亂皂𥴊仔店 ⓂⒺⒾⓃⓀⒾⓄⓈⓀ

(2023.10.06 青豆仁蘑菇雞肉 + 清飯 + 優格/892kcal)

食「秀珍菇」步頻想著伊 ê 德文 kan-na 是蚵仔 ê 意思，手頭 ê 碗放落桌徛起身踅去客廳反字典 hōo 家己險 bueh 德國時行 ê SOKO 現場。

華文 ê「秀珍菇」正經是德文 ê「蚵仔」(Austern) ，這个發現湠出其他 ê 好玄 --- 華文 ê「秀珍菇」是按佗落來？

華文 ê 外來物號名大多數 m̄ 是照日文就是順英文，先請教英文 --- oyster mushroom, oyster fungus, hiratake, or pearl oyster mushroom，tsiâu-tsiâu 攏蚵仔，英文受法文影響 mā tsuē 請教法文按怎寫 Pleurote en (forme d') huître 意思 mā 是蚵仔，歐洲久年 ê 三角戀愛攏寫「蚵仔」，按呢華文 ê「秀珍菇」到底是按怎來，日文？？？

日文讀無總是有和字 thang 理解平茸(Hiratake)、本平茸(Honhiratake) 扁 ê 菇，無「秀珍」2字，Ah，我講「阿珍仔」咱敢 ē-tàng hōo 我請教一下，你這个 ê 字名是按怎來？是按怎你無 bueh 照你舊底 ê 生張號名蠔菇？

わからない(Wakaranai)一聲隨放阿珍佮家己自由，huînn-ti̍t 咱文章拳頭茶 m̄ 捌半項 mā m̄ 是這久 tsiah 發生。

一戰是德國救命糧草 ê「蚵仔菇」伊 ê 運命 tshan-tshiūnn《驚驚袂著等》輯六、厝邊一間廟 ê〈 番薯遮爾仔無人緣〉𫝛款無人緣。

㊔ 劉靜娟

㊓ 玉山社

ⓦⓦⓦ 博客來

我 m̄ 知影伊是按怎遮爾仔無人緣，總是伊正經 tshan-tshiūnn〈 番薯遮爾仔無人緣〉ê 這段話「這時陣，人嘛無愛買啦」連素食者 mā 無啥愛 kā 相伨，總是遮爾仔無人緣 ê 伊 tī 德國猶原金仔鞏--ê，價數無輸頁岩油 ê Pfifferling(雞油菇)。

是按怎 ē 按呢生，猶原是 Keine Anhnung ê kan-ta ē-tàng 講德國 ê 一屑仔鹽、一屑仔糖是別人 ê 10 倍，這件代誌𪜶家己 mā 捌剾洗家己。

蚵仔菇是德國一戰 uī-tio̍h bueh 改善戰爭帶來 ê 枵燥 kā 伊按 kan-ta 有法度按野生生湠轉做有法度乖乖照人類跤步來行 ê 人工種植成果。

那讀資料那剾洗家己 ê m̄ 捌字，看告示。

「你呔 ē 遮爾仔無食福，這按亞洲來 ê 阿菇足好食--ê」搪著答案進前我攏按呢 tuì 翁講，搪著答案我感謝翁無 kā 我黜臭。

世間有足 tsuē 事項 m̄ 是我現此時認捌 ê 生張，經過這件代誌我愛閣較斟酌點拄家己千萬 m̄-thang 繼續 m̄ 捌食過豬肉喝豬肉芳，見笑代。

因為寫「秀珍菇」mā hōo 我好玄臺灣按怎講?

請教教典，無答案。

請教 Itaigi愛台語，無答案。

請教 ChhoeTaigi 找台語 mā 無答案。

按呢我就按德文、英文、法語一路湠到 buē 曉講 m̄-koh 行踏丹麥看菜單 mā 臆 ē 出來佮蚵仔有相干 ê  Almindelig østershat kā 伊號做「蚵仔菇」。

這是一篇早前寫 ê 文章。

彼陣 ê 我真愛踅 Itaigi愛台語 mā 真愛分張家己想 ê 新辭。

總是我佮這句話相𫝛「臺灣無三日好光景」Egg tart 食無一禮拜隨放捒，因為無閣興。

這久整理舊文章佮無 bueh 挃 ê 食譜，感覺伊猶原有足 tsuē 故事 thang 寫 thang 講就 kā 伊踅來這篇記錄，準做蘑菇佮蚵仔菇一屑仔攏無相干，總是𪜶攏是阿菇。

青豆仁蘑菇雞肉

...... 材料 ......

雞襟胸，切塊　400g

蘑菇，切塊　400g

椰子漿　100ml

罐頭青豆仁　100g

蒜頭，刴幼

酒

滾水　200ml　

豆油　1EL

糖　1/4TL

鹽、胡椒

...... 步數 ......

1. 雞肉落鼎炒熟，tiàu 寡酒，提出來。

2. 洋蔥、蒜頭炒芳，落蘑菇炒軟，雞肉濫落去。

3. 豆油、滾水、糖、椰子漿濫落去搜齊煮10分鐘，青豆仁濫落去，tiàu 寡鹽、胡椒，樂暢來食。

(06.10.2023 Hähnchen mit Champignons und Erbsen + Reis + Joghurt/892kcal)

Ich habe gedachte, die Austernpilze kommen aus Asien, z.B. Japan.

Aber die kommen aus Deutschlad.

Das ist sehr interessant für mich.

Ich suche, das taiwanesische Wort für Austernpilz auf Taiwanesisch.

Leider ist eine Sprache seit fünfzig Jahren verboten, und diese Lücke lässt sich vorläufig nur schwer schließen.

Ein Wörterbuch ist eine von Menschen geschriebene Aufzeichnung.

Ich bin kein Experte für Sprachwissenschaft,aber ich kann mir merken, was ich gelesen habe.

Das deutsche Wort "Austernplize" bedeutet Auster.

Dann nenn sie einen " Ô-á-ko͘ " Austernpilz.

Ô-á = Austern

Ko͘  = Pilz

Hähnchen mit Champignons und Erbsen

...... Zutaten ......

Hähnchen in Stücke geschnitten　400g

Champignons in Stücke geschnitten　400g

Erbsen aus der Dose　1

Kokosmilch　100g

Fein gehackter Knoblauch

Wasser　200ml

Sojasoße　1EL

Weißwein　

Zucker　1/4TL

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, Weißwein dazu geben und gutmischen, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind.

3. Champignons in die Pfanne geben und anbraten bis sie goldbraun sind, Wasser mit Sojasoße, Kokosmilch und Zucker dazu geben und gut mischen. 

4. Hähnchen dazu geben und gut mischen, ca. 10 Minuten kochen, Erbsen dazugeben und gut mischen.

5. Mit Salz und Pfeffer abschmecken. Guten Appetit!

(06.10.2023 Chicken with Mushroom and Peas + Rice + Jogurt/892kcal)

I thought the oyster mushrooms came from Asia, for example Japan.

But they come from Deutschlad.

This is very interesting for me.

I am looking for how to say the Taiwanese word for oyster mushroom in Taiwanese.

Unfortunately, a language has been banned for fifty years and this gap is difficult to bridge for the time being.

A dictionary is a record written by humans.

I am not an expert in linguistics, but I can keep track of what I've read.

The German word "Austernplize" means oyster.

Then call her an " Ô-á-ko͘ "(oyster mushroom).

Ô-á = Oyster

Ko͘  = Mushroom

Chicken with Mushroom and Peas

...... Ingredients ......

Chicken　400g

Mushroom cut into pieces　400g

Canned peas　1

Coconut milk　100ml

White wine　

Water　200ml

Finely chopped garlic　

Sugar　1/4TL

Soy sauce　1EL

Salt ＆ Pepper

...... Method ......

1. Put the chicken in the pan and fry until golden brown, add white wine and then take it out.

2. Put the onion with garlic in the pan and fry until they are golden brown.

3. Put the mushrooms in the pan and fry until they are golden brown, add water with soy sauce, coconut milk and sugar and mix well.

4. Add the chicken and mix well, cook for about 10 minutes, add peas and mix well.

5. Season with salt and pepper. Enjoy your meal!