讀《落西北雨的下晡》〈你知影我是啥人無〉我想著國校同學掠做趣味押尾成做拒絕來往黑名單 ê 故事。
我無歹鬥陣 mā 無急性 ê 問題，不過我 tuì「你敢 m̄ 知影我是啥人」ê 耍奕足無戲棚跤徛久就是你的 ê 緊性。
應當是 2016 某一日透早人 tī 廚房無閒早起頓，厝內彼台按德國轉來臺灣 kan-ta 賰表兄一人 ē 敲來交代送大舅上山頭大細項代 ê 室內電話步頻又閣喨 buē 離 hōo 本底鬆甲若芋仔 ê 我，又閣反形做菝仔𠕇硞硞隨傱去接電話「喂，我美樹」，電話彼頭 m̄ 是「喂，美樹，我阿妗，我阿姊」遮 ê 回句是一聲若菜店查某 teh ka̋ng 司奶 ê 聲音「美樹，你臆我是 Tsiâ」，我無出一聲隨 kā 電話掛掉。
電話 tsiah 拄掛掉，人 mā 猶未斡頭，眼前無通顯示號碼 ê 電話又閣喨 buē 離，電話捎起來看 Tsiâ 較𠢕禁氣。
「哎喲喂，討厭啦，你呔 ē 遮爾仔無耐性 ka̋ng 掛電話....」隨閣 kā 電話掛斷，斡頭行向廚房繼續猶未完成 ê 早起頓。
那食早起頓那愖較停仔 bueh 去諾貝爾抑是金石堂款冊轉來德國，靜一睏仔 ê 電話又閣喨，隨徛起身行向電話遐「喂」一聲猶未煞，電話彼頭又閣出現仝款 ê 句「哎喲喂，美樹，你呔 ē 遮無良心心，你 kā gún 掛電話....」又閣是仝一組人，無應聲隨 kā 電話掛掉 mā 順紲 kā 電話線拔掉，行轉去食飯桌好好仔享受難得 ê 臺灣早頓大麵焿。
這久是德國 ê 透早，翁凡勢 ē 敲電話來挨拶，阿妗 mā 有交代等阿兄阿姊𪜶規家時間撨好勢，伊 ē 敲電話交代底時 bueh 做陣食飯隨閣徛起身行向電話 kā 線接轉去，電話隨喨。
「喂，美樹電話莫閣掛矣啦」這聲音火頭豬頭，面熟，面熟「咱借問佗位揣？」
「我阿麗啦，謼，厝邊十外冬兼國校同學六冬，一搬厝隨 kā 我放挕擲。」
「曷 m̄ 是生份人是 leh 耍啥物臆我是 tsiâ，三八。」
阿麗知影我 ê 性地無紲喙，換另外一个我已經認 buē 出來 ê 聲音講「著是講 meh，有夠歹鬥陣，我阿英啦。」
這个 kā 國語講做狗語 ê 阿英應當有參加正音班，我冷冷仔阿英一聲做挨拶。
「我雅子 ē 記持我 buē，m̄ 通因為 buē 記持我隨 kā 電話掛掉 neh」記持中粗甲若菜瓜布 ê 聲調 tī 十外冬 ê 這久成做若志玲姊姊 ê 妹仔聲，這敢是 hoo-lú-bóng ê 奇蹟？
「真久無聽著你 ê 聲音，雅子，你好無」一个仔一个挨拶，我靜恬等待𪜶有因由 ê 相借問。
「阿文 bueh 辦國校同學會，你 bueh 來參加無？」阿麗問。
我愖攏無愖隨應「無時間。」
「聽講這久 ê 你生活 tī 國外，生活應當過甲誠四序，咱愛做陣出來食一頓飯好好仔開講」阿英隨換話題。
「著啦，著啦，人蹛國外決定有厚甲若蠓 ê 故事通講」雅子 mā 隨紲喙 hōo 我想著 Kill Bill(追殺比爾) ê The Bride。
「我 ê 四常白汫無味兼時間 buē 都合，歹勢」我冷冷仔應。
「三八啦，時間都猶未撨隨講 buē 都合」雅子緊出聲，阿英 mā 緊綴讚聲講「就是講 meh，三八啦」。
這三个人是底時成做好朋友，這三个人 mā kan-ta 阿麗佮我較有交情，這久 ê 阿英佮雅子步頻遮爾仔熱情決定有貓膩，總是有貓膩我 mā 無興趣問甲一枝柄隨講「我愛來無閒，無法度繼續 tsham 你開講，歹勢」隨講再會兼掛電話。
準備轉來德國進前，阿麗閣敲一通電話來盤撋並分張同學會 ê 大細代，我 tsiah 雄雄想著，阿麗是按怎知影我人蹛 tī 國外。
「恁阿母猶 tī ê 時有講過你逐冬攏飛德國，tī 阿文敲電話來招同學會我就捌敲電話 hōo 你，總是攏無人接隨臆講你人應當搬去國外矣」印象中台語講甲比我老 ê 阿麗成做我 ê 囡仔時，講台語臭奶呆兼大舌。
簡單話仙一睏，m̄ 捌見過面 ê 阿麗獨生女出聲挨拶，阿麗簡單講句歹勢請我小等一下隨佮查某囝用伊自囡仔時 kan-ta tī 學校 tsiah-ē 出現 ê 聲線商詳代誌 hōo 我想著阿志翁仔某教囡仔佮阿祖 gún 阿母講華語 ê 過了代「講國語 buē hōo 恁較高尚，阿媽 mā buē 因為金含仔孫步頻講國語」。
我想 bueh 出聲，總是樹木 ē 添新椏，我 mā-ē 添歲，別人兜 ê 選擇 m̄ 免我出喙提醒。
自隨人行向人生無仝方向 ê 十外冬，阿麗按台語輾轉行向大舌，我按台語淡薄仔輾轉行向無機會出聲猶是有法度繼續練習 hōo 伊 buē 大舌兼臭奶呆，阿麗是 uī-tio̍h bueh hōo 囡仔莫行彼條 hőng 恥笑 ê 路抑是跟綴社會標準成做鰮仔魚，我 m̄ 知影 mā tuì 這件代誌鼻無鳥鼠敢有洗身軀 ê 鼠(趣)味。
「雅仔佮阿英一知影你人蹛德國，做保險 ê 𪜶隨想 bueh kā 你招保險」tī 我請教阿麗𫝛款是厝邊兼同學 15 歲就做阿爸 ê 阿松是按怎 tsiah 少年就轉去塗州賣鴨卵，阿麗若接著彼日 ê 神經雄雄發這段故事。
我無紲這个話題 kā 本底就 teh 破豆 ê 國校同學現代史一个一个請教，特別是阿鳳 ê 近代史，我足想 bueh 知影恢復空身 ê 伊，過了好無。
「阿鳳現此時搬轉來舊厝，我捌佮伊聯絡 m̄-koh 伊無想 bueh 佮咱遮 ê 同學來往」阿麗嘆一聲，我 mā 綴 leh 嘆一聲跟綴 Goethe ê 跤步繼續向前行。
Kein Genuss ist vorübergehend; denn der Eindruck, den er zurückläßt, ist bleibend.
快樂無暫時，因為伊停跤 ê 印象是萬代久長。
阿鳳𤆬 hōo 我 ê 快樂無暫時，因為伊永遠停跤 tī 我 ê 心肝穎。
阿麗佮阿英 hām 雅子就 hōo 𪜶 tshan-tshiūnn 這通電話，說再會 mā 按記持筅黗。
三文魚塗肉林檎菜蔬滷
...... 材料 ......
三文魚 300g
敏豆，切橛 400g
Kam-má-tooh 醬 400g
蒜頭，刴幼
芳料粉
芳料草
馬鈴薯，切塊 500g
洋蔥，刴幼 1
滾水 200g
鹽、胡椒
...... 步數 ......
1. 三文魚捊寡鹽、胡椒落鼎煎 hōo 赤赤，提出來。
2. 洋蔥、蒜頭落鼎芡芳，馬鈴薯濫落去炒 hōo 赤赤，Kam-má-tooh 醬、滾水、芳料草、芳料粉摻落去煮 20 分鐘。
3. 敏豆摻落去搜齊，繼續煮 10 分鐘，tiàu 寡鹽、胡椒，樂暢來食。
Das ist sehr interessant, frischer Lachs nicht geschnitten ist billiger als Tiefgefrorener.
Warum, ich frage mein Mann.
Kein Ahnung.
Tja, du weißt was passiert.
Was?
Weil deutsche zu faul und in Deutschland nichts kostenlos ist, du möchte nicht den Lachs selbst schneiden, dann musst du bezahlen.
10 Euro, bitte. Meine Arbeit ist Hausfrau und nichts ist kostenlos.
Lachs mit Kartoffeln und Tomatensoße so lecker, das ist 10 €, sagt mein Mann.
In Taiwan, Tiefgefrorener Lachs ist billiger, frischer Lachs ist teuer, in Deutschland geschnitten Tiefgefroren oder Dose ist teuer.
Für die Ungleichheit, ich verstehe warum, die deutschen lieben in 6 Minuten leckeres Essen sagt das deutsche Fernsehen.
Frühstück Brot mit Käse oder Marmelade, Bacon, Wurst
Kaffeezeit Süßigkeiten
Mittagessen Brot mit Käse oder Marmelade, Bacon, Wurst
Kaffeezeit Süßigkeiten
Abendessen Brot mit Käse oder Marmelade, Bacon, Wurst
Vor dem schlafen, ein Pack Chips oder Süßigkeiten
Das ist ein Lieblingsleben von meinem Mann mit seiner Familie bevor ich verrückt werde.
Lachs mit Gemüse und Kartoffeln
...... Zutaten ......
Lachs 300g
Grüne Bohnen in Stücke geschnitten 400g
Tomatensoße 400g
Fein gehackter Knoblauch
Gewürz
Kräuter
Kartoffeln in Stücke geschnitten 500g
Fein gehackte Zwiebel 1
Wasser 200g
Salz ＆ Pfeffer
...... Zubereitung ......
1. Lachs mit Salz und Pfeffer bestreuen, dann in die Pfanne anbraten bis sie goldbruan ist.
2. Zwiebel mit Knoblauch in die Pfanne geben und anbraten bis sie goldbruan sind, Kartoffeln dazugeben und anbraten bis goldbruan sind.
3. Tomatensoße mit Kräuter, Wasser, Gewürz dazugeben und gut mischen, dann ca. 20 Minuten kochen.
4. Bohnen dazugeben und gut mischen, dann weitere 10 Minuten kochen.
5. Mit Salz und Pfeffer abschmecken. Guten Appetit!
That's very interesting, fresh salmon not cut is cheaper than frozen.
Why, I ask my husband.
No idea.
Well, you know what happens.
What?
Because Germans are too lazy and nothing is free in Germany, you don't want to cut the salmon yourself, then you have to pay.
10 euros, please. My work is a housewife and nothing is free.
Salmon with potatoes and tomato sauce so tasty, that's 10 €, says my husband.
In Taiwan, frozen salmon is cheaper, fresh salmon is expensive, in Germany sliced frozen or canned is expensive.
For the inequality, I understand why, the Germans love delicious food in 6 minutes says German television.
Breakfast bread with cheese or jam, bacon, sausage
Tea time sweets
Lunch bread with cheese or jam, bacon, sausage
Tea time sweets
Dinner bread with cheese or jam, bacon, sausage
Before sleeping, a pack of chips or sweets
This is a favorite life of my husband with his family before I go crazy.
Salmon with Potato and Vegetable
...... Ingredients ......
Salmon 300g
Green beans cut into pieces 400g
Tomato sauce 400g
Finely chopped garlic
Spice
Herbs
Potato cut into pieces 500g
Finely chopped onion 1
Water 200g
Salt, Pepper
...... Method ......
1. Sprinkle the salmon with salt and pepper, then fry in the pan until golden brown.
2. Add the onion and garlic to the pan and fry until golden brown, add the potatoes and fry until golden brown.
3. Add the tomato sauce with herbs, water, spice and mix well, then cook for about 20 minutes.
4. Add the beans and mix well, then cook for another 10 minutes.
5. Season with salt and pepper. Enjoy your meal!
留言列表
冊 ▪ Bücher ▪ Books (4)
