亂皂𥴊仔店 ⓂⒺⒾⓃⓀⒾⓄⓈⓀ

窮真，我 tuì 這本冊無興趣甲見擺見著臺文版攏 ē bué 轉來讀 ê 癖攏揣無一撇，這久是按怎生想 bueh 專工 uī 伊記錄一篇感想，講起來 mā 真簡單，伊牽我 ê 手做陣行轉去少女年間，我寶惜 ê 少女感情。

第一擺搪著《傲慢與偏見》是 tī 國校 ê 排冊擔仔，冊擔仔頂逐本若粗紙 ê 冊一本5塊，不而過冊皮若是有閣加貼一張紙條仔寫「世界名著」就隨愛加5箍，這就是我佮 Jane Austen Pride and Prejudice ê 第一擺接觸。

M̄ 知是年歲傷過細抑是冊 tshan-tshiūnn 台灣新眼界．文化新台灣 | 林文欽 臺灣意識佮智識的駁岸 前衛出版的堅心 20240122 社長林文欽先生談著《被出賣的台灣》「彼久 tī 我出版被出賣的台灣，阮 ê 版本進前，其實臺灣就已經有彼个，人印 leh 賣 ê 版本矣」sóo-tí 讀起來 tshan-tshiūnn tī 臺灣看 Forgetting Sarah Marshall 佮 tī 德國看 ê 精差。

印象中 DVD 無 Kuckuck，sòo-pái 當我 tī ZDFneo 見著 Kuckuck，我規个人隨按膨椅跳起來。

「你敢有看著 Kuckuck」我問翁。

「有啊，彼有啥物通大驚小怪」翁應。

彼確實無啥物通大驚小怪，m̄-koh 若無閣看一斗我正經 ē 掠做彼个 phà-phà-phà ê 聲音就是 kan-ta ē-tàng 想 buē-tàng 看 ê 畫面，這个畫面 Wikipedia ê 忘掉負心女有紹介著。

按查某囡仔轉少女 tuì 愛情有 tsuē-tsuē 若霧 ê 想像，聽著身軀邊 ê 人講 Gone with the Wind mā 有人講著 Pride and Prejudice 我又閣揣冊來讀一斗，總是青春愛做夢 ê 我 tuì Vanilla Ice 演 ê Cool as Ice 比彼陣 tsuē-tsuē 人攏講浪漫閣好看 ê The Sound of Music 閣較有感覺。

我 m̄ 知影是按怎捷 hőng 笑講一日到暗纏綴遮 ê 愛情敢 ē-tàng 做飯食 ê 我是按怎 ē tuì Pride and Prejudice 遮爾仔無感覺，總是我清楚知影到今我 tuì Breakfast at Tiffany's 抑是 Roman Holiday ê 感受 mā 無 9½ Weeks 遐爾仔大，大到本底已經 buē 記得這齣影戲，因為這本冊又閣想著伊。

我 m̄ 是 Cult following， 總是迵過這本冊 hōo 我想著青春少女 tuì 愛情 ê 想像佮因為讀這本冊 hōo 我想著這齣影戲紲落來讀著 ê 文章《愛你九週半》：有一種看似體貼的情話，不過是為了控制你的人生，文章 ê 字句 tuì 我來講並無啥物特別 ê 所在，總是迵過文字我看著青春少女 tuì 愛情 ê 偏見，我思念這款偏見 mā 感謝這款偏見𤆬 hōo 我 ê 成長，我 mā 感謝愛情 ê 傲慢，因為伊 hōo 我理解 A love so beautiful, a love so free，愛一个人進前先愛家己 mā 尊存家己 tsiah 有法度 tī 愛情揣著自由佮美麗。

這 m̄ 是讀冊心得 mā m̄ 是好冊紹介，伊 kan-ta 是一篇書寫者因為這本冊想著人生故事 ê 著觸佮撞突 ê ē 跋 tsiah-ē 大，佮體會著面對家己 ê 問題比要求別人理解家己並尊存家己 ê 問題閣較重要。

2024 翻頭轉去看倚這本冊上近 ê 時間，2005 影戲版本 ê Pride & Prejudice 我猶原 ē 講伊𤆬 hōo 我 ê 感受猶原無這本洪淑昭老師翻譯 ê《傲慢佮偏見》帶 hōo 我 ê 情緒遮爾仔大。

這个情緒凡勢有人 ē 按呢講，這是偏見 ê 一種，因為伊是《台語文》，別人認定 ê 偏見我無興趣繩抑是開破 hōo 𪜶知甲透，起因我清楚知影家己 ê 感受，彼个感受就 tshan-tshiūnn Stay one more night - Chris Norman 𤆬 hōo 我 ê 感受，彼陣 ê 我浸 tī 愛情內底，準做彼个愛情是假包 ê 浪漫佮體貼，伊猶原 hōo 我成做半天鳥仔遐爾仔快樂 buē 去斟酌 And tears fallin', I won't ever tell your lies, You wil find the truth behind my eyes 這款點拄。

這久我 ê 愛情猶原㧎問題，總是這久 mā 已經知捌按怎 tī 冤家量債撨摵無四序，因為 gún 攏真心想 bueh 佮對方 Stay one more night 佮 Hold you forever and ever.

愛情需要緣份，一本冊佮一首歌 mā 是。

Chris Norman ê Stay one more night 經過 bueh 30 冬 ê 2024，因為讀《傲慢佮偏見》hōo 我想著少女 ê 記持，按遮爾仔薄 ê 緣份成做感情 ê 倚靠，我追憶青春少女鹹酸苦汫 ê 幸福佮快樂。

囡仔時愛加 5 箍 ê 世界名著按無緣的成做楊宗憲《無緣的》人生 ê 路，跤步 ē 停佗位，飄洋過海，日出等日落，看人幸福，看人歡喜 leh 笑，我 ê 身邊是一片落葉 ê 晏來 ê 寶惜。

冊佮歌攏需要緣份，緣份無夠額，閣較好看閣較好聽 ê 歌攏是無較縒，像我無法度理解朋友是按怎遮爾仔佮意《太陽的後裔》ê 宋仲基，朋友 mā 無法度是理解看 Iron Man 2 ê 我是按怎見見著 Ivan Vanko 目睭隨金 buē-su 見著王子仝款。

每一个人有家己 ê 緣，現此時 ê Ivan Vanko 猶是彼當時我 tī MTV 見著 ê John Gray(Mickey rourke)，電影一看煞隨傱去隔壁 bué 海報轉來厝逐日 tuì 伊喙瀾流 buē 離 ê 伊。

最後感謝家己無儉偏見來放捒這本 hōo 我遮爾仔 tsuē 感受 ê《傲慢佮偏見》。

《傲慢佮偏見》

㊔ 洪淑昭

㊓ 前衛出版社

ⓦⓦⓦ 聚珍臺灣