我倚浪漫 ê 遠近就敢若地球佮海王星。
總是，我 ê 氣持ち tshan-tshiūnn 滇流洘流 tsiah-nī-á 豐沛。
詩我讀無路，m̄ 捌押韻，總是《愛情𥴊仔店》ê「夫妻」直透心肝穎生湠到 kā 人 Picasso ê 圖總是看做囡仔圖 ê 我，tī 天透殕閣濫金 ê 廚房見著自我求生存 ê 洋蔥隨想做 Bambai，想 bueh 軁入來做查某囝賊 ê 火鼠看做關老爺 ê 赤兔馬，窗仔外 ê 一葉一葉綴風飛 ê 葉看做法語講是冊，德語講是葉 ê 酥皮隨假包上身綴作者群寫詩。
整理文章讀著這篇佮《做伙走台步》𫝛時按臺灣寄來德國 ê 臺語文文學作品，有 tsuē-tsuē 感想。
外國文學冊櫥，詩本 kan-ta 彼本按公共冊櫥紮轉來 ê《Liebesgedichte》華文冊櫥無半本，台語冊櫥一大拖甲 hōo 我想 bueh 整理分張出去 hōo 家己有閣較 tsuē 空間囥日後行踏 ê 冊。
凡勢是年歲無相𫝛，搪著 ê 代誌 mā hōo 家己當做四常 ê huînn-ti̍t m̄ 管好佮䆀攏是鹿林長尾星一去 buē 閣翻頭，所以閣讀 Tagore 並無起 tsuē-tsuē 水泱(iann) tshan-tshiūnn 別人按呢。
Mā 有可能是家己 ê 雅氣無到彼个坎站，這久看彼久 m̄-tsiah 連佯青 ê 乞食攑蠓捽仔，假仙假觸、buē 博假博攏儉起來免捎魬(puánn)仔假赤鯮來賣。
既然按呢生，是按怎 bueh 閣寫糞埽話？
小鬼仔殼拔掉講家己話就是驚 hőng 笑咱無智識，遮爾仔優美雅氣 ê 詩，竟然讀甲無一屑仔挵著頂腹蓋。
是講，當翁綴 ' 新聞挖挖哇 ' 講「我後世人 bueh 閣佮你成做龍鳳」，失戀雜誌《幸福小鹿》彼段 hōo 我感動甲起雞母皮 ê 文句無閣倚來，德國現任外交部長 Annalena Baerbock 回答記者 ê End der Katzbuckelei 隨上身「你 ê 願望 m̄ 是我 ê 向望」。
頂一站仔請教翁這件代誌。
Bueh 讀各國新聞除了迵過利便 ê 面冊敢閣有其他 ê 方式 ？
「發生啥物代誌？」伊問。
「無啥代誌，只是感覺面冊愈反愈成 teh 反天公伯 ê 數簿，大冊(大慼)」我講。
「敢有遮爾仔嚴重」伊笑應。
本底是想 bueh kā 德文食譜囥踮德文版本 ê Cookpad 成做掠外一个德語練習環境。
Tsiâ 知 APP tsiah 掠一半伊就懶屍 buē-tín-buē-tāng 隨放棄，總是我是𠢕反冊 ê 性地，一決定放棄 mā 反著近來發生 tī 美國免費網站 ê 個資漏洩佮二冬前我捌搪過 ê 問題，特別是這件代誌是發生 tī 德國。
德國有一个聽講(𪜶家己分張 ê 紹介)是全歐洲上大上 tsiâu 全 ê 食譜網站，𪜶歡迎世界各國 ê 人踮𪜶遐寫食譜佮分張家己綴 leh 做 ê 相片，簡單講就是臺灣 ê Icook 精差語言需要使用德文佮每一份食譜 hām 相片攏愛經過𪜶 ê 審查，有通過 tsiah ē-tàng 上𪜶 ê 網站，這點佮愛料理就無相仝。這个規定看起來規矩閣公正，窮真是顯現一个人提著權利 ê 㾀勢面。
猶未參加愛料理進前，我人已經 tī 這个網站踮沫分張家己綴 leh 做 ê 相片。加入愛料理我就沓沓仔 kā 綴 leh 做 ê 食譜佮相片記錄踮愛料理， mā kā 原食譜連結分張踮小撇步這格，hōo 有興趣理解閣較 tsuē 資訊 ê 朋友有完整 ê 資料做參考。
一日，我照四常 ê 慣勢 kā 相片寄 hōo 德國這个網站。我 ê 攝影風格從來 m̄ 捌改變，寄出去 ê 相片 mā 罕得有回應隨上刊，除了一回人 tī 臺灣無正港 ê 白脫牛奶(Buttermilch)就家己捎優格透 Lê-bóng 汁來做 Irisches Sodabrot(愛爾蘭蘇打麭)，彼成品當然無法度上刊，畢竟優格 m̄ 是白脫牛奶。
翁 m̄ 知按佗落揣--著這本日德字典隨紮轉來 hōo 我講「這2款符號你攏 ē 曉按呢你學這个語言百面比我閣較緊」。
早先無這个感覺，起因日文 tuì 我來講 tshan-tshiūnn teh 讀阿拉伯文，有讀 m̄ 捌。
M̄-koh 猶原愛講學習日文 tuì 我來講確實是比學習阿拉伯文閣較一塊肉幼仔雞卵糕。
因由是五十音讀無，漢字猶原讀有。
Buē 曉講五十音讀著羅馬字 mā 原仔有法度講，雖罔我無確定日文 ê 羅馬拼音是佗一套，總是那請教教典那請教 Google 發見日文羅馬拼音佮台羅羅馬拼音攏是國際通用彼套拼音掠外，伊 ê 音標佮德文完全相𫝛，只要莫變調照 leh 發音百面攏著。
我愛聽你唱歌，我 mā 愛唱，咱攏 leh 唱歌，只是咱 ê 懸低音無相𫝛按呢 niā-tiānn。
我 buē 講家己 ê 台語真𠢕講，總是伊是我自細漢講到今 ê 語言。
我 ê 年間無機會接受台語抑是客語教學，現此時有機會迵過教育部兩部辭典佮其他辭典學習台語佮客語，我感覺家己誠實是好字運。
雖罔，我 ê 客語自開始接觸學到今猶原離離落落，總是客語 mā 是我音樂庫 ê 一部份，而且有足 tsuē 美好 ê 記持。
自2019年開始寫台語文，我 buē 講家己 ê 台語文寫甲若 Johann Wolfgang von Goethe， 總是我 mā 無 kā 伊當做啥物形態 ê 品牌，我只是 kā 我上捷講 ê 語言寫落來按呢 niā-niā。
Glauben Sie jedes Buch hat eine Elfe?
Ich glaube das, deshalb jedes Buch ist unterschiedlich.
Ich meine, manchmal liebest du das Buch, manchmal magst du es nicht.
Ich lese keine Kochbücher sind, ich weiß nicht warun, aber wahrscheinlich es die Elfen aus den Kochbüchern ich mag die nicht.
Ja, ich liebe die Elfen wie Tinker Bell.
聽亞特聊聊天「出版社不是影印社」其中一段，前衛出版社主編鄭清鴻先生分張伊希望台文冊未來有較 tsuē tshan-tshiūnn 愛情、推論小說 -- Scherlock Holmes 這類 ê 冊。
愛讀這類型 ê 我 mā tī 心肝穎大聲喝我 mā 是，我 mā 向望猶在世有機會讀 Arsène Lupin。
我 ê 第一本台文冊 m̄ 是小王子，是 tsham 伊同齊按臺灣注文 mā 請 DHL kā 我鬥寄到德國 ê 李恆德老師 ê 「彼年的熱天」。
李老師 ê 面冊是紲《我隨意，你儘量》作者王昭華 ê 面冊，我 mā-ē 去揣文章來讀 ê 迷眾頁。
雖罔，老師講彼是伊私人 ê 口座，總是無加伊面冊 ê 我是用 Fans ê 態度 teh 讀伊 ê 文章。
舊年9月拄做阿爸 ê 阿羅歇中畫轉來看嬰閣按工課 ê 合作社捾兩盒整理好 ê 果子 tsham gún 分張。
說多謝 mā 隨想著蹛雲林 ê 大姨，往時經過石榴(Tsio̍h-liû) 攏 ē 講一段 tsham 石榴 kan-na 有關係 m̄-koh 名聽起來無相𫝛。
Uī-hô 大姨愛講這，起因 tsham 阿母相𫝛出世 tī 日本年間 tī1949年後 m̄ 捌閣有機會學習新符號 ê 𪜶直接 hőng 分類 tī「m̄ 捌字兼無衛生」 ê 伊迵過後生 tuì 伊講這 mā 是「石榴/Sia̍h-liû」，「國語」ê 石榴火車頭佮食 ê 石榴 ê「石榴」就此牢牢蹛 tī 伊 ê 世界。
我這个真𠢕夫字做天，馬字作蔫(ian) ê 人 mā 因為大姨，認捌著食 ê 石榴佮火車站 ê 石榴 tī 台語是2種無仝 ê 音，特別是「石」。
我無愛食石榴，想--著大姨 ê 故事開始擘腹愛按怎處理伊，起因物件好好隨 kā 擲糞埽桶，我做 buē 出來。
坐街路電車踅街搪著 ê 甜路工作室
Erfurt 德國聯邦最高勞工法院(Bundesarbeitsgericht) ê 徛位聯邦 mā 是德國自2021年(若是無記 m̄ 著) Darmstadt 另外一个加入世界遺產組織 ê 城市。
Erfurt 舊城自本就有厚厚 ê 歷史，這回 hōo 世界遺產組織宣佈需要好好仔保存 ê 部份是中世紀猶太人 ê 文物資產 --- Alte Synagoge (Erfurt)舊猶太會堂、Mikwe 祈禱前 ê 洗浴場，宣佈時間 2023，9月17。
Rathaus(市政廳)
M̄ 知影別人讀這本尪仔冊 ê 感想，總是讀這本尪仔冊 tuì 我來講是一帖十全大補湯，補我 ê 生疏。
特別是 tuì 囡仔時騎鐵馬經過攏 ē 好玄 ê 林家佮 tsuē 冬前綴朋友去踅萊園 ê 記持。
我 buē tuì m̄ 捌咱家己 ê 歷史感覺受氣，起因我原仔有機會認捌咱這塊番薯島 ê 歷史。
不而過原仔愛講，一寢開始我 tuì 這本冊並無好印象。
起因是白話字。
徛位 tī 歐洲東海(德：Ostsee，波羅的海)德國上大離島 mā 是渡假出名地 Rügen 一直是我足想 bueh 行踏 ê 角勢，雖罔耍水交成做白沙埔烏魚子齊 tuì 我無路，我猶是 tuì 伊煞心。
十外冬前來臺灣交女朋友盤撋 ê 翁按德國紮一本曆日送我，曆日分做四季，繡球花、指甲花、月來香、燒酒雞，Seebrücke Sellin 就是指甲花 ê 頭一頁 hōo 我就自 uī 病相思。
德國利便 ê 高鐵 hōo 我有法得完成一日上北閣落南，總是徛位 tī 東海 ê Seebrücke Sellin mā 交咱東部鐵路仝款，按臺中出發到台東就若 Shrek ê 丈人爸 ê 角勢。
這斗上北波羅的海三國，落南無順紲行踏這个 hōo 我日思夜夢 ê 呔 ē-tàng。
前一站仔寫講無想 bueh 繼續 tī 遮記錄食譜，起因已經 kā 伊寫踮愛料理(Icook)。
今仔日料理魚指菜蔬盤步頻想 bueh 繼續 tī 遮記錄食譜，這段掠做沈入大海 ê 話隨成做伸冤 ê 眾生浮出水面 tuì 我講「就 kā 你講 m̄ 免你灌 luā-tsuē 紅毛塗踅 luā-tsuē 石頭，有一日我猶是 ē 浮出來」。
' 愛料理寫，遮 mā 寫是食飽傷閒驚人揣無你是 m̄ '
這久看彼久正經是食菜，食菜，食到肚臍為界 ê 乞食攑蠓捽仔，講話無算話兼假仙假觸。
雖罔按呢，我家己 mā 清楚我並無枵狗痟想豬肝骨，枵貓痟想海底魚佮興 m̄ 知路，閣欲攑頭旗，就隨解脫紅龜生蟲，龜怪 ê 情緒叨撚。
冊 ▪ Bücher ▪ Books (4) 來去車日子露營 ▪ Camping (21) 行跤花 ▪ Ausflug ▪ Field Trip (4) 掠肥食瘦錄 ▪ Rezept ▪ Recipe (20) 板膋收冬寫真 ▪ Ergebnisse der Gewichtsabnahme ▪ Weight Loss Results (3) 心情練跤花 ▪ Prosa ▪ Prose (2) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 弄筆尾展文墨 鵁鴒順便空 ▪ Meine Reisen 
