亂皂𥴊仔店 ⓂⒺⒾⓃⓀⒾⓄⓈⓀ

天色似卵仁，大地發新穎

Gún 那行那看那談

這秒 ê 家己成做彼秒 ê 家己

Gún 那行那看那冇談

偝仔內 ê 彼當時是 gún-ê 現此時

日日應當攏是女人日

問我，第一位有印象 ê 紳仕是啥人？

Gún 爸爸。

自我有印象，gún 爸爸 m̄ 捌拍過某囝 mā m̄ 捌大聲 tuì 某囝喝來喝去。

除了彼改 hōo 皮蛇纏著 ê 伊，無代無誌按當 teh 讀小說 ê 我 ê 椅頭仔蹔落去 hōo 我規仙人按椅條仔倒頭栽，頭眩眩徛起身大聲 tuì 伊喝「我佗位做 m̄ 著代誌」。

翁某兩人那食早起頓那看外頭 ê 落雪。

一路 tùi 昨昏 ê CDU選舉冇談到波士尼 ê Max，gún tī 波士尼露營搪拄 ê 黃金獵犬。

M̄ 知影伊hōo 露營店東轉做烘肉無...

Gún 翁聽了，大聲 Nein  一聲閣笑甲 kiōng-beh buē 喘氣。

因為，我 tī 遐 bueh 一禮拜 ê 時間，逐日講 tùi Max 講；

Gún tī 雺霧路頭搪著伊。

伊問，食飽未？

Gún 答，猶未猶原 tī 搜揣。

伊講，恁若無棄嫌，歡迎恁來我 ê 店頭行行坐坐。

一張桌兩塊盤，

一雙手挈雙箸，

一雙手挈攕佮匙。

兩个人，兩支喙，想𫝛胃 bueh 食煞來無仝味。

一支喙，白飯敆豆腐。

自囡仔時，我就是麻雀桌頂專門 tī 納學費 ê 彼个。

因為朋友無棄嫌我這个肉跤筊伴，這久 ê 我 tsiah 有機會理解台文里長伯鄭順聰先生分張 ê 台語學仔麻將台語 ê 牌跤盤喙花， 另外 mā 順紲踅翻頭揣序大過年時耍四色牌抑是天九牌 ê 記持，紲落來 buē-su 法官 teh 定案 ê 確定，奕牌仔正經是觀察一个人真性情 ê 好時機。 

像我有一个朋友，伊 m̄-nā 喙水好、媠又閣𠢕佮人盤撋，總是一上桌奕麻雀，本底 ê 志玲姊姊隨成做陳守娘，應當講比陳守娘閣較恐怖 hōo 捷 teh 愖是伊是 24个Bily(The minds of Billy Milligan)抑是我是第5位 Sally( The Fifth Sally) ê 𠢕換性地，起因我真討厭這款性地 ê 人，m̄-koh 一耍麻雀我 ē 按陳守娘成做志玲姊姊，遐爾仔好 EQ。 

滾耍笑 ê 啦，我無陳守娘 m̄-koh 我正經無愛佮這款人做朋友，所以 tī 𪜶 bueh 作怪進前我人已經 m̄ 知走到佗去，這是真 ê m̄ 是蟾蜍展氣功，膨風。

我 m̄ 知影佮我拍麻雀 ê 人按怎想這件代誌，總是我是 kā 伊當做食茶破豆 ê 放輕鬆，所以我 buē 奕大 mā buē 一奕奕甲無天無日，我想這佮囡仔時看芋仔老爸退休去耍麻雀有相干。

Man are the enemy, but i still love the enemy.

--- 《Jerry Maguire》

翁某脾土無相𫝛。

翁 ê 早起頓意愛食甜粿2路，tshan-tshiūnn「果子醬𩛩麭」(パン/Brot.Brötchen/Bread.Bun)這類目睭綴 leh 食(Das Augen Isst mit) m̄-koh 10點 buē 到隨閣需要揣物窒喙空止枵燥。

我 ê 早起頓意愛鹹路，tshan-tshiūnn 鹹糜、炒麵、飯丸、大麵鹼遮 ê 外表無媠，m̄-koh 飽到食中晝頓攏大丈夫(だいじょうぶ/daijoobu)。

人生--ah～

一暝睏醒，窗外白。

一暝睏醒，視雺雺。

一暝睏醒...

一暝睏醒...

自看「Winterkartoffelknödel」(寒人塗肉林檎)，寒人 bué 塗肉林檎目睭攏 ē 出現 Ignaz，我實在有夠佮意這个紅龜生蟲，龜怪 ê 角色。

維基百科紹介伊是德國傳統料理，熟似 ê 美國朋友分張這是𪜶猶太人傳統美食，到底佗一个講法 tsiah 是正範？

我家己 ê 想法是兩个攏正範，起因歷史從來 m̄ 捌講我 kan-na 一款面容。

另外，傳統 ê 德國食法是搵甜甜 ê 林檎醬(Apfelmus)，總是我 m̄ 是德國，sóo-tí gún 就隨人照隨人脾土搵醬食。

我搵優格醬，gún 翁繼續伊 ê 傳統德國食法搵林檎醬。

11月29是「Advent」。

按美國來 ê 厝邊、四箍圍仔 ê 序大、厝稅人家己規家伙仔擠做一間 ê 建築公司大頭家佮樓頂兩戶按羅馬尼亞來德國做穡 ê 厝邊攏已經點燈火。

Gún 兜今年猶是無點半葩燈火，一个起因是我無信天主教抑是基督教，另外一个因端是 gún 翁 kā 教會辭頭路有一段真久長 ê 時間(無納宗教稅)。

德國應當是少少猶原 teh 抾宗教稅 ê 國家，這个問題蓋複雜，省事事省免喋一大拖，起因我無 tī 這个系統內底，gún 翁 mā 是。

總是，逐年搪著「Advent」看遮 ê 厝邊點燈火，拗鬱碰釘 buē 順序 mā tshan-tshiūnn 柴樠點火較光油。

那煎紅菜頭餅那想等下愛配啥物款 ê 搵醬 tsiah-ē 敆味？

想仔想，啊，我想著矣!

來做 tī 德文有簡單做閣好食 ê  Ratzfatz 版本：優格醬。

優格搵醬《Ratzfatz》

讀著這篇文章我 tsiah 知影 tī 德國一粒紅草花(紫甘藍)至少有三種講法。

「Rothkohl」是我上熟似 ê 名。

「Rotkraut」我讀著字猶原知影伊是啥物。

「Blaukraut」我佮伊是生份人....

那讀文章那想紺草花是按怎會號做「Blaukraut」。

時間是我--ê。

生活是我--ê。

讕頭是我--ê。

四常所有 lóng 是我--ê。

我想 bueh 做寡啥物？

尖頭草花挽肉滷 m̄ 是 kan-na Leckerbissen 是好食甲若做仙。

德國草花有兩種，一个頭尖尖號做 Spitzkohl mā 號做 Filderkraut，一个頭圓圓號做 Weißkohl。

這2款攏是德國豬跤上好 ê 朋友。

不過，𫝛家族性地煞無相𫝛。

尖頭--ê 性地較好，sòo-pái 適合提來炒佮燖，圓頭--ê 性地較硬，需要人就 leh 眵目猶原有穿線 ê 耐性。

我數念阿媽 ê 菜脯卵，總是遮是德國 m̄ 是臺灣。

我數念阿媽 ê 菜脯卵，總是我 mā 無彼个骨力 uī-tio̍h 菜脯卵四界揣菜脯抑是家己豉菜脯。

我數念阿媽 ê 菜脯卵就 kā 德國人 ê 田庄早起頓塗肉林檎煎餅當做菜脯卵來窒數念，準做味素無相仝猶是補我滿滿 ê 數念。

塗肉林檎煎餅

挑戰 gún 翁喙白糜飯 ê 故事是按呢....

2020.12.08 翁某做伙食早起頓，我問伊「請教先生你敢有需要我 kā 你鬥敲一通電話 hōo 112？」

「M̄ 免，我 kan-ta tsham gún 阿母做伙食魚臊 tsiah-ē 過敏」伊隨紲嘴無愖字句愛按怎講 tsiah-buē hōo 某掠著話屎。

「你確定，你愛斟酌想 hōo 詳細，抑無時到 hōo 城隍爺出巡(出大代誌) 彼就 m̄ 好閣僫處理--looh」我講。

「我蹛 tī BRD m̄ 是 DDR，我規欉好好 m̄ 免食菜，食菜，食到肚臍為界」伊應。