亂皂𥴊仔店 ⓂⒺⒾⓃⓀⒾⓄⓈⓀ

(2023.10.13 早起頓 敏豆蘑菇雞肉炒 + 清飯 + 優格/873kcal)

M̄ 知按底時開始，食一个物件抑是分張佮意 ê 物食攏愛 tuì 人講喙尾，好味素無。

我無反對別人成做美食專家，總是我討厭別人要求我愛成做𪜶 ê 美食專家。

佮 gún 分張喙尾，敢 ē 減你一塊肉？

敢有需要遮爾仔孤佬 kā gún 講一句好味素抑是䆀味素敢？

分張喙尾，buē 減我一塊肉，我 mā buē 孤佬，起因食譜抑是物件攏攢 tsiâu-tsiâu hōo 你試鹹汫。

總是，這 mā m̄ 是一開始搪著就認捌 ê 問題。

總是，我 mā m̄ 是彼款 ē 放爛𤶃仔一直湠一直爛 ê 人。

時間到了，我自然 buē 閣做寡戇狗顧山草，家己 ê 想法 m̄ 管 kan-ta 要意別人。

總是，我若欠錢需要 Fans 我絕對 ē kā 喙斗，好味素無講甲一枝柄。

現此時是網路世代，m̄ 免踏出門 mā ē-tàng 成做五路行透透 ê 人，tshan-tshiūnn tsuē 冬前搪著 ê 先生 kan-ta tī 德國 Frankfurt 機場換 pue-lîng-ki 就 kā 德國捌透透，順紲 kā gún 翁問講，伊開 luā-tsuē 錢娶我。

彼陣聽伊按呢講感覺侮辱，現此時無感覺，起因做見笑代 ê 人是伊，m̄ 是我。

伊想 bueh 展家己田園滿厝間佮十八港路行透透，結果成做隱痀拋捙輪，食力閣歹看。

Gún 翁冇談 ê 問題無法度回答閣揣無人 ē-tàng kā 鬥翻譯，因由我雄雄 buē 曉講華語佮台語。

自 kā 面冊口座刣掉，頭殼步頻想著這句話。

五月十三迎城隍，無旗不有(無奇不有)

以前掠做愛出門 tsiah 有法度搪著龜叨鱉趖，現此時免出門就 ē-tàng 搪著無奇不有 ê 魔王嫁查某囝，假鬼假怪 ê 心適代，有14 不過我無綴遮 ê 心適代踅金龜磨。

Sòo-pái，現此時搪著 ê 無毛雞假大格大部份攏 tī 現實環境。

遮 ê 人自本就有，sòo-pái 我 mā buē uī-tio̍h 𪜶 ê 牛角歕無風風火著，除非無本事 ê 𪜶已經 m̄ 是 iōng 叫 ê 方式來攪擾我。

敏豆蘑菇雞肉炒

...... 材料 ......

雞襟胸，切塊　400g

蘑菇，切塊　400g

Kam-má-tooh，切塊　2

敏豆，切橛　400g

蒜頭，刴幼

酒

滾水　200ml　

豆油　1EL

糖　1/4TL

鹽、胡椒

...... 步數 ......

1. 雞肉落鼎炒熟，tiàu 寡酒，提出來。

2. 洋蔥、蒜頭芡芳，落蘑菇、敏豆、Kam-má-tooh 落鼎炒軟，雞肉濫落去。

3. 豆油、滾水、糖、蒜頭濫落去搜齊煮10分鐘，tiàu 寡鹽、胡椒，樂暢來食。

(13.10.2023 Frühstück Hähnchen mit Bohnen und Champignons - Reis - Joghurt/873kcal)

Ich weiß nicht seit wann viele Leute Fragen.

Wie schmeckt es, wenn Sie das Bild anschauen.

Ich werde mein Erfahrung teilen.

Aber langsam... ich finde das ist sehr seltsam.

Warum, die Leute könne nicht erstmal probieren.

Weil mein Geschmack ist nicht ihr Geschmack.

Ich bin nicht freundlich?

Ich weiß.

Aber ich liebe den Satz von einem  American's Chef.

If looks good, eat it.

Hähnchen mit Bohnen und Champignons

...... Zutaten ......

Hähnchen in Stücke geschnitten　400g

Champignons in Stücke geschnitten　400g

Tomaten  in Stücke geschnitten　2

Bohnen in Stücke geschnitten　400g

Fein gehackter Knoblauch

Wasser　200ml

Sojasoße　1EL

Weißwein　

Zucker　1/4TL

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, Weißwein dazu geben und gutmischen, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind.

3. Bohnen, Tomaten und Champignons in die Pfanne geben und anbraten bis sie goldbraun sind, Wasser, Sojasoße und Zucker dazu geben und gut mischen. 

4. Hähnchen dazu geben und gut mischen, ca. 10 Minuten kochen.

5. Mit Salz und Pfeffer abschmecken. Guten Appetit!

(13.10.2023 Breakfast Chicken with Green Beans and Mushrooms - Rice - Yogurt/873kcal)

I don't know since when i asked a lot of people.

How does it taste when they look at the picture.

I will share my experience.

But slowly ... I think that's very strange.

Why, people can't try it first.

Because my taste is not their taste.

I am not friendly?

I know.

But I love the phrase from an American's chef.

If looks good, eat it.

Chicken with Green Beans and Mushroom

...... Ingredients ......

Chicken　400g

Mushroom cut into pieces　400g

Green beans cut into pieces　400g

Tomatoes cut into pieces　2

White wine　

Water　200ml

Finely chopped garlic　

Sugar　1/4TL

Soy sauce　1EL

Salt ＆ Pepper

...... Method ......

1. Put the chicken in the pan and fry until golden brown, add white wine and then take it out.

2. Put the onion with garlic in the pan and fry until they are golden brown.

3. Put the beans, tomatoes and mushrooms in the pan and fry until they are golden brown, add water, soy sauce and sugar and mix well.

4. Add chicken and mix well, cook for about 10 minutes.

5. Season with salt and pepper. Enjoy your meal!