亂皂𥴊仔店 ⓂⒺⒾⓃⓀⒾⓄⓈⓀ

少年時 ，看著遮 ê 幼物仔，bué！

無 bué 轉來厝閣 ē 悲傷甲神魂離體。

迒過上卌戶橂，看著遮 ê 幼物仔原仔足愛看足愛摸 m̄-koh buē 閣 tuì 𪜶起心動念，除非有需求 tsiah-ē 撏橐袋仔。

Tsuē-tsuē 朋友看我按呢過日子攏掠做我 teh 綴近藤麻理惠抑是山下英子 ê 態度 teh 過四常。

我無，總是我清楚知影這个變化是按921開始。

今仔日透早翁笑咍咍講「經過兩禮拜 ê 時間，我 ê 體重又閣繼續向前行。」

聽伊按呢講我 mā tsiah 想著家己 buē 記得做 ê 代誌，記錄第三禮拜 ê 變化，按呢就 kā 翁某兩人 ê 第三禮拜寫做陣。

Uì 7月初6到今，我減1.3公斤，翁 uì 7月初8到今，減0.7公斤，翁某兩人上大 ê 運動猶原是出門 bué 菜  --- 怙11路。

物食佮意食 ê 攏食，無限制有節量。

這份早起頓是翁猶 m̄ 改變伊慣勢 ê 食食方式，早起頓食少，下昏飯食臊腥 ê 食物。

自開始糋膩瓤，逐項食食我攏 ē 過磅，這个動作 hōo 翁笑講「我佮熱量傷過計較」。

我 mā 笑應「無--neh，我頇顢手感無好無法得 tshan-tshiūnn 恁阿母按呢遐爾仔𠢕節 --- 準-準-準，sóo-tí，我需要磅仔伊 kā 我鬥相共，抑是你看我按呢做足鑿目 tshan-tshiūnn 恁阿母按呢，你 mā ē-tàng 家己攢我絕對 buē iōng NÖ kā 你 NÖ 甲叫 m̄ 敢。」

「Buiah，我愛媠某 kā 我攢」翁講。

「你敢講我無福氣通收--o͘h」我應。

「我誠實是戇猴搬石頭gún 翁家己 khue 家己」翁緊紲喙講。

翁一直有一个龜怪 ê 想法，食肉定著 ē 大箍。

我問伊「食甜路敢 buē 大箍？」

「當然 mā 是 ē 大箍，總是食甜路 buē 行向食肉按呢 ê 恐怖」伊講。

伊這款承爸母喙斗慢牛厚屎尿巴禮講道家己攏著 ê 龜怪理路，我無興交伊拍喙鼓，隨交𪜶歐盟搬出來「恁歐盟建議一日食 2 千，照恁歐盟建議，你一日食 4 ~ 5 千，莫怪瘦 buē 來，交恁爸母相仝？」。

「Gún 大箍是年歲到矣 m̄ 是 gún 食過頭，tshan-tshiūnn 你按呢」隨斡向灶跤 kā 咱頂真記錄 ê 熱量分張 hōo 伊參考。 

Tsa̋ng 翁問我，是按怎咱會 uì 二工到三天 bué 一改菜改做一禮拜 tsiah bué 一擺？ 

「因為拜四佮拜五是抾點日」話猶燒滾滾伊煞無出聲，我隨知影伊 hōo 家己準備 ê 哭呻哽著。

起因，自談戀愛、結婚到徙岫，我從來 m̄ 捌一禮拜款一改菜。M̄ 捌按呢做 ê 因端，除了我閒甲掠虱母來相咬，才怪，是我真愛看跳樓大拍賣遐有啥物寶通揣，上重要 ê 因由是 gún 兜 ê 冰箱是130L 彼型，無通仔 hōo 我做阿媽 kā 伊飼甲哽胿。

是講我 mā 無興 kā 冰箱當做大綠島(Greenland)來使用，畢竟 Greenland 有彼个才調 kā 千外冬 ê 物冷凍過千冬猶未臭酸，gún 兜 ê 冰箱 m̄ 管冷藏抑是冷凍攏無彼个才調，sóo-tí m̄ 通飼歹癖，認為俗物 buē bué 破家佮這總有一工用 ē 著，抑是我 ē 用。

「遮是你 ê 地盤，你 bueh 改做兩禮拜我 mā 無意見」uī-tio̍h 伊認為 ê 抾拾佮𠢕扞家，我 mā 生湠出一个新功夫，kā 5 噸物食變一噸楔冰箱，總是我討厭這个功夫，時間一到自然準備成做六月蚶，開喙 kā 伊臭死。

本成掠準我愛開 6 月日來調整我 ê Blog。

無疑悟我 tsiah 開無夠 3 月日就 kā 遮倚 bueh 3 百篇 ê 文章攏總調整甲好勢 lī-lī。

這，若是無 kā 寫落來記錄一下，我這臭頭包布 --封繩(風神)閣𠢕嗙 ê 癖性 ē 著內傷。

另外，我這站仔 mā teh 進行 ê 「醫師好辣」減重法，自 7 月初 6 開始綴 leh 做到今拄好滿一禮拜成果是 0.3 公斤。

Gún 翁 ê 部份若是無 kā 伊算自伊蹛院到轉來 hōo 家庭醫生檢查講伊 ē-tàng 開始正常食食 ê 7 月 初 7，按 7 月初 8 kā 算伊 mā 糋掉 0.5公斤 ê 膩瓤油。

Sauer macht lustig 酸製造歡樂

早起頓 ê 莓果酸甲我成做 Troll。

Gemischt Sprache ist auch lustig.(透血 ê 語言 mā 𤆬 hōo 人快樂)

透血 ê 語言 hōo 我宛然露台頂 ê 厝鳥，安然自在食遮食遐一霎仔攏 buē 喙白。

Tsa̋ng 是歐州跤球賽上押尾一局，Italia 對 English。

佮翁做伙去奧地利行跤花，搪著一位按哥倫比亞嫁來德國十外冬，現此時佮查某囝 tī 奧地利開店 ê 太太。

「你按泰國來，泰國敢無食薟？」伊問。

「我按臺灣來，臺灣人有食薟 m̄-koh 我無食」我峇微笑講。

店東聽著家己 kā 別人 ê 神魂鬥 m̄ 著位，伊歹神氣甲一直會失禮「臺灣，著，著，著，是臺灣。」

我知影伊感覺家己足失禮 mā 知影伊根底 m̄ 知影臺灣，我 m̄ 無興順伊 ê m̄ 捌開拆臺灣 tī 佗就以峇微仔笑來化解伊 ê 歹神氣。

安歇日翁某做伙食早起頓。

猶原愛噤喙洗胃腸 ê 翁看我 ê Pain au lait(法國牛奶麭)哀傷甲目屎津 buē 落來 tuì 我相。

看伊按呢我隨刁意故當伊 ê 面大大咬一喙「想 bueh 食 bő？」

伊食一喙喙瀾 tìm 頭又閣隨幌頭講「這站仔 buē-tàng？」

「Zucker, ich brauche Zucker......」我刁意故手一直幌，目一直𥍉 tuì 伊講。

近來翁跟綴我 ê 喙斗做陣看 YouTube 台灣學堂 mā 跟綴我 ê 興趣看客語台學習台佮客語。

「雖罔，猶原 buē 曉聽 mā buē 曉講，iáu-m̄-koh 轉去台灣應該 buē 閣客語對語分 buē 清」一日翁某做伙 kā 按德國來台灣做客家新婦 ê 片看煞鼓 m̄ 捌出聲 ê 伊，步頻若 hőng 節著語言脈有法度區別台灣各族語言。

「果然猶是你較有語言天份」我笑應。

「這 m̄ 免天份，因為規逝看煞，我 ê 耳空 90% 是你佮 Fiona 破豆 ê 聲調。」

「我 mā 有相𫝛 ê 感想。」

Ich bin Kind.

我問翁，你 ê 早頓猶原 bueh 維持恁媽媽準備 ê 方式抑是我 ê 方式？

當然 mā 是你 ê 方式。

拆白講，敢有滓著鬱傷？

當然 mā 是有。

Das ist  wie fruher, wo gewohnt wir haben.

網路送 buē 出去，規氣親自「出馬」。

進前 tsiah 佮翁破豆這件代誌。

咱若是閣 蹛踮規庄無土耳其大餅店、無DM kan-na 一間超過百年 ê 麭店佮全庄 kan-na 一間拜六日攏歇睏，逐日下晡又閣五點準時關門 ê 超市 ê G 庄。

我應當 ē 成做仙女...

今仔日上大 ê 快樂是 kā 所有 ê「Nein」做七聲八調，上、下、平、仄 tī 阮翁 ê 面頭前「Nein」來「Nein」去。

「Nein」了，我問伊，需要德國 ê 聲調 bő？

「M̄ 免，遮 ê Nein ē-tàng 擋一年」，伊應。

「這，我就 m̄ 知--looh。」

「M̄-koh 我知影，tsa̋ng 有人猶未看著我 ê 分享 kan-na 聽著番薯2字隨講 gún 德國人早起頓無食番薯。」

挑戰 gún 翁喙白糜飯 ê 故事是按呢....

2020.12.08 翁某做伙食早起頓，我問伊「請教先生你敢有需要我 kā 你鬥敲一通電話 hōo 112？」

「M̄ 免，我 kan-ta tsham gún 阿母做伙食魚臊 tsiah-ē 過敏」伊隨紲嘴無愖字句愛按怎講 tsiah-buē hōo 某掠著話屎。

「你確定，你愛斟酌想 hōo 詳細，抑無時到 hōo 城隍爺出巡(出大代誌) 彼就 m̄ 好閣僫處理--looh」我講。

「我蹛 tī BRD m̄ 是 DDR，我規欉好好 m̄ 免食菜，食菜，食到肚臍為界」伊應。

綴我十冬 ê 翕相機自彼日摔歹到今，我猶原 m̄ 知影代誌是按怎發生佮家己彼久是 tī 無閒嗤喳啥物代。

不而過自翕相機摔歹，我 mā tsiah 有法度見著這件代誌。

我 buē 閣 hōo 一張相片 hōo 伊綁票我 ê 時間佮情緒。

有當時，拗鬱正經是家己無枷夯交椅。

這生菜盤敢若熱人，啥物色水攏齊到。 

Buē 食進前，伊外氣 ê 色緻已經豐富我 ê 雙目。

送落喙，m̄ kan-na 是脾土開，氣持ち mā 規个攏嘶不哩喨。

煙腸生菜盤