亂皂𥴊仔店 ⓂⒺⒾⓃⓀⒾⓄⓈⓀ

呔討 buē 興 tuì《Thá-kheh》佯青？

現現 tuì 這本冊 ê 感觸是深甲若菲律寡海溝。

呔討按呢生? Warum? Por qué?

Keine Ahnung，毋知 hōo 伊跟綴 Bach➀ ê 音樂揣出路。

呔 tsua̋nn 這久想 bueh uī 伊寫一篇？

凡勢是 Bach 勻勻仔順自然跟綴 Strauss 史特勞斯 An der schönen blauen Donau 掖 tī 美麗藍色多瑙河 ê 音符透流流入黑(hik)海，晟養烏克蘭、土耳其、羅馬尼亞、保加利亞、喬治亞、露西亞、土耳其。

冊，是我唯一願意無繩實體就撏錢請 Amazon, PChome、博客來 kā 我鬥相共 ê 物，準做 tuì 冊 ê 意愛 hōo 我願意若做賊點燈，真癮頭我願意撏錢請武市 kā 我鬥跤手 ê 冊，猶原是鋪面蟶，浸水蚵 ê 冊皮 tsiah-ē 引𤆬我成做未肥假喘，未有錢假好額人款 ê 目睭花花，圓仔花看做玫瑰。

像客語詩集《落泥》客語基礎 kan-ta 囡仔時捌佮秀鳳阿姨學過，這久 bueh 講出一句完整 ê 客語，彼是較早睏較有眠 ê 先 kā 猶有法度節 ê「阿媽 ê 寶藏」揣轉來較要緊。

畢竟自阿母轉去塗州賣鴨卵，有地講台語 ê 所在賰 Blog 這个環境交逐日攏愛搬 ê 這齣戲，食飯喝規半晡人猶原若佛公祀 tī 電腦抑是巧機仔頭前 ê 翁，這陣我就 ē 起毛䆀 kā 食飯湠到甲「抑是你 bueh 做仙。」 

一个語言上驚踅金龜磨，我若繼續按呢踅金龜磨有一日 buē 輾轉 ê 德語 ē 比自帕水就 teh 聽 ê 歌聲台語閣較老，我自身 ê 寶藏就愈來愈少，像《Thá-kheh》話頭；

3C ê 電腦手機現，本是 beh 縮短交通 ê 距離，增加人 kap 人之間互動交流，方便求取爆炸 ê 智識；卻是，見面 ê 時間愈少，難得見面 ê 時，坐對面 mā 是各人 tàm 頭坐禪入魔 hō͘ 手機 sńg；留 tī 厝內 ê 時間愈濟，lóng 是坐 tī 電腦前，hō͘ 電腦 ê 智慧軟體洗腦入迷，漸漸退化無閒去思考 lán tsit 塊土地 ê 寶藏；罕得人知影世界十大名樹，lán 有兩款特有種(tsing)，用台灣號名；逐國 lóng 有 in 特殊 ê 文化，iah lán ê 國服、國花、國舞、文化、歷史、濟濟「失落 ê 寶藏」---leh？

我是食中國歷史交地理大漢 ê 囡仔，離開臺灣交人破豆中國永遠講 buē 過食中國米水 ê 中國人，甚至是愈講愈感覺家己是冇蟳夯籠 ê 現世。 

《Thá-kheh》是踅博客來踅甲無地揣心適台文冊 tsiah 願意翻頭請武市 kā 我鬥跤手按臺灣寄到德國 ê 台文冊。 冊按臺灣飛到德國，關稅結掉領著冊，我隨 kā 冊按箱仔挈出來瞭一下，規仙人就隨牢 tī 這本冊，特別是我 tsiah 讀踏話頭猶未讀〈Thá-kheh〉。

..... 精寫 lán 共同生活 ê 土地深情，tī 保守洗盪 ê 年代，衝突 ê 族群文化，＂異＂國 ê 婚姻磨合........「本省掛，外省掛」.....無仝族群 ê 生存 kap 飲食文化 ê 落差....

遮 ê 踏話頭有 gún 芋仔爸交番薯母 ê 背景，有我囡仔時 ê 剪蟲。遮 ê 背景 mā tshan-tshiūnn 作者 ê 分張「人生如戲，小說 ê 情節有真有假，寫實？寫虛？男主角 Thá-kheh 有幾分作者 ê 形影？請看官 na 看 ná 臆謎。」

這段話 tī 我搪著𠢕人 tuì 我講「台語無人按呢講...」Stop！儉起來 ê 我 ê 人生故事我 ê 寶藏家己上知機，準做我 ê 學問無到𠢕人 ê 跤後蹬，我 ê 人生態度交〈文武 beh 學做上利〉相𫝛，我尊存別人有 ê 𠢕，我 mā 尊存家己 ê 戇巧。

思念是感情 ê 火種，語言是記持 ê 靈魂，我頇顢寫讀冊心得，這 mā m̄ 是好冊推薦，總是按〈Thá-kheh〉讀到〈失落 ê 寶藏〉hōo 我復倒少年 tshan-tshiūnn 鷹，繩家己 ê 東西徛偌遠，繩遐 ê 看起來真要意，窮真是家己一分田嗙甲幾若甲。

我是啥人？

冊合起來，囡仔時 ê「你是外省人，莫來 kā gún 穢，閃」，「你不是我們眷村的人，滾出去」....目今 ê「討食 m̄ 討趁 ê 亞洲人嫁 hōo 德國人就是貪財」，「亞洲人就是低路人...」tī 冊合起來成做我性命 ê 壅肥。

.... dass diese Furcht zu irren schon der Irrtum selbst ist.

這款驚惶著觸 ê 態度，兼勢是錯誤。

囡仔時慼「外省囝仔」佮「臺灣人」這兩个 hōo 我掠 buē 著頭 ê 名辭，大漢慼「中國人」、「臺灣人」、「泰國人」愛 hōo 我解說規半晡，人生路途沓沓仔行向半老老，你看我是攑蠓捽仔行雲頂，看我無抑是耳空窒破布，假無聽來掩崁膏流汁滴，像有 ê 人冇蟳無膏，因為聲嗽有法度比別人較大聲就一四界上樣(tsiūnn-iūnn)，像《都柏林人》ê〈相照影〉交〈一絲薄雲〉ê 依拿爵.嘉羅賀，我 buē 閣紲喙走相逐，掠做牛牽到北京 buē 做牛。

性命 tshan-tshiūnn 腎小球(renal glomerulus)伊 buē 增加，伊 kan-ta ē 愈來愈減 hōo 咱知影時間無限，咱人類喘氣有限。所致咱 m̄ 通做寡一日走拋拋，一暝點燈膋 ê kā 四常愛食到 85 歲 tsiah-ē 致著關節炎 ê 無四序徙到二十歲就滓著➁。

人生 ê 過了代 kā 伊看做豬來散，狗來富，貓來起大厝。這久 ê 我是貓來起大厝 ê 心安草厝穩，理解有錢福相，無錢鼓漲 ê m̄ 免交人挽牛頓草。

巡田園翻田塗，步頻想著作者是室內設計師，冊皮應當 buē 遮爾仔有藝術，我 ê 14 按冊皮看 buē 出這本冊 ê 大概... 我低路人需要像 In 80 Tagen um die Welt 環遊世界 80 天這類型一瞭隨知內文大約仔寫啥物心適代。

巡田園翻田塗 mā 翻頭看紹介確定冊皮 m̄ 是作者 ê 作品，藝術果然是 Picasso。

寧靜日那款早起頓 mā 那聽阿愷之聲EP153 文學烏亂濺：銃子和玫瑰了後？ft.李桐豪聽著李先生分張咱無 kā 臺語變做思考 ê 語言 hōo 我泅入菲律賓海溝，自 2019 開始 tī 遮以台文記錄四常交敨放過冬鳥後 ê 龍鳳壓力到將時 ê 倚 bueh 6 冬，我按德翻英，英翻華，華翻台一路行到這久，我 ê 台文猶原寫甲無夠扭掠，我 ê 台文字 mā 猶原豬母牽去牛墟寫 m̄ 著，總是我 tī 718 篇揣著家己 ê 刺激，像華語 ê 腎絲球揣無標準答案，我愛按怎寫？

我需要 kā 家己成做《漂流：我一個人在海上76天》ê Steven Callahan kā 學過 ê 智識交手面 ê 家私煮做一碗台文雞絲麵。

我頇顢寫讀冊心得，遮有詳細 ê 《漂流：我一個人在海上76天》專文紹介。

人生 tshan-tshiūnn 大舞台，苦齣笑料攏公開，我 ê 台文練習猶原冇 lok-lok，總是我願意接受這个挑戰 m̄ 是纏綴 P.79 頁 ê 湘禾踅金龜磨。

➀ Johann Sebastian Bach 德國作曲家，伊 ê 字姓 ê 德文是溪流

➁ 德國關節醫學衛教 ê 一段話

栽欉 --- 2023.06.07

翻田塗 --- 2025.01.12

《Thá-kheh》

㊔ 林貴龍

㊓ 李江却台語文教基金會

ⓦⓦⓦ 博客來