(2022.12.04 早起頓 捲心白酸滷 + 敏豆ひき肉炒 + 弓蕉 Topfen 甜路杯 + 白飯/849kcal)
翁無愛食豆仔類,我愛食豆仔類。
Ūi-tio̍h 解決 tsit 个問題,見若看著食譜我 suî 試。
今仔日刁意故 tī 伊 ê 飯包囥 tsit 份。
伊一下班門 tsiah 拄拍開我就 suî 請教「借問先生 lán 今日仔 ê 飯包敢有敆著你 ê 喙斗?」
彼曷著愛問,伊好食甲 buē-su 缺喙食蛤仔肉:峇峇。伊講。
敏豆ひき肉炒
(2022.12.04 早起頓 捲心白酸滷 + 敏豆ひき肉炒 + 弓蕉 Topfen 甜路杯 + 白飯/849kcal)
翁無愛食豆仔類,我愛食豆仔類。
Ūi-tio̍h 解決 tsit 个問題,見若看著食譜我 suî 試。
今仔日刁意故 tī 伊 ê 飯包囥 tsit 份。
伊一下班門 tsiah 拄拍開我就 suî 請教「借問先生 lán 今日仔 ê 飯包敢有敆著你 ê 喙斗?」
彼曷著愛問,伊好食甲 buē-su 缺喙食蛤仔肉:峇峇。伊講。
敏豆ひき肉炒
(減肥早起頓。馬鈴薯絞肉白菜滷,絞肉煮馬鈴薯與白菜)
翁 tuì 捲心白無啥意愛。
伊講捲心白 m̄ 管 tsham 啥物食物鬥搭攏是扴味。
我耳空生研(lan)手䘼直接撆起來 hōo 捲心白家己講 hōo 伊捌。
M̄ 是我䆀味,是你早前衰䆀搪著 buē 曉 tsham 我談戀愛 ê 人。
馬鈴薯ひき肉白菜滷
...... 材料 ......
(2021.12.21 減肥早起頓。三文魚煎,煎鮭魚)
翁講,伊 khah 佮意食三文魚 ê 原味。
因為 tsit 句話我開始思考。
我 bueh 按怎解決 tsit 个無仝喙斗 ê 問題。
想仔想,想甲頭殼 kiōng-bueh 磅去 tsiah 發見家己正經是大目新娘揣無灶 koh 食飽換枵。
Kā lán 臺灣媽媽上捷煎 ê 肉鯽仔照原路 kā 伊徙過來就解決--ah。
不過,三文魚有我無意愛 ê 臭塗味,愛加一步:淋寡酒。
(減肥早起頓。蒜芳バター三文魚,蒜香奶油鮭魚)
舊年 tī 德國政府安排 ê 德語課內底佮 m̄ 管是年歲抑是搬來德國蹛 ê 因由攏 bueh 相𫝛 ê 加拿大同學冇談著魚臊 tiàm 德國 ê 天價。
兩人 tī 課堂 tī 查某組內底分別是第一名佮第二名,年歲上大--ê。
Tī 課堂內底 ē 曉講 gún 家己 ê 第2(加拿大同學按Québec來,母語是法語,英語是第1外語)抑是第3語(我 ê 母語是台語,第2外語是華語,第3外語是英語) ê gún lóng 儘量使用德語冇談以避免 buē 曉聽講讀英語文 ê 同學感覺 gún 愛展風神佮歹鬥陣。
雖罔是按呢,逐家四常無啥 teh 互相行踏,有 ê 代誌 iōng 滷 buē 透 ê 德語破豆,鼎肉 ê 肉滷甲已經烏 mà-mà uân-á buē 食滷,gún 就 buē 繼續 m̄ 顧腹肚,顧佛祖。
Tshan-tshiūnn 講著三文魚「三文魚 tī 加拿大是窒倒街,tī 德國卻是連一粒沙 lóng 踢 buē 著」加拿大太太聽我哭呻 buē 記得遮是德國 uī-tio̍h bueh 窒喙空食鮮沢 ê 魚走去揣魚擔 bué 三文魚 ê 代誌笑甲 kiōng-bueh 痚呴講。
「三文魚本底就有魚臊味,tshan-tshiūnn 牛、豬、羊,你食 ê 三文魚應當是改良抑是養殖方式有調整甲 khah 適合恁 ê 脾土 ê 彼款」伊聽我 buē-su 水一滾 buē 記得禁火 ê 茶鈷按呢呻 buē 離 iōng 伊 ê 耐心 tsham 我分張我搪著 ê 問題。
「Gún 加拿大人 khah 無食食文化,不過你若無棄嫌我想 bueh 佮你分張 gún 兜上捷食 ê 方式」加拿大太太講。
(2023.11.07 早起頓 美國茄ひき肉 + 清飯 + 優格/1002kcal)
德國圓棍棍 ê 茄仔號做 Aubergine,長 ê 茄仔號做 Japanische Aubergine,這兩款茄仔我攏佮意 m̄-koh gún 翁 kan-na tuì 有法國名 ê 美國茄有意神,另外德文 ê Aubergine mā 是接續法文 ê 文佮語。
喃(nauh)到遮想著德國 tsuē-tsuē 物食是直接延續外國語文無閣掠外號名,比論講夏金瓜/Zuccini 就是綴義大利語。
喃到遮 mā 想著早前捌佮朋友討論 ê 英國茄佮美國茄。
我 tuì 這 2 國 ê 文化無認捌,總是印象中踅英國食譜較捷看著 Aubergine,踅美國食譜較捷看著 Eggplant。
這2種講法精差 tī 佗位,拆白講我 m̄ 知,總是我知影 tī 臺灣有人 kā Aubergine 號做日本茄抑是圓茄,我個人是較意佮美國茄,起因 kā 號做日本茄 ē 發生佮朝鮮一屑仔攏無關係 ê「朝鮮薊」相仝 ê 問題。 所以,我家己較佮意 kā 號做美國茄,畢竟我 tī 臺灣 bué 著 ê Aubergine 確實是比歐洲 ê Aubergine 閣較圓棍棍 ê 古錐。
是講,食物自本就是綴靠岸 ê 角勢成做伊 ê 生張,tshan-tshiūnn Patata 行到法國成做塗肉林檎(Pomme de terre)行到德國成做塗肉梨仔(Erdbirne),無一个定著。
另外,寒人雖罔猶未行跤到,總是カレー愛先到,物食一款好隨請教 kā 我建議 Aalen カレー ê 翁「請教先生今仔日 ê カレー 有 Aalen 無?」
(減肥早起頓。Balsamico 三文魚,義大利香醋鮭魚)
我愛食魚,翁 mā 愛食。
M̄-koh,gún 翁是按 tsham 我交往 tsiah 有 tī 食海味。
起因,大家 ê 一句話「我 tùi 魚臊過敏」,𪜶規家伙仔著 lóng buē-tàng 食。
我 m̄ 知影大家 ê 過敏是假包抑是正範。
總是蓋確定 ê 代誌是伊無意愛或是看 buē 順眼 ê 物件 lóng buē-tàng出現。
伊 tsit 款態度,gún 翁佮𪜶老爸 lóng ē-tàng 接受。
小姑食素 tuì 伊無影響,我 tsit 个愛食魚 ê 外國新婦更加免討論 ē 綴伊 ê 跤步行。
(2023.03.25 早起頓 パプリカ野菜 Tagliatelle + 蜂蜜芥辣雞襟胸 + 果子 Yogur/893kcal)
見若料理 tsit 份雞襟胸。
我 lóng-ē 掠做家己著是阿基師。
起因,gún 翁 ē kā 我呵咾到飛上天。
蜂蜜芥辣雞襟胸
...... 材料 ......
雞襟胸 400g