亂皂𥴊仔店 ⓂⒺⒾⓃⓀⒾⓄⓈⓀ

近來迵過 YouTube 收聽陳雷(吳景裕醫師)台語文學系列講座——開講台文創作——我ê台文路／陳雷 ê 演講 hōo 我想著 uī-hô 吳醫師所寫 ê 文章沈重煞 hōo 我讀 buē 離手，其他相𫝛 ê 文章 hōo 我讀甲足想 bueh 睏，甚至 buē 想 bueh 反來讀 ê 因端。

因為吳醫師行過彼个年間，tshan-tshiūnn 伊 tī 演講結尾所分張 ê 一段話，大意是按呢；

每一个人經過 ê 年閣攏無相𫝛，gún 這輩所寫 ê 故事較沈，因為這是 gún 行過 ê 年間。

這段話 tshan-tshiūnn 低緯度 ê 洋流行向懸緯度 ê 暖流溫暖我 ê 心。

起因，我 tuī 一个語言愛用一个...hm̀...過了代無興趣閣熥 ê 方式來表答，家己 tuì 伊 ê 認同佮愛 hōo 我想著囡仔時，m̄ 管講佗一款話總是有人 ē 譬相剾洗「你 m̄ 是遮 ê 人。」

總是，人攏是需要著觸 tsiah 有法度發現家己誠實 ê 需求。

彼 2本 bueh 佮吳醫師相𫝛 ê 故事，m̄-koh 讀 buē 落手 ê 冊就 kā 伊當做接觸新文學 ê 試金石。

最後，在水愛分張這件代誌。

雖罔，我遮連一隻蠓仔虼蚻攏無愛來行踏。

吳醫師 tī 演講內底紹介曾文溪電台 ê 萬巒檳榔女(歸仁阿媽)，我個人是醉心阿Bái(歸仁阿媽)。

起因，阿Bái 阿媽 tī 彼个軟晡引𤆬我認捌家己比喙角講甲全泡 hōo 別人認捌我是 tsiâ 閣較重要。

彼日翁 ê 朋友看我提一本冊佮伊 ê 狗坐踮溪岸等𪜶泅水轉來。

M̄ 知是手頭 ê 冊 hōo 伊感覺我有捌寡抑是伊 tuì 冊皮 ê 字興趣趣隨問我這是啥物冊。

我真認真紹介這是臺文冊，話猶未講甲 tsiâu-tsn̂g，翁 ê 朋友開始做桶箍箍伊 ê 朋友來反我 ê 冊。

見這个畫面我 buē-su 食著 Môo-hui 更加骨力紹介手頭 ê 冊。

總是，m̄ 是茈薑原仔 ē 無張持成做茈薑。

「美--a，啥物叫做 suí？」𪜶某心內龜怪，thài 會一个人好好 pua̍h 一倒，無頭無尾問這款問題，應講：「Suah m̄ 知，看了會歡喜--ê tō 是 suí」koh 問：「啥物叫做 bái？」 「A̍h 若看了無歡喜--ê tō 是 bái。」「莫怪我 m̄ 知，我無目睭看。」發--a 吐一个 khuì。𪜶某 lú khah 奇怪，問：「發--a，你外面啥物代誌？」發--a tiām-tiām，kā 𪜶某 giú uá--來，suah 伸手摸伊。十枝指頭 á 先摸伊 ê 身軀，koh 摸伊 ê 手，才摸伊 ê 面。一位一位細細膩，像 teh 掠龍按呢摸，一晡摸透透，才講一聲：「Suí。」 𪜶某想講伊 teh 滾笑伊，罵：「你無看--見，m̄-thang 烏白講！」發--a 又 koh 摸伊 ê 面，講：「我目睭無看見，這十枝指頭 á 有看--見。𪜶目睭看會著--ê，我攏摸會出--來。」

我 ê 目睭耳空攏健全(kiān-tsuân)無瘸 tī 彼當時卻看 buē 著 mā 聽 buē 著彼是無話講茭荖，牽尪仔補雨傘一屑仔攏無要意 ê 公關，一直等到對方直接越頭啥物攏無說我才發現家己做了一件見笑代。

Mā 想著彼陣捷捷有人問講是按怎 Aiko 讀無我寫 ê 字，我 mā 讀無伊寫 ê 文章。

彼陣 ê gún 攏真認真紹介相𫝛佮無相𫝛，落尾手發見 m̄ 管 gún 按怎講甲喙角生研，無要意閣無客氣 ê 人原仔 kā gún 算一國抑是𪜶認為 ê 彼國人，客氣 ê 人加加 kan-tann buē kā gún 算入去彼國 ê 人，m̄-koh 𪜶原仔 ē 問是按怎恁聽無𪜶 teh 講啥，特別是 Aiko。

彼陣 ê gún tī 遮 ê 龜叨鱉趖揣著安然自在 buē 閣了時間了茶水，這久又閣咸豐三，講到今是閣跟綴有目有喙無「感覺」ê 人。

不過，kan-tann 彼斗 niā-tiānn。

起因，記錄按廣播劇交冊引𤆬 hōo 我 ê 感受，遮 ê 向時交我已經是宇宙烏空 ê 距離，我 m̄ 捌 uī-tio̍h 別人 ê Wenn der Kopf leer ist 替𪜶做無料 ê 工 -- 別人 ê m̄ 捌 y 毋知 m̄ 是 my Problem。

《歸仁阿媽》

㊔ 陳雷

㊓ 金安

ⓦⓦⓦ 臺灣e店