亂皂𥴊仔店 ⓂⒺⒾⓃⓀⒾⓄⓈⓀ

攢早起頓翁行過來講「你誠實是Grüne。」

「我 m̄ 是彼款捾籃仔假燒金 ê 人，我是 Blau」我講。 

捎無某分張 ê 摠，總是一聽著 Blau buē 流清汗 mā-ē 隨倒退攄，總是伊知影某 m̄ 是彼款色 ê 人隨笑甲歪腰。

B1 ê 老師邀請 gún 遮 ê 捌 hōo 伊教過 ê 學生做陣參加 gún 倚位 ê 聯邦政府活動。

Gún 參加 ê 彼日，邦政府 ê 立法廳拄好開放民眾參觀，gún 遮 ê 參觀者就順導覽先生 ê 引𤆬踅入去四常真僫行踏 ê 立法機關。

本成掠準我愛開 6 月日來調整我 ê Blog。

無疑悟我 tsiah 開無夠 3 月日就 kā 遮倚 bueh 3 百篇 ê 文章攏總調整甲好勢 lī-lī。

這，若是無 kā 寫落來記錄一下，我這臭頭包布 --封繩(風神)閣𠢕嗙 ê 癖性 ē 著內傷。

另外，我這站仔 mā teh 進行 ê 「醫師好辣」減重法，自 7 月初 6 開始綴 leh 做到今拄好滿一禮拜成果是 0.3 公斤。

Gún 翁 ê 部份若是無 kā 伊算自伊蹛院到轉來 hōo 家庭醫生檢查講伊 ē-tàng 開始正常食食 ê 7 月 初 7，按 7 月初 8 kā 算伊 mā 糋掉 0.5公斤 ê 膩瓤油。

Sauer macht lustig 酸製造歡樂

早起頓 ê 莓果酸甲我成做 Troll。

Gemischt Sprache ist auch lustig.(透血 ê 語言 mā 𤆬 hōo 人快樂)

透血 ê 語言 hōo 我宛然露台頂 ê 厝鳥，安然自在食遮食遐一霎仔攏 buē 喙白。

Tsa̋ng 是歐州跤球賽上押尾一局，Italia 對 English。

我 tuì 物食熱量無啥概念，不而過 tsa̋ng 去 REWE bué 菜，步頻愖著德國醫生食食吩咐「轉去厝內想 bueh 食肉 ē-tàng uì 雞肉杮(phuè)仔開始。」 

雞肉杮仔？

彼 m̄ 是佮煙腸仝形？總是先生按呢交代，我這專業無一撇 ê 人 m̄ 免痟想我 ē 因為憢疑成做比先生閣較𠢕 ê 王祿仙仔。

認捌 mā 接受家己是低路人 ê 我自出院到今齊照先生 ê 吩咐攢辦食食，不過我無食雞杮仔，我齊食雞襟胸。

今仔日款菜，目尾䀐著雞杮仔，頭殼隨拍結，德國醫療果真交咱無相𫝛，咱臺灣人生囡仔愛做月內交 buē-tàng 食冰，𪜶囡仔生了隨來一桶上甜上油 ê Eis 冰淇淋解生囡 ê 瞪力。

翁出院進前，我已經 kā 伊傳 hōo 我 ê 德國醫療衛教佮臺灣醫療衛教讀 hōo tsiâu-tsn̂g mā te̍h 愖 ē-tàng 款啥物菜色 hōo 伊渡過這段凡勢真𠢕走便所 ê 過渡期。

想仔想，愖仔愖無想 bueh uī-tio̍h 食食問題又閣冤家量債，攢サラダ是上安全 ê 方式。

咱按呢 uī 伊設想，伊猶原 m̄ 驚伊 ē 無細膩又閣六月蚶，開喙臭兼認定家己是歹面好交關。

「你確定你 bueh 食？」伊 tìm 頭。

「你知影我無興歹鳥 m̄ 知飛，歹柴破 buē 開，歹查埔厚同年，歹查某厚姑姨」我講。

佮翁做伙去奧地利行跤花，搪著一位按哥倫比亞嫁來德國十外冬，現此時佮查某囝 tī 奧地利開店 ê 太太。

「你按泰國來，泰國敢無食薟？」伊問。

「我按臺灣來，臺灣人有食薟 m̄-koh 我無食」我峇微笑講。

店東聽著家己 kā 別人 ê 神魂鬥 m̄ 著位，伊歹神氣甲一直會失禮「臺灣，著，著，著，是臺灣。」

我知影伊感覺家己足失禮 mā 知影伊根底 m̄ 知影臺灣，我 m̄ 無興順伊 ê m̄ 捌開拆臺灣 tī 佗就以峇微仔笑來化解伊 ê 歹神氣。

近來魚臊捷捷 teh 拍折，這个現象 hōo 我想著舊年三文魚致著肺炎 ê 新聞事件。

無肺部 ê 三文魚自 hőng 講伊致著肺炎，本底是生活佮若 tī 法國(Leben wie Gott in Frankreich)按呢 ê 人生瞬間成做塗炭仔人生，險險斡 buē 轉來法國繼續做皇帝，起因 tsuē-tsuē 德國人佮 gún 翁𫝛款，往過看伊是公主 uī 心狂火著，喙瀾㴙㴙滴，等伊成做塗炭仔準做伊徛踮面頭前猶看 kā 伊當做 Hollow man 看無著伊。

三文魚 mā tshan-tshiūnn 塗炭仔按呢，按幼秀跤，好命底成做穡頭貼貼 ê 塗炭仔，我 mā 因為三文魚無法度繼續成做 Napoleon 四常，開始捷去揣伊話仙破豆兼揣 mā 是過甲若 Nepoleon ê 蝦，看伊底時 bueh 放棄權利成做平民。

蝦本底 m̄ 放下權利，總是人民力量大過政府 tī 三文魚 hőng 講伊致著肺炎 ê 兩禮拜捅仔，伊 mā 放下權利成做平民 hōo 我有法度佮伊徛較倚寡。

Tī 德國已經真慣勢這項代誌，寒人行跤到看德國傳統菜蔬無目地揣請西班牙相伨。

這禮拜超市款菜見著菜價隨喝阿娘喂，呔 ē 遮雄價，準備越頭見著架仔佮往過無相仝，Ach so 呔 ē buē 記得這件代誌，前站仔關門無做生理，這久開門當然愛羊毛出 tī 羊仔身 ê 𠞭 gún 遮 ê 羊仔。

停跤認真愖，敢 bueh uī-tio̍h 成做羊仔 hőng 𠞭 ê 気持ち䆀繼續盤山過嶺？

情緒是一時，忝頭是無停時 uī-tio̍h 抾拾這幾仙，紲來成做膨椅馬鈴薯，這款抾拾 m̄ 通貪，是講有車通駛，忝頭就 m̄ 是問題，隨換間。

自改裝 ê Penny 一路換到 Lidl，準做有車通駛我 mā 是眩矣忝矣 tsiah 知影愛愖這件代誌，今年是歹年冬，這久猶有法度見著新沢菜蔬我愛感謝天公伯 ê 幫贊，是講 tī 德國 bueh 僫 bué 著菜蔬 mā 是一件新僫 ê 代誌，畢竟伊猶是喝水 ē 堅凍 ê 德國。

安歇日翁某做伙食早起頓。

猶原愛噤喙洗胃腸 ê 翁看我 ê Pain au lait(法國牛奶麭)哀傷甲目屎津 buē 落來 tuì 我相。

看伊按呢我隨刁意故當伊 ê 面大大咬一喙「想 bueh 食 bő？」

伊食一喙喙瀾 tìm 頭又閣隨幌頭講「這站仔 buē-tàng？」

「Zucker, ich brauche Zucker......」我刁意故手一直幌，目一直𥍉 tuì 伊講。

一人䖙，一人坐。

一人讀，一人看。

一人愛肉桂，一人慼肉桂。

愛，複雜。

愛，簡單。

踮這个訊息窒倒街 ê 年間咱 ē-sái uì 著一个從來 m̄ 捌相借問抑是見過面 ê 人，氣身惱命、心心念念、扶扶挺挺做口彩，越頭就隨 tuì 咱 tuì 上親 ê 親人挽筋捘頷變䆀猴。

這是一日佮伊做陣討論問題，伊猶原 m̄ 承認伊承著𪜶爸母 ê 喙斗，敕一口喙 hōo 家己 tuì 伊有法度冷靜講 ê 話，這段話 mā 成做日後 bueh 成做六月蚶，開喙臭進前，愛捎一隻鐵攕仔斟酌揣火種。

我人頇顢閣較 buē 踅網路隨請教伊我搪著 ê 問題，伊開始成做《大士爺厚火氣》讀著 ê 這段；

福祿壽三仙問哈囉「樹仔大欉擲果子，人若受氣擲手機，飛機上天擲啥物？」

學問蓋飽的城隍擋袂牢講，喝出答案：「擲炸彈啦！」

厝附近 ê 超市。

𪜶 tsit 禮拜推捒厝邊豐沛閣青臊 ê 料理。

Lán 逐項逐項斟酌看，逐項逐項細膩思量。

思量到落尾，無買半項。

起因 lán 知影，家己有相趁相喊 ê 歹癖。

M̄ 知 tuì 底時開始，我 ê 身軀邊有 tsuē-tsuē 人分享英國早起頓蓋好食，好食甲 m̄ 捌試過是蓋可惜。

M̄ 知影是 m̄ 是受著這句「無食過蓋可惜」 ê 影響，我 tuì 英國早起頓有一種莫名 ê 期待。

不而過，這个期待 tuì 烏貓少女行到 bueh 到陽婆婆牽手 ê 歲數。

猶原 m̄ 捌行踏英國，猶原 m̄ 知影英國早起頓有偌爾仔好食甲無食過 ē 捶心肝閣 ē 趒跤蹔蹄 ê 感覺。

2019年，翁某做伙去 Malta 行跤花。

讀著這條新聞，想著家己 tī 三十歲彼冬，我 ê 衫仔櫥清甲賰 3 領仝色牛仔褲、五領𫝛形 ê ua̋i-siat-tsuh、3領無仝色 ê T-Shirt、 一雙烏皮鞋、一雙白色運動鞋。

就按呢，仝形 ê 妝娗一路循環到今，𫝛時一个搵醬 mā 行仝款 ê 路途，齊是行白爍爍白波波 ê 白汫無味 ê 色緻。

按呢 ê 穿插佮喙斗敢 buē 傷過無聊？

Buē----neh~~~~~

我愛這款看起來白汫無素，窮真是萬千變化 ê 四常。

昨暝無想 bueh 食肉，今暗開冰箱 tsiah 發現...

Scheiße...ひき肉猶規盒好好䖙 tī 冷凍隨清一下仔嚨喉越頭 tuì 翁講貓仔語。

「親愛 ê 彼號，Also....」當我猶 teh 撏字，翁先紲喙講。

「今仔日無阿媽肉餅通食 mā 愛佮我 ê 敵人成做龍鳳」伊講。

伊遮爾仔拆白，我 mā kā 𫞼頭前幔棕蓑 ê 稻草人徙開，喙抹蜜甜甜仔講「人 m̄ 是刁意故按呢生啦...」

近來翁跟綴我 ê 喙斗做陣看 YouTube 台灣學堂 mā 跟綴我 ê 興趣看客語台學習台佮客語。

「雖罔，猶原 buē 曉聽 mā buē 曉講，iáu-m̄-koh 轉去台灣應該 buē 閣客語對語分 buē 清」一日翁某做伙 kā 按德國來台灣做客家新婦 ê 片看煞鼓 m̄ 捌出聲 ê 伊，步頻若 hőng 節著語言脈有法度區別台灣各族語言。

「果然猶是你較有語言天份」我笑應。

「這 m̄ 免天份，因為規逝看煞，我 ê 耳空 90% 是你佮 Fiona 破豆 ê 聲調。」

「我 mā 有相𫝛 ê 感想。」