亂皂𥴊仔店 ⓂⒺⒾⓃⓀⒾⓄⓈⓀ

翁某做伙看 YouTube ê 客家電視台。

翁看我無 tshan-tshiūnn 看德語電視台遐爾仔注神「我敢 ē-tàng 請教你這个問題」伊講。

「請講」

「你 m̄ 是講你聽無客語？」伊講。

「我確實聽無客語」我應。

前台猶原有百外篇猶未修改 ê 文章，後台猶原有百外篇，而且日日猶原 tī 增加 ê 筆力。

踮向時，後台若有這款現象，我 ē 講這是文若春華，思若湧泉，至於前台 mā....彼是無可能 ē 出現 ê 代。

我一定 ē kā 氣力踏甲盡磅 tī 短短一工抑是兩工達成變裝，無可能 hōo 伊放外外，一屑仔攏 buē kā 嫌，嫌伊䆀閣無妝娗。

是 uì 底時開始，這款緊驚風 ê 性地聊聊仔 buē 閣綿死綿爛纏綴神魂？

我想應當是沓沓仔清楚佮理解家己意愛佮想 bueh 做 ê 代誌，sóo-tí 自然就 ē kā 時間分寡 hōo 本底看無目地 ê 事事項項，像翁問「有偌 tsuē 人讀過你 ê Blog？」

𪜶 uī-tio̍h 啥物代誌 tī 討論 Tchibo？

一回翁綴我看公共電視台全家有智慧步頻按呢問。

因為 m̄ 是看直播，sóo-tí 伊 ê 問題 ē-tàng 閣踅翻頭餾一斗，踅翻頭閣餾一斗我講「無人 tī 討論 Tchibo」。

換伊餾影片紲落來牛目 tuì 我金金相閣大聲喝講「遮」buē-su 遮爾仔顯目 ê 問題我呔 ē m̄ 捌。

食茶配 Me-lóng パン(華：波蘿麵包) ê 我 mā 綴伊看畫面講「無人 teh 討論恁 ê Tchibo m̄-koh gún-ê 野莓仔。」

綴時代 buē 著 ê 我讀新聞捷捎無新聞摠。

昨昏翁某做陣食早起頓，彼條 m̄ 知按佗落讀著 ê 新聞趖來頭殼 hōo 我著生驚，起因我無彼个鳥鼠仔膽交德國波麗士大人耍你掠 buē 著我 ê 遊戲，準做有臺灣人教我按怎行後門，我猶是無彼个膽食險草。

「恁德國立法抾新聞稅，這个按算是針對 Google 交面冊，是 m̄？」我問翁。

「是，總是這个問題 buē 影響著你，起因踮德國無任何事項是無料」翁笑應。

「原來如貓」Miau 一聲硩 tī 心肝穎 ê 石頭隨踢掉，準做我 tuì 抾新聞稅猶原捎無一个摠，畢竟我 ê 巧手機仔是 Google，電腦是 Ccleaner 𪜶有啥物無宛 2 體 ê 鋩角 m̄ 知機 ê 我 kan-ta 捌一項，讀 Pixnet 愛開 Ccleaner hōo 伊無廣告來斷壁，賰 ê 交 hōo 數字來引導揤 Ja 佮 Nein；Bueh 繼續閱讀請納錢並揤 Ja，無 bueh 繼續閱讀請揤 Nein。

喙講減肥，手捾甜路，你誠實是減肥，減肥，減到肚臍為界。

我 tshan-tshiūnn 頭毛菜𫝛款誠輕秤，gún 翁那窒冰淇淋那應。

著--lah，著--lah，你 tsham Chow-chow(鬖毛狗) 𫝛款攏 hőng 誤會，我講。

林檎麥片 overnight

翁見著我猶 tī 「愛料理」buē-su 掠著翻天割角 ê 賊「你 m̄ 是講，我 buaih 交伊大麵炒圓仔，膏膏纏。」

「無剉(錯)，規欉好好」我應。

伊無紲話踅愛料理，不過伊成做我 ê 副本講「我 ê 鼻仔 buē 變長 buē 疼。」

「我 ê 鼻仔交你相比並是狗蟻比大象」我講。

「我講 buē 贏你，不過我好奇你 m̄ 是講 bueh 佮伊賣囝無叫囝名，當田無從田頭行？」

我誠愛 Vincent will Meer 文生 bueh 看海這齣影戲。

出門款物食 ê 彼日 tī 北德電視台 Extra 3 看著𪜶 kā 這 齣影戲 ê 海報換裝做 Vincent will Mehl 文生痟麵粉，規身人笑甲軟骨吭跤翹並褒嗦家己無跟綴德國人成做 Vincent，雖罔我捌起過心動過念。

自露西亞侵入 U-kher-la-in，按疫情 ê 鞏金漲懸價翻頭成做窒倒街 ê 四常物又閣漲懸價而且鞏金閣包銀 hōo 斟酌窮斤算兩 ê 我愈窮斤算兩到一角攏計較。

按呢講 mā 一分田講甲一甲大 ê 譀古，總是這斗漲懸價 ê 物 m̄ 是別項，是人目睭一擘金就愛柴米油鹽醬醋茶 ê 物，油佮麵粉。

德國有麥仔田 m̄-koh 無夠額通食，德國有菜子田 m̄-koh 額少甲愛進口鬥相挺，遮 ê 無夠額食物一大部份按烏克蘭來，烏克蘭有一大部份 ê 田地贌 hōo 德國公司，人均懸過西班牙、義大利 ê 德國人 m̄-tsiah 有才調無憂無愁大碗閣滿乾 ê 看懸無看低過日子。

彼日踅著幾个線頂分享會資料(2021)感覺誠興趣時間 mā 鬥 ē 峇就隨寫落來報名，特別是德國時間 7am 這場。

Uī-tio̍h 這場峇峇 ê 線頂分享會，我 mā 比慣勢 ê 雞啼閣較早啼兩點鐘準備早起頓。

食頓飽 mā 小可梳妝打扮好勢，招翁做陣守踮電腦頭前靜候「允許(ín-tsún)」加入，總是時間一秒一秒過，gún 等 bueh 15 分鐘畫面猶是踅圓箍仔 ê「無允許」。

「你是 m̄ 是記 m̄ 著時間」翁問。

Tuì 人工兼手工記持誠有自信 ê 我，聽著翁按呢問 mā 隨綴 leh 自我起疑心，手機仔提出來斟酌繩(tsîn)一逝，「無剉(錯)，規欉好好，是這个時間」我講。

我真愛這款甜路，總是 m̄ 捌想過伊 tī 華語號做啥物名。

這久因為寫 Blog 想 bueh 知影伊 tī 日文抑是華文號做啥物名 tsiah 發見伊 tī 德文 mā 是少族民族，不過少數民族猶是揣有資料通理解伊 ê 14，按呢就繼續順伊本底 ê 字名 kā 伊號做 Stippmilch，畢竟 m̄ 是每一个人攏有機會熟似少族民族。

Das Einfache kann so gut sein: Wir zaubern heute ein einfaches, aber nichtsdestotrotz köstliches Dessert. Ursprünglich war Stippmilch dickgelegte Sauermilch, die mit wenig Firlefanz aufgetragen wurde. Inzwischen besteht sie aus Quark, Milch, Sahne und wird mit frischem Obst serviert.（資料來源：ＷDR)

相片看久心開始浮冇，不過我 mā 真清楚家己無彼个才調無看食譜款三頓。

總是，浮冇 m̄ 假仙是實櫼 tī 心肝穎愛解決。

真久無反遐 ê 按抾字紙紮轉來 ê 徛厝冊，按呢換來讀字揣想像。

林檎優格

頂幾日讀跑吧！新自由主義的奴隸們！ 誠有感覺。

前幾日 mā 佮翁冇談電子世界𤆬來 ê 便利佮利便內底 ê 鋩鋩角角。

談仔談，我想著 Schopenhauer ê 刺球豬困境。

我講 ，寢開始參加面冊 ê 起因是因為我 ê 好朋友已經無人 bueh tsham 我這个老硞硞 ê 人寫電子批抑是 iōng 電話冇談。

所以堅心5~6冬 buaih 使用面冊 ê 我，到落尾仔感覺家己應該愛有上山看山勢，入門看人意 ê 開明就 tī 2011 綴逐家參加面冊。