亂皂𥴊仔店 ⓂⒺⒾⓃⓀⒾⓄⓈⓀ

M̄ 知影是減肥彼段期間食食無閣綴翁正頓 m̄ 食，激食點心，彼陪伴我久冬 ê 問題，伊發現猴踅桶，變無輦，包袱仔款款 leh 偷走厝，致使現此時 ê 我 ē-tàng 風神講「我誠實是一條腸仔迵尻川」總算，m̄ 免提錢買奴才來做。

不而過，我 ê 大腸頭現此時有法得遮爾仔輕蠓蠓 mā 愛感謝德國 ê 外科技術，無𪜶 ê 鬥相共，我 ê 大腸頭到今該當猶是滯甲若東石 ê 外傘頂浮崙 bueh 徙位愛等海波浪遮 ê 自然變化。

是啦，彼掠做無重要 ê 問題成做我跍便所上齷齪 ê 艱苦，彼弓蕉明明就 bueh 趖出來，糞口 ê 毋成囡仔就是 buaih 放伊出來 ê 風火著。

30 捅歲仔就知影家己有內痔，總是彼陣 ê 衛教資料無這久 ê 斟酌 hōo 我掠做內痔 buē 愈來愈大粒免去要意。

這斗因為醫師好辣 hōo 我知影內外痔 ê 變化，tī 彼粒 hōo 先生號做洋刺波 ê 內痔一走出來隨揣專門科來問診，總是遮是德國 m̄ 是台灣，電話、電子批敲甲寫甲我想 bueh 規去轉來咱番薯島處理，總算有一間專門外科有時間 hōo 我齪嘈並得著一隻德國豬(Schwein gehabt)先生隔轉工有時間 kā 我處理。

是講一知影愛𠞭 m̄ 是縛樹奶，我規仙人 mā 開始倒勼想 bueh 閣拖落去，總是一想著這斗機會無捏 hōo 牢，後回閣見先生是半冬後 ê 代誌。

是，先生規个時間表攏滿...德國是有偌 tsuē 人佮我有相仝 ê 症頭.......滾耍笑--ê，這是一間專門治療胃腸兼糞口問題 ê 外科病院，𪜶無 tshan-tshiūnn 其他診所抑是外科病院冷冷 tuì 我講「猶閣有氣力揣門診，表示無要緊 ē-tàng 閣等。」

佮德國先生約好時間，人猶未等到厝我已經 kā 咱番薯島 ê 衛教讀甲若炕番薯遐爾仔燒 hōo 我成做病房上安靜 ê 怪奇病人。

德國 ê 醫療制度佮咱相𫝛，總是醫療 m̄ 是慈善事業所以美國電影演 ê 病院故事，像病人 kā 先生佮護理師當做服務人員來使用是誠四常 ê 畫面，只不過德國人猶是 m̄ 敢超過寸尺得失遮 ê 專業人員，所以自麻藥退掉清醒到隔工先生來查房，我 m̄ 捌 uī-tio̍h 空喙哀爸叫母揤鈴請護理師來鬥相共過。

這个恬靜 mā hōo 修女認為我歹勢 kā 𪜶齪嘈愛我有問題就隨揤鈴，總是自麻藥一退到先生檢查我 ê 空喙，我 m̄ 捌感覺佗位無四序，唯一無四序 kan-ta 先生問我敢有清大腸，我講猶未，護理師一見著伊準時送來 ê 藥包攏齊無見，唯一彼包我掠做糖粉 ê 通腸藥粉無食，伊口氣較䆀 hōo 我感覺無四序。

入院前一日，翁講「m̄ 管搪著啥物問題你攏 ē-tàng 揤鈴，德國 ê 護理師是隨揤隨來。」

我家己有親人 mā 食這途，身軀邊 ê 朋友 mā 有人 uī-tio̍h 醫病關係 ê 怪奇辭頭路，我隨問翁你 hőng 𠞭膽 ê 期間敢有遮爾仔䆀猴。

「無」

「按呢你閣教我做䆀猴」

開痔瘡 ē-tàng 講是大代誌 mā ē-tàng 講是一塊雞卵糕，總是開痔瘡佮得癌 ê 病人來講，得癌 ê 病人需要護理師 ê 鬥相共比我佮隔壁床 ê 太太閣較 tsuē，總是得癌轉來回診 ê 阿媽比我隔壁床 ê 太太閣較獨立 m̄ 捌 uī-tio̍h 眠床無好睏隨揤鈴，m̄ 捌 uī-tio̍h 糜飯桌囥壁角隨鈴要求護理師來 kā 伊徙桌 hōo 伊有通仔四序食飯。

是講，我 mā 捌想過，假使德國護理師無好鬥陣，我 bueh 按怎調整家己 ê 態度，總是我好字運搪著 ê 護理師佮先生仝款攏真有耐性聽我這个德語 kan-ta 3 歲囡仔程度 ê 人講話。

按病院出院，我 tuì 翁講恁德國佮 gún 臺灣攏相𫝛，本地 Florence Nightingale(南丁格爾)攏是 tuì 醫療有咱無法度想像 ê 熱情，外國來 ê 南丁格爾攏是 uī-tio̍h 人兩跤，錢四跤 teh 忍耐像我隔壁床 ê 太太。

確定無法度縛樹奶愛 hőng 𠞭，我揣足 tsuē 影片佮資料來驚家己。

總是，彼粒種 tī 糞口 ê 洋刺波自 hōo 先生挽掉到第一斗種芋仔弓蕉進前，我 m̄ 捌感覺佗落無爽快抑是無四序，唯一 ê 無四序 kan-ta 尻川一直感覺柯柯 ê 菜瓜(藥水布)楔 tī 遐。

Tī 彼包看起來若糖粉 ê 清腸藥仔食到第三包需要隨傱便所，我開始理解網路分張 m̄ 是假影，是真影。 

種芋仔弓蕉應當是一件快樂 ê 代誌，不過 tī 彼个時間是人若行入阿鼻地獄 ê 痛苦，無想 bue̍h 放伊出門。

這个痛苦維持偌久，這久巡田園，翻田塗已經 buē 記了了，總是彼个無想 bueh 放芋仔弓蕉出門 ê 感覺佮貪心一斗食傷 tsuē 清腸藥仔致使芋仔弓蕉 m̄ 願出門 ê 哀爸叫母我攏記牢牢到今。

我 m̄ 知影其他捌處理痔瘡 ê 人𪜶 ê 病症是按怎，總是自放痔瘡出門我又閣恢復囡仔時 ê 一條腸仔迵尻川 ê 四序。

凡勢是近來人捷看 Sealook 交按 Sealook 生湠 ê 요즘 핫플레이스 특 YouTube 就推薦我看鼻妹回憶錄割痔瘡記/下篇。我 m̄ 捌 YouTube 演算法，總是 Google 交 YouTube 敢若尪姨知影你 ê 大細項。

我 m̄ 知影請先生挽洋刺波 ê 朋友搪著 ê 狀況敢攏相𫝛，總是鼻妹分張 ê 影片上下篇看煞鼓，海馬踅去福爾摩沙三族記其中一章 --- 德國人 tuì 外科 ê 綿豉，隨感謝德國先生無 hōo 我經過鼻妹 ê 無四序，愛坐甜箍仔。

因為鼻妹割痔瘡 ê 回憶錄 hōo 我想著這篇心情記錄 mā 想著家己意愛 ê 生菜兔仔耳(Feldsalat/Lamb's Lettuce)當著時交助消化 ê 洋梨仔 hām 紫頭菜 ē-tàng 成做一份五彩十色無大細心，懸低耳 ê 虹盤，手䘼隨撆 --- 補喙空。

洋梨仔 ê 營養

紫頭菜 ê 營養

栽欉 --- 2022.04.30

接枝 --- 2024.11.12

兔仔耳紫頭菜洋梨仔生菜盤

...... 材料 ......

兔仔耳　150g

紫頭菜，切片　500g

洋梨仔　2g

橄欖油　1EL

蒜頭，刴幼

鹽、胡椒

...... 步數 ......

1. 橄欖油、蒜頭、鹽、胡椒濫做伙抐 hōo 齊。

2. 兔仔耳、Sòo-sù 濫做伙搜 hōo 齊，紫頭菜、洋梨仔鋪落去，樂暢來食。

Ich weiß nicht mein Darm funktioniert gut weil ich habe Gewicht verloren.

Ich meine der Essenstyl, ich folge nicht mehr mein Mann Liebeslings Essenstyl.

Jeden Tag muss nach 8pm Abendessen und mehr Zucker und Stärke zum Essen.

Oder mein Problem ist weg.

Oh, spreche über das Problem.

Ich muss sehr ehrlich sagen.

Deutschland's Chirurgie ist sehr gut wie als ich Kind schon wusste.

Weil...ich habe kein Problem wie was ich auf Taiwanesisch geschrieben habe.

Tut weh, tut sehr weh.

Aber, ich habe ein Problem.

Nach dem Medizin nehmen, ich kann nicht Stuhlgang.

Dann Stoppe ich die Medizin, alles Ordnung bis jetzt, obwohl muss ich noch weiter den Arzt besuchen.

Warum, schreibe ich das.

Meine große Schwester hat Problem mit

 den Darm.

Wenn ich habe das Problem, ich denke an sie.

Ich weiß nicht sie fühlt nicht oder sie probiert das Problem nicht zu beachten.

Ich weiß nicht, weil sie ist schon im Himmel.

Aber, ich kann mich daran erinnert, wenn mein Mutter hat Darmprobleme, weil sie ist Krank.

Sie fragt mich um Hilfe, dann das Problem gelöst.

Sie ist wie ein Vogel, so frei.

Ich auch, so frei wenn der Stuhlgang nicht in meinem Hintern sitzt 

Gesundheit ist wichtig.

Es hört nicht auf zu existieren, nur weil Sie denken, dass es nicht existiert.

Feldsalat mit Rote Beete und Birne

...... Zutaten ......

Feldsalat　150g

Birne in Scheiben schneiden　2

Gekochte Rote Beete in Scheiben schneiden　500g

Olivenöl　1EL

Fein gehackter Knoblauch

Salz ＆ Pfeffer

...... Zubereitung ......

1. Knoblauch mit Salz, Ölivenöl und Pfeffer gut mischen.

2. Feldsalat mit Soße gut mischen, Rote Beete mit Birne dazugeben. Guten Appetit!

I don't know my bowels work well because I have lost weight.

I mean the eating style, I don't follow my husband lovelings eating style anymore.

Every day must have dinner after 8pm and more sugar and starch to eat.

Or my problem is gone.

Oh talk about the problem.

I have to say very honestly.

Germany's surgery is very good like when I was a kid knew.

Because...I have no problem like what I wrote in Taiwanese.

Hurts, hurts very much.

But, I have a problem.

After taking medicine, I can't have bowel movement.

Then I stop the medicine, everything is fine until now, although I still need to visit the doctor.

Why, I write this.

My big sister has problem with

 bowels.

When I have the problem, I think of her.

I don't know if she doesn't feel it or if she tries to ignore the problem.

I don't know because she is already in heaven.

But, I can remember when my mother has bowel problems because she is sick.

She asks me for help, then the problem is solved.

She is like a bird, so free.

Me too, so free when the bowel movement is not in my butt. 

Health is important.

It doesn't cease to exist just because you think it doesn't.

Beetroot and Pear Salad with Lamb's Lettuce

...... Ingredients ......

Slice the Pear　2

Slice the cooked beetroot　500g

Lamb's lettuce　150g

Olive oil　1EL

Finely chopped garlic

Salt ＆ Pepper

...... Method ......

1. Mix the garlic with salt, olive oil and pepper well. 

2. Mix the lamb's lettuce well with sauce, add beetroot with pear. Enjoy your meal!