亂皂𥴊仔店 ⓂⒺⒾⓃⓀⒾⓄⓈⓀ

(減肥早起頓 火舌烘餅。火焰烤餅)

我 ê 食食哲學 kan-ta 食了敢 ē 過敏佮喙尾食了敢有心花開。

翁 ê 食食哲學滓著𪜶爸母 ê 哲學，我上知影食食愛按怎食 tsiah-ê 健康綴我按呢食，我包穩你食 120。

事實敢是按呢，綴𪜶過日子就 ē-tàng 食 120？

我 m̄ 知影答案，總是我清楚知影，好里佳哉，早前 ê gún 一人蹛一位，我就 m̄ 免 uī-tio̍h 遮 ê 四常不時 teh 柴樠點火較光油。

2017 清楚知影手頭 ê 工課 m̄ 管我按怎栽欉伊猶原 buē 發穎隨辭頭路來德國好好做人某，sóo-tí 彼久掠做 m̄ 免要意 ê 門扇枋成做 gún 細膩莫去踏 ê 地雷。

總是，m̄ 管 gún 尤其是我，m̄ 管我較按怎細膩猶原捷捷 hōo 地雷彈甲跤斷一肢，手斷兩節按呢，不過我若蓋成有蟮尪仔 ê 體質，尾溜斷隨閣發出來按呢，規仙好好。

不而過，蟮尪仔做久 mā-ē 進化做有毒 ê 動物，我這支喙捷捷磕 buē 著就講寡剾洗 ê 話 hōo 我齷齪甲拚勢洗身軀，掠做按呢 ê 骨力 ē-tàng kā 身軀 ê 毒洗掉，總是代誌 m̄ 是戇人想 ê 遮爾仔簡單。

(減肥早起頓 雞摸烘。烤雞腿)

Tī 肺炎疫情開始進前，我一冬 ē 轉去臺灣一改，轉到厝我 ē 紲手 kā 寄踮德國 ê 冊紮轉去閣紮寡新冊來德國，kā 冊紮轉去臺灣，這是一个六月芥菜假有心好禮挨推別人「順紲」閣一兼二顧摸蜊仔兼洗褲 ê 好辦法。

自 Covid-19 四界開始走傱，這个六月芥菜假好心摸蜊仔兼洗褲 ê 過冬鳥日子就此無閣接續，準做我足想 bueh 接力(li̍k)走標，一想著厚甲若蠓 ê 規定𩛩無夠勇壯若 Richard Branson ê 枝骨，我猶是乖乖仔做地球 ê 狗蟻，拆一張往回--ê 機票，我 ē-tàng tī Balkans, Baltikum, Skandinavien 車日子。

人正經是相踏黜 ê 動物，往過僫離島一所懸命(Isshokenmei)來離島，這久正經離島，一所懸命(いっしょけんめい)轉去食番薯。

窮實，按呢寫數念是有較一隻蝨母嗙甲水牛大，起因人是感情動物，我 tī 臺灣除了彼間公寓通蹛，賰 ê 是四角磚揣無一塊通徛 ê 無依無倚 tuì 番薯島 ê 數念自然就 buē 深甲若 Mariana 海溝，深無見底。不過我猶是食番薯奶水大漢 ê 囡仔，我 hōo 番薯飼大漢 ê 胃口來到德國猶是無法度改變，準做遮有 tsuē-tsuē 圖書館通無料借冊來讀，總是遮是德國 m̄ 是臺灣，遮 ê 人意愛 ê 文學佮我意愛 ê 文學無相𫝛，譬論講犯罪寫實(Tatort)，我 ê 德國朋友十个有十个攏讀這類 ê 冊，2023 跨年夜一陣德國人交換 ê 冊猶原是犯罪小說，只不過作者按德國人轉做加拿大人。

按呢紹介德國圖書館 mā 傷重敧爿，不過這是我徛地環境 ê 面肉佮日常，是講 m̄ 管讀啥物冊，總比讀手機仔冊閣較好。

因為疫情我 mā 罕得踅博客來，畢竟一逝運費掛德國關稅，我殘殘豆乾切五角轉去臺灣較緊。講甲遮爾仔媠氣，押尾猶是殘殘脆脆 tī 博客來款冊，畢竟 tī 遐自本就有會員 m̄ 免掠外閣申請一个口座。

這陣 ê 我愛讀臺語文冊，博客來 ê 臺語文大多數是詩無敆喙，有 tsuē-tsuē 臺語文冊 ê 臺灣 e 店又閣 kan-ta 接受網路過數佮傳真信用卡，m̄ 知愛去佗位揣臺語文冊 ê 我又閣踅翻頭請博客來賜我冊單，不過這斗踅翻頭進前，頭殼步頻想著手頭 ê 臺語文冊大多數攏按前衛出版社遐來，按呢先來𪜶兜 kā 𪜶齪嘈，這个齪嘈成做我上好 ê 投資，準做我 m̄ 捌作者 mā 捎無《灶雞仔》是啥物意思，總是前衛出版，有品質保證，我 ê 14 是文字絕對讀有 mā 有資料通對照 --- 線頂通用辭典，像教典、揣台語。

(2022.11.28 早起頓 番芫荽豆腐 + 卵包敏豆炒 + 越南米粉/809kcal)

糋膩瓤油這件代誌總是大碗閣滿墘又閣水龍車 bueh 拍火，一路底到通行無阻上得人心。

總是，拍火 ê 過程無可能攏是通行無阻，準做咱甘蔗隨目齧，剃頭照輪辦➀猶原 ē 著觸。

這久我唯一通做 ê 代誌 kan-ta 是 hōo 家己成做一隻水雞愖來久，跳來遠➁。

翁自頂年11月達成目標 kā 家己按81 糋甲賰 72 公斤就開始致心做水雞。

我自今年3月發見油敢若糋無啥會出來 mā 開始成做水雞，不而過我 kā 食食熱量按1500 khiú 到1700，gún 翁是 1500 搝到 2000~2500。

伊想 bueh 搝甲歐盟 ê 建議 2000，起因伊捷捷感覺伊若是無支持遐 ê 粿路或是甜路公司，遮 ê 公司就無法得看顧𪜶 ê 員工。

面對伊這款火車過了才歕觱仔 ê 興趣，我 mā buē 閣咸豐三，講到今。

(減肥早起頓 Lê-bóng 搵醬。檸檬沾醬)

踮這个小暑 bueh 行到大暑 ê 日子，醬料冰冰仔搵，蕃薯涼涼仔食，生菜淋寡橄欖油佮醋清清仔哺，一頓熱人 ê 早起頓除了消敨 tī 灶跤舞甲規身軀全重又閣有法度食傷青臊閣飽脹，這誠實是美麗 è 早起就按早起頓無毋著(moˇmˇcog)，另外按呢 ê 簡單食猶是食著我 ê 碗盤 ê 大四項 - 鱷梨仔是油，番薯是米糧，魚指是肉，Sòo-sù 是優格(iu-keh)，正經蓋好。

不過而上美好 ê 代誌是按呢食，磅仔原仔一直 tuì 咱「食秤頭」hōo 咱暢甲 buē 顧得，繼續成做臭耳聾某聽 buē 著翁 ê 一日愛食六頓 ê 向前行。

是--lah，拄徙岫來遮 uī-tio̍h gún 翁 ê 喙白佮喙斗我有放棄家己 ê 四常來配合伊 ê 堅持 ，總是我猶是我，彼久 ê 放棄 m̄ 是表示我接受這个委屈，是我家己 mā 足好玄我敢有法度 kā 本底是食米 ê 喙斗轉做食麭。

一段時間 ê 探索我發見我 ē-tàng 按呢過四常，m̄-koh 這款四常猶原是接續 tī 臺灣 ê 日子，麭 tuì 我來講是啖糝、四秀仔 m̄ 是三頓，理解這个問題，這个佮翁對頭 ê 食食問題就 m̄ 捌閣纓纏哭呻 m̄ 願離開。

今仔日食這，翁講愛有麭，我講麭 tī 灶跤家己提，另外你若是嫌一透早就食魚，你 ē-tàng 家己款早起頓，起因我無彼个癖興 kā 人款三頓閣禁止別人食伊無愛食 ê 物。

Lê-bóng 搵醬

(2023.01.08 早起頓 敏豆馬鈴薯炒 + 三文魚煎 + 藍莓仔弓蕉 Quark 甜路杯 + 臭杮仔サラダ/976kcal)

我無 tuì 任何人 hòng-sàng 我 ê Blog mā 無去任何社群媒體拍廣告。

Sóo-tí 我 tuì 來訪 ê 人 lóng 準做是風 tsit 个媒人婆 tuì lán tsit 个自囡仔時就無人緣 ê 人，人 buē 到，緣先到，入大廳，得人緣 ê 疼痛。

M̄-kò，tsit-tsām-á lán tsit 个恬 kah 連一隻蠓仔 kap 虼蚻 lóng 無興頭來行踏 ê 所在開始出現不明字跡。

面對 buē-su 海底雞 kan-ta 包裝號名無相𫝛 ê 罐頭信息，寢開始我想 bueh 直接刣掉。

總--是 bueh kā 人當做 mǹg-sǹg 畫符仔保持距離 lán mā ài 斟酌 koh 看一斗，看 tse mǹg-sǹg kám 是 lán 家己 tshuí-sióng。

斟酌 tsîn 發見人是認真按要字揣到 lán-tsia koh 用心 tsham 人分張信息，lán thài ē-tàng tsiah-nī-á 無禮 kā 人當做 mǹg-sǹg。

Lán mā 綴 tsit 个生份人認真分張 lán-ê 訊息，向望伊 ē-tàng 理解 lán 寫減肥兩字 íng-bô hit-ê 心做囮。

(2023.04.02 早起頓 菜蔬ひき肉焗 + 白醬 Gnocchi + 草莓弓蕉優格/1099kcal)

我是誠愛白醬，不過我 tuì 彼款敢若阿春姨肉羹 ê 白醬食無路來 mā 貧惰做。

一回踮遮看人料理，總舖師講伊誠愛白醬 m̄-koh 伊無愛白醬彼款𣻸甲若漉糊仔糜 ê 白醬。

Sóo-tí 若是伊家己 bueh 食 ê 白醬，伊 ē 按呢做。

就按呢，這份食譜陪伴我到今 mā 解決見若煮 Maggi 看著 gún 翁食無了一支喙 ē 詬唸 buē 離 ē 歹症頭。

只是我捷捷 ē 儉這个工 hōo 伊看起來無遐爾仔𣻸...

Iōng Blender 抑是果汁機 kā 伊閣絞 hōo 較滑溜 tshan-tshiūnn 印度 Kari 按呢。 

另外，我感覺寮仔 Tshì-sù 比 Khu-lì-mù 閣較著味。

(減肥下昏飯 美國茄生菜盤。圓茄沙拉)

文筆䆀，文學智識又閣低路，冇冇 ê 我擘腹寫出來 ê 文字 buē-su 一杯摔落塗跤 ê 水杯，無色、無味 kan-na 留下碎落一地刺鑿 ê 玻璃幼仔，準做按呢生我猶原 bueh 寫一篇 。

2021 進前，m̄ 捌顧德莎女仕 ê 我迵過圓仔花 m̄ 知䆀，大紅花䆀 m̄ 知 ê 台語書寫吸著台文作家鄭順聰先生 ê 目睭仁伊推薦我收聽內文所寫 ê 主角，法國作家紀德 (André Paul Guillaume Gide) ê 如果麥子不死（紀德逝世六十五週年紀念‧人生二部曲之一）。

彼篇 m̄ 知䆀 ê 文章我無做記錄，總是到今我猶 ē 記得這段話「寫了真好」ê 呵咾，準做彼是客氣話 niā-tiānn。

收著推薦我隨上《拍破臺語顛倒勇》收聽紀德 mā 閣一擺翻田塗愖到今猶 ē 記持 ê 文字 --- 面對 kan-ta tī 這山，雲深 m̄ 知位 ê 無確定性，Iōng 破壞、恐嚇、悲觀遮 ê 手段來達成願望、目標攏是一種方式，換一个角度來講就是紀德按約翰福音 ê 設使麥仔無落塗，猶原是一粒麥，若是落塗，tsiah ē-tàng 發穎生湠 ê 一種方式。

破壞？

我接受。

恐嚇？

(減肥下昏飯  鱷梨仔珠仔豆冷盤。酪梨小扁豆沙拉)

寢一站仔踮超市那看架頂 ê 報紙佮雜誌那等翁來遮 tsham 我會合。

過無偌久，翁徛踮我 ê 邊仔講「我透早讀著這條，m̄-koh 無 tsham 你破粒豆」。

「我聽無你 tī 講啥」我講。

翁指「Bild」，我 ê 目睭 mā 綴伊 ê 手按英國皇室 ê 「流言」踅轉來德國「耳風」。

「佗一條生言造語 hōo 你遮爾仔 m̄ 甘 tsham 我練仙」我問。

「你敢無看著」翁問。

「啥？」

(減肥早起頓 雞摸菜蔬烘。雞腿烤青蔬)

Ich liebe dieses Buch so sehr.

故事講幾仔回，m̄ 捌搪過 ê 人抑是選擇致著失憶症 ê 人攏 ē 講「我聽你 teh 講漫画，咱臺灣呔有這款代誌」像咱臺灣從來 m̄ 捌食過美國炸彈 m̄-koh hōo 咱勇壯 ê 牛奶佮麵粉。

我 ê 睏眠時間真固定，較按怎成做暗光鳥 má 無法度渡過 12 點 tshan-tshiūnn 塗炭仔按呢。總是阿霞 ê 故事 kā 我規个情緒縛佮伊做伙 hōo 我雙目成做 m̄ 願開喙 ê 蚵仔 mā 硬 bueh kā 撬開閣𫞼撐篙。

冊讀煞，手機仔捎來看時間，夭壽骨，讀一本冊讀甲若 tī Bangkok 等紅目班機飛德國仝款忝頭，只不過這久 ê 忝頭閣添一味，茶鈷呻 buē 離 ê 哭呻。

作者呔 ē 遮爾仔無人情，無 bueh hōo 阿霞佮臺灣麵包樹成做龍鳳，是按怎 bueh 按呢 kā 𪜶拆做天間佮凡間，是按怎，是按怎，是按怎。

當我情緒叨撚，哭呻家己浪費唔唔睏 ê 時間來看一段無結果 ê 小說，我見著邊仔早就冷冷空空 ê 椅苴主人，伊 mā 猶未揣 Sandmännchen(德國睏神)。

(減肥早起頓 俗麭弓蕉 Tsioo-kóo-lè-tòo。香蕉巧克力吐司)

前幾日步頻發見現此時 ê 家己拍寫臺語 buē 閣 kan-ta 怙一項倉頡(Tshong-khiat)來拍寫台文，就隨放遐 ê 講「buē 曉羅馬字 ē 讀無台文 ma 掠無七聲八調」ê 壓力。

起因，學費撥落我 tuì 七聲八調猶原是菜頭捎無摠 m̄-koh 我有法度讀漢字 mā 有法度寫羅馬字，雖罔 m̄ 是百分之百，總是看寫踮遮 ê 文字無啥注記羅馬字就知影，漢字佮羅馬字 tuì 我來講 m̄ 是問題。

雖罔，我原仔 buē 曉標聲調 mā 走音。總是我講 ê 音敢誠實 m̄ 著，這無一个確定。

認捌這件代誌規个人輕蠓蠓甲連蠓仔攏比我較大隻，起因注音符號 tuì 我來講 mā 是鴨仔聽雷分 buē 清四聲按怎標，huînn-ti̍t 寫久伊 ē 家己倚過來。

接受家己 ê 問題，hőng 講咱 buē 曉呼七聲八調時，我 mā buē 閣有啥物特別 ê 情緒。

起因我清楚知影世間有 tsuē-tsuē 看無豆芽菜譜 ê 音樂家，𪜶無因為看無豆芽菜就寫 buē 出音樂。 

(2023.10.21 肉丸仔雞心豆飯 + 菜擴烘 + 美國茄烘/983kcal)

英雄 ê 精神是無形展現佮鏨 tī 人民 ê 心肝穎，m̄ 是靠墓牌保存。

---  Perikles

Tī 面冊讀著這段影片 hōo 我想著這件代誌。

踅面冊捷捷 ē 讀著「台語愛按怎行、按怎寫、按怎做」等等 ê 建言。

這个過程換另一个角度 kā 看，窮實 tsham 醫生 ê 分享相𫝛。

咱每一个人攏 ē 經過無仝 ê 問題 hōo 咱受氣感覺無公平。

(減肥早起頓 草莓麥角優格。草莓玉米麥片優格)

搪著一位 uì 早起頓著開始喙白到下昏飯 ê 人，你 ē 按怎處埋？

氣身惱命搬死人債 ā-sī 生頭清面訕削對方 m̄-bat 貨。

頂頭兩戲齣，我 tsit 个厚性地 ê 人 lóng bat 搬過 hōo gún 翁看過。

Iáu-m̄-koh tsit 種戲齣，伊自囡仔時看到大漢。

致到，伊 ê 耳空 tuì 牛聲馬喉已經 kài 慣勢，慣勢 kah 伊聽著聲音噪耳，伊 ê 耳空 ē 自動 tsiânn-tsò 貝多芬。

面對伊 tsit 款態度，寢開始我是認為伊是好性地。

落尾手有機會 hām 伊 ê 父母做伙食飯，我 tsiah 透底理解 gún 翁是按怎人 buē 老著已經食老耳空重 ê 因端。

(2023.12.30 白菜雞肉カレー飯 + 優格/904kcal)

𠢕早

Tī-leh 搝鱟百冊 tsiah 發現規條街仔路已經 hōo 罩霧包圍。

啥物攏看 buē 著，啥物攏聽 buē 著。

Tī 這个宛然雺煙散霧 ê 世界，路燈峇微 ê 燈火就親像寒人 ê 日花仔 hōo 行 tī 罩霧內 ê 人 buē 驚惶。

越轉身斟一甌咖啡孤人坐踮窗仔邊聊聊仔啉，勻勻仔等待日鬚來行踏罩霧遠兜行 ê 時。

白菜雞肉カレー飯

(2022.12.21 早起頓 鱷梨仔番薯烘 + Bombay 醬 + 林檎兔仔耳生菜盤 + 青豆仁湯/1021kcal)

這站仔翁某做陣減肥步頻想著彼位交往 bueh 九冬 ê 初戀男朋友。

這位無緣 ê 過路人一出現，我好玄目一𥍉 ê 20 外冬是按怎又閣數念伊。

畢竟伊 tī 我 ê 世界已經霧甲若無見花逝 ê 車輪。

想仔想，愖仔愖，想著我這世人險險 kā 家己餓到致病著是伊 ê 這句話「你大箍甲 hōo 我𤆬 buē 出門....」

這久聽這句無感覺，總是彼陣 ê 我正青春正黑貓姊 buē 堪得 hőng 按呢呵咾隨甲家己變做仙敕空氣著會活 ê 仙。

活跳跳 ê 腦筋一屑仔攏 buê 輾一下，我 tsiah 46公斤是大箍到佗位去。

不過這就是人生，少年若無一擺戇，人生呔精光。

(2022.12.28 早起頓 菜擴烘 + 馬鈴薯紅菜頭湯 + Quark 搵醬 + 菜蔬圓茄烘 + 鱷梨仔木瓜サラダ + 藍莓仔番麥麥片 Yogur/739kcal)

「Beleidigte Leberwurst」一句德國人家己 kiōng-bueh buē 記得 ê 話重出江湖，這決定愛寫落--來。

(2022.12.24 早起頓 番麥筍豆腐 + 玫瑰草花豆腐 Kari + 白煠麵/703kcal)

翁今仔日一透早就愛出門，所以今仔日 ê 早起頓 kan-na 出我 ê 菜。

當我一个人恬靜享受這出菜，記持海岸無張無持起海湧 hōo 我閃 buē 赴，只好綴伊絞。

Tī 網路無時行 ê 年間，我看厝邊阿姊蹛田庄猶原有法度成做都市烏貓姊，gún 兜阿姊猶原若「開喜婆婆」ê 自在 hōo 我決心目睭一擘金就 bueh 讀報紙 bué 雜誌，起因我無法度跟綴 gún 阿姊 ê 心安草厝穩。

總是，虛華就敢若 Hermann Hesse ê Sufen，伊 ē 纏綴時間成做無相仝 ê 面肉，特別是錢僫趁佮假扮冇手 ê 虛華，我較佮意僫趁 ê 錢財。

「妳這樣打扮很不入潮流耶」

綴無張無持 ê 海湧絞到遮 tsiah 拄食入喙 ê 豆腐險險成做海湧 ê 共犯 --- 我笑一个險 bueh 嗾去西方去。