亂皂𥴊仔店 ⓂⒺⒾⓃⓀⒾⓄⓈⓀ

近來翁 teh 挐我家己做優格，我知影這个挐是按𪜶小妹遐來，𪜶小妹開六月日做一塊 Weißerkäse 兼攝一張若 LECKER ê 相 hōo 伊參考，這个尾句我窮真是想 bueh 寫風神 m̄ 是參考。

這段文字真正是脫褲放屁 ê 無聊，總是無 kā 我心內真正想 bueh 講 ê 聲音記錄出來，我 ē 著蛆。

「人類是按怎 bueh 按農業行向工業」我問翁。

「提升咱人類 ê 生活品質並享受生活」翁講。

我無接喙翁隨知影 hőng 洗面兼剾洗伊 ê 虛華隨講「咱家己做較健康 mā 省錢。」

「恁小妹敢無照恁兜 ê 傳統 tsham 你分張數單」我問。

「我無問，伊 mā 無講」伊講甲心虛，我聽甲知知，m̄ 是伊無問 mā m̄ 是𪜶小妹無分張，是彼張數單實在 buē 展得，畢竟是 D.I.Y。

「我真正無嫌咱兜二手廚房傷過細間 mā 無認為咱兜按別人遐收來 ê 家私無夠額，這你足清楚」我講。

翁知影某 teh 剾洗𪜶老母 ê 熱情，凡伊看 buē 上目抑是無意愛 ê 物攏愛楔 gún 遮 kā gún 當做無料資源回收場➀，m̄ 敢紲這个議題繼續談落去，總是火是伊放 ê 伊家己愛倩水龍車來拍火。

「我真正感覺家己做優格較俗數，而且機器 mā 無偌貴」我 m̄ 知影別人按怎處理這个 hőng 看現現 ê 答案，總是我 ê 個性 ē 隨 kā 這个議收束，起因無啥物通閣好盤話，不過 gún 翁 m̄ 是普通人，只要伊認為伊是 uī 逐家好，𪜶爸母隨來上童 hōo 伊跳童 kā 死龜諍甲活鱉 ê 𫞼諍王。 

「一尾三文魚一公斤 ê 價數比頂禮拜貴 10 仙隨擋我 m̄ 通 bué 來食 ê 人，現此時竟然願意開二十倍 ê 價數來 bué 機器做優格，我愛來揣先生看一下个病，看我 ê 耳仔敢有問題」我笑應。

伊知影閣死鴨仔硬喙桮 kan-ta ē hōo 某𠞭甲連骨灰攏揣無，直接放棄伊 ê 虛華佮展風神。

Gún 翁是𪜶爸母 ê 烏面賊，總是烏面賊有一日 mā-ē 搪著比伊閣較賊 ê 人，彼个人就是我，按呢講有較大紅花 m̄ 知䆀，圓仔花䆀 m̄ 知，總是這是事實，我 m̄ 捌吞忍𪜶 ê 無對同，像𪜶老母講伊食魚臊 ē 過敏，而且這个問題 m̄ 是伊孤佔是規家伙齊有來點拄我千萬 m̄ 通孤插鳥插人群愛綴有著陣。總是我 m̄ 捌食 PUA ê 毒，準做食過 mā 知影按怎揣解藥。

講著這件代誌 mā 趣味，m̄ 知是本性抑是目睛真愛 hōo 蜊仔肉糊，兩斗 ê 感情路齊是慣勢食爸母 PUA 毒 ê 查埔人。總是豬知影愛食 hōo 肥，我 mā-ē 跟綴經驗生智慧，搪著相仝 ê 問題我 buē 閣 hōo 伊翻頭相揣齪死家己。是講，我 mā 好字運搪著一个 hőng 飼毒猶原知影愛揣解毒 ê 翁，像 Robert John Downey Jr。

Gún 翁愛食含水碳素做 ê 物食，不過水餃無算在內，應當按呢講除了 I-tá-lih 水餃，別項水餃伊 m̄ 食。這个起因按怎來，無研究，總是這慣勢決定 tsham 𪜶爸母教育有關係...別人兜 ê 問題 m̄ 通熥 buē 離，這久 ê gún 翁 tī gún 兜是連𪜶家己 ê Maultaschen mā 佮意食。

我愛食水餃，總是這久 ê 我 tuì 囡仔時食過頭 ê 物興趣無大，不過人是痴情 ê 動物，喙講 buaih 猶原想 bueh 愛，tshan-tshiūnn 查埔人鏨雞頭講我 buē 閣出門挽花，押尾有 90% ê 人猶原 ē 出門挽花，因為 tuì 花痴情。

我愛食水餃，德國亞洲超市 mā 有 teh 賣冷凍水餃，總是我 tuì 水餃 ê 意愛就 tshan-tshiūnn 家己 ê 問題，兩斗戀愛攏 tsham 慣勢食 PUA 毒 ê 人，冷凍水餃無合我 ê 喙斗，家己閣貧惰包水餃就放數念家己去流浪。

這幾冬因為烏露戰爭，德國 ê 超市開始沓沓仔出現變化，較早 m̄ 捌見過 ê 烏克蘭水餃開始出現，特別是這个行踏波蘭 tsiah 認捌 ê 烏克蘭水餃。是講到今我猶是分 buē 清波蘭 Piroggen 佮烏克蘭 Wareniki 有啥無相𫝛，不過波蘭店東分享 ê 精差到今猶原記牢牢，頂懸 ê 水餃除了草莓彼項是烏克蘭水餃，賰 ê 齊是波蘭水餃成做我區別波蘭佮烏克蘭水餃 ê 重點，這个重點 mā 佮後來行踏柏林市場搪著 ê 烏克蘭人水餃擔相𫝛，波蘭水餃慣勢敆紺草花滷抑是酸菜，波蘭水餃 m̄ 管鹹甜攏敆酸 Khu-lì-mù。

烏克蘭草莓水餃正經好食...第一斗搪著伊膽驚甲隨無去 ê 我，這久成做伊 ê 支持者。波蘭 ê 藍莓水餃 mā 好食，不過我猶是佮意 hōo 胡椒咬絚絚 ê 酸菜水餃， 美味しい。

按瑞典挪威 kā 跤花栽轉來到德國，運氣 mā 誠好隨搪著超市 1.5 公斤 kan-ta 4.49€ ê Teigtaschen(烏克蘭水餃)，烏克蘭水餃我揣著 ê 資料是紹介伊號做 Wareniki 德國 ê 水餃分類 mā tshan-tshiūnn 𪜶 tuì 族群分類 ê 清楚，我 m̄ 知影別搭 ê 分類，總是德國 m̄ 捌改過我 ê 名 --- 台灣。Tī 烏克蘭水餃 ê 紹介𪜶 kan-ta 採用 Teigtaschen 這个中性字辭，這个字辭 m̄ 知佮德國有 tsuē-tsuē 露西亞人有關係無。政治是複雜，商業 mā 是，sóo-tí m̄ 免閣喋詳。

囡仔時食水餃 m̄ 是搵豆油就是敆酸薟湯做伙食，遮 ê 人照 Google NON-NO 來看是較慣勢煠熟紲落來落鼎煎 hōo 赤赤敆紺草花滷抑是酸菜。我無愛焦味愛澹味，思來想去揣無啥物通敆，押尾想著這斗人 tī 捷克因為規庄 kan-ta 一間越南𥴊仔店，內底賣 ê 菜蔬又閣賰白草花通 bué，無愛食白草花 ê 我 uī-tio̍h 求生存只好撏錢 kā 伊紮轉來露營區一粒做兩頓來食，因為這个無 ta-uâ hōo 我揣著 kā 白草花開鎖頭 ê 鎖匙，這个過程 hōo 我想著歸仁阿媽 ê 阿䆀，用心認捌萬物比用目認捌萬物閣較重要。

是，白草花 m̄ 是無鹹無纖，是我大目新娘揣無灶 m̄ 知影手頭咖哩一落，若塗炭仔 ê 白草花 ē 隨做皇后 ê 好味素。

➀ 德國資源回收場 m̄ 是無料回收人家厝 buaih 愛 ê 物，𪜶是算件算分類收費並回收。

我 m̄ 是素食主義者，m̄-koh 我誠愛食素菜。

寢一站仔翁某又閣做伙行踏四常較 buē 行跤到 ê 超市揣寶，人猶未入門隨 tī 門喙 tuì 翁講「有意思」。

「啥物代誌」伊問。

「遮 ê 物進前 m̄ 管按怎落大價猶是無人 bueh 挃，這久伊 tsiah 落 10% 規个物 hőng 款了了」我手指頂禮拜猶滇滇滇 ê 架仔。

「台灣 mā 𫝛款」翁笑應。

「確實是按呢，總是 gún 無遮爾仔好喙斗 tsiah 落 10 % ê 價數隨搬甲連一隻狗蟻攏揣無」我笑講。

Gún 一人踅一區揣這間已經確定 bueh 收攤 ê 店敢猶有寶通款，當我準備放棄摒貨底彼个 hōo 台灣朋友痟 bué ê 咖啡猶原𫞼挺挺 hōo 我又閣成做一隻貓隨倚過去斟酌。

當我貓貓相 mā 那哭呻呔 ē 遮柝頭，一屑仔價數攏 m̄ 落，翁若 Jumper 已經按南美洲徙到台灣分張伊讀來 ê 訊息「準做換人接手，𪜶猶是繼續踮遮徛櫃 buē 落價」順紲 kā 手頭揣著 ê 寶分張 hōo 我看「茶包現此時俗 15%，你敢 bueh 款寡茶包收藏？」

𠢕講話，知影講收藏 m̄ 是講做豬仔鼠，隨斡轉身三划做一划划向茶架 kā 遐 ê 四常 bué buē 落手 ê 茶包齊款 hōo 齊，包括彼包裝甲若 Bismarck 年間窮實一屑仔攏無特殊 m̄-koh 有特別交代若感覺茶傷苦 ē-tàng 摻寡糖 ê 紅茶。

凡勢食著補 buē 閣蚵仔看做蚶，本底掠做外甥仔點燈火，一切照舅(舊)鞏金 ê 菜蔬竟然大落價，特別是按阿羅做穡 ê 合作社。 

「按呢 ê 寸尺一粒 tsiah 0.59仙，可憐 ê 阿羅」我那揀那講，翁聽我遮爾仔有慈悲心隨笑講「這定著是揣無人來收 ê 菜擴，gún 德國人無愛大龐 ê 菜擴。」

著謼，呔無想著這點「感謝阿羅揣無同庄來做穡，這久 ê 我 m̄-tsiah 有機會按這个媠價款著台灣寸尺。」

疫情看起來 bueh 收冬，德國田園看起來 mā bueh 收冬 ê 放 hōo 伊拋荒，揣無工。

物件齊款好隨徙位到收銀，收銀工作人員見著菜擴隨分張伊 ê 菜譜 hōo gún 參考。

按田園沓沓仔划轉來去翁若 hőng 鏨頭 ê 雞揣無頭講寡 hōo 我捎無摠 ê 話，特別是這句「 敢有清楚？」

「 清楚啥物」我問。

「伊掠你是食菜人。」

「Tsiâ？」

「收銀 ê 工作人員。」

總是知影伊 teh 講佗一項「我看起來敢有像食菜人」我笑問。

「菜擴 tī 遮大多數是食菜人 tsiah-ē bué ê 菜，因為𪜶 kā 伊當做肉來食」翁講。

聽翁按呢講我 tsiah 想著收銀工作人員確實有講著煎 hōo 赤赤，淋寡蒜頭醬食起來就若肉仝款「既然 bueh 食菜閣想肉，這 mā 蓋有意思 ê like Fleisch，不過 gún mā 有相相 ê 問題，素雞素魚...」我笑講。

栽欉 --- 2021.11.09

原底是記錄菜擴食譜，總是我真罕得煮菜擴湯，就 kā 伊徙來記錄這篇新食物，畢竟我猶是虛華，我愛 1234567 鬥做伙 ê 數字 tsuē 過 kan-ta 一个 0。外文 ê 部分𫝛款照情緒，情緒有行跤到就 kā 伊調整做現此時 ê 假範 --- 寫味素，情緒無行跤到就維持上自然 ê 家己，想著啥就寫啥 ê 茶鈷文 --- 呻呻呻。

白草花烏克蘭水餃咖哩

...... 材料 ......

Wareniki　500g

紅菜頭，切片　2

蘑菇，切塊　400g

洋蔥，刴絲　1

蒜頭，切幼　1

白草花，切絲　1/2

滾水　800ml

咖哩粉　1EL

椰子奶　100ml

芳料草

鹽、胡椒

...... 步數 ......

1. 水餃照包裝煠 hōo 熟。

2. 洋蔥、蒜頭落鼎芡芳，紅菜頭、蘑菇落鼎炒芳，落白草花、滾水、咖哩粉，煮30分鐘。

2. 椰子奶、芳料草濫落去抐 hōo 齊，tiàu 寡鹽、胡椒，水餃鋪落去，樂暢來食。

Ich bin kein Vegetarier.

Aber, ich liebe Gemüse.

Den Tag, mein Mann und ich gehen zum Real zum gucken.

Was gibt's Angebot bevor Real schließen.

Ich gucke und sage mein Mann.

Das ist sehr interessant.

Wenn die Sache nicht im Angebot sind, dann sind alle da.

Jetzt nur 10% Ermäßigung, alle fast weg.

Die deutsche sind sehr gute Kunden.

Taiwanesisch gleich, lacht mein Mann.

Nein, wir brauchen 30% Ermäßigung, dann geht langsam weg, sage ich.

Ich liebe Tee und gucke Tee, aber ich kaufe nicht.

Warum kaufst du nicht, jede 15% Ermäßigung, fragt mein Mann.

Weil, Zucker darin, sage ich.

Ach so, aber hier gibt Grüner Tee, sagt mein Mann.

Da gibt's Zucker drin auch , antwort ich.

Aber, der Tee ist noch bitter, sagt mein Mann.

Ja, ich weiß, du bist Ameise.

Wir gucken, was wir Kaufen können.

Dann sehe ich der Kohlrabi und der ist groß.

Und kostest nur 0.59€.

Wunderschöner Preis.

Ich nehme 3 Stücke und gehe an die Kasse zum bezahlen.

Die Mitarbeiter sagt mir dass sie liebt Kohlrabi.

Dann sagt sie das ist besser als falsches Gemüse.

Ich lache und sage Danke.

Nach dem, mein Mann mich fragt, hast du aufgepasst was sie sagte.

Nein, antworte ich.

Warum, fragt mein Mann.

Ich bin keine Vegan.

Sie ist kein Vegan sagt mein Mann.

Ich weiß.

Aber, was sie mir sagt zum Kochen, das ist veganer Stil für mich.

Und vielleicht sie denkt ich bin Vegan.

Warum, fragt mein Mann.

Ich kaufe kein Fleisch hier, lache ich.

Weißkohlcurry mit Wareniki

...... Zubereitung ......

Möhren in Stücke geschnitten　2

Champignons in Stücke geschnitten　400g

Wareniki　500g

Fein gehackte Zwiebel　1

Fein gehackter Knoblauch　1

Weißkohl in Scheiben schneiden　1/2

Currypulver　1EL

Wasser　800ml

Kokosmilch　100ml

Kräuter

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis er goldbraun ist.

2. Möhren mit Champignons dazugeben und anbraten bis sie goldbraun sind, Weißkohl mit Currypulver und Wasser dazugeben und gut mischen, dann ca. 30 Minuten kochen.

3. Kokosmilch mit Kräuter, Salz und Pfeffer dazugeben und gut mischen. Wareniki dazugeben und gut mischen. Guten Appetit!

I am not a vegetarian.

But, I love vegetables.

The day my husband and I go to the real to watch.

What's offer before Real close.

I look and say my husband.

This is very interesting.

If the product has no discount, it is still there.

It's only 10% off now, and almost all of them are gone.

The Germans are very good customers.

Same as Taiwanese, laughs my husband.

No, we need a 30% discount, then slowly go away, I say.

I love tea and watch tea, but I don't want to buy.

Now it's all 15% off, why don't you buy it, asks my husband.

Because, sugar in it, I say.

Oh, but there is green tea here, says my husband.

There's sugar in there too, I answer.

But the tea is still bitter, says my husband.

Yes i know you are ant.

We look what we can buy.

Then I see the kohlrabi and it's big.

And cost only 0.59 €.

Beautiful price.

I take 3 pieces and go to the cash register to pay.

The staff tells me that she loves kohlrabi.

Then she says it's better than fake vegetables.

I laugh and say thank you.

After my husband asked me, did you pay attention to what she said.

No, I answer.

Why? Asks my husband.

I am not a vegan.

She's not a vegan, says my husband.

I know.

But what she tells me about cooking is vegan style for me.

And maybe she thinks I'm vegan.

Why? Asks my husband.

I don't buy meat here, I laugh. 

Cabbage Curry with Varenyky

...... Ingredients ......

Carrots cut into pieces　2

Mushroom cut into pieces　400g

Cut the white cabbage into slices

Finely chopped onion　1

Finely chopped garlic　1

Wasser　800ml

Curry powder　1TL

Varenyky　500g

Cocount milk　100ml

Herbs

Salt ＆ Pepper

...... Method ......

1. Put the onion with garlic in the pan and fry until it is golden brown.

2. Add the carrots with mushrooms and fry until they are golden brown, add the white cabbage with curry powder and water and mix well, then cook for about 30 minutes.

3. Add the coconut milk with herbs, salt and pepper and mix well. Add the Wareniki and mix well. Enjoy your meal!