亂皂𥴊仔店 ⓂⒺⒾⓃⓀⒾⓄⓈⓀ

這幾日整理早前寫 ê 文章。

寫了，體重 uì 6 行到 5。

原來寫作 mā 是減肥 ê 一種方式。

美國茄烘

第一擺認捌菜擴是同事轉去後頭厝，𪜶阿母𢯾一箱 hőng 退轉來 ê 箱仔請伊紮來無料分享。

M̄ 捌料理，阿母又閣轉去塗州賣鴨卵無人 thang kā 我鬥相共，隨請教同事按怎料理。

「Tshan-tshiūnn 煮菜頭湯按呢」伊講。

寢開始我確實是照伊 ê 分張按呢料理，總是我較歹喙斗，無法度一項物件一直餾。

上網路揣資料，揣著 ê mā 是煮湯抑是做菜鹹。

M̄ 知是受著 tsham 咱做陣去踅田園 ê 影響。

抑是閣揀食，規氣做仙好矣。

致到，這擺做陣買菜攏 m̄ 免我請教抑是攢耐性「參詳」，翁家己捾兩包非洲來 ê 荷蘭豆講這擺 ê 減肥食食 bueh 食這項。

聽伊按呢講我隨著生驚 mā 隨 kā 手搭 tī 伊 ê 額頭。

 一位徛踮 gún 身軀邊有一 ta̍p 睏仔 ê 先生，看我按呢 tuì 翁按呢做掠伊人身體無爽快，人隨客氣甲那徙位目睭 mā 那貓貓仔相 tshan-tshiūnn teh 提醒我，這位太太你呔 ē 猶末敲電話叫 112（Euronotruf/歐洲緊急救助電話)。 

物件一做好請翁來食飯，伊一看著色水佮菜蔬隨講「你 tī 底時 mā 開始愛食 Kimchi，另外我無食薟，你知影--ê 」。

「我知，另外我 mā 無食薟」我講。

「按呢這是啥物？」伊問。

「Kam-má-tooh 滷米蘭草花」我講。

「我掠做你 buē 記得咱 tī 韓國 ê 經驗...」伊隨喘一大氣講。

翁愛食美國茄。

Sòo-pái，伊上網搜揣美國茄食譜請我 kā 伊鬥相共。

這个食譜就是按伊遐來--ê，只不過本底 ê 食譜是油直透添，添甲茄仔攏煎齊為止。

按呢 ê 做法是喙斗滿足，磅仔艱苦家己 mā-ē 成做「這不是肯德基」ê 嘛嘛吼。

Gún 攏發娘仔絲 mā teh 糋膩瓤，這款烏狗烏貓 m̄ 驚中箍按呢育飼 ê 做法無適合酸素(sanso)一欶隨成做膨風水雞，刣無筋肉卻厚厚膩瓤 ê 年歲 。

有媠某 ê 所在，我 ê 胃就有極樂世界。

有媠某 ê 所在，菜蔬攏 ē 成做牛排。

聽 gún 翁按呢做詩，我笑甲吭跤翹問，你是去佗落佮人學著弄喙花？

M̄-koh，我真佮意你 ê 喙甜舌滑 ē-tàng 閣加講寡。

Buē 使一擺講煞，按呢 tsiah 有好物食 ē-tàng 繼續食落去，翁應。

Gún 翁某 tuì 白花仔菜有無𫝛款 ê 記持，m̄-koh 有相𫝛 ê 脾土攏無意愛。

不過，聽過 gún 翁 ê 分享，我發現 gún 媽媽料理白花仔菜 ê 方式無問題，有問題 ê 是我。

Gún 媽媽在生時攏 ē 講，有啥物物食 ē-sái hōo 姑娘仔你 buē 嫌伊無臭塗味佮臭羶味？

Tī 臺灣食吳郭魚嫌臭塗味重，踮德國食三文魚我 mā 嫌臭塗味重...

Tī 臺灣食羊肉嫌羊肉臭羶味重，踮德國食綿羊肉我 mā 嫌綿羊肉臭羶味重...

我愛食豆，豆卻 m̄ 捌我。

起因是自囡仔時到結束做渡鳥進前，攏罕得行灶跤 mā 罕得行菜市仔。

總是，人生總有tsuē-tsuē 變化 hōo 家己接觸往過 buē 想著 ê 代誌 tshan-tshiūnn 行灶跤。

雖罔按 m̄ 捌沐油煙到今，我已經有法度辦一桌好料理。

不過，tsuē-tsuē 物食到今我 mā 猶原分 buē 清 tshan-tshiūnn 這个豆。