亂皂𥴊仔店 ⓂⒺⒾⓃⓀⒾⓄⓈⓀ

寫 Blog 部落格正經是好代，伊 m̄-nā hōo 我敨中氣、翻草、學習跟綴 Auguste Rodin 羅丹 ê Le Penseur, Der Denker, The Thinker 愖題 mā hōo 我機會一通再熥一項料理有偌 tsuē 百樣手路交多樣講法，並將家己按水鬼升格做城隍並 kā 無事夯 ê 枷擲㧒捔。

Google 推薦我看 Lecker.de ê Spitzkohl-Spätzle-Gratin mit Hähnchen 尖頭草花厝鳥麵雞肉法國焗 hōo 我想著我捌跟綴這篇食譜出菜，不過成品無蓋滿意嫌伊是阿䆀。這久 ê Google tī 我無動手指頭仔隨推薦我看這篇食譜 hōo 我又閣成做一隻 Meow，我 ê Google 口座敢有《間諜家家酒》ê 安妮亞？抑無 Google 呔 ē 知影我拄好有一粒德國通用德語號做 Spitzkohl，gún 遮 ê 草地人講 Filderkraut ê Pointed Cabbage 尖頭草花 ê 聖聖聖，gún 兜冰箱 mā 拄好有一包 Fettarmer Käse 低膩瓤 alias 低脂肪(tsi-hong) ê Tshì-sù a.k.a Formage y Queso und Cheese。

Google 正經有讀心術交預知(ī-ti)，因為我 tuì 這个按算 Bamberger Kartoffelpfanne mit Hähnchen und Spitzkohl 班堡人塗肉林檎炒敆雞肉 hām 尖頭草花猶原 teh 試鹹汫、buaih 試鹹汫 ê 三心兩意。自Google 再次推薦這出菜，鹹汫免試隨落鼎 tsiah 來發見我有豬母牽去牛墟症。我一直掠做按算 ê 熥是雞肉法國焗是這篇，Konsequenz, Consequence，結果 m̄ 是這出菜是相片是佬仔，藝術是窮實 ê 寒人菜蔬，寒人米糧，寒人色緻到今猶 m̄ 捌生湠「美--a，啥物叫做 suí？」ê 智慧。

我猶是要意佬仔！！！

Oh, mein Gott!!!

有夠浮面搵豆油，But m̄-koh 我 tī hőng 牽去牛墟 ê 豬母身軀學著準做行 m̄ 著搭 mā 愛學 ē 曉放輕鬆 let it go tsiah 有氣力繼續猶未完成 ê 任務 Einsatz，這个智慧是向時 m̄ 捌生湠 ê 綿死綿爛。

近來看 Christoph Waltz ê 訪問，主持人問伊「你 ē 曉講幾種語言？」

「德語，英語，法語交假 ê 義大利語。」

主持人隨交伊講起交義大利人講義大利語 hām 法國人講法語 ê 經驗。交義大利人講 2266 ê 義大利語，義大利人猶是歡喜甲 buē 顧，交你繼續講，法國人是一聽隨講「No」斡頭離開，Waltz 聽著這隨講「特別 tī Paris」，另外一位我 m̄ 捌 ê 女受訪者隨 tuì Waltz 講「你真正 ē 曉講法語？」

「我 ē 曉講 ê 法語 tsuē 過我 ê 理解」一句話簡單解釋，法語 ê 百樣性 hōo 我佩服甲隨鏨 tī 心肝穎，後回搪著人講我敢 ē 曉講英語、德語交台語，我 mā bueh 講這句「我 ē 曉講 ê 語言 tsuē 過我 ê 理解。」

我 ē 曉講 ê 語言 tsuē 過我 ê 理解，Google ê 安妮亞成做我 ê 豬母牽去牛墟 ê 這出菜 hōo 我閣一斗想 bueh 知影「焗烤ㄐㄩˊㄎㄠˇ」tī 台語按怎講，畢竟遮 ê 講法屬於我個人獨有，至少 tī 目今 ê 網路我猶揣無這个辭，除了這篇按 Google 大眾廟紹介我讀 m̄ 知底時又閣允准無口座 ê 人 ē-tàng 讀𪜶兜文章 ê Meta A-kâu ê Tâi-bûn chhiū（阿猴ê台文樹），阿猴 ê 台文樹作者 kā  奶油海鮮焗烤飯翻譯做海味牛奶醬tīm飯頂面烘刺乳 Hái-bī gû-leng-chiùⁿ tīm-pn̄g téng-bīn hang chhì-jú(Creamy seafood risotto with baked cheese topping)，英語 ê Cheese 翻譯做刺乳，我是感覺....Naja，繼續請教 Google 大眾廟。

我無嫌貨 tsiah 是 bué 貨人 ê 啄鼻，總是 Tshì-sù tuì 我來講是約定俗成(iok-tīng-sio̍k-sîng) ê 講法，像 Há-muh 這个按 Ham 來 ê 外來辭，sóo-tí 這个翻譯 tuì 我個人來講 m̄ 是誠合軀 mā 扴喙，另外現此時 ê 公視台語台 mā kā 遮 ê 外來辭標準化做 Butter/Bá-tah、Cheese/Tshì-sù、Creamy/羹、Risotto/燜飯遮--ê 交咱本底就有對應 ê 講法兼輸入臺灣就有呼音講法 ê 字母。

繼續請教 Google 大眾廟，Google 又閣請我踅翻頭讀維基百科「法式焗菜」，華語 mā 號做 焗烤ㄐㄩˊㄎㄠˇ按法語 Gratin 來 ê 文獻資料，其中紹介著粵(ua̍t)語 kā 伊號做區加甸是按 au gratin 來，這个講法吸引我 ê 烏目仁，因為我想 bueh 了解「甸ㄉㄧㄢˋ」台語按怎講？

請教教育部臺灣台語常用詞辭典無收這个辭，請教 ChhoeTaigi 台語辭典 --- 2023 TJ中台字詞典(索引)，ㄉㄧㄢˋ-12-甸，第 321 頁tò-pêng，第 14 ê。，繼續請教 ChhoeTaigi 台語辭典「緬甸ㄇㄧㄢˇㄉㄧㄢˋ」Bián-tiān 1976 Maryknoll 台英辭典。

甸/tiān --- Khu-ka-tiān？

當然 mā m̄ 是，伊是按香港話轉譯，我想香港話應當照原音講 Ôo-ka-tàng 區加甸，我佮意這个講法，總是我猶原佮意法國焗(ko̍k)這个講法，就按呢 kā 這交鹹焗雞 kiōng-bueh 相仝 ê 料理手路 --- kā 材料烘到焦這部份 kā 伊號做法國焗，起因我見著 ê 焗烤ㄐㄩˊㄎㄠˇ多數使用 Gratin 這个辭來形容，罕得有人使用 Casserole，至少 tī 歐洲。

Casserole tī 法語 ê 14 是湯鍋，德語 mā 有這个講法 Kasserolle，伊有兩个 14，一个是咱現此時講 ê 生鍋鼎(Bräter, Gusseisen Topf➀)，一个是煎鼎 Pfanne(瑞士)。

寫著 Casserole 我又閣成做一隻 Meow，佗一个角勢較捷講 Casserole？Google 大眾廟請我讀這篇 Was sind Casseroles? Die Top 10 Rezepte，Ach so，原來如貓。

➀ Gusseisen Topf 屬德國大眾化講法，Bräter 屬奧地利大眾化講法交德國區域性講法。

2023.11.23 ê 攝相

車日子轉來《台語 tsin 輾轉》固定主持人滾一編無閣出現 hōo 我掠做伊辭頭路，押尾踅轉去我較罕 teh 踅 ê YouTube 華視台語頻道看著伊猶閣 tī 影片內底有一種「真歡喜伊閣 tī 華視潮台」ê 感覺。

是按怎 ē 按呢想，我想這應當是家己已經真慣勢看著《華視潮台》就想著「滾一編」佮愛看歌仔戲 ê「林投林刺編」。

上北東海/Ostsee車日子轉來想 bueh kā 閬掉 ê 集數聽轉來，總是窗外色緻 ē 纏綴溫度變化，我 ê 慢牛 mā-ē 綴ホルモン上崎佮落崎，就無繼續順時間車幫一集一集聽 m̄-koh 有事無事坐巴士聽落去。

自聽台語真輾轉就真慣勢話題 ê 引𤆬者是滾一編，sòo-pái 準做車日子一轉來就先聽倚日 ê 節目 tsiah 翻頭轉去聽車日子彼段無聽著 ê 集數，我猶原無感受著節目 ê 風格已經 teh 轉變 --- 由男性主導 ê Padcast 轉做 Women's talking。

我講男性主導 m̄ 是封建制度 ê 男性扞權，是講我自 tī 網路揣著華視潮台就是按「滾一編」開始，sòo-pái 伊就 kan-na 講著 Acer 我 ē 想著施振榮仝款按呢 buē 撨 ê 印象。

因為這个 buê 撨 ê 印象 hōo 我 buē 記得有一个較恬靜 ê 聲音成做主角，猶 teh 讀大學愛戲劇愛 phi̋n-phóng mā 是拍 phi̋n-phóng 𠢕人 ê 小潔。

一暝聽不可思議的夢境情節？醒來還記得多少？（上/下集）小潔講著「過暝/Kuè-mê」hōo 我想著「Keh-mê」敢是腔口差別，隨上網請教《教典》。

過暝/Kuè-mê - 過暗、歇暝

隔暝/Keh-mê - 隔工，經過一暝，比論講「孔子公，m̄ 敢收人隔暝帖」 

彼暝，這句「過暝」hōo 我掠著家己掠做家己 tuì 台語語感並 buē 倚傷遠，窮實是遠甲連「過暝」 佮「隔暝」攏絞做伙 ê 走甲遠遠遠。

彼暝，這句「過暝」mā 點拄我慣勢 ê 台柱「失聲」m̄-koh 伊無成做「失聲畫眉」ê 慕雲。

寫到遮愛記錄因為「失聲畫眉」hōo 我想著，heh-hòonn 我 buē 記得阿姊捌飼過 ê「畫眉鳥」伊按怎講，這時有辭典正經足重要，伊號做「花眉」。

寫這篇文章 ê 時，想著 tī 公視台語台新聞世界通 ê YouTube 聽著菲律賓廣播劇 ê 收聽人口，其中講著收聽人口大多數是有歲數 ê 人佮蹛國外 ê 人 hōo 我足有感覺，起因我兩項攏有著。

臺灣 ê 臺語環境變化甲按怎，我 m̄ 是專家 mā 無彼个才調分拆專篇報導，總是我感謝願意繼續 uī 少數族群服務 ê 人，因為𪜶 gún 遮 ê 無失聲 m̄-koh mā kiōng-bueh 失聲 ê 人 tsiah 有機會迵過𪜶 ê 聲音走揣愈徛愈遠 ê 花眉。

德國草花有三款，一个頭尖尖號做 Spitzkohl mā 號做 Filderkraut，一个頭圓圓號做Weißkohl，一个葉若蜂岫 mā 若牛肚號做 Wirsing。

尖頭草花出世 tī 角勢就佮伊 ê 本名相仝 --- 塗肉飽滇 ê Filder 平洋。

Filder tī Wiki 揣 ē 著華文譯名，我無興趣綴，因為轉洋涇浜 mā 無人聽有，iōng 呼音我 mā 無佮意，畢竟出世 tī 美洲 ê 青杜定就有法度徙到臺灣閣生湠，咱人類 m̄ 免遐堅持活 tī 磅空底。

按呢愛 kā 伊號做啥物 leh？

Filder 傷過咬舌，按呢就 kā 伊號做德國尖頭草花，畢竟統一德國 ê 家族就是按這角勢(Filder mā 屬仝地區)生湠。

尖頭佮圓頭精差 tī 佗，無小心踅著遮 mā 有興趣理解，這篇德國尖頭草花ひき肉滷 hōo 你罔做參考。

栽欉 --- 2023.12.13

接枝 --- 2024.12.06

德國尖頭草花雞肉麵法國焗

...... 材料 ......

德國尖頭草花，切絲　1

酸 Khu-lì-mù　100g

雞肉，切塊　400g

洋蔥，剁幼　1

滾水　500ml

番薑仔粉　1TL

卵　1

Tshì-sù　100g

煠好 ê Pasta　160g

蒜頭，刴幼

鹽、胡椒

...... 步數 ......

1. 雞肉落鼎炒熟，提出來。

2. 洋蔥、蒜頭落鼎煏芳，尖頭草花、滾水、番薑仔粉摻落去搜 hōo 齊，煮20分鐘。

3. 酸 Khu-lì-mù、卵、Tshì-sù、鹽、胡椒濫做陣，攪 hōo 齊。

4. 1+2+3+ Pasta 濫做陣落烘瓷仔，烘瓷仔落烘箱捘200度烘20分鐘，樂暢來食。

Google hat mir das Rezept vorgeschlagen, und ich habe gedacht das Rezept ist ein Bild das hässlich ist und ich muss die Bilder auf meinem Blog wechseln und jetzt ist es die perfekte Zeit, weil ich habe die Zutaten zuhause, Spitzkohl, Hähnchenbrust und Käse, Perfekt!

Aber leider, das ist nicht Perfekt, ich denke das hässliche Bild ist Wirsing nicht Spitzkohl.

Aber, alles Klar, kein Beinbruch, das bedeutet ich brauche mir keinen Artikel mehr überlegen und mein deutsch üben, sondern nur ein Bild machen, Oje!!!

Ich liebe Spitzkohl sehr aber ich zweifle dass der Kohl mit Auflauf zusammen passt.

Ja, für mich Kohl bedeutet Levi's, so hart sogar Spitzkohl ist weicher als Weißkohl.

Ja, ich weiß, ich habe viele Probleme mit dem Essen in Deutschland.

Aber ich muss auch sehr ehrlich sagen, manchmal man kann deutsche Rezepte trauen.

Also, ich weiß 90% ist mein Problem, aber mir schmeckt nicht Süßkartoffeln mit Curry.

Für mich Süßkartoffeln sogenannten Süßkartoffeln, das bedeutet sie ist Süß wie Caramel, braucht Feuer.

Ja, sie muss im Backofen nicht im Wasser kochen.

Ich habe Angst dass das Rezept wie Süßkartoffeln Auflauf wieder schlecht schmeckt.

Ja, ich möchte nicht wenn den Tag ich muss nach Hause gehen, ich muss erst zur Hölle gehen wegen das Lebensmittel die ich weg geworfen habe.

Ja, jeder hat eigene Angst und glaube aber trotzdem ich habe noch große Angst, ich möchte nicht immer den Kohl  mit Gulasch oder Curry essen ich brauche ein neues Rezept.

Mann, mein Leben ist wie ein Film wo die Frau die Blumen fragt, er liebt mich oder er liebt mich nicht.

Ich frage das Rezept, bist du lecker oder nicht.

Ich lese das Rezept nochmal, ich glaube dass das Rezept sehr interessant ist, aber ich würde die Zubereitung ändern.

Den Spitzkohl würde ich in der Pfanne anbraten und mit Hähnchen und Sahne im Backofen backen, obwohl jeder sagt mir, hey das ist kein Auflauf, das ist überbacken, aber es ist mir egal, die Styl passt mir sehr.

Nudelauflauf mit Hähnchen und Filderkraut

...... Zutaten ......

Filderkraut in Stücke  geschnitten　1

Sauresahne　100g

Hähnchenbrust in Stücke geschnitten　400g

Fein gehackte Zwiebel　1

Wasser　500ml

Paprikapulver　1TL

Fein gehackter Knoblauch

Käse　100g

Ei　1

Gekochte Nudeln　160g

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Filderkraut mit Paprikapulver dazugeben und gut mischen.

3. Wasser dazugeben, Deckel drauf, dann ca. 20 Minuten kochen.

4. Sauresahne mit Ei, Käse, Salz und Pfeffer mischen, Hähnchen mit Filderkraut und Nudeln dazugeben und gut mischen.

5. In Backofen auf 200°  20 Minuten backen. Guten Appetit!

Google suggested the recipe to me and I thought the recipe is a picture that is ugly and I need to change the pictures on my blog, and now it's the perfect time because I have the ingredients at home, pointed cabbage, chicken breast and cheese, Perfect!

But unfortunately, this is not perfect, I think the ugly picture is savoy cabbage not pointed cabbage.

But, all right, no problem, that means I don't have to think about an article and practise my German and Egnlish any more, just take a picture, Wonderful!!!!

I love pointed cabbage very much but I doubt that cabbage goes well with casserole.

Yes, for me cabbage means Levi's, so hard even pointed cabbage is softer than white cabbage.

Yes, I know I have a lot of problems with the food in Germany.

But I must also say very honestly, sometimes you can trust German recipes.

Well, I know 90% is my problem, but I don't like sweet potatoes with curry.

For me sweet potatoes so-called sweet potatoes, which means it is sweet like caramel, needs fire.

Yes, it needs to cook in the oven not in water.

I am afraid that the recipe like sweet potato casserole will taste bad again.

Yes, I don't want to go home that day, I have to go to hell first because of the food I threw away.

Yes, everyone has their own fears and beliefs but I still have big fears, I don't always want to eat the cabbage with goulash or curry I need a new recipe.

Man, my life is like a movie where the woman asks the flowers, he loves me or he doesn't love me.

I ask the recipe, are you tasty or not.

I read the recipe again, I think the recipe is very interesting, but I would change the preparation.

I would sauté the pointed cabbage in a pan and bake it in the oven with chicken and cream, although everyone tells me, hey, it's not a casserole, it's au gratin, but I don't care, the style suits me very well.

Chicken Pasta with Pointed Cabbage Gartin

...... Ingredients ......

Pointed cabage cut into pieces　1

Sour cream　100g

Chicken breast cut into pieces　400g

Finely chopped onion　1

Water　500ml

Paprika powder　1TL

Finely chopped garlic

Cheese　100g

Egg　1

Boiled pasta　160g

Salt ＆ Pepper

...... Method ......

1. Put the chicken in the pan and fry until golden brown, then take it out.

2. Put the onion with a garlic in the pan and fry until they are golden brown, add pointed cabbage with paprika powder and mix well.

3. Add the water, on top, then cook for about 20 minutes.

4. Mix the sour cream with egg, cheese, salt and pepper, add chicken with pointed cabbage, pasta and mix well.

5. Bake in oven to 200 ° for 20 minutes. Enjoy your meal!