亂皂𥴊仔店 ⓂⒺⒾⓃⓀⒾⓄⓈⓀ

我 ê 網路敢有安妮亞？抑無 YouTube 呔 ē 推薦我看交我八字無一撇 ê 范琪裴的美國時間 --- 離婚了...然後呢？

別人兜 ê 離婚代交我無底代，跳過。總是 YouTube 敢若驚我想 buē 開又閣捒這支影短片 --- 愛上一個人是天災 ....#關於離婚這件事，片頭縛毛尾仔 ê 女士「時間不會療癒人，就是你的覺醒才會療癒自己」kā 我按別人兜 ê 離婚代交我一屑仔攏無底代轉做 Meow 斡頭揣離婚了...然後呢？這支影片。

拉丁語有一句話 In Vino Veritas 酒內有真相，德文有一句 Wir machen kein Käse，字面意思是 gún 無做 Tshì-sù，實際 ê 14 是 gún 無做 m̄ 著代誌，感情這件代是一个唱曲，一个挨絃。

愛猶存，翁生某旦，食飽相看，目睭安電線 ê 翁仔某，褲帶結相黏。愛收水，只是花缽仔種菜faˊbadˋeˋzung coi --- 無緣moˇienˇ，免閣 kā 無味 ê 事項箍踮身邊 hōo 家己嫌東嫌西、怨東怨西、罵東罵西。 人自水帕(Phè)離開目𥍉仔又閣成做大自然 ê 營養之一，無適合 ê 放伊走 m̄ 免綿豉睏破三領草蓆，掠君心肝 buē 著。這是我個人 tuì 這支影片 ê 想法 mā 是家己 tuì 感情 ê 態度。

交 gún 翁來往無偌久我就知影外表獨立 ê 伊窮實是爸母囝，m̄ 通閣蹽落去，總是感情永遠有糊著蛤仔肉 ê 時，地理 ê 距離 hōo 我致著無頭神 buē 記得種田就愛好田底，交男朋友就愛看爸母這項教訓到成做龍鳳。

我交 gún 翁準做成做龍鳳猶是無范琪裴講 ê 陽光、空氣、水、范琪裴 ê 翁仔某，褲帶結相黏，gún 翁繼續蹛德國，我繼續蹛臺灣，番薯一收水隨人成做渡鳥飛德國抑是臺灣。因為渡鳥人生 hōo 我有法度 kā 𪜶爸母硬 bueh 湠來 gún 遮 ê 愛一耳空入，一耳空出交按近視轉做青盲，特別是𪜶爸母專工按北德來南德交新婦面會。

自阿母 mā 去塗州賣鴨卵，我 ê 心肝有一窟看 buē 著光 ê 烏空 hōo 我開始愖敢 bueh 徙岫到德國，畢竟交我牽手 ê 人 m̄ 捌問過這件代誌。

「我想 bueh 徙岫到德國。」

「按呢你 bueh 踮德國揣啥物工課？」

「揣恁兜 ê 工課。」

「啥物意思？」

「目前 ê 我想 bueh 揣工課，m̄-koh 我 ē-tàng 成做恁兜無料 ê 摒盪婦人人。」

「按呢 gún 爸母 ē 無歡喜。」

自我開喙無一句歡迎 kan-ta 工課(經濟)已經 hōo 我規腹肚火，這久閣添一句按呢 gún 爸母 ē 無歡喜，我較閣有量 mā 無彼个福氣通閃避心狂火著。兩人 tī Yahoo Messenger 你一句我一句互相盤喙錦，看 tsiâ 較𠢕籐攑上手，m̄ 管皇親國族。按呢 ê 討論 m̄ 知維持偌久，我心一橫無顧面底皮單逝(tuann-tsuā)機票一訂好勢鞄楔幾本仔冊隨飛來德國交伊做伴。Gún 翁 mā 守空房守甲慣勢 buē 孤單，一見著我隨問「你當時 bueh 轉去臺灣，我慣勢一个人 tī 遮」成做這溪無魚別溪釣 m̄ 免綿爛行到透底 ê 點拄。

今年是我按臺灣徙岫來德國 ê 第 7 冬 mā 是我寫 Blog ê 第 5 冬，tī Blog ê 5 冬，我按 m̄ 知愛寫啥 ê 除了文字，啥物攏無行到想 bueh 迵過書寫，揣著德國佮臺灣 ê 四序，紲落來按 Vox et praeterea nihil(除了聲音，啥物攏無) ê 我 kan-ta 想 bueh 聽家 ê 聲音交家己讀萬物，看萬物，愖屬於我家己白汫無味 ê heißt Luft 喃來喃去 kā 社群連結提掉，kā 逐人攏通留話轉做唯有 Pixnet 登入者 tsiah 通挨拶，遮 ê 變化我 m̄ 捌愖過伊𤆬 hōo 我啥物改變，我只是順家己 ê 感受沓沓仔調整㧎 tī 心肝穎 ê 無四序。

這久聽著 FIFI 分張 kā 無四序轉做文字佮家己對話交范琪裴分張我需要談一下我 tsiah 想著，目今 ê 我是按怎 buē 閣 tshan-tshiūnn 往過按呢喀喀嗽，無食中畫認真 tuì 翁分拆 gún-ê 問題 mā buē 閣翻頭 tuì 家己情緒叨撚，人是龍交龍，鳳交鳳，我是隱痀 ê 交侗戇，兩擺感情線攏縛著爸母囝 ê 因端。我 ê 気持ち tī 這 5 冬 hōo 我熥甲連家己 mā 感覺臭香(hiunn)，自然 buē 礤簽 hōo 翁食，畢竟我是有道德 ê 人，我做 buē 出捎虛情假愛妝娗自私甕肚。Sóo-tí 這久 ê gún 是做戲 ê bueh 煞，看戲 ê m̄ 煞。這久 ê 我猶原 tī 遮 m̄ 是我接受伊喙講 ê 保證是我猶揣無通收現金 ê 旅行社。

生活電子化是利便 mā m̄ 是利便，像人 tī 瑞典想 bueh 上便所方便一下，無電子信用卡抑是當地 APP，歹勢請你繼續無方便。

我 m̄ 知影這敢是離婚了...然後呢？ê 心得文字，總是 FIFI 彼段分張 kā 無法度補 ê 烏空轉做文字交家己對談深深擉著我 ê 心，因為小面神無法度規張紙晝一尊觀音 --- 大面神，sóo-tí 我無慣勢 kā 遮 ê 代誌講 hōo 別人聽，不過文字是力量這我一直攏相信，sóo-tí 我願意 kā 遮 ê 若《拯救莎曼珊》ê「弄舌盒仔」 寫踮 Blog。因為遮 ê 「弄舌盒仔」是我四常數簿 ê 一部份 Meine Übungen. Mis ejercicios 佮喃來喃去。

翁某做陣行踏別踏 ê 城市(Neckartenzlingen)踅賣場。

賣場賣 ê 物件佮價數 tsham gún 捷捷行踏 ê「PicksRaus」無啥精差，不過原仔愛講遮較古早味一寡。

起因，踮遮竟然有機會搪著凡勢是連德國少年家攏 mā m̄ 捌聽過 m̄ 捌食過 ê「Frühstücks- Kuchen(早起頓雞卵糕)」。

這个意外 ê 拄搪 hōo 我隨捾一條行到 gún 翁 ê 面頭前講「Ich glaube, ich spinne➀」翁隨問好--ê 抑是䆀--ê。

「Das Auge isst mit」我笑應，翁隨問 bueh 紮幾條轉來囤，起因 gún 無可能 uī-tio̍h 這雞卵糕捷捷來遮行踏。

隔轉日早頓食飽隨踅轉去古早時，那食雞卵糕那配公共電視台台語台 YouTube 直播《海稻米的願望》mā 那看淚珠那㴙㴙滴。

久年 m̄ 捌聽著 ê 聲音迵過影片一个一个迒過時間、空間 tsham 我聊聊仔開講。

「恁逐家好無?」

「我真好」

2021 第一斗交古早味雞卵雞相拄搪到目今 m̄ 捌 tsham 伊再相見，2024 巡田園翻菜股，早前栽 ê 欉 mā 發出別 ê 穎 hōo 伊成做我 ê 槲(ha̍k)寄生(Weißbeerige Mistel➁/寄生木、宿木)引𤆬我行出無必要 ê 相踏脫 --- 文圖合一交無意愛 ê 抑是 buē 閣相拄搪 ê 代誌 let it go 莫綿死綿爛傳香爐耳舞死家己。

➀ 正面佮負面攏有，正面：意外搪著 ê 驚喜，負面 ：挐氅氅甲 bueh 起痟

➁ 德國 ê Weißbeerige Mistel 是一種藥材

栽欉 --- 2021.10.21

湠新欉 --- 2024.11.17

番薯白花仔菜烘

...... 材料 ......

番薯，切橛　2

白花仔菜，剺蕊　1

玫瑰草花　500g

蒜頭，刴幼　

橄欖油　

芳料粉

芳料草

鹽、胡椒

...... 步數 ......

1. 材料全數濫做伙搜 hōo 齊，落烘箱捘200度烘35分鐘，樂暢來食。

Mein Mann hat neues Kaufhaus gefunden in Neckartenzlingen.

Dann fahren wir von unserer Stadt nach Neckartenzlingen zum gucken.

Nachdem wir am Kaufhaus angekommen sind, gucke ich jede Werbung an der Wand.

Ich sage, also... die Sachen sind fast wie Picksraus und die Preise sind besonders nicht.

Aber, die Sprudelflasche ist billiger, sagt mein Mann.

Ja, du kannst nach hier fahren, der Zeit ungefähr 30 Minuten und 1€ sparen.

Das ist dein Liebeslingenhobby, jede Münze sammeln (geizig).

Nein, Bezin ist teuer als1€, lacht mein Mann.

Wir gucken alle Sachen und ich sage meinem Mann.

Das ist nicht gut, ich finde nichts.

Mein Arbeite ist dein Geld ausgeben.

Oh, du arme, mein Mann lacht.

Wir gucken die Möbel...

Ich sage meinem Mann, ok, du hast viele Münzen gespart.

Dankeschön, lacht mein Mann.

Wir gehen an die Kasse und möchten unsere Taschen zeigen.

Eine Mitarbeiterin kommt und sagt entschuldigen.

Wir lassen den Platz für sie, dann sehe ich eine interessante Sache.

Ich habe von ihm gehört aber vorher nicht gesehen.

「Frühstückskuchen」

Ich frage mein Mann, hast du ihn schon probiert?

Natürlich, mit Oma und Opa.

Er ist wie ein Hahn. So stolz.

Du bist Stolz, lacht meine ich.

Natürlich, sagt er.

Ich möchte viele kaufen, aber leider mein Mann denkt die schmecken nicht besonders als er Kind war.

Deshalb kaufen wir nur eins.

Den Tag, wir essen den Kuchen, und gucken eine Fernsehshow auf YouTube.

Die Sprache von die Leute bringt mich nach meine Kindheit.

Wie der Kuchen für meinen Mann.

Das Frühstück ist schon weg(2011), das Original Rezept ist auch weg, Das Leben sieht das gleiche, aber nicht dasselbe. Das ist Leben wie ich bin 20 Jahre alt nicht alt, ich bin aber 80 Jahre alt. C'est la vie, OUI.

Das neue Rezept ist köstlich!

Süßkartoffeln mit Blumenkohl aus dem Ofen

...... Zutaten ......

Süßkartoffel in 1/2 cm dicke Scheiben schneiden　2

Blumenkohl in Stücke geschnitten　1

Rosenkohl　500g

Fein gehackter Knoblauch　1

Kräuter　

Gewürz

Olivenöl　

Salz ＆ Pfeffer

...... Zubereitung ......

1. Alle Zutaten gut mischen, in den Ofen stellen auf 200 Grad 40 Minuten backen.Guten Appetit!

My husband has found a new department store in Neckartenzlingen.

Then we drive from our city to Neckartenzlingen to have a look.

After we get to the department store, I watch every advertisement on the wall.

I say, well ... the things are almost like PicksRaus and the prices are nothing special.

But the soda bottle is cheaper, says my husband.

Yes, you can drive here in 30 minutes and save € 1.

This is your lover hobby, collect every coin (stingy).

No, gasoline is more expensive than € 1, laughs my husband.

We watch all things and I tell my husband.

That's not good, I can't find anything.

My job is to spend your money.

Oh, poor, my husband is laughing.

We look at the furniture ...

I tell my husband ok you saved a lot of coins.

Thank you, my husband laughs.

We go to the cash register and want to show our bags.

An employee comes and says sorry.

We leave the space for her, then I see an interesting thing. 

I've heard of this but haven't seen this before.

「Breakfast cake」

I ask my husband, have you tried it yet?

Of course, with grandma and grandpa.

He is like a rooster. So proud.

You're proud, I laughed.

Of course, he says.

I want to buy a lot, but unfortunately my husband doesn't think they taste good as when he was a kid. 

That's why we only buy one.

The day we eat the cake and watch a TV show on YouTube.

The language of the people takes me to my childhood.

Like the cake for my husband. 

The breakfast is already gone(2011), the original recipe is also gone, life looks the same but not the same. This is life like I am 20 years old not old, but I am 80 years old. C'est la vie, OUI.

The new recipe is delicious!

Roasted Cauliflower and Sweet Potato

...... Ingredients ......

Potato cut into 1/2 cm thick slices　2

Cauliflower cut into pieces　1

Brussels sprouts　500g　

Finly chopped garlic　

Olive oil　

Herbs

Spice

Salt,pepper 

...... Method ......

1. Mix all ingredients well, place in the oven at 200 ° C top / bottom heat for 40 minutes.Enjoy your meal!