(減肥早起頓 麥片 Phián-khè-khò。麥片鬆餅)
2022.01.23 是我第一斗將白話字(POJ)文章讀透透。
雖罔,讀讀 ê 過程猶原是比讀讀德、英文較食力閣較慢,總是有法度通篇讀完,這个改變 hōo 我規仙人歡喜甲 m̄ 知 bueh 按怎形容。
不而過,我清楚知影我做到我口、我寫、我讀。
這款感覺實在是比得著頭獎閣較歡喜。
台灣教會公報 Thàu-chá sî ê Sin-gán-kong
麥片 Phián-khè-khò
(減肥早起頓 麥片 Phián-khè-khò。麥片鬆餅)
2022.01.23 是我第一斗將白話字(POJ)文章讀透透。
雖罔,讀讀 ê 過程猶原是比讀讀德、英文較食力閣較慢,總是有法度通篇讀完,這个改變 hōo 我規仙人歡喜甲 m̄ 知 bueh 按怎形容。
不而過,我清楚知影我做到我口、我寫、我讀。
這款感覺實在是比得著頭獎閣較歡喜。
台灣教會公報 Thàu-chá sî ê Sin-gán-kong
麥片 Phián-khè-khò
(2023.02.25 早起頓 ベーコン野菜炒麵 + 紅菜頭寮仔チーズサラダ + チョコレート Yogur/988kcal)
寢幾日反 gún 翁無 bueh 穿 ê 衫褲做粗穿,順紲反著三領伊家己 mā buē 記得布料誠好 ê 牛仔褲。
問伊敢 bueh 囊看覓,伊應好隨囊 mā 隨做花枝一尾㽎 buē 離講「你有十冬前 ê 牛仔褲,我 mā 有(32腰)」。
看伊 tsiah 風神, 我講「咱來看你 ê 風神敢有法度擋一冬」。
話講無幾日,聖誕節過後隨講「我加 bueh 兩公斤...敢 ē-tàng請媠某繼續 kā 我鬥相共.....」
「Gún 德國人過聖誕節舊底就是愛食甜粅粅,而且我按怎食猶原無起磅」我應。
「Panzer mā 有保固期限....」伊家己剾洗伊家己。
(18.01.2023 早起頓 三文魚菜蔬烘 + Bé-khòng 菜擴湯 + 雞肉卵サラダ + チーズ I-tá-lih 麵/1162kcal)
寢幾日 tī YouTube 看著 Odysee,我又閣成做一隻貓好玄伊是 siáng 就隨上 Google 請大神賜我智慧。
檢采是綴時代 buē 著,紹介讀透透猶原捎無一个寮仔門通開門 m̄ 知伊佮 YouTube ê 精差 tī tueh。
起因 m̄ 管我按怎正看倒看 Odysee ê 影片,伊 tuì 我來講就是 YouTube ê 副本無任何 ê 無相𫝛,若硬 bueh tī 雞卵內底揣骨頭我 kan-ta ē 講影片 ê 畫質較無 YouTube 遐爾仔透遐爾仔清,這个精差按手機仔徙到電腦隨看出懸低,當然這 mā 牽涉著電腦 ê 畫素,我 ê 電腦是二手 FUJITSU 手機仔是新 ê Nokia 所以照電子產品 ê 年歲來做比論,FUJITSU 已經是阿公阿媽 ê 年歲,Nokia 猶 tī 烏貓穿裙無穿褲,烏狗穿褲激拖塗 ê 衝衝衝,面肉較䆀也是有法度妝娗甲媠 tang-tang。
因為捎無一个寮仔門隨請教翁你敢捌 Odysee,無疑悟綿精 tī 網路世界 ê 翁竟然 m̄ 捌 Odysee,這件代誌 hōo 我無法度無交懍恂,起因我掠做我踅著暗毿角勢。
我知影家己想傷 tsuē,總是行踏網路世界猶是張持無蝕本較 buē hōo 家己成做乞食婆綴人走反,加無閒寡五四三。
吐一氣大氣冷靜稽考家己是按佗落踅到這个網站,啊,我想著矣,我是按 Ostdeutsch Kochen 遐連過來蹓蹓,本底揣無摠頭通㨨 ê 膨紗衫隨捎著捎,膽膽 ê 情緒 mā 隨走甲無看半人。
「乞食趕廟公,天地顛倒反,我呔比 gún 翁較𠢕揣東揣西」我雙目繼續跟綴文字紹介,喙 mā 若日本剾刀,按呢展風神 kā 翁倒剾 buē 離。
(2023.01.12 早起頓 煙腸サラダ + 番薯紫菜頭 + Kam-má-tooh 雞豆湯 + 寮仔チーズ醬/1089kcal)
陳耀昌醫師 ê 福爾摩沙三部曲按2019年 uì 臺灣飛來德國一頁攏 m̄ 捌掀過。
寢站仔冊櫥按 Books 買 ê 冊 90%是台文詩讀甲人真厭𤺪,揣著 ê 新冊店踮遐注文 ê 冊猶原 tī 路頭,m̄ 知底時 tsiah ē 到位。
想 bueh 問翁敢有閒載我去抾字紙遐揣冊來讀。
當 bueh 問一想--著最近來 ê 疫情隨放棄。
熥一斗冊櫥 ê 冊 tsiah 想著遐 ê 自2019年按臺灣寄過來 ê 冊猶有 tsuē-tsuē 本攏猶未讀,按呢我就清彩揀一本來讀。
講清彩揀一本 buē-su 家己偌爾仔厲害。
清彩揀一本是揀來揀去原仔 m̄ 知我到底 bueh 讀佗一本,起因 tuì 華語書 ê 興趣漸漸較無向時 ê 厚。
(2023.02.27 羅馬雞鵤刺 I-tá-lih 麵 + 小白銀 + 藍莓優格/725kcal)
近來有朋友 iōng 語源 tuì 我講,我 buē-tàng 使用這段話來表示,我面對「五四三」ê 態度。
我 m̄ 是語言專家 tuì 語法無了解,我 kan-na 有法度恬恬 kā 教典 ê 網鍊分享 hōo 伊罔做參考。
我 m̄ 知伊敢有參考,總是 kā 伊寫甲 buē-su 我專長 ê 臭跤帛讀煞,我想著 gún 媽媽蹛院佮入塔彼日 ê 故事。
有醫護人員若藥店甘草,逐項攏摻著 ê 雜插,醫生話猶未講 hōo 齊伊若鼎頂 ê 狗蟻 - 趕出喙「恁媽媽是神仙行跤到 mā 無應效 ê 無效,你 m̄ 通閣按呢浪費醫療資源」。
聽伊按呢講,我若啉滾水囥茶米茶仝款 ê 火大 mā 想 bueh 提醒成做六月蚶,開喙臭,總是這款小管仔花枝無血無目屎搪 tsuē 我 mā 清楚知影 gún 老母佮我無一个人浪費醫療資源,gún 完全照醫生 ê 專業治療病症,隨 kā 這六月無洗身軀臭死人 ê 護理師擲一爿,恬靜等待醫生𫝺消毒水。
醫生 mā 知影家己好字運搪著 buē 清彩 hőng 挓火就著 ê 家屬解釋講「咱閣試看別項治療....」論真講我家己 mā 清楚知影阿母這斗 ê 蹛院已經無閣 hōo 我機會 tsham 伊手牽手做伙轉去厝歇睏。
我無接話恬靜聽醫生解說病情 mā 照醫生 ê 請教簽放棄急救單,我那簽單提單 hōo 我 ê 實施醫生細聲講「護理師 m̄ 是刁意故按呢講...」,我 m̄ 知影護理師是刁意故抑是無張持,總是我 tī 心肝內祝福伊無搪著佮我相仝 ê 情境,像我 tuì 翁講恁爸母無法度感受我 ê 胃慒慒就講我是因為無想 bueh 來遮行踏所以假破病,這款無仝理心 ê 話正經 m̄ 免 tuì 我講,不過你猶是綿爛 bueh 講 hōo 我聽,我 kan-ta ē-tàng 按呢回答,向望恁爸母有一日搪著身體病疼無一个人 ē 要求𪜶清楚交代是按怎身體 ē buē 爽快。
(2023.01.28 早起頓 檨仔鱷梨仔サラダ + 蘑菇指頭仔麵猴 + 藍莓仔チョコレート Yogur/1013kcal)
德文 ê 搬厝有 tsuē 種講法。
頂站仔收著按《聚珍臺灣》佮《臺灣 ê 店》寄來德國 ê 包裹,那簽收包裹 mā 那讀郵差手指 ê 批囊「𪜶已經 Umbringen(自殺)--ah」我講。
郵差究竟是搪過 tsuē-tsuē 龜叨鱉趖 buē 清彩就 hōo 我驚著,伊繼續繩(tsîn)批桶字姓講「這馬綴 ê 人是這个姓?」
別人 ê Iphone 是 15 我 ê Iphone 猶是若1 teh 寶惜佮使用,這久 ê 我總算想著我 ka̋ng 講做「𪜶自殺」隨 bueh 解釋,總是 lú bueh 解釋 lú 想 bueh 出彼句「搬厝」愛按怎講,吐一氣大氣換上簡單 ê 方式「Nachhause」。
郵差先生聽我按呢回答隨知影意思,微微仔笑講「Danke」tī 批囊寫字紲落來 tìm 一下子頭說相辭。
我急性地兼小面神 buē 堪得後回又閣做𫝛款 ê 代誌隨寫 Telegram 請教 gún 翁德語 ê 搬厝按怎講。
臺語 ê「搬厝」佮「徙岫」攏是相𫝛 ê 14,我認捌 ê 華語 mā kan-ta ē 曉講 「搬家」,德語有分你知影伊搬去佗位佮 m̄ 知影伊搬去佗落 ê 講法。
(2023.06.06 早起頓 三文魚鱷梨仔サラダ + 白菜雞豆卵カレー + 檨仔 Quark/971kcal)
翁問我「你呔 ē 無想 bueh 領稿費?」
「捐 hōo 基金會做肥底,雖罔無 tsuē」我講。
「德國有一个水上救難隊,𪜶足好額 mā 四界募款」翁講。
「民間救難隊本底就足燒錢,需要資金」我講。
「按呢講是無 m̄ 著,m̄-koh 𪜶講 ê 故事並 m̄ 是𪜶講 ê 按呢」翁講。
我知影翁 ê 14 總是我認定每一个「熱情」準做有相𫝛 ê 妝娗 mā 無表示事實 mā 相仝「我無欠彼疕仔錢」我講。
我確實無欠彼疕仔錢,m̄-koh 我承認當家己 ê 筆花受著肯定,我有講 buē 出喙 ê 虛華,sòo-pái 我願意繼續弄筆花無領稿費。
(2022.12.09 早起頓 林檎挽肉咖哩 + 塗肉林檎丸仔 + 林檎青花菜生菜盤 + 林檎弓蕉鱷梨仔優格/1014kcal)
凡勢是 tsham 德國人盤撋久,往過 buē 掛心 ê 代誌,這久 m̄ 免家己拍招呼,伊家己 mā-ē 成做面冊 ê 臆你有興趣家己自動出現 tī 腦海。
戇猴搬石頭煞 tsiah 知影愛愖這件代誌,攏是代誌 tsham 人講定 tsiah-ē 請人寫基本資料.....
一愖著這件代誌,我隨交懍恂 mā 搭家己 ê 胸坎閣伸手請雞𧉟神轉去食家己,起因我 m̄ 免 uī-tio̍h 這件代誌擘腹。
我無照對方 ê 要求寫誠實 ê 家甲 hōo 𪜶,這久正經愛講,慣勢寫德國地址誠實有幫贊。
是講,這件代誌 mā hōo 我學著,準做別人無 tuì 咱情緒叨撚,咱家己 mā m̄ 通 tuì 家己情緒叨撚。
總是,我 buē 講這斗 ê 事件是我 tuì 家己情緒叨撚,不過我清楚知影家己因為傷過要意這件代誌,致使目看心無綴 leh 看遮 ê 貓膩。
未來我 buē 閣做仝款 ê 代誌,畢竟較早 ê 個人資料無值錢,這久 ê 個人資料是你寫 tī 草紙閣擲 tī 屎礐 mā 有人搶 bueh 愛 ê 年間。
(減肥早起頓 番麥餅煎。玉米煎餅)
這幾日因為預防射規仙人𤺪 tú-tú,m̄ 是䖙 tī 眠床就是佮往過無啥交插 ê 電視膏膏纏。
Mā 凡勢是這斗有較纓纏,sòo-pái 我有較斟酌繩(tsîn)變化,這久 m̄-tsiah 有物仔 thang 寫。
越頭看往過 m̄ 知是德國人 ê 本性或是前兩斗 ê 教示有教入心,sòo-pái 現此時 ê 德國人誠愛翻頭揣向時。
這幾日看講笑詼 ê 節目,有一段 hōo 我笑甲軟骨 mā 想著德文老師 ê 分享佮 Hesse 寫 tī Demian ê 故事。
笑詼第一斗放送時間是 1970年彼跤兜,內容是神父 tī 街仔路搪著 bueh 去學校 ê 囝仔。
「Liebes Kind, hast du heute gebetet?」(親愛 ê 囝仔,你今仔日敢有祈禱?)神父問囡仔。
「Nein, weil meine Mutte weiss wie man kocht.」(無,因為 gún 阿母知影按怎料理--ah)囡仔回答。
(減肥下昏飯 Bé-khòng 林檎酸菜湯。培根甘藍酸菜湯)
Das ist zum reinsetzen(好食甲喙舌觸 buē 離)。
拜六,歇睏日。
翁某做伙食早起頓,翁雄雄發出這句話 hōo 我心花開。
不而過,我六月蚶,開喙臭,無成做日本剾刀規身軀 ē 起清瘼。
這號做鳥媠在毛彩,人爻在腹內,我講。
M̄-koh...
話 tsiah 落塗,我 mā 剾著家己,早前 ê 我 mā 是 kā 嫌甲臭頭。
(減肥食食。三文魚青醬 I-tá-lih 麵,鮭魚青醬義大利麵)
本成掠做彼兩日 ê 無四序一無去,按呢著表示我佮第3斗 ê 疫苗反應就此龜做龜討食,鱟做鱟 peh 壁。
不過,世間事永遠攏有驚喜 hōo 咱有法得 kā 咱家己認為 ê 代誌節甲準準準。
兩工睏甲 m̄ 知暝日,一日 buē-su hōo 睏神煮熟 m̄ 願瞌 ê 目蚶過後 ê 二日後。
四常是紅--ê 準備來洗 tsiah 有 ê 發炎反應步頻出現,而且閣發膿。
往過紅--ê 來洗進前,下軀骱邊附近攏 ē 出現 buē-su 𤶃仔 ê 粒仔。
有當時摸著 ē 疼,有當時 buē。
紅--ê 開始洗伊著沓沓仔消失紲落來家己 ē 轉做若黑𤶃仔按呢 ē-tàng kā 擠。
(2023.09.26 早起頓 雞肉 Gulasch + 清飯 + 優格/908kcal)
翁 m̄ 知 uī 佗落揣著《Taste of Europe 品味歐洲》。
我 m̄ 敢講家己誠理解歐洲人 ê 食食。
不而過,自第一集奧地利到丹麥出 ê 菜佮我想 ê 精差無 tsuē。
親像我 tuì 翁講奧地利應當 ē 捒 Wien 糋豬排。
比利時應當 ē 捒ビール抑是格仔粿,但是我認為ビール機會較大。
丹麥應當是 ē 捒 hōo 人掠做伊是按美國來 ê 食食 Ha̋m-bú-kuh。
目前四个國家推捒 ê 物食攏佮我想 ê bueh 相𫝛。
(減肥早起頓 紅菜頭卵燥𫝻。胡蘿蔔滑蛋)
𫝻著脾土 buē 合 ê 代誌,我 ē 熥「出出去!到世界逐角落生湠濟濟」。
我 m̄ 是教友,總是迵過這篇文章,我揣著家己 ê 盲點 mā 知影日後閣搪著生毛帶角抑是龜怪愛按怎進退。
窮實 buē-tàng 講進退,起因生毛帶角抑是龜怪 tuì 我無影響,總是我捷捷 ē uī-tio̍h 遮 ê 代誌 tuì 家己情緒叨撚。
這就真龜怪--ah。
我討厭這个感覺,sòo-pái 我需要搜揣答案。
這个答案 tī 我讀煞這篇文章,我 tsiah 發現窮實我早就知影答案,只是猶真慣勢這个態度。
我真慣勢搪著問題就會失禮,然後繼續會失禮準做我明明知影我並無做 m̄ 著代誌,我猶是感覺家己愛會失禮。
(減肥下昏飯。德國煙腸玫瑰草花,德國香腸球芽甘藍)
昨昏翁看著我 tī 刣早前寫 ê 食譜。
伊規个人 buē-su 看著天地尾𫝛款,m̄ 甘 tiu-tiu。
我看出伊 ê 慒心 tuì 伊講,免煩惱,就使 kā tsia--ê 資料刣掉,你iû-guân buē 日日食 Strammer Max 過日子。
「我無煩惱 tse」伊講。
「Ah,害仔!」
「啥物代誌」伊問。
「明仔載 ê 早起頓、便當、下昏飯我 kan-na 知影愛準備麭𩛩 Tshì-suh、Há-muh」我刁意故 kā 伊創治。
(2022.12.13 早起頓 菜蔬印度卵カレー + 雞肉雞豆サラダ + 清飯 + 蘑菇敏豆炒/720kcal)
2022年除了體重 ê 數字有繼續行落去以外。
上讚 ê 代誌該當是,我迒過彼个龜怪 ê 想法。
若是有人請教我問題,我無 kā 人 ê 問題整理好勢,按呢是 buē-tàng ê 堅持。
講起來 mā 是龜怪愛笑,遐 ê 人佮我一屑仔攏無熟似,m̄ 知我是 tī buē-tàng 啥物。
總講一句,今年 ê 新改變是一个誠好 ê 開始。
蘑菇敏豆炒
(2022.12.17 早起頓 紅菜頭塗肉林檎雞摸烘 + Kam-má-tooh Mozzarella 番麥生菜盤 + 蒜頭優格搵醬 + 紅菜頭薑湯/771kcal)
樂暢食,快樂剾板膋行到今仔日拄拄好滿 6 月日。
照慣例寫落來做記錄,後日 tsiah 有資料通參考。
體重:保密
煏出來 ê 板膋: 1,9kg
1. 30日 1.9kg
2. 60日 2.2kg
3. 90日 2.4kg