亂皂𥴊仔店 ⓂⒺⒾⓃⓀⒾⓄⓈⓀ

(2022.12.08 早起頓 ひき肉馬鈴薯 Tshì-sù 滷 + 水牛 Tshì-sù 菜蔬生菜盤 + 藍莓優格/901kcal)

翁 tuì 錢項佮感情 ê 想法是行正爿，我是行倒爿。

兩个想法無相𫝛 ê 人有法得相佮牽手到今，無一个人需要 kā 橫柴剖 buē 開當做練身體或是 kā 歹話當好話聽當做是食補。

窮真講我個人是認為佮我家己 m̄ 免蹛人 ê 砛簷跤討食有關係。

起因，gún 兩个人攏無彼款，拜堂後 m̄ 管水較按怎淹到鼻空攏愛繼續齊行仝命到透尾。

總是，拆白講無這款想法 ê 人是我，m̄ 是 gún 翁。

我 ê 意思是門扇枋鬥 buē 峇，我 buē uī-tio̍h 落塗紙頭無姓，紙尾無名這款問題 tuì 家己講搪著 ê 問題攏是有彼號喙無彼號心來解釋落塗時八命字。

我 ê 四常真簡單。

時行 ê 代誌 tuì 我來講 tshan-tshiūnn 這句話「姻緣天註定，m̄ 是媒人跤𠢕行」。

我個人較倯，我愛俗香兼芳閣點 buē 過➀。

Sóo-tí，搪著 gún 翁問我敢 bueh bué 這 bué 彼，我攏 ē 講鼻 buē 著火燒厝 ê 味，有厝味(有趣味)。

伊見聽我按呢應攏 ē 應講按呢我攏無機會送你禮物。

見若聽伊按呢講我攏 ē 應講感謝 gún 兜 ê 疼某大丈夫。 

聽著這伊會哭呻我又閣攑日本剾刀𠞭伊 ê 肉。

不而過，事實是伊若是 kā 我提 hōo 伊 ê 滾水燃 hōo 滾，話聽 hōo 斟酌，伊就 buē 感覺我 teh kā 伊欹空。

這月日，我讀著佮 gún 阿母仝鄉 ê 作家陳胤先生出新詩本《日子》。

我主動請教伊，伊敢 ē-tàng 成做我 ê Nikolaus。

Tī 我猶末出喙進前，伊已經開始交代伊 uī-tio̍h gún ê 未來 bueh 款啥物物件。

聽伊講甲喙角全全波 buē-su 這件代誌是我交代 hōo 伊 ê 大任務𫝛款。

我恬靜聽伊分拆事項，伊看我一聲攏無應，龍鳳相陪 tsuē 冬伊知影粟仔烏去，䆀--á。

開始工夫盡展，解釋伊驚我枵，驚我寒等等。

檢采這款未開唬唬叫，見開無半票 ê 齣頭看甲𤺪，我 buē 閣了工 kā 家己舞甲會呼雞 buē 歕火➁佮伊踅金龜磨。

「我 tuì 講甲一畚箕，做無一湯匙 ê 代誌已經訓練到 buē 閣去時紅膏赤蠘，轉來鼻流瀾滴➂。」

「雖罔按呢 mā 無表示你興燒酒，我 mā 愛綴 leh 興」。

「尤其是家己開菝仔票閣㧣講是別人開--ê」。

「我確實是田無園，厝無宅，m̄-koh 我猶是有才調出錢 ê 人出主意佮你平徛起」。

這段話講無外久，聚珍臺灣來批講冊已經到位 ē-tàng 寄來德國。

我無任何 bueh kā gún 翁偏 ê 意思，總是 uī-tio̍h bueh hōo 家己 m̄ 免閣 uī-tio̍h 別人 ê 喙潤著災。

我家己先開喙問，恁敢 bueh 成做我 ê Nikolaus？

伊猶原是𫝛一齣問講「偌 tsuē 錢」紲落來「敢 buē-tàng 較停仔 tsiah bué」。

我知影伊抾拾，總是抾拾 buē-tàng 提來成做 hōo 某 ê 手縫閬。

阿母 m̄ 捌字，m̄-koh 阿母分享 ê 智慧 hōo 我 tī 婚姻內底有底氣魚 huān 魚，蝦 huān 蝦，m̄ 免怨慼嫁入穿是綾羅紡絲，食是山珍海味人兜。

我煞連一个茭薦攏無通出去分食。

聽候《二七部隊》佮《日子》遮 ê 冊來遮佮我相會。

另外，這款代誌敢閣有後一回?

照我這个火烌人歹性地，一件代誌 buē 堪得直透踅玲瓏 kā 遮 ê 拔仔票當做配當➃。

Sóo-tí，我會 hōo 這款事項行入出錢 ê 人出主意，buē 閣開喙。

寫甲遮按呢成做龍鳳誠古怪。

總是，無藏水沬 kan-na 泅水呔 ē 知影海底 ê 世界敢有適合我。

我 m̄ 知我泅 ê 水敢有適合 gún 翁，總是我知影我用心看海底世界佮筅黗廢料。

只是，我 mā 知影我無可能一直筅伊倒 ê 廢料。

➀ 東西又好又耐用，物美價簾

➁ 極為疲累

➂ 期待成真最後卻落空

➃ はいとう.Haitō/股東分紅利

ひき肉塗肉林檎 Tshì-sù 滷

...... 材料 ......

煠好 ê 馬鈴薯　1kg

ひき肉　120g

洋蔥，切幼　1

滾水　200ml

寮仔 Tshì-sù　50g

酒　5EL

鹽、胡椒

...... 步數 ......

1. 洋蔥落鼎煏芳，ひき肉濫落去炒熟，酒、水濫落去煮10分鐘。

2. 馬鈴薯、Tshì-sù 摻落去，tiau 寡鹽、胡椒，樂暢來食。

(07.12.2022 Frühstück Kartoffeln mit Hackfleisch und Frischkäsesoße - Gemüsesalat mit Mozzarella - Joghurt/901kcal)

Liebe eine Person, du musst seine Bedürfnisse kennen und lass ihn frei sein, arbeitet nicht immer mit seinen Vorlieben zusammen, lass ihn glücklich sein.

Also, ich bin sehr müde das Problem nochmal schreiben.

Weil, das Problem für mich ist das ist mir Wurst.

Ich bin eine unabhängige Person und respektiere die Menschen Wünschen.

Dann schreibe ich das Problem nochmal, wie so?

Keine Ahnung.

Wahrscheinlich brauche ich einen Ausgang, um mich die Chancen auf den Ort zu haben.

Weil ich habe die Nase voll, sich immer wieder entschuldigen zu lassen.

Ja, mein Mann denkt das ist kein Ausrede.

Aber, wenn die Person fühlt nicht gut was er gesagt oder gemacht haben.

Und sie sucht die Lösung.

Aber leider er kümmt sie an nicht und macht es immer gleich. Das ist Ausrede.

Ich respektiere was die Menschen brauchen.

Also...ich bin sehr müde das Problem weiter zu schreiben oder reden

Wie ich bin sehr müde die Ausdere zu hören.

Für mich, wie man das Problem löst?

Einfach.

Ehrlich sagen " das ist nicht mein Problem. Du musst selbst Verantwortung übernehmen "

Das ist ok für mich.

Ich werde mich gucken.

Kann ich selbst Verantwortung übernehmen.

Dann denke ich was ich tun kann.

Nicht wie das.

Ich möchte dir helfen, aber.... blah blah blah....Quatsch.

Ich liebe mein Mann, aber ich muss seinen Familienmodus nicht kopieren.

Sie mag das, lass sie es tun.

Auch wenn sie nur weil sie nicht mögen und aufhören, was du tun möchtest. Du muss sagen, dass dies ein Weg ist, der Sie liebt dich.

Ich habe eine Seele.

Bedeutet, ich bin unabhängig.

Kann unsere Ehe fortgesetzt werden?

Ich weiß nicht. Aber ich weiß.

Ich habe keine Reaktionen auf die Entschuldigung meines Mannes.

Ich nehme also keine Zeit, um ihn zu verändern, aber ich kann mich ändern und ihn gehen lass.

Lassen Sie ihn eine Hello Kitty(Immer lächeln, aber niemals sprechen) finden, die für ihn richtig ist.

Mann...Ich hasse es, diese Dinge zu schreiben, aber ich habe wieder viele geschrieben.

Aber, ich weiß. Das wird das letzte Mal sein.

Meine Nase ist voll, die macht mich fertig.

Kartoffeln mit Hackfleish und Frischkäsesoße

...... Zutaten ......

Gekochte Kartoffeln　1kg

Hackfleisch　120g

Fein gehackter Zwiebel　1

Wasser　200ml

Frischkäse　50g

Weißwein　5EL

Salz ＆ Pfeffer

...... Zubereitung ......

1. Hackfleisch und Zwiebel in den Topf anbraten bis sie goldbraun sind. 

2. Wasser und Wein dazu geben, Deckel drauf, auf kleiner Stufe kochen ca. 10 Minuten.

3. Frischkäse dazugeben und gut mischen.

4. Mit Salz, Pfeffer abschmecken. Guten Appetit!

(07.01.2022 Breakfast Potato with Minced Meat and Cheese Sauce - Vegetables Salad and Mozzarella - Joghurt/901kcal)

Love a person, you have to know his needs and let him be free, does not always work with his preferences, let him be happy.

Well, I'm very tired of writing the problem again.

Because, the problem for me is not that important.

I am an independent person and respect people.

Then I write the problem again, why?

No idea.

I probably need an exit to have the opportunities in the place.

Because I'm sick of having to apologize again and again.

Yes, my husband thinks that is not an excuse.

But, if the person does not feel good what he said or did.

And she seeks the solution.

But unfortunately he does not take care of it and always makes it the same. That's excuse.

I respect what people need.

And ... I'm very tired to continue writing or talking

But I am very tired of hearing the excuse.

For me how to solve the problem?

Easy.

Honestly say "that's not my problem. You have to take responsibility yourself"

That's okay for me.

I will look.

Can I take responsibility myself.

Then I think what I can do.

Not like that.

I want to help you, but .... Blah Blah Blah .... Nonsense.

I love my husband, but I do not have to copy his family mode.

She likes that, let her do it.

Even if she just because she do not like and stop what you want to do. You have to say that this is a way she loves you.

I have a soul.

Means I am independent.

Can our marriage be continued?

I do not know. But I know.

I have no reactions to the apology of my husband.

So I do not take a time to change him, but I can change myself and let him go.

Let him find a hello kitty(always smile but never speak) that is right for him.

Dear ... I hate to write these things, but I wrote many again.

But I know. That will be the last time.

My nose is full, which makes me enough to repeat and repeat again.

Potato with Minced Meat and Cheese Sauce

...... Ingredients ......

Cooked potatoes　1kg

Minced meat　120g

Onion cut into small pieces　1

Water　200ml

Cream cheese　50g

White wine　5EL

Salt ＆ Pepper

...... Method ......

1. Fry the minced meat and onion in the pan until they are golden brown. 

2. Add the water and wine, put the lid on and cook on a low heat about 10 minutes.

3. Add the cream cheese and mix well.

4. Season with salt, pepper. Enjoy your meal.