亂皂𥴊仔店 ⓂⒺⒾⓃⓀⒾⓄⓈⓀ

(2022.12.16 早起頓 林檎金瓜烘 + 頭目萵仔菜生菜盤 + 德國煙腸卵包 + 莓仔 Quark + 寮仔 Tshì-sù 果子醬俗麭/843kcal)

冊有一版二版三版，我 ê Blog 有一改，再改，閣再改。

自無料使用 Pixnet (300mb?貧惰請教...閬過)到決定撏錢 bué 15G 儉相片，這 4 冬 ê Blog 四常成做我訓練家己食老較莫老倒頹(thē)佮增加智識 ê 好角勢，特別是貧惰寫字做筆記 ê 我迵過寫 Blog 總算有法度好好仔 kā 好玄 m̄-koh 無才調 kā 鏨 tī 海馬鉼針(Hippocampus)隨揣隨有 ê 資訊成做家己 ê 通書。

《我在西伯利亞的監獄》讀煞，四月芒種雨，五月無燒土，六月火燒埔 ê 黃酸雨成做內山出水(Sturzfluten/Flash Flood) hōo 芒雨望豐年 ê 向望成做失望，跤踏佮臺灣 bueh 佮臺灣 bueh 平大細 ê BW(Baden-Württtemberg)，一个圓箍仔兩種心情，耳那聽 Ingo(Tagesthemen) ê 專題報導，海馬鉼針 mā 綴遮 ê 報導開始踅圓箍，Schorndorf ê Gottlieb Wilhelm Daimler ê 古宅敢 mā 受災，若受災需要偌久 ê 時間 tsiah 有法度恢復自本 ê 面肉，耳那聽 Ingo 佮記者 ê 連線，本底恬靜 ê 海馬 mā 綴電視聲、窗仔外 ê 鳥仔歌聲、徛踮肩仔頭 ê 阿 bueh 佮阿 buaih tī 我 ê 耳仔邊比賽啥人較𠢕呲(tshū)。

「夏至到秋分，我搭胸坎保證你包穩 buē 讀伊一字」阿 buaih 翹跤撚喙鬚，那講那笑。

「你永遠 m̄ 知影，你 tī 當時 ē 閒甲掠蝨母來相咬 mā 無法度佮閒閒美代子好好做陣冇談」阿 bueh tshan-tshiūnn 永遠擘腹囡仔食無飽穿無燒 ê 阿母按呢溫暖。

耳繼續聽百萬千 ê 聲音，目繼續踅倒爿、正爿佮壁角，正爿 ê 冊讀煞，車日子轉來無庫存繼續讀，倒爿佮壁角 ê 冊 m̄ 驚無庫存，按黃越綏老師『EP464 黃越綏｜【名人專訪】什麼是迴光返照 Feat. 張明志』認捌 ê 張明志醫生《客家庄的醫師娘》佮踅博客來請聚珍臺灣 kā 我鬥相共 ê《越南現代小說選》攏是我想 bueh 先看 ê 冊，總是我家己 ê 歹癖 mā 愛照顧抑無情緒 ē 來叨撚。

我 ê 看冊慣勢是跟綴冊入厝 ê 時間 tsham 伊盤撋，不過這个順序 mā m̄ 是蜈蜞釘 buē-tàng 扳起來，總是這个變化 kan-ta 適合 tī 時間飽滇閣有冗 ê 日子，像 Auxo 佮 Carpo 交換手 ê 寒露(hân-lōo)，阿波羅若水沖 ê 金色頭鬃 mā 換做我囡仔豚 ê 豬哥亮頭時，無照起工來看冊 ê 情緒叨撚就 ē 自動去旅行。

猶有若 I-tá-lih 是 42號，德國是 38 號 ê 半日月時間，見讀見愛請教 Google 大眾廟賜我智慧甘耀明先生 ê minBunun《成為真正的人》tī 出發車日子進前應當有法度讀 hōo 煞...

『一隻渾圓的鉛色水鶇再度回到牠的地盤。』水ㄕㄨㄟˇ鶇ㄉㄨㄥ，德語 ê Amsel，英語 ê Common blackbird，2021 頇顢揣資料，直接按英語翻做「烏鳥」ê『水ㄕㄨㄟˇ鶇ㄉㄨㄥ』按怎講，另外臺灣有枵鬼假細膩 ê Amsel?

『鉛色水鶇，臺灣特有亞種』原來臺灣 mā 有逐日徛 tī 窗仔門佮我對哭呻呔無飼料 ê Amsel。四常一日有法度讀 20 ~ 30 頁 ê 冊，自讀 minBunun《成為真正的人》一日讀無到五頁，不過我佮意這个過程，起因我按這本冊認捌著咱臺灣有 Amsel 佮按怎講「鶇/Tong」這字。

Amsel ê 台語號名 Google 大眾廟猶原無 hōo 我一个答案，不過伊 hōo 我這个寶庫《還我台灣鳥仔名》hōo 捌一个呼(honn) ê 我正經有一个呼通呼。

『鉛色水鶇』石青仔

『構樹』鹿仔樹 --- 後回轉去臺灣 buē 閣相見 Wer bist du 

『綠繡眼』青苔(tî)仔

『花嘴鴨』花喙鴨仔，按這个智慧又閣湠出『候鳥』ê 講法「過境鳥」、「渡烏」、「過冬鳥」閣生湠出這支影片【帶路蟲講生態｜Tō͘ chiáu 渡鳥 aka 候鳥】。

『褐鷽ㄒㄩㄝˊ』alias『山鵲』本底掠做伊是望冬，押尾對照英語學名，伊 m̄ 是望冬(褐頭鷦ㄐㄧㄠ鶯) mā 揣無資料，就順客鳥另外 ê 講法 kā 號做山鵲(tshik)，日後有拄著別 ê 較完整 ê 講法 tsiah 來調整。

自寫台文捷捷成做貓，自寫台文認捌 tsuē-tsuē 新世界，準做這个新世界 tī 台語辭庫猶揣無「定案」hōo 小面神 buē 堪得 hőng 講，你是博士博，博甲戴紙橐 m̄ 敢烏白主意，總是這个驚惶 mā 引𤆬我成做愖題人，像「Mozzarella」tī Wikipedia 猶未出現，Blog 已經出現，彼陣有人 kā 伊號做「義大利水牛起司」mā 有人照倚音 kā 伊號做「莫茲瑞拉起司」，這久因為演算法 m̄ 管拍 Mozzarella、莫茲瑞拉、馬蘇里拉奶酪攏齊出現「莫札瑞拉起司」，除非你拍「義大利水牛起司」tsiah 揣有義大利餐桌上會牽絲的cheese-馬自拉乳酪Mozzarella，這當然 mā 是我笨跤笨手 buē 曉使用網路 ê 結果，總是遮 ê 變化 tuì 我來講就是 Evolution，Mozzarella tī Italia 已經定案，tī 華語世界 mā 定案，tī 台語猶未，這 hōo 我想著生物學者發現新物種抑是搪著舊物種演化做新物種 ê 快樂佮激頭殼。

Tī 我猶未成做坱埃(ing-ia)我 ê Blog tī 大環境已經成做烌，準做按呢我敢 bueh 放捒家己 ê 演化？

當然 mā buaih，Kreis von Kreisen，一个大圓是按算 buē 清 ê 圓生湠，準做我个圓 buē 成做一个大圓，我猶是這个世界一个圓。

德語 ê Kopfsalat(DE) = Häuptelsalat(AT)，英語 ê Butter lettuce = Bibb Lettuce tī 台語 ē-tàng 按怎形容？

我 m̄ 知影英語 ê 號名是按伊 ê 學名做分類抑是喉韻(âu-ūn)若 Bá-tah 來形容，總是我照德文 ê 解釋來號名 kā 號做頭目萵仔菜，名詞， 植物靠近根部的第一個節目。

Die Sprossachse ist stark gestaucht, so dass die Blätter einen dichten, rundlichen „Kopf“ bilden.(Wikipedia)

感謝愛料理(Icook) hōo 我有機會閣一擺成做 Le Penseur 愖問題 m̄ 是堅持 bueh 致青光眼。

--- 2024.03.27

Tsa̋ng 下晡步頻摔大雨。

我緊走去露台 kā 鳥飼料收起來，等天氣較好 tsiah kā 提出去。

這逝雨敢若趕 bueh 下班 ê 人搪著頭家臨時臨曜 ê 交代，伊照做只不過是豆乾 hàu 媽祖閣牛牢跤請媽祖，無查埔用查某 kā 代誌緊緊 kha̋n-jióo kā 露台吹甲規个東倒西歪 hōo 我隨決定明仔載 tsiah kā 飼料囥轉去。

當我按呢決定，厝鳥仔飛來露台揣食，見無著食隨斡去我掖 tī 花矸 ê 粟仔幼。

厝鳥那食那開講，總是孤一人 ê Amsel(烏鳥) mā 飛過來鬥熱鬧，只是伊較富貴命見著露台無飼料隨直透佮我相對看閣一隻喙詬唸 buē 離「飼料--leh，我 ê 飼料--leh」。

伊那氣 phu̍t phu̍t kā 我看，我 mā 那擔肩 kā 伊表示「歹勢，今仔日已經 Feierabend(歇睏)請明仔載 tsiah 來佮德國人做陣成做茶鈷呻 buē 離。」

「我無成做水滾 ê 茶鈷」翁笑應。

「我今仔日正經成做是一隻牛」我講。

翁無應話，起因是伊家己要求成做一隻牛，咱做家後 ê 人無興成做天霸王就順伊 ê 意款サラダ hōo 伊食甲哽胿。

Amsel 繼續佮我隔一个玻璃窗呻呻叫，我繼續擔一个肩送伊「Feierabend」越頭 tuì 翁講「like father, like son，like Amsel, like you and your mom」。

翁越頭 tuì Amesl 講「m̄ 管你按怎呻，你猶原是氣身惱命 ê 無較縒，請你明仔載 tsiah 來。」

--- 2021.07.28

  頭目萵仔菜生菜盤

...... 材料 ......

頭目萵仔菜　100g

罐頭番麥　100g

Kam-má-tooh，切塊　2

橄欖油　1EL

義大利芳醋　1/4TL

蜂蜜　1/4TL 

蒜頭，剁幼

芥辣醬　1/4TL 

鹽、胡椒

...... 步數 ......

1. 蜂蜜、醋、橄欖油、蒜頭、鹽、芥辣醬、胡椒濫做伙，抐 hōo 齊。

2. 頭目萵仔菜、番麥、Kam-má-tooh、Sòo-sù 濫做陣搜齊，樂暢來食。

(16.12.2022 Frühstück Ofen-Kürbis mit Apfel - Kopfsalat mit Tomaten und Mais - Beeren mit Quark - Wurst mit Spiegeleier - Toast mit Frischkäse und Marmelade/843kcal)

Gestern Mittag der Regen besucht unser Dorf.

Die Vogel sind beschäftigt einen Platz um Schutz vor dem Regen zu finden.

Ich  bin beschäftigt das Vogelfutter vom Balkon zum nehmen.

Der Regen ist wie eine verärgert Person, kommt schnell und geht auch schnell.

Dann lassen alle fast wie Tatort.

Blumen tot, die Blätter überall....

Ich muss in die Platz ein Hinweis suchen.

Kann ich das Vogelfutter zurück lassen.

Dann entscheide ich, Nein.

Lass alle sauber putzen und trocknen, dann wieder die Vögel füttern lassen.

Ich war am der Fenster und überlege, was ich machen kann.

Auf unseren Balkon kommt noch Spatz, Sie gucken, ok jetzt keine 'Steaks' zum Essen, kein Problem.

Da gibt's immer 'Tofu', lass uns Tofu essen.

Dann fliegt er wieder weg, und kommt anderer Spatz.

Erst gucken Steaks suchen, dann Tofu genießen.

Dann kommt eine Amsel.

Sie findet keine Steaks auf der Balkon.

Sie ' blah blah blah...'

Für das ' Blah ', ich kann sagen, sie ist nicht glücklich.

' Warum, gibt's  heute kein Fleisch, ich bin Königin, ich esse nur Steaks, ich esse kein Tofu' 

Ich gucke die Amsel auf dem Balkon, dann denke ich an meinen Mann.

Und sage meinem Mann.

Like Amsel, like you.

So viel Beschwerden.

Kopfsalat mit Tomaten und Mais

...... Zutaten ......

Kopfsalat　100g

Tomaten in Scheiben schneiden　2

Mais aus der Dose　100g

Olivenöl　1EL

Aceto balsamico　1/4TL

Honig　1/4TL 

Fein gehackter Knoblauch

Senf　1/4TL

Salz ＆ Pfeffer

...... Zubereitung ......

1. Essig, Salz, Honig, Öl, Knoblauch, Senf und Pfeffer gut mischen.

2. Mais, Tomaten, Kopfsalat und Soße gut mischen. Guten Appetit!

(12.16.2022 Breakfast Pumpkin and Apple - Butter Lettuce Salad with Tomato and Corn - Curd Cheese and Berry - Sausage and Fried Eggs - Toast with Cottage Cheese and Jam/843kcal)

Yesterday at noon the rain visited our village.

The birds are busy finding shelter from the rain.

I'm busy taking birdseed from the balcony.

The rain is like an upset person, comes and goes quick too.

Then almost all leave like crime scene.

Flowers dead, the leaves everywhere ...

I have to look for a clue in the square.

Can I leave the birdseed behind.

Then I decide, no.

Let everything return to its own place and dry, then feed the birds again.

I was at the window wondering what I can do.

Sparrow comes on our balcony, she look, ok no 'steaks' to eat now, no problem.

There's always tofu, let's eat tofu.

Then flies away again, and another sparrow comes along.

First look for steaks, then enjoy tofu.

Then comes a blackbird.

She doesn't find any steaks on the balcony.

She 'blah blah blah ...'

For the 'blah', I can say she's not happy.

'Why, there's no meat today, I'm queen, I only eat steaks, I don't eat tofu'

I look at the blackbird on the balcony, then I think of my husband.

And tell my husband.

Like blackbird, like you.

So much complaints. 

Butter Lettuce Salad with Tomato and Corn

...... Ingredients ......

Lettuce　100g

Lollo Rosso　30g

Mustard　1/4TL

Cut the tomatoes into slices　2

Canned corn　100g

Olive oil　1EL

Aceto balsamico　1/4TL

Honey　1/4TL 

Finely chopped garlic

Salt,pepper 

...... Method ......

1. Mix the vinegar, salt, honey, oil, garlic, mustard and pepper well together. 

2. Mix the corn, tomatoes, lettuce and sauce well. Enjoy your meal!