亂皂𥴊仔店 ⓂⒺⒾⓃⓀⒾⓄⓈⓀ

我 ê Blog 就 tshan-tshiūnn 引𤆬德國按四散領土沓沓仔成做若一隻草鍥(kueh)仔 Friedrich der Große tuì Schloss Sanssouci 無愁宮 ê 設定 den, hier mus ein jeder nach seiner Fasson Selich werden tī 遮 ê 每一个人攏愛順家己 ê 意志得著快樂佮幸福。

Blog 是我自在成做茶鈷呻 buē 離 ê Sanssocui mā 是記錄目今、未來交翻草過去喙斗 ê Muse。

自交歐洲人來往到成做龍鳳十外冬，烏貓姊 ê 向望，有一日 bueh 行踏 In the Name of the Father 以父之名 ê 愛爾蘭交 hām 伊有交纏歷史 ê 007 故鄉英國到今猶未 hōo 伊按想法成做現實，是按怎 ē 按呢生，我無啥理解，總是清楚知影自 2008 按美東轉來臺灣，本底興趣趣 ê 英國火轉做廕火，愛爾蘭因為 Michael Collins 交 The Cranberrie, U2 帶 hōo 我 ê 翻草到今猶原 m̄ 捌洘流，總是想 bueh 行踏 ê 角勢 tsuē 甲若麻仔 hōo 我無法度成做愛哭愛綴路跟綴德國本底按算實施 ê 法令，𠕇仁 ê 包裝除了標示克重 mā 愛標示有幾粒 ê 閒甲掠蝨母 kā 時間分 hōo 愛爾蘭。

按臺灣徙岫到德國，愛爾蘭無閣 tshan-tshiūnn Fiona ê 徛家遐爾仔遙遠 mā 無閣一年 365 工 kan-ta 拜六交禮拜通歇睏交歇一个長假需要窮斤算兩交算日，我 tī 德國 ê 時間 ē-tàng 講是閒甲掠蝨母相咬 ê 閒仙仙，按算 ê 愛爾蘭猶原 m̄ 捌實踐，準做全球 uī-tio̍h Covid-19 無閒𩑾𩑾 hōo 我閣一斗學著人生千算萬算，m̄ 值天一劃 ê 智慧，我 tuì 行踏愛爾蘭 ê 綿死綿爛猶是瓊花一暝就散甲無見一片花瓣(bān)。

今年(2019)愛來愛爾蘭，機票一訂隨飛交英國 mā 是交纏 ê Malta 馬爾他。今年(2020)愛來冰島抑是愛爾蘭，歐洲鞏金 ê 飯店大落價一台 Peugeot 206 就 ē-tàng kā 荷蘭交比利時踅透透，出發。 今年愛來愛爾蘭抑是冰島，按馬爾他，荷蘭比利時，波蘭捷克(2021)，Balkans 巴爾幹半島(2022)，波羅的海三國(2023)到瑞典挪威(2024)，愛爾蘭逐年攏按算 mā 無一年有準算。

2025 來愛爾蘭抑是冰島行跤花，瓊花子猶掖種想法隨成做爍爁一閃就無看見。

相連紲兩冬 kā 熱人過甲若寒人，我需要曝日頭，我需要維生素 D，我 buaih 繼續成做紅豆剉冰...東海 ê 蠓厚甲免 bué 紅豆轉來𤉙，我 ê 身軀自然發紅豆，2025 我 bueh 成做烏魚子！！！

「我想 bueh 去法國交西班牙，凡勢繼續落南到葡萄牙」翁講。

往過聽伊田螺循舊逝，較行 mā 彼逝 ê 我 kan-ta 這句「火無燒過厝，無興趣」 ，這斗聽伊按呢按算我隨應「喙飽目未飽，年底進前咱敢 ē-tàng 揣一日仔好日先去法國蹓蹓 hui-hui 看看？」

「當然 mā ē 得」翁應，不過 gún-ê 法國行跤花無等到年底 9 月底中按瑞典挪威轉來，10 月底隨出發，因為 gún 翁又閣頭毛試火，要求我理解𪜶兜勥爸勥母 ê 磨心磨肝。

我無確定明年 ê gún 敢有法度實踐這逝法國西班牙行跤花，總是我清楚知影伊 ê 手曲，屈入無屈出交我一屑仔攏無底代，現此時無法度處理 ê 問題 kan-ta 我猶無法度規張紙畫一尊觀音 niā-tiānn。

法國 tuì 我無生份，除了法語。這斗行踏法國 Alsace - Lorraine 亞爾薩斯 - 洛林斟酌繩法國食物，菜蔬交德國無宛 2 體，魚臊比德國俗價並腥臊，加工煙腸比德國少，好攢 ê Gnocchi 交 Tortellini tī 德國超市 Lidl, Aldi 遮 ê 誠好揣著隨上網路請教 Google 大眾廟賜我隨碗出 ê 智慧，特別是半燒冷 ê 生菜盤，順紲訓練家己學 ē 曉 kā Gnocchi 炒甲 buē 牢鼎。

我無佮意袂牢鼎 ê 煎鍋仔 mā 無法度 uī-tio̍h 一盤芳芳脆脆 ê Gnocchi 落半盒 tsuē ê Bá-tah 抑是油，我就愛訓練家己 kā Gnocchi 煎甲若卵包 buē 牢 tī 生鍋仔。是講 bueh kā Gnocchi tī 生鍋仔炒甲 buē 牢鼎 mā 無硬篤，鼎燒 hōo 燙，油落鼎 hōo 伊繼續燒一分鐘左右，有掜麵粉 ê Gnocchi 就 buē 牢鼎並黃金矣黃金媠閣脆。

Blog 是攑鋤頭耙心肝 ê 角勢 mā 是人生 tshan-tshiūnn 大舞台，苦齣笑料攏公開 ê 有記錄就有印象 ê 相放伴。

我無食殺，穿拍結 ê 性地 sóo-tí 頇顢扞鼎，gún 翁 mā 無這个性地，總是伊交 Donald J. Trump 有相𫝛 ê 喙斗 hōo 無戰車基因 ê 我清楚理解，我若無家己一心，閰王隨相揣 tī 食食這件代我需要抱貓仔過戶橂，萬項計較。總是目今是網路世界，準做家己一个食譜做過一个食譜，無紲手 kā 伊記錄做一篇文章，遮 ê 味素交好使用 ê buē 黏鼎仝款 tī 心肝穎永遠 buē 牢鼎。

不過，這个 buē 牢鼎自 2019 開始沓沓仔變化。

記錄 ê 食譜 tshan-tshiūnn 古埃及 ê 石碑， 一鏨成做永久 ê 記持，準做遮 ê 碑文捷因為家己 ê 無頭神無法度斟斟酌酌 kā 伊按記持影印做實體，總是踮 Blog 栽 ê 食譜欉 tuì 無網路通請教糜飯愛攢啥味素 ê 我有遠甲若火星 ê 幫贊 hōo gún 翁仔姐 m̄ 免 uī-tio̍h 雙人一雙箸 bueh 食無仝味 ê 冤家量債。 

聽人分張，有人交牽手過冬鳥戀愛十外冬，成做龍鳳無到三冬，因為翁某喙斗問題成做花缽仔種菜，無緣龍鳳。我交 gún 翁無一个人願意成做𪜶老爸 ê 見本 uī-tio̍h 彼張紙交面子龍鳳生活順牽手 ê 癖喙白，gún 翁仔姐無這款大愛。 

明年 ê 法國車日子敢有法度實踐，孔子公 m̄ 敢收人隔暝帖，我無法度確定 gún 翁敢 bueh 繼續交我仝心，sóo-tí 就 hōo 問題交 hōo 老牛去拖破車，行一步算一步，時到自然就知影答案。總是 tī 這段時間我猶是 buē-tàng 秧(ng)抾牛借，有割無煞，無要無要過日子。

這出按 Google 請教來 ê 「Das ist zum reinsetzen」夭壽骨 ê 好食就是耕者自耕，讀者自讀 ê 證明。 

Gnocchi 自認捌伊我就慣勢講 Gnocchi，記錄這篇心行尞海馬無事坐 Bá-suh 按 2024 坐轉去 2017 抑是 2018 事件，kā 這个記持講做事件窮實是一隻蝨母嗙甲水牛大 ê 譀古，總是目今翻頭看彼久 ê 風火著正經是閒甲掠蝨母 tsiah-ē 做 ê 無局。

彼久 ê 故事是目今 ê es ist mir egal 一屑仔攏無要意，不過彼久 ê 盤話「你們兩個別再亂胡謅，義大利餃子沒有人在說玉棋」ê 玉棋成做我目今 ê 好玄。

玉棋 tī 台語按怎講？

Kā 字咍台語字型大家族搬出來，隨出現 gio̍k-kî，das ist so herrlich。

玉棋林檎挽肉生菜盤

...... 材料 ......

Gnocchi　250g

林檎，切片  2

挽肉　150g

紅洋蔥，切絲　

橄欖油　2EL

蒜頭，刴幼

羅馬萵仔菜

瓜仔哖，切片

罐頭紅菜頭　1

芳料草

鹽、胡椒

...... 步數 ......

1. Gnocchi 落鼎炒 hōo 赤赤，提出來。

2. 挽肉、蒜頭落鼎炒熟，tiàu 寡鹽、胡椒提出來。

3. 羅馬萵仔菜、紅菜頭、紅洋蔥，瓜仔哖、蒜頭、橄欖油、芳料草、鹽、胡椒做一伙濫做陣搜齊，落盤仔。

4. Gnocchi、挽肉、林檎鋪頂懸，樂暢來食。

My Blog ist ein Muse wenn ich Camping mache.

Ich meine, was koche ich und auf dem Blog geschrieben habe, normalerweise erinnere ich mich   beim, Camping an jede Mahlzeit, wenn der Campingplatz kein Internet hat und ich habe keine Chance ein Rezept zu suchen, was ich auf meinem Blog geschrieben, ist ein Muse für mich.

Ja, obwohl beim Campen, ich möchte das Essen noch wie Gott in Frankreich nicht wie in Deutschland --- Brot mit Käse, oder Brot mit verarbeitetem Fleisch, you know what i mean.

Nächste Jahr, wir haben der Ausflug geplant, nochmal nach Frankreich und Spanien besichtigen, weil mein Mann braucht Sonne ebenso ich. Ich brauche Sonne obwohl ich hatte gerne nach Ireland oder Island Ausflug, aber, nach dem 2 Jahre besichtigung im Baltikum, ich brauche Sonne wie Europaer. SONNE, gebe mir SONNE, EIN GROßE SONNE.

Mich besorgt das Essen in Frankreich oder Spanien nicht, aber ich besorgt, ich habe keine Zeit für eine gute Mahlzeit haben, weil mein Mann wurde mich ein Esel sein, Schnell, Schnell, Schnell, wir haben so viele WUNDERSCHÖNe Plätze zum besichtigen.

Ich weiß, er möchte mir die wunderschön Sachen zeigen, aber leider ich habe keinen deutsche Magen, du weißt was ich sage. 

So, jetzt suche ich jedes Rezept das zum campen passt, besonders  Warmer Salat und einfach zu kochen ist, wie Gnocchi wie das Rezept.

Ich liebe das Rezept, weil es ist lecker und einfach zum vorbereiten und wichtig ist --- Das ist zum reinsetzen, sagt mein Mann.

Ich glaube, wir können es ruhiger haben wenn wir in Frankreich und Spanien Ausflug haben, oder?

Gnocchi-Salat mit Hackfleisch

...... Zutaten ......

Gnocchi　250g

Apfel in Scheiben schneiden  2

Hackfleisch　150g

Rote Zwiebel in Scheiben schneiden　

Olivenöl　2EL

Fein gehackter Knoblauch

Romanasalat

Gurken in Scheiben schneiden

Möhren aus der Dose　1

Kräuter

Salz ＆ Pfeffer

...... Zubereitung ......

1. Gnocchi in die Pfanne anbraten bis sie goldbraun sind, dann rausnehmen. 

2. Hackfleisch mit Knoblauch in die Pfanne anbraten bis sie goldbraun sind, dann rausnehmen.

3. Romanasalat mit Gurken, Möhren, Kräuter, Salz, Pfeffer, Olivenöl und Knoblauch gut vermischen.

4. Gnocchi mit Hackfleisch dazugeben und gut vermischen, Apfel hinzufügen. Guten Appetit!

My blog is a muse when I'm camping.

I mean, what I cook and have written on the blog, usually I remember every meal when camping, when the campsite has no internet and I have no chance to search for a recipe, what I wrote on my blog is a muse for me.

Yes, although when camping, I still want the food like God in France(Eat well) not like in Germany --- bread with cheese, or bread with processed meat, you know what i mean.

Next year, we have planned the trip to visit France and Spain again, because my husband needs sun as well as me. I need sun, although I would have liked to visit Ireland or Iceland, but after 2 years of visiting the Baltic States, I need sun like Europeans. SUN, give me SUN, A BIG SUN.

I'm not worried about eating in France or Spain, but I am worried I won't have time for a good meal because my husband will be a jackass, quick, quick, quick, we have so many WONDERFUL places to visit.

I know he wants to show me the beautiful things, but unfortunately I don't have a German stomach, you know what I'm saying. 

So, now I'm looking for any recipe that goes with camping, especially warm salad and is easy to cook, like gnocchi like the recipe.

I love the recipe because it's delicious and easy to prepare and importantly --- this is so yummy, says my husband.

I think we can have a quieter time when we have trips in France and Spain, or?

Gnocchi Salad with Minced Meat

...... Ingredients ......

Gnocchi　250g

Cut the apple into slices  2

Minced Meat　150g

Cut the red onion into slices

Oilve oil  2EL

Finely chopped garlic

Romaine lettuce　

Cut cucumber into slices

Canned Carrot　1

Herbs

Salt, pepper 

...... Method ......

1. Fry the gnocchi into the pan until they are golden brown, then remove it.

2. Fry the minced meat with the garlic in the pan until golden brown, then remove.

3. Mix the romaine lettuce well with the cucumber, carrots, herbs, salt, pepper, olive oil and garlic.

4. Add the gnocchi with minced meat and mix well, add apple. Enjoy your meal!