(2022.05.07 減肥早起頓 金烏葉仔酥。蜜桃酥餅)
一回寒人孤一人坐踮客廳那食酥皮餅那讀 Rainer Maria Rilke ê 詩，那食那讀 mā 那踅轉去按奧地利來 ê 德語老師引𤆬 gún 讀伊 ê 詩 ê 畫面。
Die Blätter fallen hām Herbstag ê 這段 Wir jetzt kein Haus hat....wenn die Blätter treiben.
--- Herbst von Rainer Maria Rilke
「讀詩寫詩攏 buē hōo 你趁錢，m̄-koh 伊 ē hōo 你按柴箍尪仔成做有血有肉 ê 人」真𠢕讀冊 mā 真標準 Bücherwrum(冊蟲) ê 老師家己那講那笑。
我 mā 那想那笑那徛起身看窗仔外 ê 寒露天，樹 ê 塗色宛然鴟鴞，一葉一葉黃錦錦 ê 葉敢若拄 teh 學飛 ê 鴟鴞囡仔猶原 m̄ 知愛按怎綴風拍箍飛，姑不二將 kā 風當做搖笱，搖仔搖。
讀詩寫詩攏 buē hōo 你趁錢，m̄-koh 伊 ē 引𤆬你成做喙抹蜂蜜 ê 熊 hőng 人感覺你古錐甲，那看葉仔搖仔搖，搖到𪜶成做一疊閣一疊 ê Alexandria 圖書館。
窗仔外 ê 葉疊仔疊又閣綴風飛仔飛，我 mā 成做 Alexandria 圖書館 ê 分葉，划轉來家己 ê 膨椅繼續我 ê 喙窒酥皮餅 ê 甜路人生佮讀詩猶原無血無肉 ê 無腦日常。
「你冊是讀到佗位去?」老師問。
「讀到頭殼去」學生應。
「若按呢是按怎齊齊全鴨卵」老師問。
「等我睏飽 tsiah kā 老師你講」學生講。
因為虛華現此時 tsiah 有這本冊通熥，因為無腦現此時 m̄-tsiah 讀無半句。
撨一下仔貧惰骨，擘一个哈 2019 年硬 bueh 佮伊 tī København 認親情 ê Ariel 手提海螺仔殼聽 Andersen 講故事 ê 畫面宛然鼎 teh 烰 ê 圓仔浮在眼前。
若䖳無腦卻有神經 ê 我 mā 綴 leh 相趁相喊做副本 kā 按賊仔市 bué 轉來 ê 百外捅仔 ê Rainer Maria Rilke 安 tī 耳空邊，向望伊 ē-tàng 撨一个仔時間來我遮食一个仔茶。
.....dränge sie zur Vollendung hin und jage
die letzte Süsse in den schweren Wein ......
迫促伊去完成並追求好酒上純 ê 芳甜醇美
心神 ê 孤孀；
Die Blätter fallen, fallen wie von weit,
als welkten in den Himmeln ferne Gärten;
sie fallen mit verneinender Gebärde.
Und in den Nächten fällt die schwere Erde
aus allen Sternen in die Einsamkeit.
葉一葉一葉落，宛然是按遠兜一路飄落到遮，
一搭踮天邊遠兜已經徛黃 ê 花園;
𪜶 iōng 坦橫樣相一葉一葉落落來。
暝時，tìm 重 ê 天墜落，
離開所有 ê 天星，行入孤帆。
神魂 ê 飽滇
Wir alle fallen. Diese Hand da fällt.
Und sieh dir andre an: es ist in allen.
Und doch ist Einer, welcher dieses Fallen
unendlich sanft in seinen Händen hält.
咱人攏 ē 跋倒。一隻手會落落來。
閣看身軀邊 ê 人，逐家原在。
不而過，有一人 ē kā 這个墮落接踮手頭
並用上溫柔 ê 方式守護伊。
Tsuē 冬後 ê 這久，無細膩 ê 相拄搪，硬 bueh ka̋ng 娶轉來佯青展風神 ê Rainer Maria Rilke 原仔 kan-ta 理解老師引𤆬 ê 詩。
Kā 睏神 ê 帽仔➀ hâinn hōo 伊，kā Rainer Maria Rilke hâinn hōo Alexandria，kā 酥仔餅繼續按喙窒，kā 目綴翁 tī Telegram ê 氣象報告「六月飛霜ㄌㄧㄡˋ ㄩㄝˋ ㄈㄟ ㄕㄨㄤ。」
「Bueh 挵鼓伸冤無？」無想 bueh 繼續無話講茭荖(ló) mā 想 bueh 提醒伊若是內心親家，無話講松柏瘤就 hōo 瘤留踮遐莫硬 bueh kā 提掉，起因繼續講落去我猶原 m̄ 是童乩，伊 mā m̄ 是桌頭。
「我愛無閒，來去。」
我佮翁 m̄ 是啞口 ê 讀冊 --- 無話講，總是我正經無愛 kā 電腦數字當做「佛經」來唸。
禁掉規个名單 kan-ta 翁一人 ê Telegram，擔頭看窗仔外，金爍爍 ê 天，青 lìng-lìng ê 地，世間萬事五彩外氣。
向頭看賰無幾 ê 酥皮，想著彼冬 ê 寒人，彼久 ê 情緒行到這久猶原相通透。
我數念阿母，總是人生世事宛然窗仔外綴風飛綴寒露蔫 ê 落葉，時到攏愛塵落塵，塗還(huân)塗 hōo 世間繼續五彩閣豐沛。
一日落葉 ē 佮我相敆，一日我佮翁 mā-ē 扯甲離離，隨人行隨路 tshan-tshiūnn 我佮厝內先去塗州賣鴨卵 ê 親人𫝛款。
數念佮枵饞是蛼帶結相連，我 tī 臺灣一箍遛遛，我踮德國無法度成做青盲臭耳人某，總是 bueh 按怎翁生某旦，食飽相看，目睭安電線，這就敢若手頭大大小小 ê 酥皮家己愛知影按怎變撚(lián) hōo 伊乞食伴羅漢 --- 好味好素。
水蜜桃敆葉仔酥，好食甲蝴蝶 tī 腹肚飛。
當我開始記錄「酥皮ㄙㄨㄆㄧˊ」海馬鉼針一直出現「酥皮/Sóo-phuê」，總是一想著「臺語」m̄ 是華語隨 hōo 我 tuì 家己講甲誠慣勢 ê「酥皮/Sóo-phuê」起疑心，不過疑心還疑心我猶是清楚知影這是厝內慣勢 ê 講法。
這回餾蜜桃酥餅搪著窗仔外綴風飛 ê 落葉，頭殼 buē-su hōo 雷公摃著「Blätterteig」就是葉仔(Blätter)粞，粞(Teig)烘好勢就成做酥，按呢就 kā 伊按德語轉做臺語號做「葉仔酥」，媠！
➀ Die Schlafmütze 愛睏神
金烏葉仔酥
...... 材料 ......
葉仔酥 1
罐頭水蜜桃 1
Quark(Cream Cheese) 250g
糖 50g
卵 1
...... 步數 ......
1. Quark、糖、卵濫做伙抐 hōo 齊，鋪踮酥皮中央。
2. 水蜜桃囥中央，落烘箱，捘200度烘20分鐘，樂暢來食。
(2022.05.07 Frühstück zur Gewichtsabnahme Blätterteig mit Pfirsich)
Ich vergesse welchen Herbst, ich bin alleine auf dem Sofa habe den Blätterteigkuchen gegessen, dabei Gedichte von Rainer Maria Rilke gelesen.
Ich esse, ich lese, plötzlich die Gedichte 'Herbst' und "Herbstag" in meinem Kopf laufen.
Weil "Die Blätter fallen..." und "Wer jetzt kein Haus hat....wenn die Blätter treiben."
Ich gucke nach draußen.
Die Bäume sind wie Uhu, die Blätter sind wie baby Uhu, sie lernen wie man fliegt und der Wind ist sehr stark, so fallen sie unkontrolliert wie blaetter.
Ich beisse in den Blätterteig in meiner Hand noch mal, schließe die Augen, und überlege die Gedichte die ich schon gelesen habe.
......dränge sie zur Vollendung hin und jage
die letzte Süsse in den schweren Wein ......
Ich bin Einsam,
Die Blätter fallen, fallen wie von weit,
als welkten in den Himmeln ferne Gärten;
sie fallen mit verneinender Gebärde.
Und in den Nächten fällt die schwere Erde
aus allen Sternen in die Einsamkeit.
aber meine Seele ist Frei und befriedigt.
Wir alle fallen. Diese Hand da fällt.
Und sieh dir andre an: es ist in allen.
Und doch ist Einer, welcher dieses Fallen
unendlich sanft in seinen Händen hält.
Nach langer Jahr's Heute.
Ich esse den Blätterteigkuchen, lese die Zeitung vom meinem Mann, die Alpen im Mai haben noch Schnee.
Ich gucke noch mal raus.
Die Sonne scheint, die Erde ist Grüne, alles ist bunt und schön.
Ich gucke den Blätterteigkuchen nochmal an, ich überlege Herbst und Herbstag.
Ich lache.
Also!
Der Blätterteig ist Blätter und Teig.
Leben sind Gedichte, Gedichte sind Leben.
Blätterteig mit Pfirsich
...... Zutaten ......
Blätterteig 1
Pfirsich aus der Dose 1
Ei 1
Quark 250g
Zucker 50g
...... Zubereitung ......
1. Blätterteig in Stücke schneiden.
2. Quark, Ei, Zucker gut mischen und auf dem Blätterteig in der Mitte bestreichen, dann Pfirsich drauf legen.
3. Den Blätterteig auf das Blech legen, auf 200 Grad 20 Minuten backen. Guten Appetit!
(2022.05.02 Breakfast for weight loss Peach Puff Pastry)
I forget which autumn, I ate the puff pastry cake alone on the sofa and read the poems of Rainer Maria Rilke.
I eat, I read, suddenly the poems 'Herbst' and 'Herbstag' run in my head.
Because "The leaves are falling ..." and "If you don't have a house now ... when the leaves are drifting."
I look outside.
The trees are like eagle owls, the leaves are like baby eagle owls, they learn how to fly and the wind is very strong, so they fall uncontrollably like leaves.
I bite the puff pastry in my hand again, close my eyes, and think about the poems I've read.
......dränge sie zur Vollendung hin und jage
die letzte Süsse in den schweren Wein ......
I am lonely,
Die Blätter fallen, fallen wie von weit,
als welkten in den Himmeln ferne Gärten;
sie fallen mit verneinender Gebärde.
Und in den Nächten fällt die schwere Erde
aus allen Sternen in die Einsamkeit.
but my soul is free and satisfied.
Wir alle fallen. Diese Hand da fällt.
Und sieh dir andre an: es ist in allen.
Und doch ist Einer, welcher dieses Fallen
unendlich sanft in seinen Händen hält.
After a long year today.
I eat the puff pastry cake, read my husband's newspaper, the Alps in May still have snow.
I look out again.
The sun is shining, the earth is green, everything is colorful and beautiful.
I look at the puff pastry cake again, I think about poetry Herbst(Autumm) and Herbsttag(Autumn day).
I laugh.
Dear!
The puff pastry means leaves in German.
Life is poetry, poetry is life.
Peach Puff Pastry
...... Ingredients ......
Puff pastry 1
Canned peach 1
Egg 1
Cream cheese 250g
Sugar 50g
...... Method ......
1. Cut the puff pastry into pieces.
2. Mix the quark, egg and sugar well and spread on the puff pastry in the middle, then put the peach on top.
3. Place the puff pastry on the baking sheet, bake at 200 degrees for 20 minutes.Enjoy your meal!
留言列表
冊 ▪ Bücher ▪ Books (4)
