亂皂𥴊仔店 ⓂⒺⒾⓃⓀⒾⓄⓈⓀ

Litoměřice 利托梅利采是捷克 ê Seznam městských památkových rezervací v Česku, städtischen Denkmalreservat 城市紀念碑保護區(1978)，伊有厚突突 ê 舊石器佮 La Tène 文化，總是遮 ê 文化 tshan-tshiūnn 捌出現 tī 地球 ê Thraker 佮臺灣 ê 平埔族𫝛款，齊成做一个恬靜無聲佮真僫 hőng 分別 tsiâ tsiah 是 tsiâ ê 生張。

「你 ē-tàng 講德國城市名稱無要緊，遮 ê 舊城鎮百分之 90 有德國字姓」tī 捷克趨雪地區當地人 uī-tio̍h gún 翁仔姐愖規半晡 ê 捷克語愛按怎講，貼心 tuì gún 按呢講。

Gún 搪著 ê 捷克人接受𪜶有外來字姓 ê 家己，咱臺灣人敢接受家己有非世俗要求 ê 字姓，這个問題交 hōo 問題家己去回答。

過冬鳥順季節徙岫，人類順水源生湠，徛位易北(ī-pok)河氣候溫和 ê Litoměřice 生湠出舊石器文化、La Tène 文化、Kelten 凱爾特文化、斯拉夫文化交日耳曼文化。

遮 ê 文化 mā 交乳牛(ling-gû)貓仝款，有時你看伊像三花貓，有時你看伊又閣像虎貓 ê 千枝萬葉問伊 wer bist du，心掠 hōo 定跟綴伊 ê 累累碎碎，得著 ê 千富萬爛是 Open Sesame。

Litoměřice 第一改出現 tī 紙本記錄是西元2世紀 ê Ptolemy 世界地圖，彼久 ê Ptolemy 托勒密(Thok-li̍k-bi̍t) kā 伊號做 Nomisterium。

紲落來是目今歷史觀念是以德國做主體 ê Germani 日耳曼部落開始向西徙岫，無徙岫 ê 部落就交後尾新添 ê  部落成做一體。

Litoměřice tī 中世紀初期(6世紀 ~ 15世紀)是斯拉夫 Lutomericii 中心，德語 ê Leitmeritz mā 是按這个字名生湠。

西元八世紀 Slavs 斯拉夫部落已經釘根 tī  Litoměřice。

Litoměřice tī 9~10 世紀屬捷克 Přemyslid 普熱米爾斯(Phóo-jia̍t-bí-nī-su)家族 ê 領地，並成做北波希米亞重要行政中心。

1057 Spytihněv II斯皮季赫涅夫二世公爵(Su-phuê-kuì-hik-lia̍t-hu-kong-tsiok) tī 堡寨山(Burgberg)起造 St.-Stephans 聖斯德望(su-tik-bōng)大教堂交修道院，並賜福 hōo 修道院行政自由交財政自由，特別是按易北河徵收 ê 關稅收入。

Litoměřice tī 1255 這跤兜正式成做一个城市，城市規模是堡塞山對面 ê 市埕廣場。伊第一批公民推測是德國人，Litoměřice tī 這个時間 mā 按 Magdeburger Recht 馬德堡律法得著自治交自由權。

Litoměřice 因為交易 ê 糧草生理 hōo 伊成做鞏金閣包銀 ê 城市掠外，溫和 ê 氣候 mā hōo 伊成做葡萄交果子重要 ê 種作地 mā 有豐沛 ê 資金起造各式教堂交一間病院。

1296 一場火燒 kā 遮 ê 交易燒甲賰烌，不過迵過波希米亞國王 ê 減稅政策 hōo 伊交敗市相出路 mā 閣一斗按熊市行向牛市。

若講德國馬汀.路德改變烏暗中世紀重要推手，捷克 ê Jan.Hus 是引𤆬後勻思考宗教百樣 ê 先鋒者。

1420 Litoměřice 處決 17 个胡斯跟隨者，Jan Žižka 揚.傑式卡領兵包圍這个屬馬德堡律法 ê 城市 mā 改變這座城市 ê 人口結構交行政扞權利。

Hussite Wars 胡斯戰爭(1419 ~ 1434)後 ê 1436 波希米亞國王 Sigismund (HRR) 答應撤銷德國公民 tī Litoměřice ê 行政扞權利。

行過 13 世紀尾 ê 火燒熊市，交 15 世紀 ê 15 冬胡斯戰爭，按交易行向死殗殗 ê Litoměřice tshan-tshiūnn《復活的人》歹運就假若蜘蛛仝款會佇無意中出現佇花欉，看著，共掠走就好矣 tī 15 世紀中葉行上牛市。

交易 ê 市草 hōo 易北河起造新橋兼抾過橋稅添財庫，交易 ê 市場 hōo 伊 tī 政治交別人城市同徛起，並有飽足 ê 財政 tī 16 世紀初期加強軍事防禦。

Litoměřice 按胡斯戰爭結束，城市扞權者歸捷克人，總是最高行政實行權猶原是馬德堡律法，tī Litoměřice 拒絕參加 Schmalkaldischer Krieg 1546 ~ 1547 施馬爾卡爾登戰役 hōo 𪜶失去原本 ê 城市權利，包括宗教自由。準做按呢，新教猶原 tī 這个城市生湠釘根。

17 世紀進前，遮 ê 教徒多數屬路德教派並反對最高扞權者 HRR 神聖羅馬帝國。

1618 ~ 1620 路德教派交最高扞權者抗爭權利失敗，Litoměřice tī 這斗 ê 抗爭無法度再次交敗市相出路，伊按光映映交自由 ê 城市行向落坐，m̄ 願成做天主教 ê 市民就 hőng 驗逐(khu-tio̍k)離城。

Tī 當地路德教派向 HRR 抗爭，三十年戰爭(1618 ~ 1648) mā 寬寬仔行入 Litoměřice 並汰洗 Litoměřice ê 人口交城市面肉。特別是 1640 年，規个城市交附近鄉鎮 ê 公民賰無到 60 人。

戰爭結束成做斷籬倒壁 ê Litoměřice 順天主教 ê 跤步勻勻仔 kā 城市起造轉來，外來移民 mā 沓沓仔增加，到 18 世紀初期遮 ê 強勢文字交語言已經轉做德語，並愛接受咱講兄弟𪜶講 m̄ 是 ê Preußen 普魯仕交 Österreich 奧地利 ê Schlesische Kriege 西里西亞戰爭 ê 苦毒。

普奧戰爭，自來 tī Litoměřice 徛起 ê 新教居民轉家鄉，tī 16 世紀中葉 hőng 趕出去並禁止入城歇暝 ê 猶太人 mā ē-tàng 自在入城停跤 ，想 bueh 按家鄉生湠新活水 ê 普魯仕人交奧地利人 mā 齊徙岫到土地 ē-tàng 自由 bué 賣 ê Litoměřice。

1792 ~ 1815 ê 拿破崙戰爭 Litoměřice 又閣按交易市場行向落坐，戰爭一結束，徛位易北河 ê 伊又閣成做交易 ê 城市，人口 mā 新添雙倍數。

按捷克語行向德語 ê Litoměřice tī 1800 ~ 1815 教授捷克語，伊 mā 是波希米亞學校第一个教授當地人捷克語 ê 城市。

郵便局

1848 ~ 1849 ê 民族革命 Litoměřice ê 德裔波希米亞人想 bueh 成就大德國地圖，𫝛時當地 ê 捷克人 mā 開始追逐我是捷克人 ê 民族自決。

Tī 這段期間德國扞權者 uī-tio̍h 壓制捷克人 ê 民族意識，𪜶限制並汰選捷克人受教育 ê 權利，受德國扞權者打壓 ê 捷克人家己創辦學校教捷克人認捌家己，準做德國扞權者 m̄ 承認捷克學校 ê 文憑，捷克學校猶原創立並延續。

一戰結束，德國扞權者離開捷克，1938 德裔波希米亞人得著國會多數席次，大德國主義又閣行上捷克舞台，一直到二戰結束。

1945 年德國戰敗，德裔波希米亞人 mā 行向 16 世紀猶太人 ê 跤步 hőng 驅逐。

Litoměřice tī 二戰期間城市面貌無受著若德國本土城市 ê 破壞，𪜶猶原遵循城市原圖 kā 受傷 ê 歷史建築翻新整理。

捷克 ê 麥仔酒廠交德國相𫝛 ê 厚突突，Litoměřice tī 1720 年就設麥仔酒廠，不過伊 tī 二戰進前就停業並拋荒 hōo 後勻無地成做田螺循舊逝懷念。

Hussitenkelch auf dem Kelchhaus – Symbol der Stadt

城市象徵 Hus 聖杯 --- 青色若蓮花彼个

按捷克划向 Slovenská 斯洛划克上短 ê 路線是划過 Telč 特爾奇，tī 心喙目攏飽滇隨划向人口無夠 600人ê Horní Dubenky 露營地，一到搭隨趁鴨卵猶未豉甲紅冇冇，聊聊仔綴頭犁犁 ê 麥仔行跤花。紅透金 ê 自然畫布宛然家鄉 ê 軟晡，樸實 ê 教堂 tshan-tshiūnn 家鄉伯公廟 ê 椅條總是排 tī 埕門口 hōo 停跤 ê 人四序。

黛安娜箭一射，紅冇 ê 卵仁勻勻仔出泉成做皮蛋，徛起身隨見著 tī Litoměřice 綴美國學生聽老師講歷史 ê Jan Hus，喙角微微仔翹做菱角，感謝伊掖人 m̄ 是神 ê 種子 hōo 後沿 ê 人 ē-tàng 按地獄解脫 ---《心行尞》Kreis von Kreisen ▪ 翹頭查某, Au revoir ▪ 車日子。

2022 落南 Balkans 巴爾幹車日子，翁某 uī-tio̍h 一粒頭兩人額專工向東鉸頭鬃，半路停跤 Horni Dubenky 搪著伊交臺灣歷史是霧嘎嘎 ê Jan Hus 石碑隨注心搜揣伊 ê 故事，總是我 m̄ 是研究者，我 tuì 伊 ê 好玄注心到後尾猶原賰 Litoměřice 這个上北波羅的海三國，猶原 uī-tio̍h 兩粒頭，一人額專工向東再上北 ē 經過 ê 城市。

我屬低路人，頭內 ê 海馬泅無五十米就罷工，所致準做 gún kā 舊城踅三逝 gún 猶是揣無 Google 賜 ê 智慧 Kelchhaus 胡斯聖杯厝，當我準備斡頭揣霜淇淋補清心，一陣美國學生按鬧猜猜步頻恬 tsih-tsih 跟綴引路人 ê 手擔頭金金相。

「彼蕊蓮花設計甲真龜怪」我 mā 跟綴美國學生成做貓擔頭貓貓相。

「彼蕊設計甲誠龜怪 ê 蓮花就是你揣規半晡齊揣無 ê 胡斯聖杯」gún 翁那覕喙那講。

2024 巡田園翻田塗，想著這件見笑代隨想著若無劉盈成助理教授 ê 註解《都柏林人》喙舌閣搭佇下脣這段，我 ē 掠做是這張圖。

繼續向行前搪著 ê 貨車嘉年華會

栽欉 --- 2023.07.19

翻田塗 --- 2024.12.29