亂皂𥴊仔店 ⓂⒺⒾⓃⓀⒾⓄⓈⓀ

(2024.02.05 綠草花ひき肉炒 + 秮仔 + 秮仔麥角 Quark/992kcal)

佮白草花(Weißkohl)、米蘭草花(Wirsing)遮 ê 兄弟姊妹攏屬仝一家族 ê 綠草花(Grünkohl)，伊就若䆀鴨仔(Das hässliche Entlein) m̄ 管幼穎抑是老欉伊佮其他 ê 兄弟姊妹就是生做無相𫝛 ê 瘦抽無大頭 kan-ta 葉。

綠草花 tī 德國通用德語號做 Grünkohl 抑有其他 ê 講法 Braunkohl, Krauskohl oder Oldenburger Palme，伊愛食落霜，因為愛食落霜 hōo 伊食起來甘甜，屬十字花科植物 ê 伊 mā 有厚厚 ê 芥子油苷(Senfölglykosiden)佮飽滇 ê 維生素 - A, B2, E, K、B3，礦物質 - 鈣(kài)，葉酸，磷(lîn) 、鐵，纖維，卵白質 mā 比牛奶 tsuē ，牛奶100g/3.3g，綠草花100g/4.3g。

綠草花除了有以上 ê 營養 mā 有二級植物物質 a.k.a. 二次代謝物 tuì 免疫系統佮血油攏有真大 ê 幫贊，綠草花凡勢是按希臘湠到義大利，再按希臘湠到中西歐洲、北美洲佮東西非洲地區，栽欉時間自九月底到隔轉冬三月初，tī 德國伊 mā 有這个字名 Oldenburger Palme 是按北德 Ossietzky Universität Oldenburg(大學)生湠 ê 品種。

「照理來講德國南爿較𠢕落霜是按怎遮爾仔僫見著綠草花」愛食新沢綠草花無愛罐頭口味 ê 我請教德語比我較老較輾轉 ê 翁。

「Keine Anhnung/毋知」翁應。

「你捌喙白無」我刁意故問。

「這我就蹛 tī 巷仔內，內行」伊笑應。

因為 YouTube 紹介我看 30 Tage ohne Zucker: Das große Experiment | stern TV (Teil 1)我 tuì  6:00~ 8:10 這段啥物是「Davon Zucker」ê 毋知隨做貓 tuì 電腦佮厝內 ê 包裝貓貓仔相，原來 Davon Zucker 是外添 ê 糖 m̄ 是食材本身 ê 醣 a.k.a 含水碳素，本底若 Hesse Im Nebel(罩霧)隨成做 Helge Kreise von Kreisen，圓湠圓，圓結圓，想著仝款是 YouTube 推薦 ê 德國節目，討論新沢草花佮罐頭草花 ê 智識 --- 綠草花本身就有厚厚 ê 醣 m̄ 免閣添糖 hōo 我想著白草花𤉙到押尾 mā 是甘甜 m̄ 是「鹹酸甜」，像德國酸菜(Sauerkraut/kohl) mā 好玄這按捷克來 ê 雞卵糕餅有偌 tsuē 糖。

包裝建議，一擺食三塊，三塊 67kcal，糖份 42g，照衛生福利部國民健康署「國人糖攝取上限 -  每日飲食中，添加糖攝取量不宜超過總熱量的10%」kan-ta 這三塊就超過我一工 ê 需求， 隨改變食食慣勢，本底兩人六塊 84g，這久換做兩人三塊，一人 21g，這是健康署建議 ê 糖，這 tuì 我來講是好節 ê 部份，鹽一日 5g 彼是比上七層雲閣有法度活跳跳閣較困難 ê 代誌，畢竟我無法度 kā 日子過甲若德國衛生部長 Karl Lauterbach ê " Senza sale " buaih 濫鹽過日子。

「咱食 ê 物件已經有夠額 ê 鹽，所以 m̄ 免閣添」伊 ê 分張。

我同意伊 ê 講法，總是足僫控制，m̄-koh gún 逐頓 ê 鹽額 mā 是固定掠 1/4TL 1.25g 左右 m̄ 捌改變，除非是食罐頭像「鰮仔魚麻仔葉 I-tá-lih 麵」，我就 buē 閣掠外搣鹽，因為鰮仔魚 ê 鹹度已經有夠額，寫到遮想著頂月日 ê 暗頭仔食鹽，半暝反症 ê 艱苦 m̄ 通閣來一斗。。

寫 Blog 正經是有 14 ê 代誌，起因迵過寫 Blog 我佮 tsuē-tsuē m̄ 捌愖過 ê 智識成做圓箍，像 Helge ê Kreise von Kreisen mā 因為迵過寫 Blog hōo 我有機會修正問題佮提醒家己 m̄ 通講係一溜水，做事無半撇(gongˋ he idˋ liu suiˋ ， zo se moˇ ban piedˋ)。

綠草花 ê 親情朋友

綠草花ひき肉炒

...... 材料 ......

綠草花　500g

ひき肉　150g

洋蔥，刴幼　1　

芥辣醬　1EL

Kari 粉　1TL

滾水　300ml

Tshì-sù　80g

蒜頭，刴幼

鹽、胡椒

...... 步數 ......

1. 洋蔥、蒜頭落鼎炒芳，ひき肉、Kari 粉濫落去炒熟。

2. 綠草花、芥辣醬摻落去搜齊，滾水濫落去煮10分鐘，Tshì-sù 攪落去。

3. Tiàu 寡鹽、胡椒，樂暢來食。

(05.02.2024 Frühstück Grünkohl mit Hackfleisch und Käse - Hirse - Quark/992kcal)

Ich bin neugierig, wann ist die  Grünkohlsaison und warum ist  er schwer im Süden zu finden.

Ich habe herausgefunden, warum der Grünkohl im Süden schwer zu finden ist, und ich habe auch neue Erkenntnisse gewonnen.

Grünkohl ist reich an Vitaminen, Mineralien, Ballaststoffen und Eiweiß....Ausgenommen die beiden Namen, die ich nicht kenne, egal in welcher Sprache, für "Nicotinamid" und "Phosphor".

Aber ich bin mir sehr sicher, nachdem ich die vielen deutschen Seiten gelesen habe, muss ich jetzt eine Pause machen, weil die Zelle im Kopf schon zu 90% abgestorben ist, aber es geht mir noch gut.

Ich brauche eine Flasche Red Bull ohne Zucker. 

Ich muss jetzt ein Grünkohl sein, bis September fängt das Leben an.

Nicht mehr deutsche chemische oder medizinische informationen lesen.

Grünkohl mit Hackfleisch und Käse

...... Zutaten ......

Gekochter Grünkohl　500g

Hackfleisch　150g

Fein gehackte Zwiebel　1　

Wasser　300ml

Currypulver　1TL

Senf　1EL

Käse　80g

Fein gehackter Knoblauch

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind.

2. Hackfleisch mit Currypulver dazugeben und anbraten bis Hack goldbraun ist, Wasser mit Grünkohl und Senf dazugeben und gut mischen, ca. 10 Minuten kochen.

3. Käse dazugeben und gut mischen, mit Salz und Pfeffer abschmecken. Guten Appetit!

(05.02.2024 Breakfast Kale with Mince and Cheese - Millet - Curd Cheese/992kcal)

I am curious, when is the kale season and why is it difficult to find in the south.

I found out why the kale is difficult to find in the south, and I have also gained new knowledge.

Kale is rich in vitamins, minerals, fiber and protein....except the 2 names I don't know no matter what language for 'nicotinamide' and 'phosphorus'.

But I'm very sure, after reading all those German pages, I have to take a break now, because the cell in my head is already 90% dead, but I'm still fine.

Take a break, I need a bottle of sugar-free Red Bull.

I must be a kale now, life starts by September.

No longer read German chemical or medical information.

Kale with Mince and Cheese

...... Ingredients ......

Boiled kale　500g

Minced meat　150g

Finely chopped onion　1　

Water　300ml

Curry powder　1TL

Mustard　1EL

Cheese　80g

Finely chopped garlic

Salt ＆ Pepper

...... Method ......

1. Put the onion with garlic in the pan and fry until they are golden brown.

2. Add the minced meat with curry powder and fry to hack until golden brown, add water with kale and mustard and mix well, cook for about 10 minutes.

3. Add cheese and mix well, season with salt and pepper. Enjoy your meal!