亂皂𥴊仔店 ⓂⒺⒾⓃⓀⒾⓄⓈⓀ

舊年寫踮面冊 ê 文章，今年 tsiah 踮遮揣著伊。

這久破這粒豆，gún 已經 mā 按 Danzig 轉來德國 bueh 半冬，時間正經是，一晃過三冬，一晃過一世人。

頂幾日踮線頂踅 Danzig，我 tuì 翁講「按呢講誠無禮貌，總是恁柏林 ê 䆀有伊 ê 因端，猶 m̄ 過柏林就 tshan-tshiūnn 恁家己講--ê，伊誠無德國。」

奧地利 ê 維也納真猶 thài。

有德國味 iū-koh 大部份 tī 外埠，tshan-tshiūnn 但澤(Danzig，德文)。

2021年兜發見定期 ē 過數 ê 健保費無閣過數想 bueh 敲一通電話轉去健保局請教，總是我這个真愛看範來決定一个錢愛拍幾个結 ê 人一想著 uī-tio̍h 健保敲一通國際電話就隨放棄。

M̄ 是講我無照規矩來行抑是無尊存臺灣法律，是我真清楚我 ê 國健兩保是按怎納數，sóo-tí 無過數 ê 半冬猶原無收著銀行佮國健兩保 ê 通知，這表示我無問題。

自交往到成做龍鳳，猶未行到有翁某名無翁某行，總是 mā 行到內心親家，無話講松柏瘤 ê 坎站「真久無看數，今仔日上網路看數 tsiah 發現我 ê 國健兩保真久無人來收」我講。

「你呔 ē kā 遮爾仔重要 ê 保險停掉」講著錢比我閣較𠢕拍結 ê 翁講。

出喙進前我已經知影伊決定 ē 按呢講，總是人喙上毒，比刀較利，你曷 m̄ 是 m̄ 捌𪜶某做代誌 ê 態度就按呢含血霧天驚我 kā 食倒擔「我無遐爾仔 Àu-tah，放心」我應。

德文 ê 搬厝有 tsuē 種講法。

頂站仔收著按《聚珍臺灣》佮《臺灣 ê 店》寄來德國 ê 包裹，那簽收包裹 mā 那讀郵差手指 ê 批囊「𪜶已經 Umbringen(自殺)--ah」我講。

郵差究竟是搪過 tsuē-tsuē 龜叨鱉趖 buē 清彩就 hōo 我驚著，伊繼續繩(tsîn)批桶字姓講「這馬綴 ê 人是這个姓？」

別人 ê Iphone 是 15 我 ê Iphone 猶是若1 teh 寶惜佮使用，這久 ê 我總算想著我 ka̋ng 講做「𪜶自殺」隨 bueh 解釋，總是 lú bueh 解釋 lú 想 bueh 出彼句「搬厝」愛按怎講，吐一氣大氣換上簡單 ê 方式「Nachhause」。

郵差先生聽我按呢回答隨知影意思，微微仔笑講「Danke」tī 批囊寫字紲落來 tìm 一下子頭說相辭。

翁問我「你呔 ē 無想 bueh 領稿費？」

「捐 hōo 基金會做肥底，雖罔無 tsuē」我講。

「德國有一个水上救難隊，𪜶足好額 mā 四界募款」翁講。

「民間救難隊本底就足燒錢，需要資金」我講。

「按呢講是無 m̄ 著，m̄-koh 𪜶講 ê 故事並 m̄ 是𪜶講 ê 按呢」翁講。

Nikolaus 來相揣 ê 彼日(註1) gún 翁𤆬養老院 ê 序大人去齒科報到，早前 m̄-bat 驗出肺炎 ê 伊。

Tsit 斗，二測陰性，一測陽性。

伊 sûi 連絡養老院 mā 寫 Telegram hō͘  我知影伊搪著 ê 問題 hām 定著 ài 做 ê 代誌。

揣 Detailtest/PCR-Test(政府規定 ê 檢驗所)做檢查，若是確定 tái 著肺炎，我 mā ài 檢查等等。

讀完伊寫 ê 信息，我 sûi 看厝內 ê 食食等等 kám 有夠 gún tòng 隔離 ê 兩禮拜。

進前翁講，德國人食瓜仔哖 kan-na 生食，無摻醬料抑是橄欖油。

頂幾日，伊寄瓜仔哖食譜 hōo 我閣寫講「這看起來蓋好味素，咱做來食好無？」

食譜讀煞隨寄兩張相片 hōo 伊順紲送伊記持「早前有人 tuì 我講，gún 德國人食瓜仔哖 kan-ta 生食，無人 ē 捎來炒菜抑是佮其他物件相拍參」尾句閣無料送伊一句「Ne。」

今仔日這份 mā 是 hōo 伊一路 Ne 到底 ê 生菜盤，我開喙蚶無臭 buē-tàng 隨講「我正經是貓仔食鹽，揣死，歹勢我隨 kā 你換一盤。」

「這隻貓仔食鹽 buē 死，因為我愛食王梨」伊講。

Ich bin zu arm, ich kündige als Hausfrau für meinen Mann.

Ich bin zu arm.

Ich putze das Haus für dich immer kostenlos.

Ich bin zu arm.

Ich koche Mahlzeiten für dich mit Herz und kostenlos.

金烏猶在天氣猶原燒烙，斟一杯茶孤一人坐踮露台沓沓讀按臺灣飛來 ê《台語活辭典》。

讀啊讀，讀著「擢」(tioh) 這字隨斟酌讀活句 tsiah 發見伊佮我進前揣--著想  ê「擢味」(tiàu-bī)無相𫝛隨踅轉去教典請教「擢」(tioh) ê 意思。

「擢」有「整理」、「giú」ê 意思。

按呢「調味」ê 漢字愛按怎寫？

早前使用華語，這改換台羅試看覓...

款早起頓「餾」佮「熥」青磅白磅來挵門。

𪜶 ê 出現 hōo 我 buē-su 發見黃金按呢，大聲喝來叫去 tsham 鼎底 ê tshi-tshi-tshā-tshā 車拼。

M̄-koh，我並 buē 感覺原早 ê 寫法無好。

我 m̄ 免看這項食物搜揣，我 敢愛重新閣＂糋一擺、二次加工＂等等 ê 問題。

起因，語言是活水 m̄ 是提來 hōo 咱成做孔子媽教--ê 性地。

Tsa̋ng 拍 ê 文章 m̄ 知是 m̄ 是 hōo 剪蟲食去抑是其他，現此時 bueh 揣按怎仙揣就揣無。

Tī 我準備鬚聳目降徛起身行 uì 廚房斟一甌茶勻勻仔落喉，本底成做流水滇 ê 情緒海湧開始順拉圇仔燒 ê 茶聊聊仔轉做洘流尾 ，踅轉來電腦桌 kā tshan-tshiūnn 綠豆 ê 目擲 hōo 做毛豆大粒繼續 tuì 電腦金金相勻勻仔繩(tsîn)。

總算 hōo 我揣著，我按呢外甥仔點燈火，一切照舊一直踅歡迎逐家來行踏 ê 分類揣文章 m̄ 去別搭行行看看，按呢揣 ē 著正經是半遂 ê ē 行，臭耳 ê ē 聽 -- 奇蹟。

文章標題揤落去，另一波流水滇又閣起。

Iōng 手機仔寫 ê 文章呔 ē 完全攏拍 m̄ 見...

人生行到 bueh 半老寫台文。

台文按怎寫？

M̄ 知影，總是我青盲牛 m̄ 驚笑選一个我較捌 ê 系統來學習。

寫好寫䆀 m̄ 知影 huînn-ti̍t 我自來就是倒吊無墨水。

倚半老寫台文。

「是啥物因端 hōo 你今仔日遮爾仔早就 tī 煮下昏飯」翁問。

「無啥物因端 kan-na 感覺近來 ê 日斜西較早來相揣，我愛品並 ê 事項無法度 si-á-geh 所以愛較早款頓」我講。

「你按呢做有像夸父 teh 逐日頭」翁笑講。

「有一个軟體號做 ' Photoscape ' ，伊啥物攏 m̄ 驚 kan-ta 驚無 ' 光 ' 」我講。

「敢無想 bueh 搭一个攝影棚」翁問。

下昏暗步頻想著厝內 ê 序大人捌講過 ê 歷史，本家是客人講客話 ê gún 是按怎按客語轉做講台語 ê 因端 --- 亂世。

這个歷史 hōo 我想著 gún 芋仔爸，因為為中國亂世，盤山過領閣過烏水溝來到台灣 uì 一句台語攏 buē 曉講到我捷捷攏 ē tuì 人講，gún 芋仔爸 ê 台語講甲比我這个自細漢就 leh 講台語 ê 囡仔閣較輾轉，另外伊搪著人絕對 buē 講；

Erinnerst du dich?

Als wir in den Süden kamen, war ihr Deutsch wirklich unverständlich.

你敢 ē 記得？

敢是鉛粉吹到位？

踮波蘭寫出去 ê 電子批到人踅去捷克閣轉來到德國攏無人應答，咱就放伊自由無閣 kā 攪擾。

這久竟然收著回批「我猶有十本，你若 bueh bué ē-tàng 落價 hōo 你。」

我是 m̄ 知影這个文學社區 ê 社交規矩，總是我真清楚我 ê 電子批寫「一本」無寫「bueh 摒貨底。」

備份 ê 電子批閣 kā 搜出來巡一遍，敢是咱寫甲 hōo 對方誤解，無，咱寫甲清清楚楚，無寫著 bue̍h 摒貨底。

已經 buē 記得我是 tī 佗落佮伊相拄搪。

不而過踮這个熱人猶 bueh 歇熱，天氣就敢若壁頂已經落南一點鐘 ê 指針相𫝛 hōo 我捷捷想著伊。

另外, 這回步頻想著伊，gún 翁按怎講？

你著愛捷捷想著伊。

踮波蘭 bueh 轉來德國 ê 前三工，貧惰家己款三頓就清彩食三頓。

這个清彩 mā 順紲 kā 熱量擲捒。

清彩食 ê 第一工，步頻發見家己 ê 喙斗敢若變䆀去！

往擺一回 ē-tàng 食三粒牛角麭配兩杯 Ka-pi ê 我，現此時 ê 腹肚桶竟然 kan-na ē-tàng 貯一粒，gún 翁 mā 是按呢 ê 信じられない(Shinjirarenai) unglaublich 不可思議 unbelievable。

這个變化 hōo 我笑講咱兩个愛牽手做伙去看醫生，看身體敢有無爽快。

簡單記錄。

本底 ê 設定是波蘭行跤花前，體重若 ē-tàng 閣落 0.5公斤，我就愛偷笑。

無疑悟，出發前 ê 數字竟然無起磅甚至 hōo 膩瓤油糋掉1.6公斤。

這無寫落來窒虛華，buē-tàng。

寫了 tsuē-tsuē 篇卻無半篇完整，頭殼開始踅這件代誌，後擺寫漢羅就好 m̄ 免閣戇猴搬石頭寫羅馬字。

是講，是按怎愛寫羅馬字，我家己 mā m̄ 知影，總是別人按呢寫我 mā 綴 leh 按呢寫。

只不過，現此時 ê 我正經感覺我 tuì 羅馬字無感情，無想 bueh 繼續按呢狗咬鐵釘，m̄ 願放。

我無輕視羅馬字 mā 無啥物 tsiah 是臺灣字，總是世界有遐爾仔 tsuē 符號，愛我 uī-tio̍h 一个無好鬥陣 ê 族群就莫去理解𪜶 ê 文化佮符號，彼 mā 是紅龜生蟲，龜怪 ê 一件代誌。

起因，m̄ 管啥物符號 tuì 我來講攏有意思 mā 是楦閣家己 ê 不足。

8月初2翁佮我討論伊想 bueh bué Nokia 手機仔。

8月初3佮伊做伙去看手機仔，兩个人那看實體那討論新手機仔敢有合伊 ê 需求。

Tī gún 若祀佛公賰喙 ē 動 ê 押尾「這手機仔窮實是 bueh bué hōo 你做結婚紀念品」我無應話斡頭隨走。

伊知影問題 mā 知影這久 kā 翁手 khiú leh kan-ta ē hōo 某閣較生頭清面。

伊恬靜綴我 ê 跤步行到較無人 ê 所在，iōng 鼻仔 hōo 鼻水窒牢 ê 聲音講「是按怎你 bueh 遮爾仔固執」，聽伊按呢講本底就 teh 挓 ê 火引隨著。

少年時 ，看著遮 ê 幼物仔，bué！

無 bué 轉來厝閣 ē 悲傷甲神魂離體。

迒過上卌戶橂，看著遮 ê 幼物仔原仔足愛看足愛摸 m̄-koh buē 閣 tuì 𪜶起心動念，除非有需求 tsiah-ē 撏橐袋仔。

Tsuē-tsuē 朋友看我按呢過日子攏掠做我 teh 綴近藤麻理惠抑是山下英子 ê 態度 teh 過四常。

我無，總是我清楚知影這个變化是按921開始。