亂皂𥴊仔店 ⓂⒺⒾⓃⓀⒾⓄⓈⓀ

(2023.10.14 玫瑰草花雞肉滷 + 水管麵 + 希臘優格/966kcal)

本底是想 bueh kā 德文食譜囥踮德文版本 ê Cookpad 成做掠外一个德語練習環境。

Tsiâ 知 APP tsiah 掠一半伊就懶屍 buē-tín-buē-tāng 隨放棄，總是我是𠢕反冊 ê 性地，一決定放棄 mā 反著近來發生 tī 美國免費網站 ê 個資漏洩佮二冬前我捌搪過 ê 問題，特別是這件代誌是發生 tī 德國。

德國有一个聽講(𪜶家己分張 ê 紹介)是全歐洲上大上 tsiâu 全 ê 食譜網站，𪜶歡迎世界各國 ê 人踮𪜶遐寫食譜佮分張家己綴 leh 做 ê 相片，簡單講就是臺灣 ê Icook 精差語言需要使用德文佮每一份食譜 hām 相片攏愛經過𪜶 ê 審查，有通過 tsiah ē-tàng 上𪜶 ê 網站，這點佮愛料理就無相仝。這个規定看起來規矩閣公正，窮真是顯現一个人提著權利 ê 㾀勢面。

猶未參加愛料理進前，我人已經 tī 這个網站踮沫分張家己綴 leh 做 ê 相片。加入愛料理我就沓沓仔 kā 綴 leh 做 ê 食譜佮相片記錄踮愛料理， mā kā 原食譜連結分張踮小撇步這格，hōo 有興趣理解閣較 tsuē 資訊 ê 朋友有完整 ê 資料做參考。

一日，我照四常 ê 慣勢 kā 相片寄 hōo 德國這个網站。我 ê 攝影風格從來 m̄ 捌改變，寄出去 ê 相片 mā 罕得有回應隨上刊，除了一回人 tī 臺灣無正港 ê 白脫牛奶(Buttermilch)就家己捎優格透 Lê-bóng 汁來做 Irisches Sodabrot(愛爾蘭蘇打麭)，彼成品當然無法度上刊，畢竟優格 m̄ 是白脫牛奶。

Liebe(r) Chef(in),

Vielen Dank für ihr schönes Bild, aber leider, das Irisches Sodabrot passt nicht für das Rezept. 

Hier ist mehr Irisches Sodabrot Rezept.

這是彼陣收著 ê 回應，誠客氣 mā hōo 我清楚知影這个網站 tuì 相片 ê 要求。

我敢 m̄ 知影這个問題，當然 mā 清楚，起因這个麭我做過百百遍，總是人就是按呢，虛華一出場，事實隨無見。愛爾蘭日頭無夠焱焱，不過 Sodabrot m̄ 捌成做我虛華 ê 面肉 Vitamin D 欠甲 hōo 伊看起來若 Schneewittchen(Snow White，白雪公主)。

攝影風格無變，食材 mā 照步數來款 ê 綴 leh 做相片寄出去無偌久隨收著一張無標準化書寫 m̄-koh 開門見山通知「我是賊仔 ka̋ng 偷相片來囥。」

遮是德國 m̄ 是大漢嬰，準做是大漢嬰角勢我 mā buē 遐爾仔食飽換枵掠圖來換虛華，而且閣是無料通趁 ê 虛華隨寫一張批請教𪜶是按佗落揣著相仝 ê 圖，若是臺灣 ê Icook 按口座名稱 ē-tàng 看出作者是仝一位，另外𪜶若需要原稿我 ē-tàng 提供。

我清楚知影我德文寫甲無真德國氣，總是 mā 有德國味，對方猶原回批一句「你是賊仔」。

你 ē-tàng 嫌我德文寫甲無優雅，你 buē-tàng 按呢白白仔布染甲烏烏白亂講，隨請 gún 翁佮對方對話。凡勢是德國人親身出馬 hōo 搦權者看出德文書寫精差隨客客氣氣標準化回函「敬愛 ê 先生」遮 ê 句，然後交代伊是隨機 tī 網路見著相𫝛 ê 圖。

Gún 翁隨回批請伊 kā 隨機揣來 ê 連結寄 hōo gún，因為 gún 太太 ê 作品捷出現 tī Winnie the Pooh 管理 ê 角勢。對方隨應講伊已經 kā 這个事件呈報 hōo 伊 ê 主管，伊 ê 主管同意 kā 我 ê 相片囥踮𪜶 ê 網站。自彼日到今 bueh 6 冬，我 ê 相片 m̄ 捌出現。自這个事件，我 m̄ 捌閣燒燒 ê 面焐人 ê 清(tshìn)尻川，熱情 kā 𪜶鬥弓資料庫 hōo 𪜶成做 Google 籠面。

Tī 對方表示大丈夫煞遲遲無聲無息「敢愛我繼續寫批去問」翁問。

「我無興趣佮一个愛講白賊兼假德國人踅玲瑯」我應。

「這是你 ê 權利」翁講。

我 kā 口座資料展 hōo 翁看，伊看煞隨講「這間公司 ê 外務 m̄ 是𪜶家己處理，敢 m̄ 免我閣寫批 hōo 𪜶講這个烏白亂來 ê 問題。」

「自彼日開始，我 tuì 這个網站 ê 態度就 tshan-tshiūnn 𪜶 ê 外包仝款，假包，免 kā 鬥弓 hōo 𪜶成做頭篩仔」我笑應。

這个網站有一个特性，使用者 ê 留話佮電子批 buē-tàng 家己刣掉愛經過申請。自搦著權--ê 講𪜶主管答應 bueh kā 我 ê 相片囥踮𪜶 ê 網頁，我 ê 電子批清氣甲 buē-su 我 m̄ 捌出現過。 

因為 Cookpad ê buē-tīn-buē-tàng hōo 我想著面冊使用者個人資料漏洩 ê 新聞，想著 Line 工程師偷看使用者資料 ê 新聞，想著這件久長 ê 代誌 mā 想著近來搪著 ê 代誌 mā 想著猶 teh 讀 ê《一桶蚵仔》第十七章；

好啦，請你相信我，𪜶有這二個團體存在。彼個卡大、卡有權利的派系是控制黨，所以控制政府，𪜶有幾若人是以前的共產黨員。這團的一寡黨員是佇露西亞訓練的。其中有一個足有勢力的人差不多歸半世人攏住店遐。雖然𪜶反共呣閣𪜶是佇遐大漢、佇遐用共產黨的方法訓練的。所以𪜶干單會當用共產黨的觀念思考所有的代誌，彼當然是真受限制。啊𪜶講其實若欲佮共產黨鬥爭是愛用共產黨的技術卡有效果。➀

舉這段例表示，我 buē 講我無共產黨 ê 性地，起因我有想 bueh ka̋ng 壓落底佮認為家己講 ê 事項、權利 tsiah 是正確 tsiah 是正範 ê 態度，這 tuì 我來就是我 ê 共產黨佮獨裁，只不過我倚資本主義 ê 共產主義，我 ē 辯論我 ē 請教我 ē 翻草就是無 bueh 提假包 ê 尊存來妝娗我一人講了準算。

有人 ē 講你是捌一箍啥物芋仔番薯。

確實，我是一位 m̄ 捌字兼無衛生 ê 人，總是我 ē-tàng 理解法國大革命，mā 理解咱認為 ê 總是 kā 人權囥第一 ê 德國 ē 出現馬克斯思想 ê 起因，mā ē-tàng 理解中國革命押尾呔 ē 成做這款形。我 m̄ 捌遮 ê 歷史，總是我願意理解，願意愖遮 ê 問題是按怎發生。

起因，我理解過了代 ê 事項 m̄ 是 buē 閣翻頭來相揣，我做 ê 代誌 mā 無百面是無透著我討厭 ê 代誌。

Sòo-pái，我願意佮每一个問題做伙討論，做伙辯論，m̄ 是魔王嫁查某囝 -- 假鬼假怪 ka̋ng 討我 bueh 愛 ê 答案。

我清楚我無 Castro ê 勥佮𠢕講話，我 mā 無欠錢佮貪彼寡錢抑是想 bueh 迵過這个事項得著啥物人望，總是我願意支持熱情，只不過當熱情成做假包 ê 尊存佮自由，彼就是隨人行隨路 m̄ 免閣交插。

我無興咸豐三，講到今，因由我 tī 事件內底 mā 認捌著家己認為 ê 好禮窮實是跤帛，我無愛跤帛，我愛《臺灣人臺灣事》249【台語女性書寫】王薈雯、246 【台語女性書寫】王昭華、243【台語女性書寫】鄭雅怡 (上)、244【台語女性書寫】鄭雅怡 (下) ê 分張。

Wer mit Ungeheuern kämpft, mag zusehn, dass er nicht dabei zum Ungeheuer wird. Und wenn du lange in einen Abgrund blickst, blickt der Abgrund auch in dich hinein. - "Jenseits von Gut und Böse" 

--- Friedrich Nietzsche

Tsiâ 佮妖怪戰鬥，愛張持 tī-leh 戰鬥 m̄-thang 綴伊成做妖怪。

當你年久月深 tuì 萬丈深坑金金相，萬丈深坑 mā teh tuì 你貓貓相。

Was ist also Wahrheit? Ein bewegliches Heer von Metaphern, Metonymien, Anthropomorphismen kurz eine Summe von menschlichen Relationen, die, poetisch und rhetorisch gesteigert, übertragen, geschmückt wurden, und die nach langem Gebrauche einem Volke fest, canonisch und verbindlich dünken: die Wahrheiten sind Illusionen, von denen man vergessen hat, dass sie welche sind, Metaphern, die abgenutzt und sinnlich kraftlos geworden sind, Münzen, die ihr Bild verloren haben und nun als Metall, nicht mehr als Münzen in Betracht kommen.

--- Über Wahrheit und Lüge im außermoralischen Sinne

--- Friedrich Nietzsche

按呢啥物是真相？

一个 ē 搬徒 ê 軍隊，掩(ng)話尾，扮公伙仔簡化人佮人關係 ê 綜合，𪜶 tī 詩歌佮修辭得著重倍(tîng-puē)，放送，妝娗，𪜶經過長期 ê 使用，一个民族強強認為伊是堅固、軌道有約束力：真相是幻想，一个你 buē 記得存在 ê 物件，掩話尾，萎去佮已經失去智覺 ê 無可奈何，銀角仔，拍 m̄ 見 ê 形體，現此時徙做歹銅舊錫，buē 閣致意 ê 銀角仔。

信仰佮熱情應當是 hőng 感動 m̄ 是我 ê 信仰、熱情佮自由 tsiah 是你 ê 信仰、熱情佮自由。

最後感謝教典 hōo 我這个低路師有文本 thang 翻譯我理解 ê Nietzsche mā 感謝臺灣人臺灣事 ê 台語女性書寫專輯。

➀ 文字照原譯者 ê 方式書寫，無家婆更正做教典推薦用字抑是我認為適合 ê 文字。

玫瑰草花雞肉滷

...... 材料 ......

玫瑰草花　750g

雞襟胸，切塊　400g

椰子奶　100ml

洋蔥，刴幼　1

蒜頭

滾水　600g

鹽、胡椒

...... 步數 ......

1. 洋蔥、蒜頭落鼎煏芳，雞肉摻落去炒熟。

2. 玫瑰草花、滾水、椰子奶濫落去，煮20分鐘。

3. Tiàu 寡鹽、胡椒，樂暢來食。

(14.10.2023 Frühstück Hähnchen mit Rosenkohl in Kokosmilch Soße - Nudeln - Joghurt/966kcal)

Ich habe eine Idee für das was ich hier geschrieben habe. Hochladen auf Cookpad.de um mein deutsch zu üben.

Aber ich kann mich daran erinnen...

Ich habe ein Problem mit einer bekannten deutschen Seite.

Sie sagen mein Bild ist FAKE aber sie konnten mir nicht sage wo sie das Bild gefunden haben.

WO ICH DAS BILD GESTOHLEN HABE.

Ich weiß nicht, ist mein deutsch so ausländisch?

Aber ich kann das bestimmt sagen.

Danach hat mein Mann mir geholfen einen Brief zu schreiben.

Das Problem ist weg, aber bis jetzt ich sehe mein Bild nicht auf der Seite, obwohl der Mitarbeiter sagte das Bild ist jetzt ok.

Ich verstehe die Seite möchte das Copyright unterstützen.

Aber, in meinem Fall, ich denke nicht das sie es unterstützen.

Deswegen die Erfahrung, ich möchte es nicht auf Cookpad(DE) teilen.

Obwohl, meine Idee ist mein deutsch üben.

Aber ich üben mein deutsch weiterhin.

Oh...seitdem, habe ich kein Bild mehr auf der Seite geteilt.

Ich glaube Sie brauchen keine Kunden wie mich.

Hähnchen mit Rosenkohl in Kokosmilch Soßes

...... Zutaten ......

Hähnchenbrust in Stücke geschnitten　400g

Rosenkohl　750g

Kokosmilh　100ml

Fein gehackte Zwiebel　1

Wasser　600ml

Fein gehackter Knoblauch

Salz & Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind, Hähnchen dazu geben und anbraten bis es goldbraun ist.

2. Rosenkohl mit Wasser und Kokosmilch in die Pfanne geben und ca. 20 Minuten kochen.

3. Mit Salz und Pfeffer abschmecken. Guten Appetit!

(14.10.2023 Breakfast Chicken with Brussels Sprouts in Coconut Milk Sauce + Pasta - Yogurt/966kcal)

I have an idea for what I wrote here upload to Cookpad.de to practice my German.

But I can remember ...

I have a problem with a well-known German site.

They say my picture is FAKE but they couldn't tell me where they found the picture.

WHERE I STOLEN THE PICTURE.

I don't know, is my German so foreign?

But I can definitely say that.

After that my husband helped me write a letter.

The problem is gone, but so far I don't see my picture on the page even though the operator said the picture is ok now.

I understand the site wants to support copyright.

But, in my case, I don't think they support it.

Hence the experience, I don't want to share it on Cookpad (DE).

Although, my idea is my German practice.

But I keep practicing my German.

Oh ... since then, I haven't shared a picture on the site.

I don't think they need clients like me.

Chicken with Brussels Sprouts in Coconut Milk Sauce

...... Ingredients ......

Chicken breast cut into pieces　400g

Brussels sprouts　750g

Cocount milk　100ml

Finely chopped onions　1

Finely chopped garlic

Water　600ml

Salt & Pepper

...... Method ......

1. Put the onion with garlic in the pan and fry until they are golden brown, add chicken and fry until golden brown.

2. Put the Brussels sprouts in the pan with water and coconut milk and cook for about 20 minutes.

3. Season with salt and pepper. Enjoy your meal!