「這雞襟胸參咱 tsa̋ng 踮印度餐廳食著 ê 雞肉相𫝛軟，一屑仔攏 buē 柴柴 」翁那食那喙笑目笑講。
聽伊按呢講我 ê 眼前隨出現《喪禮上的故事》(微笑老妞)佮我 ê 相思仔。
囡仔時 uī-tio̍h 挽一齒無 bueh 離開大人齒 ê 囡仔齒 hōo 我 mā 成做微笑老妞，遮欠一齒遐欠一齒。
我 m̄ 捌怨嘆序大 uī 我做 ê 決定，總是 uī-tio̍h 一齒若秋分 ê 相思仔 hőng 發見寄生仔隨剉掉 ê 齒根 hōo 我 tuì 齒科一直無好 ê 印象，準做現此時 ê 齒科先生攏講，無去 ê 樹根 ē-tàng 閣種轉來，我猶是無好印象。起因，這款治療 tuì 我來講只是 kā 趁錢 ê 講法妝娗做另外一款較有未來 ê 講法。
Tshan-tshiūnn 一位捌 kā 阿母治療喙齒 ê 齒科先生，一日我𤆬阿母轉去 hōo 伊檢查伊做 ê 假喙齒，伊隨講「種喙齒較好，另外恁行 m̄ 著間齒科，因為我自從到今 m̄ 捌做過假齒喙，我敢 leh ka̋ng 種喙齒」。
這斗 ê 無四序 hōo 我想著少年 ê 代誌。
因為 m̄ 捌假捌 tuì 朋友講寡我認為 ê 笑詼。
這久家己搪著。
雖罔，病症無相𫝛 mā hōo 我艱苦甲 叫 m̄ 敢。
我知影彼久 ê 我 m̄ 是刁意故，總是一想著朋友無奈何(ta-uâ) ê 表情 hōo 我更加感謝我有機會接觸 tsuē-tsuē 智識 hōo 我避免閣較大條 ê 病疼。
那寫關鍵字，那問翁西文 ê El、La、Los。
寫煞，我 tuì 翁講耍笑講「無定著，我 ê 西文 ē 因為寫網誌寬寬仔轉來相揣，tshan-tshiūnn 往擺看俗麭 buē 入眼 ê 你，這久成做俗麭 ê Fans 𫝛款。猶 m̄ 過，我 tuì 西文無歧視，我只是頭腦較鈍學 buē 來，致使就先 kā 伊寄踮冊櫥。」
Gún 翁恬卒卒無出聲。
起因，伊食老出癖食向時綿死綿爛拍死 m̄ 食 ê 俗麭。
看伊無出聲，我 mā m̄ 甘閣 kā 伊洗面落--去。
Mein Leben ist so schön, weil meine Frau weiß wie man das deutsches und französisches Essen kocht.
Poulet à la Basquaise, mann!
Super lecker, besonders Paprika ist nicht mehr der Feind！
我 ê 四常有夠幸福，gún 媠某 m̄-nā 𠢕煮德國料理，連法國料理 mā 是煮甲一粒一。
--- Mayo
凡勢是 tsham 德國人盤撋久，往過 buē 掛心 ê 代誌，這久 m̄ 免家己拍招呼，伊家己 mā-ē 成做面冊 ê 臆你有興趣家己自動出現 tī 腦海。
戇猴搬石頭煞 tsiah 知影愛愖這件代誌，攏是代誌 tsham 人講定 tsiah-ē 請人寫基本資料.....
一愖著這件代誌，我隨交懍恂 mā 搭家己 ê 胸坎閣伸手請雞𧉟神轉去食家己，起因我 m̄ 免 uī-tio̍h 這件代誌擘腹。
我無照對方 ê 要求寫誠實 ê 家甲 hōo 𪜶，這久正經愛講，慣勢寫德國地址誠實有幫贊。
是講，這件代誌 mā hōo 我學著，準做別人無 tuì 咱情緒叨撚，咱家己 mā m̄ 通 tuì 家己情緒叨撚。
翁 m̄ 知 uī 佗落揣著《Taste of Europe 品味歐洲》。
我 m̄ 敢講家己誠理解歐洲人 ê 食食。
不而過，自第一集奧地利到丹麥出 ê 菜佮我想 ê 精差無 tsuē。
親像我 tuì 翁講奧地利應當 ē 捒 Wien 糋豬排。
比利時應當 ē 捒麥仔酒抑是格仔粿，但是我認為麥仔酒機會較大。
昨昏翁看我刣早前寫 ê 食譜，伊規仙人 buē-su 看著天地尾𫝛款，m̄ 甘 tiu-tiu。
我看出伊 ê 慒心刁意故 tuì 伊講「免煩惱，就使 kā 遮 ê 資料刣掉，你猶原 buē 日日食 Strammer Max 過日子。」
「我無煩惱這」伊講。
「Ah，害仔！」
「啥物代誌」伊問。
參加 ê 徵文比賽，成績已經出來。
答案 tshan-tshiūnn 咱設定 ê 按呢，無著獎。
我 kā 這个信息分享 hōo 翁。
伊 ê 失望感煞比我較大欉。
「你寫甲遮爾仔好」伊目箍紅紅講。
Bueh 去地下室 ê 洗衫間挈洗好 ê 衫褲 tī 一檈 ê 樓梯間搪著二樓按羅馬尼亞來德國做穡 ê 厝邊 A-Lô。
「Gún 阿母這幾工已經注著肺炎 ê 預防射--ah」伊本底圓甲若15 ê 目愈圓愈透光，本底就若彌勒佛 ê 好笑神 hōo 我這个已經無父無母 ê 外埠人 mā 感受厚厚 ê 幸福佮快樂。
「實在是足讚 ê 消息」我講。
「著--ah，心肝頭 ê 彼粒大石頭總算 ē-tàng 擲挕捒」A-Lô 那講那比十字感謝上帝賜 hōo 伊好字運。
非教徒 ê 我恬靜徛在原位，微微仔笑靜候「Bis gleich」。
Gún 翁是我上忠實 ê Blog 讀者。
今仔日做伙食早起頓，伊講你無說明事件，人若 ē 知影你 tī講啥物。
一个人有法度 uì 後生出世到今，猶原哭呻囡仔 m̄ 食伊 ê 手路菜。
M̄-koh，囡仔煞 bueh 食別人料理 ê 𫝛一款菜色，這是料理 ê 人有問題抑是食 ê 人是䆀猴，我隨 tī 空中篩空氣。
我已經 kā Einstein ê 話兌現做四常譬喻，讀 ê 人猶原 tuì 我講「Gún 德國人聽無這个例」。
徛踮窗邊看大暑三斑擾家起性搦地歇熱去，溫馴 ê 小妹立秋隨家和萬事興，家亂萬世窮來接節氣，當咱 teh 嘆四季無四季，鐵拍 ê 身體 mā buē 堪得按呢𬦰崎𬦰落，請咱 kā 𪜶相放伴 ê A-Lô 雄雄出現在眼前。
一二三四、驚到無代誌
曝甲若烏森林薰肉遐爾仔迷人 ê A-Lô，手攑起來講透西文佮德文講「今年雨水 tsuē，菜擴肥，Ciao」。
我一手捾圓棍棍 ê 菜擴，一手繼續捏耳珠講 Vielen Dank。
越轉身行繼續那行那唸一二三四、驚到無代誌，一二三四、今昏下昏飯就是你。
翁講「這蓋好食，你按 tueh 揣來 ê 食譜？」
「久年 ê 記持」我講。
「你呔 ē 想 bueh 做這份食譜」伊繼續問。
「起因，挽肉餅踮咱兜，四常 kan-na ē 出現你孤愛 ê 德國版本。」
這回 gún 兜步頻出現一个 tsham 德國味素無相𫝛 ê 絞肉餅 hōo 伊 mā 綴我成做貓開始好玄。
我 tuì 物食熱量無啥概念，不而過 tsa̋ng 去 REWE bué 菜，步頻愖著德國醫生食食吩咐「轉去厝內想 bueh 食肉 ē-tàng uì 雞肉杮(phuè)仔開始。」
雞肉杮仔？
彼 m̄ 是佮煙腸仝形？總是先生按呢交代，我這專業無一撇 ê 人 m̄ 免痟想我 ē 因為憢疑成做比先生閣較𠢕 ê 王祿仙仔。
認捌 mā 接受家己是低路人 ê 我自出院到今齊照先生 ê 吩咐攢辦食食，不過我無食雞杮仔，我齊食雞襟胸。
今仔日款菜，目尾䀐著雞杮仔，頭殼隨拍結，德國醫療果真交咱無相𫝛，咱臺灣人生囡仔愛做月內交 buē-tàng 食冰，𪜶囡仔生了隨來一桶上甜上油 ê Eis 冰淇淋解生囡 ê 瞪力。
翁出院進前，我已經 kā 伊傳 hōo 我 ê 德國醫療衛教佮臺灣醫療衛教讀 hōo tsiâu-tsn̂g mā te̍h 愖 ē-tàng 款啥物菜色 hōo 伊渡過這段凡勢真𠢕走便所 ê 過渡期。
想仔想，愖仔愖無想 bueh uī-tio̍h 食食問題又閣冤家量債，攢サラダ是上安全 ê 方式。
咱按呢 uī 伊設想，伊猶原 m̄ 驚伊 ē 無細膩又閣六月蚶，開喙臭兼認定家己是歹面好交關。
「你確定你 bueh 食？」伊 tìm 頭。
「你知影我無興歹鳥 m̄ 知飛，歹柴破 buē 開，歹查埔厚同年，歹查某厚姑姨」我講。
翁某兩人那食早起頓那看外頭 ê 落雪。
一路 tùi 昨昏 ê CDU選舉冇談到波士尼 ê Max，gún tī 波士尼露營搪拄 ê 黃金獵犬。
M̄ 知影伊hōo 露營店東轉做烘肉無...
Gún 翁聽了，大聲 Nein 一聲閣笑甲 kiōng-beh buē 喘氣。
因為，我 tī 遐 bueh 一禮拜 ê 時間，逐日講 tùi Max 講；
尖頭草花挽肉滷 m̄ 是 kan-na Leckerbissen 是好食甲若做仙。
德國草花有兩種，一个頭尖尖號做 Spitzkohl mā 號做 Filderkraut，一个頭圓圓號做 Weißkohl。
這2款攏是德國豬跤上好 ê 朋友。
不過，𫝛家族性地煞無相𫝛。
尖頭--ê 性地較好，sòo-pái 適合提來炒佮燖，圓頭--ê 性地較硬，需要人就 leh 眵目猶原有穿線 ê 耐性。
冊 ▪ Bücher ▪ Books (4) 來去車日子露營 ▪ Camping (21) 行跤花 ▪ Ausflug ▪ Field Trip (4) 掠肥食瘦錄 ▪ Rezept ▪ Recipe (20) 板膋收冬寫真 ▪ Ergebnisse der Gewichtsabnahme ▪ Weight Loss Results (3) 心情練跤花 ▪ Prosa ▪ Prose (2) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 弄筆尾展文墨 
