亂皂𥴊仔店 ⓂⒺⒾⓃⓀⒾⓄⓈⓀ

喝收擔喝幾仔冬 ê 翁 ê 公司 tī 這斗 ê 疫情總算落決心 --- 收擔。

 我按呢講 buē-su 誠替翁歡喜仝款，總是我清楚知機 m̄ 是，不過我確實有一種「雜唸大家出蠻皮新婦」ê 態度，喝「𨑨迌」免致意。 

翁自學生實習(si̍t-si̍p)就敢若 Mistel 寄生仔白莓 tī 這欉百年大樹吸收養份到伊 mā 有才調 kā 養份分張 hōo 其他 ê 人，交伊做無仝途 ê 我 mā 因為這欉樹成做 gún 翁 ê 寄生莓仔，kā 家己若涵空龜 ê 人生提升到別人欣羨 ê 十八港跤猶未行透透 ê 好字運，總是我 mā 清楚這个好字運是人飼人，一支骨，天飼人，肥朒朒，伊 buē 遮爾仔好按算，tshan-tshiūnn 翁設定 ê 我 bueh 做到幾歲就 bueh 交伊 さようなら。

「Hōo 你哭呻 buē 離 ê 大家這久正經愛你去雲遊四海，你有啥物感覺?」自交伊熟似就聽伊「雜唸」到猶未徙岫就已經成做「蠻皮」ê 我問。

「我 buaih 遮爾仔早就 hőng 雲遊四海...」伊應。

自我交伊熟似，逐日喝忝頭，逐日喝 55 歲彼冬我 bueh 辦退休，這斗 ê 疫情 hōo 伊美夢成真，大樹主動 kā 辦退休，伊開始愖 bueh 按怎 Ver.di(罷工)爭取工作福利。

「恁另外一个部門 mā m̄ 是無 Ver.di 過...」當伊提出 Ver.di 想法，我隨舉彼場無你我 mā buē 減肉 ê Ver.di，畢竟這久 ê 年代 m̄ 是阿公阿媽彼个年代。

「...」

「食菜，食菜，食甲肚臍為界 ê 美夢成真 hōo 你有時間實踐雲遊四海偷走厝計劃敢 m̄ 好？」我刁意故問。

「...」

大樹通知𪜶這部門員工愛收擔 m̄ 是一冬 ê 代誌，是十冬前就 teh 討論 ê 議題，一个按算收擔 ê 公司 tī 這个按算開始討論有法度繼續渡過十捅冬並照實支出退休金交遣散費誠實是無簡單。

我朋友 ê 老母 tī 勞基法法定退休進前 hőng 請辭頭路，我 ê 朋友做甲 bueh 倚勞基法退休年限，頭家講公司換人扞，年資愛重算...我 kā 遮 ê 故事分張 hōo 伊聽，伊愖一睏仔講「德國交臺灣無相仝。」

「莫怪恁飼一堆討食 m̄ 討趁 ê 吸血鬼」我應，別人兜 ê 福利政策，我 m̄ 捌使用，m̄ 免喋詳。

美夢成真 ê 第一工，伊開始計劃「偷走厝」mā 正經認真偷走厝，總是人生是一礐屎，看三擔➀，伊開始感覺一日貼貼攏 teh 行尞是一件無局 ê 工藝。

「我 bueh 來揣小工做」伊講。

「心無定準做日日正月初一，頓頓二十九暝猶是苦毒」我講。

自伊確定大樹 bueh 收擔，伊就拚勢分張「D 已經揣著別 ê 穡頭，T 去參加會計課程，E 講伊 bueh 做小工，我無興浪費性命，我 bueh 來雲遊四海，起因我 ê 鼻仔已經滇甲無法度閣滇➁」這久伊 mā 開始承當初看 buē 上目 ê 生活態度 hōo 我這支喙無 kā 剾一下 buē 挃--li̍h。

「你 ê 齆鼻這久敢有較好寡?」我講。

「你知影 Die Spinnen, die Römer➂」伊家己剾洗伊家己。

翁有一个朋友 mā 計劃 bueh 提早退休，提早退休 ê 理由是「生活 m̄ 是 kan-ta 作穡」，這久舊枝新妝想著這位朋友 mā 是翻頭繼續做穡，起因無做穡，慣勢 ê 冇手四常無法度接續運作。

自決定徙來德國，我 ê 目標是設定先歇一睏仔 tsiah 出發，歇睏到今，我猶 teh 歇，底時 bueh 出發，時到就知，畢竟，千算萬算，m̄ 值天一劃，敢 m̄ 是。

➀ 設定 ê 目標佮現實 buē 敆逝

➁ Ich habe die Nase voll，tuì 一件代誌感覺過額，無興閣繼續

➂ 意思痟甲無尾溜

--- 2021.12.16

Wegen Corona Virus, mein Mann muss die Arbeit pausieren.

Damit bekommt er seinem Wunsch, vorzeitig in Rente zu gehen.

Und Ich muss mir diese Geschichte nicht noch einmal anhören.

Ich muss Rente " FRÜHER ".

Gott sei Dank!!!

Wenn Rente Tag anfängt er ist sehr glücklich und sagt es mir jeden Tag.

Wir können nach hier oder da fahren.

Ich sage, ich glaube nicht.

Warum, fragt er.

Wegen, Corona, antworte ich.

Nein, das ist nicht so gefährlich, sagt er.

Nach dem gesprochen, er mich fragt Können wir die Maske aus Taiwan einkaufen, dann sagt er ich möchte neu Arbeit suchen....

Das ist interessant, ah?

Sehnsucht nach Ruhestand, dann eifrig zu arbeiten.

Jetzt hat er neue Arbeit gefunden.

Ich frage er, wie denkst du Arbeit und ohne Arbeit.

Er sagt ein bisschen Arbeiten ist gut.

Egal Arbeit oder nicht Arbeit, du muss sehr klar sehen was du tun möchtest, dann beschwere dich nicht.

Jetzt gibt's viele interessante Geschichten von meinem Mann, ich möchte die Geschichten schreiben.

Aber leider jetzt zu faul.

Aber, ich habe Geduld bis Muse kommt zu mir zum Kaffee Trinken.

Because of the Corona Virus, my husband has to take a break from work.

This allows him to fulfill his wish, retire early.

And i don't have to listen to this story again.

I have to retire "EARLIER".

Thanks God!!!

When retirement day starts he is very happy and tells me every day.

We can go here or there.

I say I don't think so.

Why? He asks.

Because of Corona, I answer.

No, that's not that dangerous, he says.

After speaking, he asks me Can we buy the mask from Taiwan, then he says I would like to look for a new job ...

That's interesting, ah?

Longing for retirement, then eager to work.

Now he has found new work.

I ask him how do you think work and no work.

He says a little work is good.

No matter work or no work, you have to see very clearly what you want to do, then don't complain.

Now there are a lot of interesting stories from my husband, I want to write the stories.

But unfortunately too lazy now.

But, I have patience until Muse comes to me for coffee.