亂皂𥴊仔店 ⓂⒺⒾⓃⓀⒾⓄⓈⓀ

Bueh 做 Skyr➀麭進前，先搜揣 ē-tang 互相支援 ê 食譜以避免咱 ê 頇顢造成討債。

揣仔揣，揣著一篇紹介按怎使用按冰島來 ê Skyr 做德國 Weißbrötchen(俗麭)。

我 tuì Skyr 無理解 mā m̄ 捌食過隨請教 gún 翁伊敢捌食過「捌--ah，伊就是味較厚 ê Quark➁」。

我 kā 文章閣繩一逝講「M̄-koh 文章紹介伊是循古法製作並營養價值懸 ê 優格」若唸細節 mā 那 kā 手機仔㧣 hōo 伊讀，伊小可仔䀐一下隨講「你 m̄ 是捷 tuì 我講，你是 bueh bué 喙水抑是敆喙」。

翁 ê 回答 tshan-tshiūnn 牛頓 hōo 林檎摃著仝款步頻清醒，著--neh！我合該愛有弄險態度 m̄ 是綿豉別人 ê 喉韻。

M̄ 管 Skyr ê 營養價值有偌懸，別人 ê 喙水偌𠢕 kā 褒唆，伊若無敆喙 mā 是無較縒。無事縛跤帛 ê 無局擲挕捒規个人隨輕蠓蠓，手䘼撆懸懸開始款材料。材料那款 mā 那翻頭愖十冬前交十冬後 ê 變化。

彼陣 ê 食譜麵粉上基本數是 500g，這久 ê 麵粉基本數 100g mā ē-tàng 做法國煎餅 Crêpe 來食來食。按食譜演化 ē-tàng 看出一家人兜 ê 成員變化。

這按 Google 推薦看來 ê 食譜 mā 拄好交 gún 兜人口對合 ê 350g 麵粉，250g Skyr，一頓早起頓有 Skyr 做 ê 麭交 Skyr 甜路 --- 優格，Google 真正有聖，知影我愛「一兼二顧，摸蜊仔兼洗褲」ê 食譜。

不過，gún 兜飼鳥鼠，這麭 m̄ 管膨粉版本抑是酵母版本，自伊出烘箱伊 m̄ 捌有機會見著隔轉工 ê 日頭就 hōo 鳥鼠提來做下晡點心 Kaffeezeit, Tea Time➂。

➀ 一款使用牛奶抑是鯊魚奶做 ê 冰島優格，踮德國伊徛 Khu-lì-mù Tshì-sù 交 Tshì-sù 類，非優格。

➁ 德國 Khu-lì-mù Tshì-sù，德國出名 Käsekuchen/Quarkkuchen Tshì-sù 雞卵糕 ê 主體。Quark tī 奧地利交德國拜仁邦號做 Topfen。

➂ 公視台語台全家有智慧，盧廣誠老師 ê 分張

德國細粒圓麭

...... 材料(發粉) ......

Skyr　250g

高黐麵粉　350g

發粉　8g

糖　1EL

油　2EL

卵　1

鹽　1/2TL

...... Zubereitung ......

1. 材料全數濫做陣搜 hōo 齊。

2. 撋做麵粞。

3. 麵粞切做一份80g，紲落來挲圓。

4. 落烘箱，捘 200°C 烘 20~25 分鐘。

5. 麭囥 hōo 冷，樂暢來食。

德國細粒圓麭

...... 材料(酵母) ......

Skyr　250g

高黐麵粉　350g

酵母　3g

糖　1EL

油　2EL

卵　1

鹽　1/2TL

...... 步數 ......

1. 材料做一伙搜 hōo 齊，撋做麵粞，崁布，等1點鐘。

2. 撋做麵粞。

3. 麵粞切做一份80g，紲落來挲圓，崁布等20分鐘。

4. 麵粞硩扁，挲圓，崁布等1點鐘。

5. 烘箱囥一碗燒水，麵粞落烘箱，捘 200°C 烘 10 分鐘，換 180°C 烘 10~15 分鐘。

6. 麭囥 hōo 冷，樂暢來食。

(2022.05.28 Kaffeezeit zur Gewichtsabnahme Weißbrötchen mit Marmelade)

Die Brötchen sind lecker, besonders mit Marmelade.

Aber das Brötchen hat einen besonderen Geschmack für mich.

Ich weiß nicht so genau, das Problem ist das Backpulver oder der Quark...

Oder, das Brötchen ohne Zeit zum gehen lassen hat einen besonderen Geschmack ...

So, ich möchte mal das Brötchen mit Hefe backen.

Und, ich muss es sagen.

Mit Hefe, der besondere Geschmack ist weg und passt super mit Marmelade.

Yummy!

Weißbrötchen mit Skyr

...... Zutaten (Backpulver) ......

Skyr　250g

Mehl　350g

Backpulver　8g

Zucker　1EL

Öl　2EL

Ei　1

Salz　1/2TL

...... Zubereitung ......

1. Alle Zutaten in eine Schüssel geben und gut mischen.

2. Mit der Hand ca. 5 Minuten kneten.

3. Den Teig zu 80g Kugeln teilen.

4. Im Backofen auf 200°C 20~25 Minuten backen.

5. Genießen Sie das fertige Brot.

Weißbrötchen mit Skyr

...... Zutaten(Hefe) ......

Skyr　250g

Mehl 　350g

Hefe　3g

Zucker　1EL

Öl　2EL

Ei　1

Salz　1/2TL

...... Zubereitung ......

1. Alle Zutaten in eine Schüssel geben und gut mischen.

2. Mit der Hand etwa 5 Minuten lang kneten.

3. Den Teig mit einem Tuch abdecken und 1 Stunde lang bei Raumtemperatur ruhen lassen.

4. Den Teig in 80 g schwere Kugeln teilen, mit einem Tuch abdecken und 20 Minuten gehen lassen.

5. Den Teig erneut zu einer Kugel formen. Dann mit einem Tuch abdecken und 60 Minuten lang gehen lassen.

6. Im Ofen bei 200 °C 10 Minuten backen, dann bei 180 °C weitere 15-20 Minuten mit Dampf backen.

7. Das fertige Brot auf einem Kuchengitter auskühlen lassen. Genießen!

(2022.05.28 Teatime for weight loss German Buns)

The buns are delicious, especially with jam.

But the bun has a special taste for me.

I'm not sure, the problem is the baking powder or the quark ...

Or, the bun without time to rise so...it has a special taste ...

Therefor, I'd like to try this way, bake the buns with yeast.

And, I have to say it.

I like the taste of baking with yeast.

Yummy!

German Buns with Skyr

...... Ingredients (Baking powder) ......

Skyr　250g

Flour　350g

Baking powder　8g

Sugar　1EL

Oil　2EL

Egg　1

Salt　1/2TL

...... Method ......

1. Put all ingredients in a bowl and mix well.

2. Knead by hand for about 5 minutes.

3. Divide the dough into 80g balls.

4. Bake in the oven at 200 ° C for 20~25 minutes.

5. Enjoy the finished bread.

German buns with Skyr

...... Ingredients (Dry yeast) ......

Skyr　250g

Flour　350g

Lukewarm water　50ml

Dry yeast　3g

Sugar　1EL

Oil　2EL

Egg　1

Salt　1/2TL

...... Method ......

1. Put all ingredients in a bowl and mix well.

2. Knead by hand for about 5 minutes.

3. Cover the dough with a cloth and let it rest for 1 hour at room temperature.

4. Divide the dough into 80g balls, cover with a cloth and let rise for 20 minutes.

5. Shape the dough into a ball again. Then cover with a cloth and let rise for 60 minutes.

6. Bake in the oven at 200 ° C for 10 minutes, then bake at 180 ° C for another 15~20 minutes with steam.

7. Leave the finished bread to cool down on a cooling rack. Enjoy!