亂皂𥴊仔店 ⓂⒺⒾⓃⓀⒾⓄⓈⓀ

人講仝師傅，無仝工，我 tuì 白銀魚 ê 歹印象按 gún 翁遐來，我強烈拒絕瑞典薄餅麭是按勥母遐來，insgesamt 總合來講順 1918 出世 ê Herr Stoll 阿爸➀分張 ê Das ist neues Gemüse 這是新菜蔬 ê 我若哭呻白銀魚、白草花、紫頭菜、瑞典薄餅麭歹味齊是按 gún 翁交𪜶𠢕扞鼎𠢕享受生活 ê 爸母遐來。

Gún 翁 buē 綿纏觸纏哭呻菜擴、芹菜、敏豆、白花仔菜一大トラック(LKW, Truck)䆀味 buaih 食 mā 是仝款，無仝師傅 ê 結果。

「後生娶某是人兜--ê」這是勥母交勥爸 tī 往過嫌新婦頇顢扞家專工落南來出菜，搪著後生一屑仔攏無帶念伊 ê 辛苦 mā 無要意伊 ê 恐喝就開始唸歌 --- Gún 後生是鹹甜汫無嫌呔 ē 某一娶，翁親某親，老婆仔拋車輪 ê kā 我戲棚頂做甲流汗，戲棚跤嫌甲流瀾，我呔 ē tsiah 業相。

翁兜 ê 勥爸母閣喋詳落去連阿菇攏喝救命。

德國人按勇甲若戰車沓沓仔行向荏身到荏身命 ê 時間大約按 1960 開始，往過鞏金 ê 牛豬雞羊肉成做俗物 bué 食破家，往過 hőng 頓印仔 ê 魚成做愛擲捒 ê 舊漚舊臭，除了顧筋骨 ê 魚油掠外，m̄ 免飼料成本 ê 魚是散凶人上好 ê 卵白質來源。

往過是阿舍 ê 魚油，目今成做政府央三託四人民 buaih 食魚 mā 愛加寡食魚顧筋骨 ê 宣傳。德國人因為食食問題致著關節炎 ê 比例，就若臺灣 5 个人就有一个有糖尿病仝款。

我愛食魚，德國 ê 魚因為環境污染加上無限制 ê 牽罟掠魚 hōo 魚按 tsuē 甲若河溪沓沓仔行向沙漠，愈來愈少 mā 愈來愈貴重 ê bueh 倒膽食魚臊 ê 貴參參。

像向時是散食人 teh 食 ê 白銀魚(Hering)目今一公斤 ê 價數 7.51€，這个價數閣 m̄ 是德國當地出產 ê 價數，另外這个價數閣 m̄ 是鮮沢一尾魚，這个價數是鹹篤篤 ê 鹹膎(kuê)。

我愛食魚 tuì 魚 mā 無啥喙白，總是自 gún 翁交我分張𪜶德國人按怎食魚和肉佮，我就隨決定 buaih 繼續交伊來往，一直到 2024 人 tī Stralsund 搪著 Bismarckhering 我 tuì 白銀魚和肉佮 tsiah 湠火母。

我 m̄ 知影將時 ê 德國發生啥物代誌，總是 kā 德國拆做 BRD 前西德交 DDR 前東德，我個人認為好食 ê 德國味素齊 tī 東爿。

Tī Mecklenburg-Vorpommern 食著 ê 魚肉糋和肉佮 hōo 我想著臺灣菜市仔 ê 糋路擔，彼胡椒芳彼掜粉 ê 酥.....夭壽骨下昏飯猶有一塊 buē-tàng 閣按呢寫落去。

因為德東白銀魚 ê 好味素 hōo 我按算 kā 伊按火星接轉來地球，總是跟綴 gún 翁 tī Hamburg 漢堡, Cuxhaven 庫克斯港, Flensburg 等等遮 ê 倚海城市食過 ê 魚臊滋味，我又閣 kā 伊送轉去火星，畢竟 7.51€ ē-tàng bué 1 公斤牛挽肉，3 公斤豬挽肉，斤半 ê 牛豬挽肉，1 公斤左右 ê 雞襟胸，2 公斤 ê 雞摸交鼓箸雞腿，遮 ê 肉 ē-tàng 食兩禮拜，一公斤 ê 白銀魚款基本型 Nordische Art 北爿手路 kan-ta ē-tàng 食 3 ~ 4 擺無較加兼我驚目睭一瞌隨 hōo 七爺八爺𤆬去割舌就愈窮斤算兩到我搪著 Die Ernährungs-Docs 營養師我總算揣著敨放七爺八爺來揣我 ê 驚惶，紲落來生湠閣較 tsuē ê 白銀魚料理，像這出波蘭白銀魚生菜盤 Polnischer Hering-Apfel-Salat，準做我無照起工來行，伊猶原好味素甲我三不五時 ē 攢伊來佮本底 mā hōo 我慼 ê 瑞典薄餅麭做伙做早起頓享受。

「請教先生，呔討好食物到恁兜齊成做䆀味素？」2024 上北瑞典，發見架頂五彩十色閣百樣 ê 麭唯獨 Je weniger Zutaten, desto besser 成份愈少愈好 ê Knäckbrot buē hōo gún 食破家，uī-tio̍h buaih 跟綴厝邊 ê 影跡一逝遠甲叫 m̄ 敢 ê 車路到挪威，煞因為路費無節成做去時紅膏赤蠘，轉來鼻流瀾滴，tuì 薄餅麭無好印象 ê 我喙齒根咬 leh mā 愛食。這个姑不而將 ê 敨脫成做喙舌 ê 一蕊花莓，紲落來生湠閣較 tsuē 花莓。目今我上意愛 ê 味素是麻仔。

因為這个新發現 hōo 貧惰家己做烏麥酸酵母麭 ê 我 kā Die Ernährungs-Docs 看來 ê 建議紫頭菜白銀魚敆烏麥仔麭上佮喙徙來到瑞典薄餅麭，自彼日開始白銀魚交瑞典薄餅麭成做我個人喙斗 ê 司公仔象桮分 buē 開。

「因為𪜶 kan-ta 捌臭頭包布，防蠅(風神) m̄ 捌學習看物敆味」翁應。

因為款白銀魚頭殼 ê 海馬 mā tī 迷宮泅來泅去，泅 buē 出一个出口通離開 hōo 我又閣成做貓請教 Google 是按怎鹹膎白銀魚 tī 德國愛號做 Bismarckhering 俾斯麥白銀魚?

1. Bismarck tī Stralsund ê 生理人迷眾向伊請示敢有法度 kā 伊 ê 鹹膎白銀魚號做 Bismarckhering 俾斯麥白銀魚。

2. 是普丹麥爭，Bismarck 行踏 Flensburg 餐廳 tuì 店東褒嗦𪜶兜 ê 鹹膎白銀魚好味素，就此這魚就號做 Bismarckhering 俾斯麥白銀魚。

資料來源 --- Bismarckhering, Planet Wissen

➀ Herr Stoll 是往過 ê 厝邊，伊 ê 年歲猶比 gún 芋仔爸少年，所致我攏稱呼伊阿爸。

波蘭白銀魚生菜盤

...... 材料 ......

罐頭白銀魚，切塊　1

瓜仔哖，切片　1

林檎，切塊　1

蒜頭，刴幼

Khu-lì-mù tshì-sù　50g

牛奶　30ml

紅洋蔥，刴幼　

鹽、胡椒

...... 步數 ......

1. Khu-lì-mù tshì-sù、牛奶、蒜頭、鹽、胡椒濫做伙抐 hōo 齊。

2. 瓜仔哖、林檎、紅洋蔥濫做伙搜齊，Sòo-sù 濫落去搜齊，白銀魚摻落去搜齊，樂暢來食。

Vorher, ich mochte kein Hering, egal ob Sahnehering oder Bismarckhering im Brötchen. Ich mag es gar nicht.

Warum?

Das Brötchen ist wie Stein, der Hering schmeckt nur nach Essig und Salz, dann muss man ihn noch mit Sauergurken zusammen essen.... give me a break, das ist zu viel. Ich meine für den Hering.

Hering ist lecker aber man muss ihn nicht kaputt machen... genau wie der Reis lecker ist aber man muss ihn nicht mit Zimt zusammen kochen.

Entschuldigung, ich  bin aus Asien, wir essen den Reis und den Reis ist auch Süßigkeit bei uns, zum Beispiel Mix Congee, Logan and Sweet Rice Porridge und so weiter, Sie sind aus Reis.

Ich übe die Sprache für Hering, warum beschwere ich mich über den Reis, mit meinem Manns Familien, ich werde sagen, deutsches Essen ist deutlich furchtbar. 

Ja, ganz furchtbar.

2024 wir haben einen kleinen Ausflug nach Schweden gemacht, ich fand das Knäckbrot so lecker, nach Schweden ich fand den Hering in Stralsund so lecker, und ich fand das Brötchen ist lecker als Fischbrötchen. 

Für die Probleme, ich geben sie über 10 Jahre aus zum finden dass Sie sind lecker.

Für das Problem, ich fand dass ich gleiche Problem wie mein Manns Familie habe, wage es nicht abenteuerlich, das ist nicht gut.

Ich danke dem Laden, der Fisch sieht so lecker aus und macht mich wie ein Katze so neugierig und möchte den Bismarckhering nochmal probieren, ich danke Schweden, weil das Brot zu teuer, , ich muss das Knäckbrot nochmal probieren, und oui so lecker.

Ich weiß nicht warum, das leckeres Essen über meinem Manns Mutter und mein Mann alle sind Kaputt. 

Ich danke mir, ich habe der abenteuer Herz nicht vergessen.

Die Rezeptidee vom Polnischer Hering-Apfel-Salat, nicht 100% genau, aber das ist mein Geschmack.

Polnischer Hering-Apfel-Salat

...... Zutaten ......

Fein gehackte Rote Zwiebel　1

Hering aus dem Glas in Stücke geschnitten 　1

Fein gehackter Knoblauch

Frischkäse　50g

Milch　30ml

Apfel in Stücke geschnitten　1

Rote Beete in Stücke geschnitten(Vorgekocht)　500g

Salz ＆ Pfeffer

...... Zubereitung ......

1. Frischkäse mit Milch, Knoblauch, Salz und Pfeffer gut mischen. 

2. Apfel mit Gurken und Zwiebel gut mischen, Hering mit Soße dazugeben und gut mischen. Guten Appetit!

Before, I didn't like herring, whether it was creamed herring or Bismarck herring in a roll. I don't like it at all.

Why?

The roll is like stone, the herring only tastes of vinegar and salt, then you have to eat it with pickled gherkins.... give me a break, that's too much. I mean for the herring.

Hering is delicious but you don't have to break it ... just like the rice is delicious but you don't have to cook it with cinnamon.

Sorry, I am from Asia, we eat the rice and the rice is also sweet with us, for example, Mix Congee, Logan and Sweet Rice Porridge and so on, they are made of rice.

I practice the language for herring, why do I complain about the rice, with my husband's families, I will say that German food is clearly terrible.

No doubt, very terrible.

2024 we took a little trip to Sweden, I thought the crispbread was so delicious, after Sweden I found the herring in Stralsund so tasty, and I found the roll was delicious as a fish roll(Fischbrötchen). 

For the problems, I spend over 10 years to find that they are delicious.

For the problem, I found that I have the same problem as my husband's family, don't dare to be adventurous, that's not good.

I thank the store, the fish looks so delicious and makes me so curious like a cat and want to try the Bismarck herring again, I thank Sweden because the bread is too expensive, , I have to try the crispbread again, and oui so delicious.

I don't know why, the delicious food over my husband's mother and my husband are all broken.

I thank myself, I have not forgotten the adventurous heart.

The recipe idea of Polish herring and apple salad(Polnischer Hering-Apfel-Salat), not 100% accurate, but that's my taste.

Herring Salad with Apple and Cucumber

...... Ingredients ......

Finely chopped red onion　1

Herring from the jar cut into pieces 　1

Finely chopped garlic

Cream cheese　50g

Milk　30ml

Apple cut into pieces　1

Beet cut into pieces (pre-cooked)　500g

Salt,pepper 

...... Method ......

1. Mix the cream cheese with milk, garlic, salt and pepper well.

2. Mix the apple, cucumber and onion well, add the herring and sauce and mix well. Enjoy your meal!