(2022.12.22 早起頓 絞肉菜蔬 Ì-tāi-lī 麵焗 + 白花仔菜焗 + 鱷梨仔兔仔耳サラダ + 杮仔 Quark 甜路杯/1025kcal)
羅馬尼亞厝邊 tī 復活節分張伊 tiàm 果菜合作社 ê 福利。
王梨、鱷梨仔、時計果。
收--著 tsia--ê 福利 hit 日，伊笑微微 tuì lán kóng ê tsit 句話 mā hōo lán 想 bueh kā 伊囥 tiàm 心肝蒂好好仔寶惜。
Ein bescheidenes Geschenk und ein aufrichtiger Wunsch für Ihre wünsche. Ihnen alles Gute und Gesundheit.
(一份料小 ê 禮物，jia̍t-tshiat ê 祝福，事項平安 koh 康健)
起因，lán tsit 个外來囡仔 phīng 無燒好香。
Sóo-tí，tsit 件代 buē-tàng 就按呢準過 tsiânn-tsò 過了代，決定 ài 記錄。
(2022.05.05 減肥早起頓 Há-muh 葉仔酥。火腿酥餅)
6月15日，德國佮法國做伙比賽。
我問翁你敢需要啖糝配球？
當然 mā 是愛，這場蓋重要。
我喙賤，刁意故 tuì 伊講德國隊 tī 比賽進前接受𪜶跤球雜誌採訪 ê 內容「Ich will den Titel, wir sind da」(我想 bueh 著名)。
「Ich hoffe wir haben Glück, das erste Spiel gegen Frankreich.」（我向望好運 ē 徛踮 gún 遮，第一場著愛佮法國比賽)，gún 翁吐一喙大氣紲喙講。
聽伊遮爾仔慒心 ê 聲音，我這支喙無閣繼續賤落去真艱苦。
「Das ist ein sehr wichtiger Punkt」(這是非常重要 ê 一場)我成做一隻八哥餾德國教練前幾分鐘 ê 訪問。
(2022.05.04 減肥早起頓 豆腐卵餅煎。豆腐蛋餅)
面冊刣掉有一段時間 m̄ 知 ē-tàng tī 佗落收看公視台語台 ê 節目。
M̄ 是我 buē 曉請教 YouTube 是離開面冊我 tsiah 發覺家己已經成做果子貓。
囝仔時聽過這个故事，一个好額人逐日攏 hőng 奉待甲足四序，四序甲連飯攏愛人飼。
有一日厝內 ê 人 bueh 出門 kā 伊款寡物食 tī 眠床頭閣交代伊講遮 ê 物食食了 ē-tàng 去灶跤揣物食來食，厝內人離開無 luā 久這个人就徙去地府拜見閻王。
閰王問伊「來者，你 uī-tio̍h 何等因端來此」。
「我 m̄ 知」伊講。
閰王聽煞請判官 kā 伊在生 ê 資料反出來讀。
(2022.05.04 減肥早起頓 墨西哥餅𩛩。墨西哥捲餅)
「料理無困難，因為你 ê 腹肚 ē kā 你講伊 ê 感想。」
這是按德國西南廣播電台 SWR3 讀著 ê 一段話，真佮意寫落來做記錄。
翁下願伊 bueh 食西班牙 Tortillas，我理解做伊 bueh 食墨西哥 Tortillas，竹篙鬥菜刀 ê 結果是兩个人攏揣著家己 ê 滋味。
雖罔，寢頭仔聽翁踅念我決定是刁意故 kā 伊聽做墨西哥版本起淡薄仔清瘼，不過，我清楚知影我 m̄ 是，sóo-tí m̄ 免 tsham 伊 ti 遐花這件代，我 kan-na 需要分張這件代「我 ê 西語若是遐爾仔勥，而且是勥甲 聽 ē 出腔口差，你敢著需要忍受情緒叨撚來成做翻譯，畢竟踮德國無啥物代誌是無料。」
伊聽我按呢講隨恬恬，無繼續剾烏枋 hōo 我慼。
「Mā--著，華文佮臺文我需要倚靠你，西文你需要倚靠我，咱無一个人刁意故 kā 情緒叨撚包裝做我遮爾仔愛你 ê 假仙假觸」聽伊按呢講，本底想 bueh 捎日本剾刀 kā 倒剾轉去 ê 我隨 kā 刀放下，成做喙抹蜂蜜 ê 人 kā 褒唆 mā 順紲呵咾家己 ê 貼心。
(2022.05.01 減肥早起頓。Mozzarella 柑仔蜜 săn-tó͘-it-chih，蕃茄莫茲瑞拉三明治)
頂幾日換手機仔，步頻發見我 ê 手機仔無面冊、IG 遮 ê 社群媒體，我 ê 意思是無 tshan-tshiūnn 臺灣 ê 手機仔攏 kā 你設定甲好好 m̄ 免家己上 APP 家己掠。
因為這件新發現 hōo 我想著面冊近來 tī 歐洲 ê 新聞，面冊想 bueh iōng What's APP 來縛肯使用 What's APP m̄-koh 煞反對使用面冊 ê 人。
面冊掠做伊按呢「無使用面冊就 buē-tàng 使用 What's App」ê 恐嚇絕對 ē hōo 𪜶 ê 業務量滇流甲地球外，歐盟政府 mā-ē 翻頭轉來𪜶姑情莫走。
無疑誤，算盤擉精猶原精 buē 過人心，𪜶 ê 業務無滇流顛倒洘流甲海坪(phiânn)內 ê 垃圾生態 hőng 捎出來講 hōo 𪜶 mā 纏綴周瑜(û) ê 雙頭了。
本底伊 m̄ 相信周瑜𪜶 ê 小妹 ē 遮爾仔無伨兄哥，畢竟攏 teh 使用 What's APP 是按怎 buaih īng 面冊。
等到誠實得 buē 著荊州又閣失去 tsuē-tsuē 兵將 tsiah 緊學荷蘭囡仔 kā 手指頭仔楔入去漏水 ê 所在，止水滴，止水走，止水流。
總是，猶原遮 ê 治療猶是無較縒，𪜶 tī 歐盟 ê 業績 tshan-tshiūnn 水庫出埒(lua̍h)，別 ê 競爭對手煞因為𪜶 teh 滇流，Telegram 就是其中一个。
(2023.03.02 早起頓 玫瑰草花德國麵猴ひき肉炒 + 藍莓檨仔優格/833kcal)
我凡勢有 Narziss ê 神魂，起因我真愛看家己攝 ê 相片。
雖罔，我 ê 攝相技術 mā 無 buē 𠢕，總是見餾新 ê 攝影有比早前 ê 作品閣較合家己 ê 喙斗，我就 ē 掠伊直透金金相。
he̋h--lah，攝相 mā 是一種寂滅(Nirvāna)。
我愛我 ê Nirvāna。
玫瑰草花麵猴ひき肉炒
...... 材料 ......
(減肥下昏飯 美國茄雞豆飯。圓茄小扁豆飯)
翁 tī 抾字紙遐揣著有收 Theodor Storm 詩 ê 冊隨紮轉來 hōo 我。
論真講我這个倒吊無墨水 ê 人 tsham Theodor Storm 無蓋 熟。
不過，詩讀煞 mā 想 bueh kā 假𠢕 kā 伊翻譯做臺文。
雖罔，我知影我按呢做是漚柑鋪籠面，總是，我相信文章拳頭茶全捌了了 ê 人 mā 是經過加看思路廣，加寫筆生花 ê 階段。
Lied des Harfenmädchens
(2022.12.03 早起頓 羅美生菜番麥紅菜頭サラダ + 麵サラダ + 鱷梨仔檨仔俗麭 + Oo-muh 卵/880kcal)
M̄ 知影是減肥彼段期間 ê 食食無 koh 綴 gún 翁正頓 m̄ 食，激食點心 。
Sóo-tí 陪伴我 久冬 ê 問題，伊發現猴踅桶，變無輦➀，包袱仔款款 leh 偷走厝。
致使，現此時 ê 我 ē-tàng 驕傲講「我誠實 是一條腸仔 thàng 尻川」。
總算，m̄ 免 koh 提錢買奴才來做。
不而過，我 ê 大腸頭現此時有法--得 tsiah-nī-á 輕蠓蠓，mā 愛感謝德國 ê 外科技術。
無𪜶 ê 鬥相共，我 ê 大腸頭到今該當猶是無法--得成做水龍車 bueh 去拍火 ê 一路無車閘頭前。
雖罔，我 ê 問題無 tshan-tshiūnn gún 大姊 hiah-nī-á 嚴重。
論真，我誠愛四界行行看看
Ich gehe eigentlich sehr gerne raus und ein bisschen herum
不而過，當出門行跤花成做一種壓力
Es ist nur so, dass wenn das Reisen zu einer stressigen Erfahrung wird
我 ē 選擇莫出門
Ich entscheide mich, nicht auszugehen
(減肥早起頓 果子麥角優格奶。水果玉米麥片優格)
我誠愛這齣影戲 Vincent will Meer。
出門買物食 ê 彼日 tī 北德電視台 Extra 3 看著𪜶 kā 這 齣影戲 ê 海報換裝 Vincent will Mehl，規仙人笑甲軟骨掠外，我 mā 想 bueh 綴 leh 成做 Vincent。
是--lah，自露西亞侵入 U-kher-la-in，本底是窒倒街 ê 物件又閣踅翻頭，踅轉來肺炎海漲揣無位通買。
不過，這斗 ê 狀況較無頂回肺炎海漲按呢譀古，罐頭、冷凍菜蔬、洗衫粉、洗頭毛精等等啥物攏僫買，這斗 kan-na 麵粉佮油。
Tī 我猶未看著這張圖進前，見去款物食看著囥麵粉佮油 ê 架仔空空無啥特別 ê 感覺，彼日過後，見踅超市款物食又閣踅轉去肺炎海漲 ê 日子，愛款 ê 物件 m̄ 先款好是三伐準做一伐按這兩區 m̄ 知當時 tsiah 食 ē 飽 ê 架仔。
一擺、兩擺按呢舞，聽翁講新聞 teh 報芥辣醬 mā 沓沓仔開始僫買，起因歐洲 ê 原物料是按 U-kher-la-in 來。
一聽著這，我規个人 mā 開始綴 leh 著猴，不過我有這个歹癖，我討厭一直傱出門款物件，因為討厭冷靜自然就 ē 倚過來相借問。
(2022.11.26 早起頓 肉攕サラダ + 青豆仁卵燥 huê + 刺莓仔俗麭 + 藍莓仔米芳麥片 Quark 甜路杯/1017kcal)
我一直掠做我 ē-tàng 利用出張機會順紲 tiàm Türkiye 行跤花。
M̄-kò，這个願望 uì 我入--去公司到辭頭路 lóng m̄ 捌實現。
公司 m̄ 願 hōo 我 tsit 个扞頭 ê 業務行踏 Türkiye 我理解。
起因五里無仝風，十里無仝俗，有 ê 代誌 mā m̄ 是 入港 suî 灣，入鄉 suî 俗就 ē-tàng 解決。
Sóo-tí，m̄ 免長短跤話喋 buē 離，家己 tshui-tshiâu 時間自助旅行就好。
出發 Türkiye 進前 tsham 我做對喙 ê Türkiye 朋友一直交代，請你 tī tsia ê 時用你 khah 有閒 ê 時間寫一張光批 hōo 我 hōo 我知影你一切平安。
彼久，Türkiye 拄發生外國查某囡仔 tsham 當地人因為露水姻緣 thuànn 出 tsuē-tsuē 無好 ê 代誌。
(2023.11.23 早起頓 弓蕉 Tsíoo-kóo-lè-tòo 麥角優格 + 紅菜頭蘑菇雞肉 Kari + 秮仔/1120kcal)
彼日踅著幾个線頂分享會資料(2021)感覺誠興趣時間 mā 鬥 ē 峇就隨寫落來報名，特別是德國時間 7am 這場。
Uī-tio̍h 這場峇峇 ê 線頂分享會，我 mā 比慣勢 ê 雞啼閣較早啼兩點鐘準備早起頓。
食頓飽 mā 小可梳妝打扮好勢，招翁做陣守踮電腦頭前靜候「允許(ín-tsún)」加入，總是時間一秒一秒過，gún 等 bueh 15 分鐘畫面猶是踅圓箍仔 ê「無允許」。
「你是 m̄ 是記 m̄ 著時間」翁問。
Tuì 人工兼手工記持誠有自信 ê 我，聽著翁按呢問 mā 隨綴 leh 自我起疑心，手機仔提出來斟酌繩(tsîn)一逝，「無剉(錯)，規欉好好，是這个時間」我講。
四常搪著這款店開開 m̄ 寫講「等下隨轉來」煞等無半人轉來 ê 店，我 ē 自動 kā 伊算入鉛粉掖無夠額 --- 離開，總是凡勢是足想 bueh 聽慣勢 ê 歌聲，sòo-pái phàng-kìnn ê 耐性又閣踅翻頭相揣 hōo 我願意成做等無人 ê 主角，只不過愛講我較好字運，我無等到海風笑我是戇人，海角笑我空等，彼个一直踅圓箍仔 ê 畫面總算按烏變五彩。
只是，趣味仔.......若無半个人 teh 講話，繼續等落去。
(2023.04.14 早起頓 寮仔 Tshì-sù 馬鈴薯 + 敏豆鰮仔魚生菜盤 + 果子優格/982kcal)
逐工一句弄喙花，翁某感情 tsiah buē 散。
踮衫店 ê 衫讀著這句「Zuhause ist wo meine Hühner sind」。
越頭 tuì 翁講「Zuhause ist wo ist mein Spielzeug ist.」。
這句弄喙花，弄甲伊心花開。
敏豆鰮仔魚生菜盤
...... 材料 ......
(2022.11.28 早起頓 洋芫荽豆腐 + 卵包敏豆炒 + 越南米粉/809kcal)
豆腐 tuì 翁來講 m̄ 是 Tshì-sù，Tshì-sù tuì 我來講 m̄ 是豆腐。
兩支喙，兩个胃。
四常做陣食𫝛味，だいじょうぶ(daijoobu)。
總是，大丈夫有一日 mā 是 ē 張 mā 是 ē khiau-khi。
Sóo-tí，搪著無法度 sann-kap ê 大丈夫隨人食孤盤是上好 ê 祝福佮分張。
番芫荽豆腐
(減肥早起頓 金瓜雞豆飯。南瓜小扁豆飯)
翁某有家己 ê 五里無仝風，十里無仝俗 ê 食頓慣勢，特別是雙人意愛 ê 物食無法度敆做伙，我愛按怎 kā 手頭 ê 秤仔提 hōo 在 buē 重欹爿，這是徒岫來德國進前 m̄ 捌愖過 ê 四常。
總是這个雙人𫝛桌𫝛箸無𫝛喙斗 ê 問題 tuì 我來講 m̄ 是 peh 青天按呢 ê 就準倩仙來鬥相共猶原無變撚(piàn-lián)，起因我無真依賴(i-nāi)亞洲食食，遮 ê 超市賣啥我就款啥 buē uī-tio̍h bueh 食一塊豆腐家己撆手䘼抑是坐火車到點外鐘 ê 大城款豆腐。
我按呢寫 m̄ 是表示家己偌爾仔好喙斗，我按呢寫只是 bueh 表示，入港隨灣，入鄉隨俗，遮有啥物物我就綴遮 ê 物做我意愛 ê 物食，像金瓜 tī 臺灣我 kan-ta ē 曉提來𤉙雞肉濫豆油，來到遮我學 ē 曉捎來烘做飯食。
遮爾仔𠢕入港隨灣，入鄉隨俗 ê 我，猶是無法度入人門，順人意纏綴另外一个問題過日子，彼就是順翁自囡仔時就慣勢 ê 態度，只要無合伊喙斗抑是看無目地 ê 事項，伊隨 Nee 甲我掠做家己正經無尊存𪜶德國人 ê 文化。
總是，我 m̄ 是無自信抑是 m̄ 捌看過四海 ê 人，伊 ê Nee 真緊就 hōo 我摠著龜跤佮知影按怎節脈治病佮燃茉(bua̍h)草來治伊 ê 病症佮避邪，不過現此時 ê 我 kan-ta 有法度挽茉草避邪猶無法度 kā 針灸(Tsiam-kù)，起因我猶未摸著膏肓，準做伊認為伊無病到膏肓，我猶是斟酌 teh 揣，畢竟 gún-ê 紅線是縛甲比 gún 爸母中國佮臺灣閣較遠 ê 遠，另外 gún 2 个人正經是 You and I, we were meant to be I feel it in my soul Feel it in my soul，一日若是愛分離決定 m̄ 是 gún 其中一个做 m̄ 著代誌抑是無感情，sòo-pái 我願意放下本底 ê 個性，門扇枋鬥 buē 峇就莫鬥 ê 繼續佮伊做陣調角度 kā 門扇枋鬥 hōo 合，真正 ê 合 m̄ 是𪜶兜彼款假包 ê 空榫峇甲 m̄ 免倩小木大木來敆榫。
「日晝三時久，有 ê leh 食，有 ê teh 煮，我尊存你 ê 喙斗、食飯時間 mā 入港隨灣，入鄉隨俗，總是我做 buē 到入恁兜 ê 門，愛百分之百順恁兜 ê 意，特別是無合理兼無尊存別人 ê 意」當我決定 buaih 閣纏綴伊 ê 文化踅金龜磨，彼个凡勢 ē 拆股 ê 驚惶隨走甲無看尾溜 hōo 我清楚知影愛按怎擺撥這个按別人遐傳過來 ê 病症。
像這盤，早前真愛講我無食肉 m̄-koh 見出門款物攏齊款「煙腸」、「加工肉杮仔」遮 ê 食物 ê 伊，這久正經有法度成做無肉 mā ē-tàng 過日子 ê 人，我 mā tī 這个過程學著雞豆窮真 buē 䆀味，彼陣認定 ê 䆀味 kan-ta 運氣無好，搪著半桶仔師 ê 手路。
冊 ▪ Bücher ▪ Books (4) 露營 ▪ Camping (18) 行跤花 ▪ Ausflug ▪ Field Trip (3) 掠肥食譜 ▪ Rezept ▪ Recipe (20) 板膋收冬寫真 ▪ Ergebnisse der Gewichtsabnahme ▪ Weight Loss Results (1) 行尞錄 ▪ Aufsatz ▪ Eassy (1) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 咱 ê 䆀筆尾 
