(2023.04.02 早起頓 野菜絞肉焗 + 白醬 Gnocchi + 草莓弓蕉 Yogur/1099kcal)
翁講,伊想 bueh 知影菜單內 ê 台語。
聽伊按呢講隨 kā 囥踮倉庫 ê 白枋 tshiau 出來。
紲落來交代家己愛寬心懶性 kā 字寫 hōo 媠寫 hōo 伊讀有。
伊那看我寫白枋 mā 那問「你是按怎有法度一回記遐爾仔 tsuē 字--leh?」
「檢采是兩種系統攏有學習」我講。
「Iáu-m̄-koh,tsuē-tsuē 人講讀佮看猶是看無你 teh 寫啥物字」翁講。
「這是誠正常 ê 代誌敢 m̄ 是」我應。