亂皂𥴊仔店 ⓂⒺⒾⓃⓀⒾⓄⓈⓀ

(2024.01.26 韭蔥尖頭草花ひき肉滷 + 紅米糙米飯 + 秮仔燕麥 Quark/899kcal)

四常無 teh 要意膩瓤 ê 我步頻認真糋膩瓤兼認真寫炸(tsuànn)油日誌上主要 ê 起因是，當翁踅轉去𪜶爸母 ê 世界，我有一份資料通 hōo 伊做參考。

是講，我 mā 需要這份資料，準做我本底就有這个慣勢 kā 需要時間完成 ê 事項記錄 tī 紙本，總是樹 ē 大欉我 ê 記持 mā-ē buē 閣沿途吟唱「望你早歸」沿途收集你竹筏回航的引擎聲(記持開始食餌◎柯柏榮)。

翁爸母 ê 故事，品過 buē 閣餾就愛熥祖先交代 ê 未娶某 m̄ 通笑人囝枵。

兔仔年兜到今龍年新正，翁認定這久 ê 伊 m̄ 管按怎食甜食鹹攏 buē 破 72 公斤，sóo-tí 就做阿母 ê 乖囝順阿母交代「Weihnachtskalorien zählen nicht!」(聖誕節免減肥)食老母按北爿寄落來 ê 愛心佮伊講這攏是 90% 家己款 ê tsioo-kóo-lè-tòo。

我 m̄ 知影膩瓤需要偌 tsuē 時間 tsiah 有法度 tī 身軀起樓仔厝，總是我清楚知影今仔日無控制枵饞，明仔載隨膨風，磅仔一屑仔攏 buē hōo 我食一下仔秤頭。

伊自聖誕節進前收到阿母 ê 愛，逐日楔喙空 ê 照我所知影 ê 𪜶阿母透世人 m̄ 捌換過 ê 食譜來掠熱量，一塊佮豆乾 bueh 相仝大 ê 餅比過一碗飯 280kcal 按呢食，二月底伊開始問我敢有其他 ê 方式 ē-tàng tshan-tshiūnn 這久按呢三頓正常又閣逐項攏通食 m̄-koh buē 起磅 ê 油食秤頭方式。

 「無。」

 「確定?」

 「無確定?」

我知影伊 ê 14 起因伊起磅 bueh 3 公斤，險險 bueh 踅轉去 74 這个伊知影一踅轉去這个伊本底認為大丈夫 ê 數字，伊 m̄ 免繼續糋膩瓤，直接成做膨風水雞較緊。

是，伊本底掠 74 我講閣降 2 公斤較保險 mā 較有機會伸勼，彼久伊 m̄ 信，這久伊信甲神神神，總是膩瓤一熟呔 ē 遮爾仔好剾好挖。

照我較早 ê 慣勢，我 ē 隨六月蚶，開喙臭，這久按呢簡單應，誠實愛臭頭囡仔，家己褒。

自伊無法度閣踅轉去 71 這跤兜，伊逐日若警察廣播電台 teh 報路況按呢頂真報數字，本底無要意路況 ê 我又閣想 bueh 做貓揣看有啥物方法通 kā 伊鬥相共。

窮實我家己 mā 有相仝 ê 問題總是我較無要意磅仔 ê 數字，m̄-koh 我要意無地 Dehnbar/Stretchy 伸勼牛仔褲佮腰內肉 ê 變化。

「你敢 bueh 試懸低含水碳素減肥法」我問。

「彼是啥」翁問。

「恁講 ê Fasten，m̄-koh 伊 ē-tàng 食肉」我講。

「無通食，這 m̄ 是 Fasten」翁講。

「我猶未講煞，低碳彼日就若 Fasten，不過我需要揣閣較 tsuē 資料 tsiah buē 閣做重耽」我講。

「我 buaih 過若 FODMAP 這款四常，我繼續佮你一日食兩千像 gún 歐盟 ê 建議」翁講。

自聽EP486 黃越綏｜【名人專訪】來自愛爾蘭的鐵粉 Feat. 蔡雅芬黃越綏老師佮蔡雅芬女仕講著歐洲人無愛食湯，我一直 teh 愖歐洲人 ê 湯佮咱臺灣人慣勢食 ê 湯有啥物無相𫝛，紲落來我 bueh 按怎調整 Blog 有使用若「白菜滷」ê「滷」做菜名 ê 料理，畢竟咱 ê 湯佮歐洲人食 ê 湯定義無相仝，另外咱 ê 滷有足 tsuē 款意思。

愖仔愖，想著我上愛 ê 大麵焿，想 bueh 取這个焿做遮 ê「白菜滷」號名，總是按怎唸就 buē 紲喙，像韭蔥尖頭草花ひき肉羹(kenn)抑是(kinn)就是感覺足 buē 合喙。

大麵焿 ê 羹我講 kinn，鰇魚羮 ê 羮我講 kenn 是按怎 ē 按呢，莫問我，我 m̄ 知，彼是 Automatisch ê 自然，愖來愖去想著較早捌聽過芡滷兩字，隨請教教典敢有收錄這个辭，芡滷兩字拍落去，教典隨 hōo 我答案「芡滷 Khiàn-lóo 名詞，一種烹調方法。把肉下鍋，放進佐料爆香，再加入醬油、香料等調味，然後勾芡成濃汁，可以淋在麵等食物上，增添口感和風味。」這个做法 m̄ 就是我捷 teh 做 ê 代誌，只不過德國較捷 kā 伊講做 Suppe，像咱炒高麗菜濫寡水落去炒 ê 水號做湯，牽羹號做 Cremig - 食頓基本配備(pī)。

總是我 m̄ 是歐洲人無法度真確定，隨佮翁分張「恁祖媽來了」ê 這段話，伊聽煞隨講「湯 tī 歐洲無路」，我繼續問「按呢咱食 ê 這有 Soße(醬)這敢 m̄ 是湯?」

「這 m̄ 是湯 m̄ 是醬，是基本配備，m̄-koh 你若 kā 伊煮甲傷水彼就是湯 m̄ 是基本配備」翁應。

是湯抑是白煠水，有牽羹無牽𡙡有差別，總是我印象中 ê 德國食食確實是連湯 mā 牽𡙡，拄開始食攏 ē 掠做家己 teh 食麵茶，這久食慣勢無綴 leh 牽𡙡 mā 開始感覺減一味🤣。

每一个角勢有家己 ê 文化，有 ê 有法度直接平平徛做伙生做仝面無仝膚色 ê 雙生仔，有 ê 是你講伊是虎，別人講伊是貓。

「德國 mā 有 Puma」翁講。

「股價無好」我應。

「德國 Puma tī 烏森林。」

「上好是按呢生，彼野生貓是 Puma。」

這押尾攏愛牽羮收尾 ê 料理，我就繼續 kā 伊號做「滷」，就按呢生。

翁某做陣減肥，自開始到今猶未三禮拜，tī 這倚 bueh 三禮拜 ê 時間，我 ê 四常 kan-na 磅仔 ê 數字減1公斤，其他猶原相𫝛。

不而過，gún 翁 tī 這三禮拜感受著天大地大 ê 變化，這个天大地大 ê 變化 m̄ 是體重 ê 變化，是本底一直 bueh 向行𬦰崎 ê 血壓開始沓沓仔落崎 hōo 伊暢甲 buē 顧。

--- 2021.07.25

韭蔥尖頭草花ひき肉滷

...... 材料 ......

韭蔥，切塊　1

尖頭草花，切絲　1/2 　

ひき肉　150g

洋蔥，切絲　1　

芥辣醬　1EL

滾水　700ml

蒜頭，刴幼　1

芳料草　

Kam-má-tooh，切塊　3

番薑仔粉　1EL

鹽、胡椒

...... 步數 ......

1. 洋蔥、蒜頭落鼎炒芳，Kam-má-tooh、芳料草、番薑仔粉濫落去炒軟。

2. ひき肉、尖頭草花、韭蔥、芥辣醬摻落去炒芳，滾水濫落去煮 20 分鐘。

3. Tiàu 寡鹽、胡椒，樂暢來食。

(26.01.2024 Frühstück Spitzkohl mit Hackfleisch und Porree - Reis - Quark/899kcal)

Normalerweise ich passe nicht auf mein Gewicht auf.

Weil, wenn Jeans ist bisschen zu klein, dann weiß ich muss weniger essen muss.

Aber, seit mein Mann muss Gewicht verlieren , ich gucke mein Gewicht jeden Tag wegen meinem Mann.

Das liegt ihm sehr am Herzen, die Zahlen auf der waage. 

Um ihm mitzuteilen, dass mein Gewicht auch langsam abnimmt, messe ich auch täglich mein Gewicht.

Gleichzeitig hoffe ich, dass er wißt kann, dass er auch wenn sein Gewicht nicht abgenommen hat, besser aussieht.

Ja, er sieht jünger aus als vorher.

Obwohl das Gewicht nicht abgenommen hat.

Er hat noch 78.6kg.

Er war gestern sehr deprimiert, weil die Nummer noch die gleiche ist seit der erste Woche 0.6kg verloren hat, und die Nummer nicht wechselt.

Ich sage, langsam....wir sind alt.

Dann sagt er mir plötzlich,

Oje, mein Blutdruck ist runter normal jetzt.

Ich sage, siehts du, die Nummer auf den Waage wechselt nicht.

Aber unsere Sorgen sind weniger. 

Welche Nummer magst du, frage ich.

Selbstverständlich, der Blutdruck sagt mein Mann.

Maissalat mit Makrelenfilet

...... Zutaten ......

Porree in Scheiben schneiden　1

Spitzkohl in Scheiben schneiden　1/2 　

Hackfleisch　150g

Fein gehackte Zwiebel　1　

Senf　1EL

Wasser　700ml

Fein gehackter Knoblauch　1

Kräuter

Tomaten in Stücke geschnitten　3

Paprikapulver　1EL

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind.

2. Tomaten mit Kräuter und Paprikapulver dazugeben und anbraten bis sie weich sind.

3. Hackfleisch mit Spitzkohl, Porree, Senf dazugeben und gut mischen, Wasser dazugeben und ca. 20 Minuten kochen.

4. Mit Salz und Pfeffer abschmecken. Guten Appetit!

(26.01.2024 Breakfast Pointed Cabbage with Leek and Mince - Rice - Curd Cheese/899kcal)

Usually I don't take care of my weight.

Because if jeans are a little too small, then I have to eat less.

But since my husband has to lose weight, I watch my weight every day because of my husband.

He cares about this very much, the numbers on the bathroom scale. 

In order to let him know that my weight is also losing slowly, so I also measure my weight every day.

At the same time, I hope he can know that even if his weight has not decreased, he looks better. 

Yes, he looks younger than before.

Even though, the weight did not decrease.

He still has 78.6kg.

He was very depressed yesterday, because the number is the same since the first week, he lost 0.6kg and the number does not change.

I say take it easy ... we are old.

Then suddenly he tells me,

Oh dear, my blood pressure is down to normal now.

I say, you see, the number on the scales doesn't change.

But our worries are less. 

Which number do you like, I ask.

Of course, the blood pressure, says my husband.

Pointed Cabbage with Leek and Mince

...... Ingredients ......

Cut the leek into slices　1

Cut the pointed cabbage into slices　1/2 　

Minced meat　150g

Finely chopped onion　1　

Mustard　1EL

Water　700ml

Finely chopped garlic　1

Herbs

Tomatoes cut into pieces　3

Paprika powder　1EL

Salt,pepper 

...... Method ......

1. Add the onion and garlic to the pan and fry until golden brown.

2. Add the tomatoes, herbs and paprika powder and fry until soft.

3. Add the minced meat with the pointed cabbage, leek and mustard, mix well, add the water and cook for about 20 minutes.

4. Season with salt and pepper. Enjoy your meal!