亂皂𥴊仔店 ⓂⒺⒾⓃⓀⒾⓄⓈⓀ

(2022.05.01 減肥早起頓。Mozzarella 柑仔蜜 săn-tó͘-it-chih，蕃茄莫茲瑞拉三明治)

頂幾日換手機仔，步頻發見我 ê 手機仔無面冊、IG 遮 ê 社群媒體，我 ê 意思是無 tshan-tshiūnn 臺灣 ê 手機仔攏 kā 你設定甲好好 m̄ 免家己上 APP 家己掠。

因為這件新發現 hōo 我想著面冊近來 tī 歐洲 ê 新聞，面冊想 bueh iōng What's APP 來縛肯使用 What's APP m̄-koh 煞反對使用面冊 ê 人。

面冊掠做伊按呢「無使用面冊就 buē-tàng 使用 What's App」ê 恐嚇絕對 ē hōo 𪜶 ê 業務量滇流甲地球外，歐盟政府 mā-ē 翻頭轉來𪜶姑情莫走。

無疑誤，算盤擉精猶原精 buē 過人心，𪜶 ê 業務無滇流顛倒洘流甲海坪(phiânn)內 ê 垃圾生態 hőng 捎出來講 hōo 𪜶 mā 纏綴周瑜(û) ê 雙頭了。

本底伊 m̄ 相信周瑜𪜶 ê 小妹 ē 遮爾仔無伨兄哥，畢竟攏 teh 使用 What's APP 是按怎 buaih īng 面冊。

等到誠實得 buē 著荊州又閣失去 tsuē-tsuē 兵將 tsiah 緊學荷蘭囡仔 kā 手指頭仔楔入去漏水 ê 所在，止水滴，止水走，止水流。

總是，猶原遮 ê 治療猶是無較縒，𪜶 tī 歐盟 ê 業績 tshan-tshiūnn 水庫出埒(lua̍h)，別 ê 競爭對手煞因為𪜶 teh 滇流，Telegram 就是其中一个。

舉一个例，gún 翁佮伊 ê 朋友就是面冊想 bueh 縛粽 ê 對象，𪜶一讀著隨个仔隨个換去 Telegram 佮臺灣人較罕 teh 使用 ê APP。

面冊 ê 例，誠誠實實是你貪人 ê 利，人 buē 貪你 ê 母 ê 教材。

彼久 ê 我猶 teh 使用面冊 mā kā 遮 ê 故事分張 hōo 朋友聽，朋友十个有十一个攏認為 gún 翁佮伊 ê 朋友 uī-tio̍h 反對來反對。

凡勢是有歲頭，正經食過 ê 鹽比遮 ê 較 tsuē sóo-tí 我無綴𪜶繼續踅這个問題「Uī-tio̍h 反對來反對」teh 踅玲瓏，總是遮 ê 佮我平歲抑是 tsuē 歲 ê 朋友，伊所分張 ê 想法確實成做我押尾決定無 bueh uī-tio̍h「驚揣無人」ê 問題繼續跍 tī 面冊。

我上面冊從來 m̄ 是相趁相喊，我上面冊 kan-ta 無想 bueh hőng 感覺歹鬥陣，總是真正上面冊我猶原歹鬥陣，而且面冊帶 hōo 我足 tsuē 糞埽，無私人空間。

是講，彼个私人空間 mā 是家己 teh 龜怪好耍，莫 kā 揤「確定加入好友」就 buē 有這个問題，準做對方佮咱一屑仔攏無啥交情，我猶原認為無 kā 揤「確定加入好友」是一件足失禮 ê 代誌。

我 ê 天公伯，我又閣咸豐三，講到今，m̄ 通，過了代就 hōo 伊過了代，m̄ 通熥 buē 離 ē 歹腹肚。

感謝朋友 ê 開破 mā 感謝翁 ê 分張，起因無𪜶 ê 分張，我正經 buē 去愖遮 ê 問題，像捷捷讀著人 teh 哭呻面冊 ê 無公平煞繼續留踮面冊抑是順面冊 ê 14 調整伊 bueh 分張 ê 內容。

我無想 bueh 按面冊得著啥物，sòo-pái 我想 ē 著 ê 代誌就是離開這个資本社會，畢竟面冊是倚靠社會大眾 m̄ 是社會大眾倚靠伊，伊無社會大眾 ê 支持，伊敢有法度遮爾仔靠勢，這是我個人 ê 想法，準做我 ê 離開 buē 造成面冊 ê 損失，總是我 ê 日子過甲較清幽，tshan-tshiūnn 面對彼間有寫佮無寫攏相𫝛 ê 一句道歉攏無 ê 客戶服務回答，我 ê 選擇是莫繼續去彼个集團 ê 店 kā 𪜶交觀就好，起因我清楚知影𪜶無欠我一个，我 mā 無遐爾仔依賴𪜶兜 ê 物，畢竟現此時是地球庄，sóo-tí m̄ 免 kā 別人 ê 苛頭儉 tī 心肝穎。 

另外，離開面冊了後，我敢有損失著啥物，無，我 ê 世界猶原相𫝛，自本是朋友 ê 朋友猶是朋友 buē 因為我無面冊就斷了連絡。

Mozzarella 柑仔蜜 săn-tó͘-it-chih

...... 材料 ......

Mozzarella，切片　1

Kam-má-tooh，切片　2

頭目サラダ(奶油萵苣)

橄欖油　1EL

鹽、胡椒

...... 步數 ......

1. 一層Mozzarella、生菜、Kam-má-tooh，tiàu 寡鹽，橄欖油淋落去，樂暢來食。

(2022.05.01 Frühstück zur Gewichtsabnahme. Ｍozzarella-Tomaten Sandwich)

Ich habe neues Handy aus Deutschland.

Ich habe gedacht jedes Handy System ist gleich, der Unterschied im Handy ist nur die Sprache.

Aber, in Wirklichkeit ist das System ist auch unterschiedlich.

Zum Beispiel, ich habe gedacht, wenn ich das Handy öffne.

Ich kann gerade Facebook sehen und nach dem Google Login, Facebook funktioniert auch.

Im Handy, ich sehe nicht Facebook. Das ist sehr interessant.

Dann habe ich mich sofort an die Zeitungen erinnert.

Facebook wollte mehr Daten sammeln, und neue Regel machen.

Wenn du What's APP hast, aber keine Facebook, du muss ein Facebook Konto haben.

Ohne Facebook, ihre What's APP wird nicht funktionieren.

Die Regel machte dass mehr Leute von What's APP zum Telegram oder Singal und so weiter gewechselt haben.

Facebook kündigte dann sofort, wir machen die Regel nicht.

Aber alles zu später.

Weil, von die Impress Daten zum lesen, die Leute mit What's APP sind weniger geworden.

Ich habe die Information an meine Freunde geschickt warum ich kein Facebook habe und was Europäischer Datenschutz will.

Mein Freunde, nicht alle aber viel sagen, ist das wichtig?

Du machst nur ein neues Konto, dann kannst du mehr Informationen lesen und der Gruppe teilen.

Ich anworte denen nicht, weil für mich ist das einfach.

Ich möchte in Ruhe leben und ich suche gerne Informationen selber und lese gerne.

Und obwohl ich kein Facebook habe, es gibt noch andere Kontaktmöglichkeiten.

E-Mail oder Telefon.

Ｍozzarella-Tomaten Sandwich

...... Zutaten ......

Mozzarella in Scheiben schneiden　1

Tomaten in in Scheiben schneiden　2

Salat　

Olivenöl　1EL

Salz ＆ Pfeffer

...... Zubereitung ......

1. Zuerste die Mozzarella verteilen, dann Tomaten, Salat, mit Salz und Olivenöl abschmecken. Guten Appetit!

(2022.05.01 Breakfast for weight loss. Mozzarella and tomato sandwich)

I have a new cell phone from Germany.

I thought every cell phone system is the same, the only difference in cell phones is the language.

But, in reality the system is also different.

For example, I thought when I open the cell phone.

I can see Facebook directly and after logging in to Google, Facebook works too.

On the phone, I don't see Facebook. This is very interesting.

Then I immediately remembered this news.

Facebook wanted to collect more data and make new rule.

If you have What's APP but not Facebook, you must have a Facebook account.

Without Facebook, your What's APP won't work.

The rule made that more people switched from What's APP to Telegram or Singal and so on.

Then Facebook immediately announced that we are not doing the rule.

But all too later.

Because according to news reports, More and more people no longer use what's APP.

I have sent the information to my friends why I don't have Facebook and what European data protection wants.

My friends, not all but say a lot, is that important?

You just create a new account, then you can read more information and then you can many Facebook Clubs.

I don't answer them because it's easy for me.

I want to have a life in peace and I like to find information and read by myself.

Even if there is no Facebook, there are still other ways to contact.

E-mail or phone. 

Mozzarella and tomato sandwich

...... Ingredients ......

Cut the mozzarella into slices　1

Cut the tomatoes into slices　2

Salad　

Olive oil　1EL

Salt,pepper 

...... Method ......

1. First spread the mozzarella, then tomatoes, lettuce, then season with salt and olive oil. Enjoy your meal!