 Thailand 佮 Taiwan 是一粒草花做 buē hőng 起磅(Das macht den Kohl nicht fett，一塊雞卵糕肉幼仔，免要意)。

總是一个文化是人格 ê 牽藤，遮 ê 人無開喙按品行 mā 有法度沓沓仔看出精差，當翁講「彼是美國人，gún 德國人無遐爾仔大龐」我 ē 講「恁佮美國是司公仔象桮，無輸贏。」

英國為著解決愈來愈嚴重 ê 囡仔超磅問題，開始抾糖稅，這个糖稅改變食品工業 tuì 糖 ê 無禁無忌 hōo 法國 mā 跟綴，德國想 bueh 綴 leh 按呢做，猶是一段真久長 ê 路，起因政治無可能無佮財團大麵炒圓仔，膏膏纏，準做政府知影超磅帶來 ê 糖尿、高血壓、高血油比戰爭閣較恐怖，這條路猶原猶未起行，準做有人成做 Che Lauterbach m̄ 驚死。

Che Lauterbach 是 Heute Show 針對現任德國衛生部長 ' 理 ' 較早無人 bueh ' 醫治 ' 德國醫療脹(tiùnn)膿龜龜怪怪 ê 形容，這个形容我感覺峇甲無法度揣著閣較好 ê 形容。

糖 hōo 人幸福 hōo 人大箍 mā hōo 人致關節炎。

較早我掠做關節炎是食老 tsiah-ē 致著 ê 病疼，這久迵過德國醫療節目發現，關節炎 m̄ 是老歲仔 ê 權利，關節炎是囡仔 mā-ē 致著 ê 問題，特別是 kā 糖當做飯 teh 食 ê 族群。

舉兩个食糖過日 ê 例。

一个查某囡仔捷喝骨頭遮疼，遐痛，斟酌檢查又閣無風溼，翻頭看伊 ê 食食慣勢齊是「糖」按這个食食慣勢調整，伊按若食老 buē 哺塗豆無元気踅轉來這个年歲愛有 ê 健丟。 

一个查埔人關節炎看十外冬 m̄ 捌進步煞愈來愈退步到影響伊 ê 工課，檢查伊 ê 食食慣勢，伊 mā 是 kā 糖當做飯 teh 食，請伊調整食食慣勢，這个 hōo 𪜶爸母、兄弟姊妹攏苦 ê 問題隨改善 80%。

德國人糖中毒偌嚴重？網路有真 tsuē 資料通讀通看 tī 遮我無閣特別貼網鍊做記錄，不過愛記錄這兩支影片，起因𪜶 ê 問題 gún 翁攏有，後回伊 bueh 跳童 ē-tàng 隨揣出來 hōo 伊照鏡。

30 Tage ohne Zucker: Das große Experiment | stern TV (Teil 1)  --- 捷喝頭痛(甜粅粅食無著)

So macht uns die Zuckerindustrie arm und krank | Die Tricks... SWR --- 掠做家己一冬食五公斤糖，窮實是 34公斤(平均一个人)，凡勢閣較 tsuē 

「你感覺按怎？」招翁做伙看影片煞，我請教伊 ê 想法。

「我有專業營養師 kā 我調整甲足好--ê」伊講。

問題猶未擺撥到透，有當時需要時間來鬥相共，像這兩支影片招伊做伙看，伊隨看著家己 m̄ 免我家婆交代 buē 離。

這食譜是按附近藥房無料分張廣告單看來，正經蓋おいしい。

菠薐仔花豆馬鈴薯

...... 材料 ......

馬鈴薯，切塊　3

罐頭花豆　1

薑，礤簽　

洋蔥，刴幼　1

椰子奶　100g

蒜頭，刴幼　

Kam-má-tooh，切塊　3

芳料草

小葉菠薐仔　125g

滾水　600ml

番薑仔粉　1TL

鹽、胡椒

...... 步數 ......

1. 洋蔥、蒜頭、薑落鼎炒芳，馬鈴薯摻落去炒芳。

2.  Kam-má-tooh、芳料草、番薑仔粉摻落去炒軟，滾水、椰子奶、鹽、胡椒濫落去搜齊，煮20分鐘。  

3. 花豆濫落去煮5分鐘，菠薐仔濫落去，搜 hōo 散，樂暢來食。

(28.01.2024 Frühstück Spinat mit Kidneybohnen und Kartoffeln - Fischstäbchen - Joghurt/957kcal)

Das Auge isst mit, aber das Augen ist kein Mund.

Sehen ist Realität, Realität ist probieren.

Sehr lecker und einfach.

Ich habe das Rezept in der Apotheke gesehen, und mein erste Idee ist das Eseen muss furchtbar sein, muss so Apotheken --- Medizin schmecken.

Aber, das Rezept sieht so lecker aus, besonders mit Spinat, Rote Bohnen, Kartoffeln...oui... delicioso.

Ich muss die Werbung nach Hause bringen, ich muss nicht, ich muss, ich muss nicht...

' Ich bin so lecker, meine Liebe, bringt mich nach Hause, ich bin deine gute Freundin... '

Ich muss... Ja, ich bin dein Freund, nicht dein Feind, außer dein Mann, der mag mich nicht.

Ja, ich weiß nicht, was er mag, ich bekomme keinen Kommentar und Ruhe, nur wenn er Süßigkeiten isst.

Aber dieses Mal bin ich sehr überrascht, er mag das Essen ' Es ist nicht nur lecker, es ist super lecker ', sagt er.

Ich stimme ihm zu. Ich liebe das Rezept.

Spinat mit Kidneybohnen und Kartoffeln

...... Zutaten ......

Kartoffel in Stücke geschnitten　3

Kidneybohnen aus der Dose　1

Geraspelter Ingwer

Fein gehackte Zwiebel　1

Kokosmilch　100g

Fein gehackter Knoblauch

Tomaten in Stücke geschnitten　3

Kräuter

Spinat　125g

Wasser　600ml

Paprikapulver　1TL

Salz ＆ Pfeffer

...... Zubereitung ......

1. Zwiebel mit Knoblauch und Ingwer in die Pfanne geben und anbraten bis sie goldbraun sind, Tomaten mit Paprikapulver und Kräuter dazu geben und anbraten bis sie weich sind.

2. Kartoffeln mit Wasser, Salz und Pfeffer dazugeben und gut mischen, ca. 20 Minuten kochen.

3. Kidneybohnen dazugeben und gut mischen, ca. 5 Minuten kochen.

4. Spinat dazugeben und gut mischen. Guten Appetit!

(28.01.2024 Breakfast Spinach with Kidney Beans and Potatoes - Fish Fingers - Yogurt/957kcal)

The eye eats with you, but the eye is not a mouth.

Seeing is reality, reality is tasting.

Very tasty and simple.

I saw the recipe in the pharmacy, and my first idea is the egg must be terrible, must taste so pharmacy --- medicine.

But, the recipe looks so delicious, especially with spinach, red beans, potatoes...oui.... delicioso.

I have to bring home the commercials, I don't have to, I don't have to, I don't have to....

'I'm so delicious, my dear, take me home, I'm your good friend... '

I have to... Yes, I'm your friend, not your enemy, except your husband, he doesn't like me.

Yes, I don't know what he likes, I get no comment and peace, only when he eats sweets.

But this time I'm very surprised, he likes the food ' It's not delicious, but it's very tasty ', he says.

I agree with him. I love the recipe.

Spinach with Kidney Beans and Potatoes

...... Ingredients ......

Potato cut into pieces　3

Canned kidney beans　1

Grated ginger

Finely chopped onion　1

Coconut milk　100g

Finely chopped garlic

Tomatoes cut into pieces　3

Herbs

Spinach　125g

Water　600ml

Paprika powder　1TL

Salt ＆ Pepper

...... Method ......

1. Put the onion with garlic and ginger in the pan and fry until they are golden brown, add tomatoes with paprika powder and herbs and fry until they are soft.

2. Add the potatoes with water, salt and pepper and mix well, cook for about 20 minutes.

3. Add the kidney beans and mix well, cook for about 5 minutes.

4. Add the spinach and mix well. Enjoy your meal!