今仔日是我第一回參加線頂交流會，寢開始真緊張。
因為，m̄ 知影 bueh 按怎關鏡頭佮 mái-kuah 緊叫無細膩行入鏡頭隨傱去洗頭鬃 ê 翁 kā 我處理。
不而過...hó-lí-ka-tsái，會議主持人有發現我 ê 頇顢隨 kā 我 ê mái-kuah 禁掉，真正感謝𪜶。
不過，押尾猶是請 gún 翁 kā 我關這爿 ê 鏡頭，畢竟我小面神歹勢出頭。
線頂交流會結束，我開始踅這个問題，咱若較成慣勢提一个角度來愖問題，tshan-tshiūnn 我並 m̄ 是刁意故 bueh 講臺語掠外 ê 語言，sòo-pái 無關 mái-kuah 抑是鏡頭，另外交流會 m̄ 是應當是交流呔 ē 蓋成學歷比並佮排斥任何 ê 可能性，tshan-tshiūnn 欠辭別人提供家己 ê 想去，主持者認為無適合隨刣掉閣加建議...
九彎十八斡無堅心、無牽挽，無法得 tī 罩霧之中挽瓜揫藤，無法度成就今日 ê 甜蜜。
「恭喜德國隊摃破鴨卵 hōo 你免閣慒心」我笑 tuì 自頭到尾繃甲 buē-su 石頭 ê gún 翁講。
「我早就知 gún 德國隊 ē 轉來」伊笑甲連蠓仔攏軁 buē 入去伊 ê 攝襇。
「著--lah，著--lah，上好是你早就算出來矣」我笑應。
軟晡開始踢 ê 跤球自第一分 m̄ 是德國隊挈著翁就隨成做傳家佛經踅踅唸「德國隊 Feierabend(結束)矣」、「德國隊 ē-sái 直接踮家己 ê 所在包袱仔款款踮厝學習別人 ê 跤技」、「我早就知 gún 德國隊 ē 轉來」、「去了了矣，規組去了了矣，葡萄牙這球罰球又閣 bueh 得分矣」。
翁 ê 小妹是有食卵、魚臊，無啉牛奶佮任何牛奶製造物彼組 ê 素食者。
阿嫂我無食素 mā m̄ 知影伊 tuì 食材 ê 譴損堅持到佗落，致使見若搪著伊 bueh 來 gún 兜拜候，伊就 ē 先寫家己 bueh 食 ê 菜色清單 hōo 我清楚知影伊 ê 脾土。
這份食素人 ê 法國俗麭食譜就是舊前年，伊來 gún 兜行跤花，我 kā 伊鬥款 ê 早起頓其中一份。
這久 ê 食譜是有濫肉桂，今仔日 ê 做法配合翁 ê 脾土，無濫肉桂。
早起頓結束，我請教翁「這組素食 Arme Ritter 你感覺怎樣？」
人講，便若過節目汁就㴙㴙滴，不過我無這款 ê 哀傷。
起因，我 ê 親人齊去塗州賣鴨卵十外冬，佮父母𫝛勻 ê 頂輩 mā 一个一个沓沓仔轉去塗州。
曷若 gún 遮 ê 下勻，gún-ê 感情就 tshan-tshiūnn 這句話，一代親，二代表，三代 m̄ 捌了了。
按呢 buē-su 滾水 ê 感情致使搪著臺灣 ê 流擺，我無啥物特殊 ê 情緒，想 bueh 噴火抑是想 bueh 發珍珠，來表達家己 tuì 塗州親人 ê 數念。
我想，這佮德國 mā 沓沓仔成做我 ê 家鄉有關係，雖罔我 m̄ 是德國人 mā 無啥融入這个社會，我 ê 14 是德語 tuì 我來講猶是捷捷鴨仔聽雷，德文 tuì 我來講 mā 定定是 m̄ 捌字看告示 kā 準過，我猶是感覺德國是我 ê 家鄉佮故鄉。
Bueh kā 號做啥物名--leh？
Sizzler Cheese Toast?
Gún 無照起工來行。
Amer Ritter?
Gún kan-na kā 人烘一面，無烘兩面。
Sui-bóng，gún 兜 m̄ 是褲袋仔袋磅子 hōo gún 愛 tsiânn-tsò 枵雞無畏菙。
Iáu-m̄-koh 厝內底 ê 錢 iā-sī 無冗剩到 ē-sái hōo gún bué 東 bué 西。
因為 tsit 个起因，致使我出業揣著頭路，m̄ 免 koh 愛 kā 趁來个錢囥 tī 學費 hia，我有兩、三年 ê 時間 tsin 拚勢 leh bué 東 bué 西。
Bué 衫、bué 鞋、bué 揹仔，m̄ 管價數是懸也是低，只要目睭看著有佮意tō bué。
Tī hit 段 m̄ 管橐袋仔內底有偌濟錢。
Bueh 做 Skyr➀麭進前，先搜揣 ē-tang 互相支援 ê 食譜以避免咱 ê 頇顢造成討債。
揣仔揣，揣著一篇紹介按怎使用按冰島來 ê Skyr 做德國 Weißbrötchen(俗麭)。
我 tuì Skyr 無理解 mā m̄ 捌食過隨請教 gún 翁伊敢捌食過「捌--ah，伊就是味較厚 ê Quark➁」。
我 kā 文章閣繩一逝講「M̄-koh 文章紹介伊是循古法製作並營養價值懸 ê 優格」若唸細節 mā 那 kā 手機仔㧣 hōo 伊讀，伊小可仔䀐一下隨講「你 m̄ 是捷 tuì 我講，你是 bueh bué 喙水抑是敆喙」。
翁 ê 回答 tshan-tshiūnn 牛頓 hōo 林檎摃著仝款步頻清醒，著--neh！我合該愛有弄險態度 m̄ 是綿豉別人 ê 喉韻。
近來天氣實在是燒熱，燒熱甲無啥物脾土，mā 無啥物想 bueh 沐油煙。
Sóo-tí 開始料理德國人講 ê Abendbrot 做三頓。
Abendbrot 原文直接翻譯是下昏頓 ê 麭。
M̄-koh，伊 mā 有簡單食又閣食 ē 飽脹 ê 意思。
舊年 tī 超市 bué 著 ê 生菜是有留根 ê 款，就 kā 伊直接種 tī 花坩，直到寒人落霜雪攏 m̄ 捌整理過。
今年德國4月天 ê 天氣比往年燒烙，gún 就提早整理花坩。
Tī-leh 整理花坩翁講這个花坩 ê 草敢若是生菜 ê 款。
我行倚看花坩，無看無 Surprise．
一看馬上驚喜甲三跤趒兩腳跳。
冊 ▪ Bücher ▪ Books (4) 來去車日子露營 ▪ Camping (21) 行跤花 ▪ Ausflug ▪ Field Trip (4) 掠肥食瘦錄 ▪ Rezept ▪ Recipe (20) 板膋收冬寫真 ▪ Ergebnisse der Gewichtsabnahme ▪ Weight Loss Results (3) 心情練跤花 ▪ Prosa ▪ Prose (2) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 弄筆尾展文墨 
