亂皂𥴊仔店 ⓂⒺⒾⓃⓀⒾⓄⓈⓀ

論真講 tuì 這本冊 ê 興趣 tshan-tshiūnn 鳥鼠伊到底有洗身軀抑是無，攏 tsham 我無底代𫝛款。

起因，我 tuì 詩 ê 理解 tshan-tshiūnn 綴人參觀 Galleria degli Uffizi 相𫝛，逐家 tuì 作品 ê 討論宛然 Vesuvio bueh 來 Pompeii 行踏按呢 遐爾仔熱情，我煞敢若一个無腦 ê Seescheiden tī 遐四界沐沐泅四界生湠。

理解這个部份自然就 buē 閣受著感情 ê 束縛看著台文冊隨相楗(kīng)，總是無興趣又閣 bué 來讀，按呢敢 buē 傷過紅龜生蟲 -- 龜怪。

Buē--neh，自無要意鳥鼠有洗身軀無到要意鳥鼠無洗身軀--有鼠味(趣味) ê 興趣趣，是 m̄ 知影 tī 佗落讀著紹介講伊有「散文」。

我愛讀「散文」無愛讀「詩」，我想這也反應我 ê 個性，我有阿婆癖性無仙界氣質。

Tī 遮我 m̄ 是講寫散文 ê 人無氣質，我 kan-na 針對家己 ê 喙斗說出「散文」佮「詩」吸引我 ê 所在。

詩，文言需要開時間理解。

散文，白話掛文言，雖罔猶原定定讀甲相拍電，散文猶原比詩較好理解，而且讀煞 buē buē 記得了了，這是我 ê 感受。

這本《啼印》除了詩名掛故事 ê「啼聲迵國際」hōo 我讀煞猶原記牢牢以外，其他 ê 詩 tshan-tshiūnn Goethe、Hesse 等等 ê 詩，讀完隨綴冊蹛踮冊櫥 buē 閣相見(sann-kìnn) mā 有一款浮浮冇冇纏綴。

這浮冇是我家己做得來 m̄ 是作者 ê 問題，是我家己提譀鏡讀「散文」紹介。

歸結，讀著〈有人叫我阿妹仔〉hōo 我想著開刀進前需要佮麻醉科醫師確定身體狀況 ê 緊張。

麻醉科醫師明明就有我 ê 歲數資料原仔問「Wie alt sind Sie」，當我講出歲數伊彼若牛目 ê 雙目褫(thí) 甲若 15 ê 月娘講「Ich habe gedacht Sie sind 25」。

Hooh...這句話是上好 ê 麻藥 hōo 我規仙人隨馬西馬西甲。

我 buē 講我真愛這本冊，總是伊 mā buē hōo 我感覺銀兩白了。

閣一回隨人有家己 ê 喙斗，我 tuì 詩誠實無啥特別感情，致到愛讀台文冊 ê 我見著「台文冊」mā buē 想 bueh 繼續抉落去盡寡料小 ê 力量 hōo 出版社有眼著我這小小脾土 ê 需求。

雖罔，我 buē 感覺這本冊真特別，總是〈考試心得〉宛然一面鏡，伊是作者 mā 是我，唯一 ê 差別，我無真正參加考試 mā 無參加「台語文化班」m̄-koh 這兩項代誌成做我 ê 向望。

另外，讀煞這本冊我 mā teh 愖這件代誌，當初銀兩 kuat 落隔海參加 ê 台語班若是搪著 tshan-tshiūnn「臺南市台語文化班學會」ê 教學(理事長 黃良成先生 ê 題序寫入我 ê 心肝穎)，我應當 buē 感覺台語班若攏 tshan-tshiūnn 人民聖殿教按呢推廣，我 mā 無愛相伨。

看著相片原仔想 bueh 喋《Thá-kheh》佮《驚驚袂著等》𪜶 tshan-tshiūnn 一杯白滾水無啥特別，m̄-koh 𪜶是 m̄ 管佮啥物料濫做伙攏合又閣 buē 改變𪜶本底 ê 氣味 。我足愛這 2 本冊。

《啼印》

㊔ 翁月鳳

㊓ 前衛出版社

ⓦⓦⓦ 聚珍臺灣