Hőng 認定是菜蔬 m̄-koh 是米糧 ê 青豆仁，伊 ê 食譜 m̄ 管德文抑是英文攏比一盤全菜蔬 ê 敏豆閣較 tsuē，這正經有 14。
因為這个有 14 mā hōo 我想 bueh 斟酌知影廚房 ê 食譜冊有 luā-tsuē 是敏豆食譜， 遮反遐看敏豆就敢若 Runway 透色 ê Model 足僫見。
食食果然 mā 是 capitalism 資本主義 ê 一部份。
「Das Essen ist Kapitalismus, du muss dem Rezept folgen」(食食是資本主義，你愛認命)我手指手機仔 ê 素食食譜。
翁無應話，起因自伊綴我看 Die Ernährungs-Docs 伊 mā 開始接受無 kā 家己 ê 𠢕提掉，有一日伊 mā-ē 行向艱苦 ê 日子。
足想 bueh 知影家己 ê 喙敢有綴著手拍佮手寫 ê 字，手機仔撨好勢開始錄音 tsiah 發現無假做廣播主持人，正經 ē 掠做家己是十全--ê 加加無味按呢 niā-niā。
緊攑筆寫 Lô-má-jī 提醒家己這字愛按呢唸彼字是按華文思路湠過來，這久 ē-tàng 按呢表達較順較敆味。
當我 tī 遐無閒 tshih-tshih 熥家己 ê 聲音，翁雄雄搭我 ê 肩胛頭「我聽無你 teh 講啥，總是逐句聽起來攏有台語腔」。
「你耳仔有問題」我那講手那指選舉日無 tī 厝走去 Berlin 上電視 ê 州長。
「伊是德國人」翁講。
自早起頓食合我 ê 喙斗 --- 燒 ê 料理兼米糧，下昏飯食合 gún 翁愛食冷盤 ê 脾土，自按調整 ê 彼一日行到這久 m̄ 知敢有一月日，這久徛踮磅仔頂 ê 人開始 kā 咱褒唆「糋膩瓤猶是靠食食較贏運動，gún 兜 ê 營養師正經蓋𠢕掠漏。」
看伊半暝吹電風，暗爽甲若 Tintenfisch 我想 bueh 噤喙一下，總是搪著伊我就是有一大拖傳家佛經需要世世唸(踅踅唸）「糋膩瓤就是愛運動佮食孤項，無按呢做是讀甲博士班畢業，無校(無效)。」
凡勢是磅仔 ê 號碼傷過迷人 hōo 伊雄雄成做臭耳聾翁聽無我 ê 佛經，伊那一尾花枝喙笑目笑㽎仔㽎㽎到我面頭前講「人我擋過六月日無歕雞胿閣日日攏食好料，兼日日捧糖無洗手 ê Naschkatze。」
這是早前寫 ê 文字，現此時提出來閣餾一斗畫面猶原厚甲若窗仔外猶未成做碎鹽鹽 ê 霜雪。
翁某自2021.11月做陣糋膩瓤到今 ê 維持，gún 無枵過一擺腹肚 m̄-koh gún-ê 食食一直 teh 改變。
「你差不多一兩工一篇」我上堅實讀無字看相片 ê 翁那褒嗦家己 ê 攝相那講。
「是 ē-tàng 按呢講」我講。
「你家己算看 mā」伊手指後台 ê 數字。
「無遮 ê 數字，你敢記 ē 牢家己按底時糋膩瓤」我講。
「Buē，總是你 ê 食食攝相 mā 攝甲就媠--ê」伊講。
近來整理後頭猶未貼出來 ê 文章，那整理那讀文章，有一種 thǹg-tsiap-kha 行石仔路那行那自在 ê 快樂。
近來讀華文譯本那讀那感覺，感謝家己有機會搪著當事者 --- 德國人。
起因，那讀那感覺全世界 kan-na 2 種語言，華文佮英文。
外來語決定愛翻譯做華文，外來文 mā 決定愛寫做英文體。
我 ê 14 是西班牙 ê 河流(Ñ)、德文 ê 目睭(Ö)、法文 ê 尾溜(Ç)佮帽仔(Â) tsiâu 是 ABCDEFG。
Lächeln und fabelhaft sein sind die besten Möglichkeiten, dich an deinen Feinden zu rächen. Sie hassen, dich so zu sehen.
峇微 ê 笑容佮良善 ê 心是送 hōo 遐無對範 ê 人上媠 ê 禮物，因為𪜶 buē 堪得接接這份禮物
凡勢是受著修女恬靜面容 ê 影響，我開始愖喙講無意要 m̄-koh 海馬猶 teh 硞硞踅迷宮 ê 代誌。
店東一開喙聲嗽 buē-su teh 趕乞食，按中國來 ê 人客 m̄ 知是慣勢生理著是愛 īng 這款聲嗽招呼 tsiah 是 teh 做生理抑是伊認為這款無客氣是「香腸一條➀」。
總是，聽有華語佮英語 ê 我徛踮後爿等待招呼是聽甲耳空刺鑿目著火。
出門寄批，郵局猶未行跤到，水庫趕 bueh 出埒(lua̍h)。
撏手機仔看時間 tsiah 發現伊無愛哭愛綴路隨擔頭成做綴星揣路 ê 遠古人。
終其尾我 m̄ 是天干地支師 ē 曉看方位 mā m̄ 捌綴 Bear Grylls 學習籠仔外 ê 工夫，我 mā 捎無 Apollo 彼頭金鑠鑠 ê 頭鬃現此時捋甲佗一搭位。
我只好繼續向行伐，繼續感受伊彼頭 tuì 我來講若 m̄ 是鳥仔 m̄ 唱歌，天閣 bô-ti-bô-tang 按金棗成做白𪐞紅 ê 金含(kâm)，我正經 buē 發覺 Diana 已經 kā Nyx ê 厝宅 iōng 鼓仔燈佮燈仔花裝娗好勢。
拍 buē 死，埋 buē 密 ê 烏面賊，綴我一路感受水庫 tshan-tshiūnn 揣--著閬縫趕 bueh 濆(bùn)出塗，意志宛然發見水庫破空隨 īng 指頭仔楔入去 hōo 伊窒起來 ê Nederland 查埔囝仔靜候農夫 ê 發現按呢搬影戲無聲影戲。
簡單是好味素，好味素是簡單交享受，簡單 ê 好味素 m̄ 是雙目金金相，舌無奏南北管。
我 m̄ 知影別人按怎認為，總是我愛看手工製作 mā 無經過妝娗 ê 圖，像這張圖 ê 食譜。
初初交這份食譜相拄搪，頭殼閃過遮爾仔普通 ê 食食有啥通分張隨斡頭覓目睭綴 leh 食 ê 圖。總是，咱是低路人 m̄ 捌見過大山大海 mā m̄ 捌十八港跤行透透，網路頂 ê 媠圖見無兩三回隨翻頭轉來揣阿䆀，並請教阿䆀按怎顧腹肚，畢竟敆喙腹肚脹，合目腹肚枵。
米其林式交 hōo 十八港跤行透透 ê 人，四常人家厝 ê 食飯桌交 hōo 我，美味しい。
寫愛料理 ê 時，頭殼 phiàng 出這个聲 hōo 我笑甲目汁㴙㴙滴。
「曷 m̄ 是新婦仔講...」
我 m̄ 知 uī-hô ē 出現這个聲，起因我並 buē 要意別人 ê 哭呻 mā 無興佮生份人盤撋。
不過，我想應當是這句話 hōo 我掠做神魂內底 ê 警察「閣較𠢕起厝 ê 人，厝賣 buē 出去 mā 是了然」，我又閣 teh 纏綴 Blog 愛按怎寫 tsiah 有法度 hōo 人看著 ê 無聊代。
總是綿精無聊代，有當時仔 mā-ē 提醒家己斟酌一寡猶未窒滿 m̄ 是消敨 ê 記持。
Tī YouTube 聽鄧惠文醫師踮新聞挖挖哇分享伊 ê 新冊想 bueh 表達 ê 靈魂。
彼久，聽好食中晝頓 ê 我，那聽那綴 leh 愖我敢有鄧惠文醫師分享 ê 症頭？
一項一項繩落來，無。
我家己 kā 家己拍噗仔，特別是症頭內底有一項是 m̄ 願接受新 ê 改變。
這个 m̄ 願接受新 ê 改變是講，比如時代已經行到愛使用 I-Bon 買車票咱 buē 曉操做 m̄ 願請教別人 kan-ta bueh 長短跤話哭呻 m̄ 願學習。
那搖尻川那唱『金罵無ㄤ』，我想著 tsham 冰箱黏黐黐 ê 枵鬼鐵。
...den, hier mus ein jeder nach seiner Fasson Selich werden.
Tī 遮 ê 每一个人攏愛得著家己 ê 四序
von Friedrich der Große 1740
Heh--la̍h，每一个攏愛照伊意愛 ê 方式過日子。
Tī Malta 馬爾他行跤花，我一直想 bueh 試英國印度咖哩 ê 鹹汫，總是搪著 tuì 印度料理有大細心 ê 翁 m̄ 管我有喙講甲無瀾伊就是無意神。
霆某螺佮成做三斑一尾是解決問題上緊 ê 方式，總是這款拗蠻鬚聳目降已經無合我意，另外一想著石獅賣甲爛肚 mā 是 m̄ 是今仔日 tsiah 出現。
「窮實我 mā 無確定印度料理敢敆喙，不過我 tuì 𪜶 ê 菜單誠有興趣」換一个方式講話，gún 翁 mā 隨按六月蛤，開喙臭換做捧糖無洗手，糖甘甜 --- 某行翁綴，綴我研究菜單。
因為 m̄ 捌食過英國料理，準做食過 mā 應當攏是無敆喙 ê 放風吹。
一間一間看 mā 一間一間講「我想，我應當無法度發揮外媽冬外孫，雞母孵鵪鶉，惜花蓮盆支持遮 ê 印度餐廳。」
本成掠做後台 ê 庫存 ē 因為一直提出來做，數量就 ē 愈來愈少。
無疑悟，那銷庫存貨底 mā 那增加，想著就愛笑。
總是，換另外一个角度看這个變化。
我是有福氣 ê 人。
我無搪著長短料 hōo 我 m̄ 免驚惶無米煮無飯。
我愛食若肉 ê 豆佮阿菇，gún 翁慼豆慼阿菇閣愛纏綴𪜶兜傳統激一个參仔氣講「食肉無健康 m̄ 通食」ê 食飯桌無加工肉隨變面。
我愛食蚵仔菇 mā 愛食鮑魚菇，遮 ê 阿菇 tī 德國齊有賣 m̄-koh 一公斤 20€ hōo 我 bué buē 落手，就定食植物界 ê 牛排：蘑菇窒數念。
「咱今仔日 ê 飯頓咱敢 buē 食甲傷過素？」翁沓沓仔知影愛按怎講話 tsiah buē hōo 牽手𠞭甲見骨。
「你講肉咱愛減食寡，我就攢素食肉，正港 ê 素食肉」我講。
「豆仔 m̄ 是肉....」伊喙那做茶鈷呻，手那 m̄ 振動表示抗議，我斡頭 kā 手機仔捎出來請德國人講德語 hōo 伊聽
。
踮 YouTube《Lions University 台語課》學著這句 hōo 我笑甲 kiōng bueh buē 喘氣。
起因我想著佮我門扇枋鬥 buē 峇 ê gún 翁𪜶老母。
總是，講別人䆀話進前，我愛講 m̄ 是我𠢕褒家己是我正經好鬥陣。
我佮 gún 翁𪜶老母門扇枋鬥 buē 峇 kan-tann 這个因端，gún 翁𪜶老母認為伊是世界上上𠢕扞鼎灶上𠢕款厝 ê 人。
簡單一句就是，我𠢕甲無人通佮我比並。
聽著議員分張伊 tuì 媽媽講 ê 話，我想--著家己 tuì 媽媽講 ê 話佮伊 tuì 我講 ê 話。
Gún 媽媽講「我真幸福 mā 足快樂有你做我 ê 查某囝，媽媽時間到矣，無氣力通閣陪伴你。」
Gún 某囝手牽牢牢 tshan-tshiūnn 囡仔時伊行到佗，我 kā 伊 ê 手牽牢牢綴到佗，只是這擺我 buē-tàng 閣 tshan-tshiūnn 往過按呢愛哭愛綴路。
「你 m̄ 免煩惱，我 ē 好好照顧我家己，我足愛你」我輕輕唚伊那來那白 ê 額頭，漸漸無氣力 ê 伊喙角微微仔笑，目角滲珍珠。
我輕輕仔 kā 伊 ê 真珠承入手蹄，tsham 伊靜靜等待遐 ê tshan-tshiūnn 纏 tī Sigourney Weaver ê 外星塗婆離開伊 ê 肉體放伊自由。
相信大部份 ê 人 lóng 有 tsit 个興頭意愛一空掠雙隻。
Sòo-pái 面對 tsham 家己無底代就 ē 一人一家代，公媽隨人祀。
另外，lán mā-ē kóng 家己 m̄-bat hōo 人鴟鴞偷掠雞，烏鶖佇壁。
Ia̍h-sī lán só͘ 做 ê 代誌 m̄ 是俗物食破家，kìng-ka m̄ 是驚人看 lán 無點 tsiah 攑旗軍仔。
Lán 是一兼二顧摸蛤兼洗褲𠢕扞家，絕對 m̄ 是 hit 款攑香綴拜，只驚 hōo 人抾無點。
Tsa̋ng 那改相片那看資料。
步頻目睭畏光，紲落來開始看著海湧。
這時陣我知影愛歇睏。
M̄-koh，人就是孽。
認為家己誠勇健，m̄ 願 kā 手頭 ê 代誌囥一邊，掠日 tsiah 閣繼續。
冊 ▪ Bücher ▪ Books (4) 來去車日子露營 ▪ Camping (21) 行跤花 ▪ Ausflug ▪ Field Trip (4) 掠肥食瘦錄 ▪ Rezept ▪ Recipe (20) 板膋收冬寫真 ▪ Ergebnisse der Gewichtsabnahme ▪ Weight Loss Results (3) 心情練跤花 ▪ Prosa ▪ Prose (2) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 弄筆尾展文墨 
