亂皂𥴊仔店 ⓂⒺⒾⓃⓀⒾⓄⓈⓀ

Nachdem Krankenhausbesuch nehme ich die U-Bahn.

Ich gucke alles an, plötzlich lache ich und erschrecke die Leute.

Also... Ich bin nicht verrückt.

Aber, ich fühle etwas.

Normalweise, ich muss die erschrecken.

Weil ich lese und verstehe nicht deutsch.

Aber, ich bin sehr gemütlich und entspannt, wenn ich weiß nicht wo ich umsteigen muss.

Obwohl, ich bin nicht so erschrocken.

Aber, als ich in China bin.

Ich kann Mandarin lesen, aber...

Ich bin sehr besorgt und kann nicht entspannen.

Egal im Krankenhaus oder Essen...

Das ist interessant, eh?

Für mich Sprechen oder lese in China ist kein Problem obwohl ich bin keine Chinesin.

Aber wenn ich in den USA oder in Deutschland bin.

Mein Augen und Ohren sind kaputt, aber ich bin entspannt und besorgt nicht um alles.

頂站仔聽【新聞挖挖哇】黃越綏多年恩怨全說了！台灣人中年危機三大隱憂！費盡三十年才領悟的殘酷真理？黃宥嘉喊話從政怕像柯文哲？人生勝利組中年為何出家？20241030，其中一段黃越綏老師談著人生活到 80 歲是滿足，活過 81 是趁著是掠外 ê Bonus。

自二姊 28 歲 hōo 大牛揣去佛祖身軀邊，大姊因為大腸癌 tī 40 歲生日進前恬靜一个人 tī 厝成做無病無疼 ê 人，我開始愖土耳其朋友分張 ê 死亡是啥物，咱是按怎愛遮爾仔驚惶死亡。

咱人按帕(Phè)水泅出海面行入塗岸死亡就註好好，總是咱若較慣勢死亡是老歲仔人 ê 專利，sóo-tí 搪著年歲猶未夠額 ê 人轉去塗州賣鴨卵就 ē 相拍電。是講，按呢寫 mā m̄ 著，高職一年，仝班同學 tī 歇熱交人騎 oo-tóo-bái 出門𨑨迌，一个頓窟仔三个人齊頓落塗跤，其中兩个人 12345 頓到無代誌，一个青春永遠停頓 tī 彼暝。Tsuē 冬翻草這个記錄，我 ê 情緒交出代誌 ê 隔暝接著班長一个一个敲電話通知 ê 情緒相𫝛，連一个水泱攏無發。

二姊 hōo 大牛𤆬走，我 ê 情緒海湧絞 bueh 20 冬 tsiah 平靜。人真正是別人 ê 囡仔死 buē 了。高中同學 ê 青春美麗停跤 tī 16 歲，我無任何感觸，二姊 ê 青春停跤 tī 28 歲，我 ê 感觸一直若 Marianengraben, Mariana Trench 馬利亞納海溝深無看底。有人講我這是鬱症 ê 一款需要看心理科，我個人是認為伊是 Hegel 分張 ê 智慧 Kreis von Kreisen 圓湠圓，頇顢 ê 我愛行到阿母 mā 轉去塗州賣鴨卵我 tsiah 理解，C'est la vie, das ist Leben, 這是四常。

二姊 hōo 大牛𤆬走，大姊 mā 因為翁婿長年重情重義重粉味，愛鄉愛土愛查某 kā 翁婿 ê 借口當做點拄來拚性命減肥 ê 結果就是連愛食 ê 彰化肉圓攏無法度食，翁婿 mā tī 伊上山頭無到半冬就交夥計成做龍鳳 hōo 我面對現今 ê 問題 buē 閣 tshan-tshiūnn 往過按呢吞忍 kā 食蒜仔吐蕗蕎當做是人生功課 ê 磨練(buâ-liān)。

像這久交翁有問題，我拆白 tuì 伊講，你 m̄ 免痟想我有當面激光彩，後面流目屎 ê 性地，我 buē 因為咱 ê 龍鳳生活無法度繼續行透底就卸世眾來交你，繼續睏破三領草蓆猶是掠你心肝 buē 著度日子。

二姊 28 歲成做無聲無色無影 ê 空 hōo 我清楚認捌棺材貯人無揀人，咱人 ê 按算永遠算 buē 過人一劃，阿母有年歲，我交伊無一个人知影 tsiâ ē 較早離開，有法度按算 ê 保險先 kā 按算好勢 hōo 伊免驚惶。

大姊一張紙捏 bueh 20 冬猶是捙拚 buē 過一皮天下無難事，愈皮愈順序 ê 大家官伨囝講有啥好冤，有啥好投，世間佗一个查埔人 buē 風流 ê 翁 hōo 我認真思考，一日交翁迒 buē 過伊 tuì 爸母 ê 依賴(i-nāi)我 buē 跟綴𪜶爸母 ê 跤步繼續翁仔某，褲帶結相黏掠你心肝 buē 著，猶原愛做陣睏破五領草蓆。

自阿母轉去塗州 ē 按算 ê 保險隨 kha̋n-jióo，我按人成做一隻貓好玄家己 ē-tàng 食到幾歲？

二姊食到 28，我已經食超過 8 冬，大姊 40 進前轉去塗州，按呢猶有 3 冬，我敢有法度食過大姊 ê 年歲？

自彼日成做貓好玄家己敢有法度食過大姊 ê 年歲，四常𠢕緊性 mā 𠢕 tuì 家己情緒叨撚 ê 我步頻 buē 閣 uī-tio̍h 去 hōo 蠓仔跤踢著隨心狂火著，顛倒是 Das macht den Kohl nichts Fett 按草花做 ê buē 大箍 --- Es ist mir egal 一屑仔攏無要意，不過猶是真𠢕成做茶鈷呻。

40 進前 ê 我 tuì Es ist mir egal 猶是茶鈷呻 buē 離這項代真有意見，因為伊 hōo 我認定這是一件水鬼夯重枷疊鬱交疊齪 ê 自揣麻煩，40 一過我開始接受這个枷，因為伊 hōo 我攑鋤頭耙心肝，清心，特別是 Blog 伊 hōo 無法度規張紙畫一尊觀音一四界敨心火 ê 我有一个空間摒盪心緒 ê 千枝萬葉。

食過大姊 ê 40 歲，我 ê 人生 tshan-tshiūnn 黃越綏老師分張 ê 81 就是趁著，往過 ê 塌塌磕磕行到 40 buē 因為加 1 加 2 加 10 離開，總是我理解遮 ê 累累碎碎有一日當我雙跤一伸直，伊 mā buē 閣喘氣，sóo-tí m̄ 免綿豉 kā 伊𫝛一鈷燃過一鈷閣一鈷。

食過大姊 ê 40 歲，人生 mā 開始行向 Hena Ma 分張 ê 打怪，有 ê 無四序有法度控制，有 ê 無四序無法度控制，m̄ 管佗一種四序攏 buē-tàng 有這種態度田螺循舊逝，較行 mā 彼逝來過日子，畢竟目今 ê 無要無意是未來 ê 骨力。

人生食過大姊 ê 40，我無追求千富萬爛 m̄-koh 我追求生活 ē-tàng 過甲有品質到雙跤伸直彼時，畢竟我相貧惰骨，我無法度成做德國先生分張 ê「目今 ê 無要無意是未來 ê 骨力」像勥母，像朋友 ê 阿姊，像齒科助理師(Zahnmedizinische Fachangestellte)按呢細空 m̄ 補，大空食苦。

Tsa̋ng 轉去齒科巡我 ê 微笑老妞齒周病(khí-tsiu-pēnn)齒科先生一人愛做三人，伊那巡我 ê 齒岸那講，我真正向望我 ê 齒周病患者交 gún 兜 ê Zahnmedizinische Fachangestellte ē-tàng 理解放酒 ē 芳，放病 ē 重好好仔遵照醫療建議來保養家己 ê 喙齒佮身體，畢竟醫療 m̄ 是仙丹。

拆白講我 tuì 齒科非常有意見，若 m̄ 是喙齒魯甲 hōo 我無法度好好仔食物件，我 mā 是皮甲順序並 kā 伊放甲千斤重 ê Es ist mir egal。

我 m̄ 知影臺灣齒科目今 ê 狀況，總是這个自烏貓姊年閣就困擾我 ê 齒科問題 tī 臺灣一个齒科換過一个齒科，踮德國總算 hōo 我揣著病頭並治療到今 ê 齒科先生 hōo 我理解斟酌交細膩 ê 清潔是上好 ê 治療。

按齒科轉來到厝我 kā 這項白汫無味 ê 故事分張 hōo 翁聽，翁隨分張𪜶兜勥母 mā hōo 醫生交代無度法繼續 kā 腹肚做藥櫥來過日子，伊 hőng 要求做復健。

「正常矣，這是你兜 ê 傳統 kā 放酒到芳 kā 放病到重 ê 認為家己是大妗婆𠢕炊粿並要求逐家攏愛綴伊食伊炊 ê 粿」我講。

「我八字重搪著你 hōo 我免食大妗婆炊甲臭火焦兼著火 ê 粿」翁笑應。

勥母 ê 問題是舊漚舊臭，早就擲㧒捔 ê 免閣餾， 總是勥母 ê 問題就 tshan-tshiūnn 朋友阿姐，齒科助理相仝齊是家己喙食出來交依賴醫療利便 m̄ 願遵照醫囑來變革無好 ê 生活慣勢。

「你早前攏講我烏白亂講，這久我有證據」手機仔捎出來開始𫝻。

見牽手一屑仔攏無要意伊 ê「啥物」只好向頭跟綴牽手踅目。

「I ate like Trump for a week. I don’t understand how the man is still alive，我早就 kā 你講，這是恁德國人 ê 優勢 m̄ 通 kā 我算在內，我無德國 DNA。」

「自你踮遮，我 m̄ 捌閣按呢過日子」翁隨紲喙。

「敢按呢。」

「媠某 ê 反抗交變革是我 ê 幸福來源。」

「這我無確定，畢竟我無德國 DNA，總是目今 ê 川普實驗證明我一屑仔攏無烏白講話，你跟綴恁爸母匪類猶是有法度活過 100 歲，畢竟德國醫療發達甲。」

Leave the hospital I take a subway.

I look at everything, suddenly I laugh and scare people.

Well ... I'm not crazy.

But, I feel something.

Normally, I have to feel scare.

Because I am not familiar with German.

But, I'm very comfortable and relaxed, especially when I don't know, Where should I transfer.

Even so, I'm not so scared.

But when I'm in China.

I can read Mandarin, but ...

I am very worried and can not relax.

No matter in the hospital or food ...

That's interesting, right?

Talking for me or reading in China is not a problem although I'm not Chinese.

But when I am in the US or Germany.

My eyes and ears are broken, but I'm relaxed and do not worry about everything.

Tsa̋ng 按病院坐輕軌轉來厝 ê 過程。

步頻想著這件代誌。

論真講，我應當是 tui 遮 ê 一切感覺驚惶。

因由，遮 ê 一切 tuì 我來講是 m̄ 捌看告示。

不過，這个所在帶 hōo 我 ê 恬靜佮自在是彼个 tuì 咱 tsuē-tsuē 臺灣人 buē 講生疏 ê 角勢 m̄ 知幾仔倍。

總是我 mā 是愛講我較頇顢 buē 曉 tsham 人盤撋...

M̄-koh，踮這个 m̄ 免斟酌看就 thang 知影我是外國人 ê 所在。

準做我是 m̄ 捌字看告示 teh 盤車抑是踅街路，我攏 m̄ 捌 kā 心捾踮手頭 m̄ 放。

栽欉 --- 2022.04.10

翻田塗接枝 --- 2024.11.29

歐洲菜頭林檎番薯烘

...... 材料 ......

歐洲菜頭，切橛　500g

林檎，切片　1

番薯，切塊　2

紅洋蔥，切絲　

橄欖油　

麻仔葉

芳料粉

芳料草

蒜頭，刴幼　

鹽、胡椒

...... 步數 ......

1. 番薯、歐洲菜頭、橄欖油、鹽、胡椒、芳料草、芳料粉濫做伙搜齊，落烘箱捘200度烘35分鐘。

2. 麻仔葉、蒜頭濫做伙搜齊，番薯、歐洲菜頭交林檎舖頂懸，樂暢來食。

Ich habe so viele Pastinaken Rezepte gelesen, aber bis jetzt... ich liebe die nur aus dem Ofen.

Ich habe kein Mut zum Salat, Brei, Püree oder die Suppe mal probieren. 

Keine Ahnung, warum... besonders Salat, was ich suche, das Rezept über 90% sind Salat. Ich liebe Salat, aber Pastinakesalat? 

Rohkost Pastinake für mich riechen wie Parfüm...furchtbar, nein Danke!

Suppe?

Ich esse Suppe nicht so oft, obwohl ich liebe Suppe aber sehr selten zum Essen.

Curry?

Ich glaube, ich kann eine gute Idee weiter suchen.

Ich liebe Curry, aber nicht alles muss Curry sein.

So, lass mich weiter suchen, oje!

Süßkartoffeln und Pastinaken aus dem Ofen und mit Apfel, das ist Perfekt für mich, besonders zusammen mit meinem lieblingsessen Süßkartoffeln.

Lecker, super lecker, ich mag es so sehr!!!

Oh, Übrigens, Pastinaken mit Reis ist auch lecker, zumindest für mich, das Essen es passt für mich!!!

Süßkartoffeln und Pastinaken aus dem Ofen mit Apfel

...... Zutaten ......

Pastinak in Stücke geschnitten　500g

Apfel in Scheiben schneiden　1

Süßkartoffeln in Stücke geschnitten　2

Fein gehackte rote Zwiebel

Olivenöl　

Rucola

Gewürze

Kräuter

Fein gehackter Knoblauch

Salz ＆ Pfeffer

...... Zubereitung ......

1. Süßkartoffeln mit Pastinak, Gewürz, Kräuter, Öl, Salz und Pfeffer gut mischen, im Backofen auf 200 Grad 35 Minuten backen.

2. Rucola mit Knoblauch gut vermischen, Süßkartoffeln mit Pastinaken darauf hinzufügen.

3. Apfel hinzufügen. Guten Appetit!

I've read so many parsnip recipes, but so far.... I only love them from the oven.

I have no courage to try salad, porridge, puree or soup. 

No idea why... Especially salad, what I'm looking for, the recipe over 90% are salad. I love salad, but parsnip salad? 

Raw parsnip smells like perfume to me...awful, no thanks!

Soup?

I don't eat soup that often, although I love soup but very rarely for meals.

Curry?

I think I can continue to find a good idea.

I love curry, but not everything has to be curry.

So, let me keep searching, oh yes!

Sweet potatoes and parsnips from the oven and with apple, that's perfect for me, especially with my favorite food sweet potatoes.

Delicious, super delicious, I like it so much !!!

Oh, by the way, parsnips with rice is also delicious, at least for me, the food it fits for me!!!

Roasted Sweet Potato with Parsnip and Apple

...... Ingredients ......

Parsnip cut into pieces　500g

Cut the apple into slices　1

Sweet potato cut into pieces　2

Finely chopped red onion

Olive oil

Arugula

Spice

Herbs

Finely chopped garlic

Salt ＆ Pepper

...... Method ......

1. Mix the sweet potatoes with pastinak, spice, herbs, oil, salt and pepper well, bake in the oven to 200 degrees for 35 minutes.

2. Mix the arugula with garlic well, add sweet potatoes with parsnips.

3. Add apple. Enjoy your meal!