亂皂𥴊仔店 ⓂⒺⒾⓃⓀⒾⓄⓈⓀ

Ich habe viele Leute gesehen, die Bücher auf Instagram teilen.

Ich habe über diese Frage nachgedacht.

Liest jemand wirklich die Bücher auf diesen Fotos?

Oder sind diese Bücher nur ein Symbol der Form?

Ich weiß nicht, denn ich habe mein Buch auch ins Netz gestellt, aber nicht viele Leute haben es angeklickt.

Aber es ist mir egal, ob jemand den Knopf drückt, um es zu mögen.

Es ist nur so, dass ich durch diese Verbindungen an diese Sache denken muss.

Es fällt mir sehr leicht, einer Empfehlung zum Kauf eines Buches zu folgen.

Und dann lese ich diese Bücher nicht einmal, weil sie mich nicht interessieren.

Warum kaufe ich dann Bücher?

Ich denke, Eitelkeit.

Dieses Problem ist jedoch verbessert worden.

Es gibt einen Dämon. Finde ihn.

Die Eitelkeit ist mein Dämon.

Ich bin froh, dass ich ihn gefunden und ihm gesagt habe, dass du bei mir bleiben kannst, aber ich werde mich nicht mehr von dir beeinflussen lassen.

I have seen many people sharing books on Instagram.

I've been thinking about this question.

Is someone really reading the books in these photos?

Or are these books just a symbol of the form?

I don't know, because I also put my book online, but not many people clicked on it.

But I don't care if someone presses the button to like it.

It's just that these links make me think of this thing.

It's very easy for me to follow a recommendation to buy a book.

And then I don't even read those books because they don't interest me.

So why do I buy books?

Vanity, I think.

But this problem has been improved.

There is a demon. Find him.

Vanity is my demon.

I'm glad I found him and told him you can stay with me, but I won't let you influence me anymore.

進前熥舊文就決定放棄逼虎傷家己 --- 硬 bueh 綴人成做文青讀遐 ê tsham 我無一倚 ê 冊，總是我就是愛佯青/星銅牙槽鐡喙齒 m̄ 相信家己無彼个斤兩，我掠做出門行跤花這囮(buê) ē hōo 我 kā 彼本冊讀甲齊齊無一屑仔肉幼仔通揣。

結果...我正經牛就是牛，牽到北京也是牛。

我甘願閒仙仙，閒到掠蝨母相咬 mā m̄ 願 kā 彼本冊提出來讀，這久寫 Blog 翻草 tsiah 掠著漏。

我愛黜臭別人十个臭頭，九个破豆，我家己 mā 是𫝛款。

不過，準做事實是按呢我原仔堅持愛佯青/星，起因十个囝仔十樣生。

這味無合我 ê 脾土無代表伊無合別人 ê 脾土，sóo-tí m̄ 免看低家己 mā m̄ 免 uī-tio̍h m̄ 捌戲文，大氣著愛捎 leh 歕 buē 離。

這是原稿，這篇食譜記錄 ê 原稿。這久整理心情想 bueh kā 刣掉感覺秦(真)假仙，畢竟遮 ê 文字是記錄這篇食譜上真實 ê 我，特別是這久翻頭看彼久 ê 我原仔堅持愛佯青/星，起因十个囝仔十樣生，我猶原踅 buē 出 Google Non-no 帶 hōo 我，準做無人來行踏我猶原向望家己 ê 攝相是目睭綴 leh 食/Das Auge isst mit ê 虛華。

我猶原行 buē 出虛華，m̄-koh 我已經學 ē 曉按怎接受家己 ê 欠點。另外早前德文寫甲遐爾仔艱苦這久 kā 伊拊傷無彩手。

栽欉 --- 2022.11.13

那整理相片，那揉若爍爁 ê 半頭風，這就是和尚頭掠蝨母 ê 後果 --- 故意揣疼來齪嘈。

Tolle Snacks für Groß & Klein 有一段話 --- 囡仔 ê 早起頓交大人𫝛款攏是糜飯上重要 ê 一頓。我 ê 糜飯喙斗 mā 交這段話相仝，早起頓食無合意気持ち buē suh-puh-lín-liang。

Tsa̋ng 按 Lidl 款菜轉來，心那愖透早就捎出來退冰 ê 雞挽肉，目那看彼盒價數落三分一搪著拜五閣落五分一 ê 火雞挽肉，喙那唸這聲好矣，痟貪軁雞籠，這久你 bueh 按怎 kā 𪜶案內？

我自本 ê 下昏飯是雞挽肉煮米蘭草花敆糙米飯，一逝 Lidl 轉來按算 ê 三文魚交冷凍虎蝦無捾半包轉來，顛倒捾一盒無合脾土閣愛緊 bué 緊食 ê 火雞挽肉，這正經是彼號旗彼號鼓，彼號翁出彼號某，我食著翁 ê 喙瀾。

三文魚一公斤 15.99€ 猶是無較俗，冷凍虎蝦一公斤13.99€，咱 tī 法國隨敨隨食一公斤 ê 虎蝦 tsiah 8.99€ ，火雞挽肉這久一公斤 3.99€ 是三文魚 ê 4 公斤，虎蝦 ê 3.5 公斤，咱兜 ê 8 頓交 7 頓。

拜二翁某 ē 都合相招按車頭去 Lidi 款這禮拜 ê 按算，這个千算萬算 ê 按算終其尾猶是 m̄ 值翁一句。出錢 ê 人主意，特別是出錢 ê 人這久 mā 綴我巡場。

德國人愛食火雞肉，德國 ê 火雞肉 mā 俗價過雞肉，省儉(sangˋkiam) ê 我到今猶是 m̄ 捌 hōo 伊挵著頂腹蓋。

「你知影火雞肉 tuì 我無路。」

「這久 ê 伊是 Hack/挽肉 m̄ 是 Filet/襟胸肉。」

無想 bueh 家己撏錢就愛尊存出錢 ê 人伊 ê 主意，彼暝較按怎 m̄ 甘願猶是成做順民 kā 三文魚換做火雞挽肉做下昏飯交隔工 ê 早起頓 --- 橐袋仔麭敆火雞挽肉。

這斗出錢 ê 人無交我巡場，我 ē-tàng 自由兌現按算， 押尾猶是跟綴 Loreley ê 歌聲放棄鮮沢三文魚交冷凍虎蝦，選擇一屑仔攏 buē 敆喙 ê 火雞挽肉。

痟貪軁雞籠，這聲好矣，本底 ê 按算 hōo 家己舞甲連明仔載 mā buē 按算。

我無阿兵哥菜單，今仔日愛食這，明仔載愛食彼，m̄-koh 我有這暝按算明(miâ)仔日絕對愛兌現 ê 癖。

趁錢交減肥若有這款綿豉性地 m̄ 知偌好。

 拜五暝那愖 bueh kā 火雞肉敆珠仔豆入鍋仔煎 hōo 赤赤交 Kam-má-tooh 醬成做德國獅仔頭湯，抑是敆卵成做簡單 ê Patty 挽肉餅？那愖佗一味較敆翁 ê 喙斗 mā 那𫝻手機請示 Google Non-no 賜我智慧 kā 手頭生菜敆做一盤喙白翁意愛 ê 生菜盤。 

NDR ê Blaubeer-Hüttenkäse mit Minze --- 寮仔 Tshì-sù➀敆藍莓絕對敆喙白翁 ê 喙斗而且閣是針對肝包油(Fettleber) ê 設計，雖罔伊無肝包油問題，厝內 mā 無薄荷 m̄-koh 有麻仔葉(Rucola)。菜單一設定隨大划大划划向廚房準備材料 mā 大划大划划向眠床唔唔睏。

四常人一划上眠床，免招周公來行棋 mā 免算羊仔有幾隻 ê 我竟然睏 buē 落眠。

按呢 ê siat-tooh 是 bueh 敆俗麭、塗肉林檎、I-tá-lih 麵？菜蔬 kan-ta 青花仔菜一項無夠額敆 Rucola 又閣傷過 Grün(青)阿草生菜盤無虹盤，敆寡紅洋蔥色水 mā 無峇...色緻無法度鬥搭就莫 kā 翕相，藍莓貴參參這斗無翕相後回閣愛做一斗... 啊，你寫 Blog 是做議量抑是和尚頭掠蝨母無枷夯交椅....

日頭無曝尻川，目蚶自然開，透早無風無雨，爍爁卻硞硞爍。啉一杯仔燒茶，YouTube 切落去猶是單純 ê 音樂聲較有法度引𤆬我沓沓仔 Einatmen 欶氣 Inhale，Ausatmen 吐氣 Exhale，不過是按怎生，這久 ê 我猶 teh 愖今仔日 ê 早起頓到底 bueh 食啥！

「青花仔菜後禮拜 mā 是一蕊 0.99€」翁那𫝻手機那交代。

啊，青花仔菜，著，就是你。ió-gà 一結束 tsa̋ng ê 菜單齊反盤，除了睏無夠眠 ê 半頭風猶 teh 遮爍一下遐爍二下 m̄ 反盤。

「人主持人請逐家分張恁兜 ê 健康早起頓 m̄ 是分張恁 ê 早起頓食啥物」阿波羅交黛安娜走 phàng-kìnn ê 規禮拜總算 tī 寧靜日(Ruhetag/Sabbath Day) kā 雺霧𤆬轉去森林，烏仁目鏡緊鬥鼻骨 mā 那捋久日不見阿波羅彼頭金色頭鬃，順紲 tsham 翁分張透早 ê 廣播。

「Gún 兜 ê 早起頓有卵白質 --- 洋蔥火雞挽肉佮優格，活力來源 ê 含水碳素 --- 塗肉林檎，顧胃腸 ê 芥辣子油 --- Rucola 交顧目睭 ê Carotine 紅菜頭素 hām 顧筋骨 ê Omega-3 核桃佮橄欖油」翁那食那講 buē-su 伊 mā 上電台分張伊按怎攢健康 ê 早起頓「 我 ê 早起頓 m̄ 是果子醬敆麭加 Ka-pi」。

德國西南廣播電台/視(BW/RLP)近來捷討論食食問題，電台按 SWR1 到 SWR4 ê SWR1 請聽眾分張𪜶按怎款健康 ê 早起頓，聽眾齊回應𪜶透早食啥物 hōo 主持人只好 kā 往過 ê 訪問閣餾一斗，不過應效敢若無較縒，逐家猶是分張透早食啥物，除了我身軀邊 ê Robbe 45。

我無追求健康食百二 m̄-koh 追求身體莫成做藥廠實驗品之一，我 mā 無食食信仰像未來 ê 好心人，不過我相信身體病疼大多數是喙食出來，食藥過日子，不如好好食物過日子，這是我 ê 堅持，不過這个堅持 tī 德國 hōo tsuē-tsuē 人講我食過頭。

早前我真要意這个問題，起因交德國人相比並我確實食過頭，押尾看著 tsuē-tsuē 德國人食糜飯進前 kā 五彩十色 ê 藥仔當做菜鹹交從來 m̄ 捌有針 teh 揻 ê 跤後蹬影響我 ê 生活品質，我 tsiah 理解我 m̄ 捌食過頭過，不過我若繼續按呢跟綴德國人 ê 食食慣勢，我 mā 愛 kā 藥丸仔當做菜鹹來 Guten Appetit!

德國人食食慣勢交 gún 翁按怎改變喙斗，這是咸豐免講到今，我家己隨戽伊出門 ê 𤺪。畢竟這是𪜶規个社會共同育飼出來 ê 問題。

德國捌討論跟綴英國 ê 跤步 tuì 企業增加糖稅 mā 增加進口糖稅，來改善按喙食出來 ê 病體。不過這个提案 m̄ 捌提案成功過，因由用跤頭趺想隨知，企業反對。

「按恁德國醫藥發達交恁爸母 ê 見本來看，你 ē-tàng 食藥做菜鹹活過一百歲」這是 gún 翁某見擺做伙看 Die Die Ernährungs-Docs 我上捷 tuì 本底猶綿豉認定 gún 爸母喙斗無問題是你有問題 ê 翁無剾洗我 ē 著蛆 ê 話。

德國人早前敢是這款食食慣勢，我相信 m̄ 是，總是我相信發達 ê 醫療交大多數人攏納 ē 起 ê 醫療保險是造成𪜶敢若較 m̄ 驚致病性地 ê 因端。

➀ Hüttenkäse/Cottage cheese = körniger Frischkäse

接新枝 --- 2024.11.16

林檎青花仔菜冷盤

...... 材料 ......

林檎，切塊　1

煠好 ê 青花仔菜　200g

罐頭紅菜頭　100g

罐頭番麥　100g

橄欖油　1EL

Lê-bóng 汁　1/4TL

蜂蜜　1/4TL

蒜頭，刴幼

鹽、胡椒

...... 步數 ......

1. 橄欖油、蜂蜜、Lê-bóng 汁、蒜頭、鹽、胡椒濫做伙抐 hōo 齊。

2. 青花仔菜、林檎、紅菜頭、番麥、Sòo-sù 濫做伙搜齊，樂暢來食。

Ich weiß nicht ist das Geschirr hässlich oder meine Augen haben ein großes Problem, weil ich fühl das Geschirr(Braun) ist schön, jetzt ist es hässlich, das Bild muss weg.

Mann, ich bin ein Person sehr verändert. Aber ich habe niemals meinen Mann verändert. Er ist so arm, keine Chance eine neue Frau zu finden.

Ich liebe das Rezept sehr und heute habe ich genug Zeit, es mit den richtigen Zutaten zu machen.

Ich weiß nicht ob zu der Zeit mache ich das Bild schöner als vorher oder ich habe das Problem akzeptiert --- ich habe kein Talent eine Fotografin zu sein.

Aber es ist mir egal, ich fühl das Bild ist  schön und das Rezept ist zum reinsetzen. Hammer!!!

Brokkolisalat mit Apfel

...... Zutaten ......

Apfel in Scheiben geschnitten　1

Möhren aus der Dose　220g

Gekochter Brokkoli　500g

Mais aus der Dose　190g

Olivenöl　1EL

Zitronensaft　1/4TL

Honig　1/4TL

Fein gehackter Knoblauch

Salz ＆ Pfeffer

...... Zubereitung ......

1. Knoblauch, Honig, Zitronensaft, Salz und Pfeffer gut mischen.

2. Apfel, Möhren, Mais und Soße gut mischen. Guten Appetit!

I don't know that dishes are ugly or my eyes have a big problem, because I feel the dishes (brown) is beautiful, now it's ugly, the picture has to go.

Man, I am a very changed person. But I have never changed my husband. He is so poor, no chance of finding a new wife.

I love this recipe and today I have enough time to make it with the right ingredients.

I don't know if at the time I make the picture more beautiful than before or I accepted the problem --- I have no talent to be a photographer.

But I don't care, I feel the picture is nice and the taste is super yummy!!!

Broccoli Apple Salad

...... Ingredients ......

Apple cut into slices　1

Canned carrots　220g

Cooked broccoli　500g

Canned corn　190g

Olive oil　1EL

Lemon juice　1/4TL

Honey　1/4TL

Finely chopped garlic

Salt ＆ Pepper

...... Method ......

1. Mix the garlic, honey, lemon juice, salt and pepper well together. 

2. Mix the corn, Broccoli, carrots and sauce well. Enjoy your meal!