不論扞鼎抑是無，我 ê 食食喙斗 m̄ 捌走過回頭車 ê 一日熥三斗抑是隔轉日接力走標繼續熥。
這是好喙斗抑是喙白，知食 m̄ 知訴喉韻 ê 我 m̄ 知機，總是我清楚知影無走回頭車 ê 食食慣勢 hōo 我白汫無素 ê 人生，有機會按舌楦到全世界 m̄ 是縛 tī 仝世界像大多數 ê 德國人，一塊麭餾三頓，閣按三頓餾一世人。
食食反應人生，人生反應食食，gún 翁 ê 心肝寶貝𪜶勥母就是上好 ê 見本，一塊麭餾三頓，閣按三頓一世人，人生大細事 mā 相𫝛，六十冬前 hōo 西班牙人建議改手路，六十冬後手路原在 m̄ 捌改變，建議 ê 人按西班牙人改做台灣人，伊四界投 hōo 人知 ê 理由猶原相𫝛 m̄ 捌改變，台灣人無食 ê 文化 m̄-tsiah m̄ 捌貨。一个人一世人有才調堅持 m̄ 進步 mā 是厲害。
咸豐三，講到今，換題目。
驚蟄(kenn-ti̍t)交換手 hōo 春分進前，天無喙清甲淚珠㴙㴙落，不過依依難捨幔在眼前 hōo 合該是白清透光 ê 頂晡轉做文青 LOMO 風 hōo 我 Blue。
Canon ê Auto 已經強甲 m̄ 免修圖，搪著天 ê 喙清 mā 愛承 Blue，唉。相機收好勢，大聲喝翁來食飯，那食那愖冰箱賰無半節 ê 瓜仔哖交愈來愈熟 ê 鱷梨仔敢有才調聽候到日鬚來行踏。
愖仔愖，愖無四伨 ê 備案，阿修羅隨來點磺火情緒叨撚，好好 ê 気持ち因為這磺火，隨 buē 臭殕隨反烏。
這定著是換年➀ê 影響，攕那插那 tuì 阿修羅講「你點 ê 磺火 tuì 我無效應」， 攕那插喙那享受瓜仔哖、林檎、麻仔葉、鱷梨仔交橄欖油、Lê-bóng 汁 tī 舌跳芭蕾 ê 幸福。
林檎又閣翻頭一公斤箍外，瓜仔哖 mā 按一支 0.59€ 起價到 1.19€，鱷梨仔....m̄ 敢繼續想落去，這篇食譜規氣莫記錄...無可能無記錄，我愛這色緻 mā 愛這滋味，這久無記錄後回就愛大海摸針，費氣費觸。
攕那插喙那哺，bueh kā 歹代誌揣出好方法，就是交伊隨人付米，隨人落鼎，聽候時間掖鉛粉...
隔轉日 m̄ 管天色如何，心肝穎 ê 綿死綿爛猶原 m̄ 放伊走，新點點是短時間，短時間是新點點，昨日成做過了代，今仔日 ê 過了代猶未過磅空，冰箱 ê 瓜仔哖捎出來削片，熟甲 kiōng-bueh 做糜 ê 鱷梨仔輕輕仔剝，文文仔切，遮光 ê 林檎揀一粒，今仔日猶未成做明仔日，田螺循舊逝，大丈夫。
田螺循舊逝，大丈夫，較行 mā 仝逝 ê 猶原 LOMO 風格...
我 ê 世界是彩色，我 ê 心情是 Panton，我 tuì 1950 無痴迷，Um das Gute zu lesen, ist eine Bedingung, dass man Schlechte nicht lese Bueh 讀出好 ê 物件，就是莫讀出歹 ê 物件。
日子是一卷冊，今仔日讀 ê 字句交明仔載讀 ê 字句無相𫝛，放阿修羅去修行就是准家己按山雺出帆。
➀ Wechseljahre 換年，更年期(king-liân-kî)
驚蟄正式交換手 kā 透早 ê 6 點交 hōo 春分 ê 7 點，天見著新 ê 幸福做伴，金絲四散旋藤，我紅龜生蟲，龜怪 ê 情緒 mā 按磅空行出來。
感謝阿羅 ê 分張 hōo 我 m̄ 免交欠缺 ê 鱷梨仔、林檎、瓜仔哖走相逐。
粉透金，金透紅 ê 林檎文文仔切，膨皮甲若埃及番薯 ê 鱷梨仔輕輕仔剝，勻勻仔切，飽水 ê 瓜仔哖薄薄仔削，麻仔葉順橄欖油寬寬仔泅，Lidl 過 App ê 無料青豆仁取來敆，擘腹過期 m̄ 知按怎敆味 ê 白銀魚款出來敆。
春來掖鉛粉矣，今仔日 ê Canon m̄ 免調 P, Av, Tv...自動定 Auto，這是春分 ê 色緻，這是我 ê 春分。
好看䆀看在人看，好食䆀食在人食，我 ê 春分上美麗，我 ê 林檎綠生菜盤上合我胃。
林檎綠生菜盤
...... 材料 ......
林檎，切片 1
鱷梨仔，切片 1
麻仔葉 100g
瓜仔哖，切片 1
青豆仁 30g
紅洋蔥，刴幼
蒜頭，刴幼
芥辣醬 1TL
蜂蜜 1TL
Lê-bóng 汁
橄欖油 1EL
芳料草
鹽、胡椒
...... 步數 ......
1. 芥辣醬、蜂蜜、Lê-bóng 汁、橄欖油、鹽、胡椒濫做一伙抐 hōo 齊。
2. 麻仔葉、蒜頭、洋蔥、芳料草、青豆仁濫做伙搜齊，Sòo-sù 濫落去搜齊。
3. 瓜仔哖、林檎、鱷梨仔舖落去，樂暢來食。
Ich weiß nicht, ist das eine Eigenart? Ich kann die gleichen Mahlzeiten nicht in kurzer Zeit wiederholen.
Ich weiß nicht, ob das Hobby besonders ist oder nicht, weil die Deutschen, die ich kenne, bei jeder Mahlzeit dasselbe essen und sich nie ändern.
Warum? ist das Hobby eine Traditionell für den deutschen, wie englisch?
Ich habe viele Englisch getroffen, die den Reis mit Honig und Milch zusammen mit Salat essen und mir sagen, dass das super lecker ist.
Eine super interessant Geschmack, oder?
Wegen dem Wetter das Bild sieht nicht so gut aus, ich fange an verrückt zu sein, das Essen muss ich wiederholen bis ein schönes Bild machbar ist.
Und dieses mal, ich kann das Essen schnell wiederholen, ich muss meinem Nachbar danke sagen, ohne ihn werde ich in meine verrücktheit festhalten, weil Avocado jetzt sehr teuer ist.
Ja, der Preis ist auch großes Problem für mich, ich möchte das Bild weiter machen, aber wegen dem Preis muss ich der Wunsch aufgeben, dann das Problem macht ich auch verrückt.
Ich bin seltsam, ich weiß, aber ich repariere es, wie Arthur Schopenhauer sagt, Um das Gute zu lesen, ist eine Bedingung, dass man Schlechte nicht lese. Ja, ich muss es lerne, Das Schicksal wollte es so, ich muss warten und Geduld haben.
Das Essen ist jetzt das dritter Mal gemacht, es sieht noch nicht so gut aus, aber ich bin schon zufrieden, weil ich kein Photograph bin.
Und wichtiger ist, ich habe den neuen Geschmack gefunden, den Hering nicht nur mit Rote Beete, der Hering passt mit den Salat und Knäckebrot.
Grüner Salat mit Apfel
...... Zutaten ......
Apfel in Scheiben schneiden 1
Avocado in Scheiben schneiden 1
Rucola 100g
Gurken in Scheiben schneiden 1
Erbsen 30g
Fein gehackte rot Zwiebel
Fein gehackter Knoblauch
Senf 1TL
Honig 1TL
Zitronensaft
Olivenöl 1EL
Kräuter
Salz, Pfeffer
...... Zubereitung ......
1. Olivenöl mit Zitronensaft, Honig, Senf, Salz und Pfeffer gut verrühren.
2. Rucola mit Knoblauch, Erbsen, Kräuter und Zwiebel gut vermischen, Soße dazugeben und gut vermischen.
3. Gurken mit Apfel und Avocado hinzufügen. Guten Appetit!
I don't know is that a special feature? I can't repeat the same meals in a short time.
I don't know, the hobby is a special feature or not, because the Germans I know eat the same thing at every meal and never change.
Why? is the hobby traditional for the German, like English?
I have met a lot of English, eat the rice with honey and milk together with salad, and tell me that is super delicious.
A super interesting flavor, right?
Because of the weather the picture doesn't look so good, I'm starting to be crazy, I have to repeat the meal until a nice picture is feasible.
And this time, I can repeat the food quickly, I have to say thank you to my neighbor, without it I will hold on to my craziness because Avocado is now very expensive.
Yes, the price is also a big problem for me, I want to continue making the picture, but because of the price I have to give up the wish, then the problem also drives me crazy.
I'm strange, I know, but I'll fix it, as Arthur Schopenhauer says, To read the good, one condition is not to read the bad. Yes, I have to learn, fate wanted it that way, I have to wait and be patient.
This is the third time I've made the food, it doesn't look so good yet, but I'm satisfied because I'm not a photographer.
And more importantly, I have found the new taste, the herring not only with beet, the herring goes well with the salad and crispy bread.
Green Salad with Apple
...... Ingredients ......
Apple cut into slices 1
Avocado cut into slices 1
Arugula 100g
Cucumber cut into slices 1
Beans 30g
Finely chopped red onion
Finely chopped garlic
Mustard 1TL
Honey 1TL
Lemon juice
Olive oil 1EL
Herbs
Salt, Pepper
...... Method ......
1. Mix the olive oil with lemon juice, honey, mustard, salt and pepper well.
2. Mix the arugula with garlic, peas, herbs and onion well, add the sauce and mix well.
3. Add cucumber with apple and avocado. Enjoy your meal!
留言列表
冊 ▪ Bücher ▪ Books (4)
