(2023.02.21 早起頓 兔仔耳塗肉林檎生菜盤 + 幔 Tshì-sù ê 雞襟胸 + 優格搵醬 + Ayran 林檎/1044kcal)
Nikolaus 來相揣 ê 彼日(註1) gún 翁𤆬養老院 ê 序大人去齒科報到，早前 m̄-bat 驗出肺炎 ê 伊。
Tsit 斗，二測陰性，一測陽性。
伊 sûi 連絡養老院 mā 寫 Telegram hō͘ 我知影伊搪著 ê 問題 hām 定著 ài 做 ê 代誌。
揣 Detailtest/PCR-Test(政府規定 ê 檢驗所)做檢查，若是確定 tái 著肺炎，我 mā ài 檢查等等。
讀完伊寫 ê 信息，我 sûi 看厝內 ê 食食等等 kám 有夠 gún tòng 隔離 ê 兩禮拜。
一項一項檢查，一項一項確定，回信息 hō͘ gún 翁 kóng「lán-ê 戰備糧草飽足」sûi 家己笑 kah 歪腰。
笑 kah 歪腰 m̄ 是好耍是料想 buē 到，ūi-tio̍h 寒--人所做 ê 未行軍先攢糧 tiàm tsit 時 tsiâⁿ 做九--月颱無人知 ê 救命丹。
西德 tiàm 1970 年 hit 跤兜 tn̄g-tio̍h 大雪一落 beh 3 月日無停睏，濟濟庄頭失電無食食 beh 成個月。
Tsit 斗事件了後 hit 久 ê 政府開始推捒，家家戶戶 tiàm 寒--人時備十工額 ê 蠟條 hām 罐頭等等。
起因，等待救助，家己 mā ài 先自助 tsiah 有法得坐船過渡。
不而過，時間一久...
M̄ 知是風調雨順，國家萬事興，人心就 buē koh 攑刀驚 tse 煩 he，就 m̄-bat koh 聽--過德國政府推捒 tsit 个觀念。
今年熱--人濟濟專家推測今年 ē 是歹年冬，德國政府開始推捒 tsit 个觀念。
Gún 翁自囡仔時就綴 tsit 个觀念行，só͘-tí gún 逐年 ê 寒--人 lóng ē 款寡罐頭等等 tńg--lâi 囤。
只是，ùi 2021年有 ke koh 款寡。
起因，2020臺灣 beh 倚新正 hit 跤兜，本成 tuì 民眾宣講肺炎只是一般流行感冒，m̄ 免 siunn 驚惶掛喙罨 ê 德國政府，正式宣佈肺炎 m̄ 是親像感冒按呢 hiah-nī-á 簡單，tshiánn 民眾出入公共場所 lóng ài 保持距離 kap 鼻、喙 lóng ài tsa̍h 好 tsiah ē-tàng 出入 ê hit 日開始。
四常窒倒街 ê 麵粉 hông 嫌無健康 khah mài 食 ê 罐頭、冷凍菜蔬等等全部貯入--去 Hamster(倉鼠/Tshng-tshí) ê 喙䫌。
我 m̄ 知影 hiah-ê 受著搭嚇 ê Hamster kám 有 kā 日子過 kah Leben wie Gott in Frankreich(日日正月初一，頓頓二十九暝) 。
不而過，我 tiàm gún 兜附近 ê 糞埽桶 tsia̍p tsia̍p 看著伊食 kah 規塗跤。
因為2020年 ê 影響，2021年熱--人疫苗2射完成，翁某做伙 khì 厝邊 hiah 蹓蹓踅踅，我 mā 險險 beh tsiânn 做 Hamster。
總是，lán 較小面神 m̄ kánn iōng 讀無人 ê 文字就 suî 做大面神鴨母喙叨仔叨。
Iáu-m̄-koh，mā 是款比 íng 擺 koh-khah 腥臊 tńg--lâi 德國。
Sò͘-pái，tsit 回誠誠實實搪著肺炎 tsit 位無人 tshiáⁿ 伊來，家己自來行踏 ê 朋友。
Gún tī 淡薄仔懂嚇猶原有法得 kā 四常過 kah " Leben wie Gott in Frankreich " koh m̄ 驚今暝揣無早起頓。
Gún 翁 kā 養老院 ê 序大人送 tńg--khì 養老院了後，養老院 ê 工作人員 tùi 伊 kóng 𪜶 mā koh kā 養老院 ê 序大人 hām 照護人員 liū 一斗，確定無一人是無陽性。
收--著 tsit 个消息，做牽手 ê 掛慮 iū-koh 減--寡。
起因，m̄ 是每一个養老院 ê 序大人或是(hi̍k-sī) 照護人員 lóng 有接受疫苗注射。
畢竟「Ungeimpft ist Menschenrecht」(無注疫苗是人權）。
Tī-leh 等待檢驗所報告 ê 時間，一直認為肺炎是鹽甕仔生蟲，是有人 tī 做囮 ê 鬥空，伊 tsiah-buē 綴人 hông 牽龜落湳 ê 德國跤球明星。
肺炎 tsiâⁿ 做后羿(Hiō-gē) kā 伊按天頂射落--來。
早前 m̄ 願配合球團政策 hông 送 khì 坐冰箱 hō͘ 家己本 tsiâⁿ ê 活水轉做死窟仔水已經氣暢忍，tsit-tsūn koh tái 著肺炎四常誠實離經，要求醫生 kā 伊注疫苗解決問題。
醫生 hō͘ 伊 ê 回答就親像 Ikarus(伊卡洛斯) ê 故事 。
Tī tsit 段等待報告 ê 期間，我 tī 想是 siáⁿ-mih 款 ê 個性 hō͘ tsit 位本底是金爍爍 kah 連后羿 bo̍k-li̍k tsiah-nī-á 好 ê 弓箭士 lóng 無法度看著伊 kā 伊 kha̋n-jióo ê 人。
是按怎 ē kā 家己舞 kah 「入虎喉，m̄ 死也烏漚」。
我想百面牽磕著月光下看人影。
只是肺炎 kám ē 允准伊出山了後 tsiah tshiáⁿ 醫生來解決 m̄ 驚慢到，只驚不做 kap 水雞愖來久，跳來遠 ê 夸父（khua-hū)逐日信念 kā 本底是球團 ê 籠面抾 tńg--lâi。
我 tsit 个 tùi 跤球無興頭 ê 人 mā tuì tsit 个賊 khì tsiah 開門➀(華：木已成舟，想改變或挽救，為時已晚)，kám 掠有賊 tsiok 好玄 。
Tī gún 逐日 ná 聽 la-jí-ooh ná 放送跤球明星 ê 白虎湯藥效，mā ná 靜心等檢驗所寄來 ê 報告。
Gún 翁青 tiānn 白 tiānn puh 一句話，無想 beh 秤錘拖著尾，少年就 m̄-thang 激骨 ài 蓋六--月棉被 kā 家己 ê 好八字拆做兩个生份人。
寢頭聽無伊 tī kóng siáⁿ，步頻想--著 Jogi(德國前國家跤球教練)，伊是四界踅來踅去 tsiah 有法度按水鬼成格做城隍。
Tī 跤球界 iáu-koh 有偌濟水鬼想 beh 擢人後跤 lóng 無 thang 擢。
Tī 等待報告 ê tsit 段期間，我笑 tùi gún 翁 kóng「真害，lán 是白鳥鼠。新聞 kóng BioTech ê 頭家家己 mā 無注疫苗」。
「M̄ 管佗一个年間，人類 lóng 是白鳥鼠。」
「另外，hit 條新聞是假--ê 你應當知影」gún 翁 ìn。
「我知--ah，就親像紅帽仔阿公是--Papa」我 kā 今年 ê 金含糖 hām 禮物提 hō͘ 伊。
「紅帽仔阿公，一般來 kóng 是12月初6來行踏，看囡仔今年有守規矩無。」
「不而過.....」
「不而過，siáⁿ？」我問。
「就親像 tsit-má 𫝛款，有當時紅帽仔阿公 ē 無守時，晏到.....」
Gún 翁 kā 伊 ê 手機仔提 hō͘ 我讀。
我 ná 讀 ná tùi gún 翁 kóng，向望少年跤球明星 mā 收著紅帽仔阿公 ê 金含糖 kap Christkind(註2) ê 禮物。
Gún 翁 ê 報告是陰性三回。
空襲警報，解除。
➀華：木已成舟，想改變或挽救，為時已晚
註1. 德國 ê 紅帽仔阿公12月6日 ē 來看囡仔，問囡仔「Warst du lieb?」(今年有乖無?)
囡仔 ìn 有，會得著紅帽仔阿公 ê 祝福(糖仔 iā-sī 餅)，隔轉日囡仔 mā ē tī 房門 iā-sī 眠床邊看著貯有四秀仔 iā-sī 𨑨迌物 ê 襪仔。
註2. 12月24 是 Christkind 來送禮。
兔仔耳塗肉林檎生菜盤
...... 材料 ......
馬鈴薯，切橛 1kg
兔仔耳 60gg
橄欖油 1EL
蜂蜜 1/4TL
義大利芳醋 1/4TL
蒜頭，剁幼 2
油
鹽、胡椒
...... 步數 ......
1. 馬鈴薯、油、鹽、胡椒做一伙搜齊。落烘箱，捘200度烘40分鐘。
2. 醋、橄欖油、蒜頭、蜂蜜、鹽、胡椒濫做一伙，抐 hōo 齊。
3. 兔仔耳、Sòo-sù 濫做伙搜齊。
4. 馬鈴薯濫落去搜齊，樂暢來食。
(21.02.2023 Frühstück Kartoffelsalat mit Feldsalat - Hähnchenbrust im Käsemantel - Joghurt Dip - Ayran mit Apfel/1044kcal)
Mein Mann mir sagt ich habe Corona Positive getestet als er mit Opa den Zahnarzt besucht.
Wenn ich habe das gehört, ich bin nicht besorgt.
Weil, wir geimpft sind.
Ich weiß, die Impfung garantiert nicht alles.
Aber, die Impfung hilft nicht angst zu haben.
Seit ich das Problem kenne bis Ergebnis vom Detailtest kommt.
Den Tag warten wir das Ergebnis, ich lese die Nachricht von den Leute möchte die Impfung nicht machen dann bekommt Postive und wollen dann die Impfung machen.
Das erinnere mich, viele Freunde sagen, die Medizin ist ok, weil sie mir hilft.
Gewicht verlieren.
Obwohl Sie wissen die Medizin hat Problem, sie wird die Niere kaputt machen.
Aber, Sie sehen nur die Nummer auf der Waage so lange die Niere funktioniert.
Nichts ist perfekt, aber wir müssen der Wissenschaft trauen.
Obwohl, wir sind auch Mäuschen für Wissenschaftler .
Und vielleicht wir können Frankenstein sein.
Oh, vergessen.
Mein Mann ist Negativ nach dem Detailtest.
Kartoffelnsalat mit Feldsalat
...... Zutaten ......
Feldsalat 60g
Kartoffeln in 1/2 cm dicke Scheiben schneiden 1kg
Olivenöl 1EL
Essig 1/4TL
Honig 1/4TL
Fein gehackter Knoblauch
Öl
Salz ＆ Pfeffer
...... Zubereitung ......
1. Kartoffeln, Öl, Salz und Pfeffer gut michen, in den Ofen stellen auf 200 Grad 40 Minuten backen.
2. Essig, Olivenöl, Knoblauch, Honig, Salz und Pfeffer gut mischen.
3. Salat und die Soße gut mischen, dann Kartoffeln dazu geben und gut mischen. Guten Appetit!
(02.21.2023 Breakfast Potato Salad with Lamb's Lettuce - Chicken Breast in the Cheese Coat - Yogurt Dip - Ayran with Apple/1044kcal)
My husband tells me I tested Corona Positive when he went to the dentist with grandpa.
When I've heard this, I'm not worried.
Because we are vaccinated.
I know vaccination doesn't guarantee everything.
But completing the vaccination helped me not worry about it.
From knowing the positive to getting the exact notification from the laboratory.
The day we wait for the result, I read the message from people who don't want to have the vaccination, then they get positive and then want to have the vaccination.
I remember a lot of friends saying that medicine is ok because it helps me.
Lose weight.
Even though you know medicine has a problem, it will destroy the kidney.
But, you will only see the number on the scale as long as the kidney is functioning.
Nothing is perfect, but we have to trust science.
Although, we are also a mouse for scientists.
And maybe we can be Frankenstein.
Oh forgot.
My husband is negative after the detail test.
Potato Salad with Lamb's Lettuce
...... Ingredients ......
Potatoes cut into 1/2 cm thick slices 1kg
Lamb's lettuce 60g
Olive oil 1EL
Vineger 1/4TL
Honey 1/4TL
Finely chopped garlic
Oil
Salt, Pepper
...... Method ......
1. Mix potato, oil, salt and pepper well, place in the oven at 200 ° C top / bottom heat for 40 minutes.
2. Mix the vinegar, olive oil, garlic, honey, salt and pepper well.
3. Mix the salad and sauce well, then add the potatoes and mix well. Enjoy your meal!
留言列表
冊 ▪ Bücher ▪ Books (4)
