亂皂𥴊仔店 ⓂⒺⒾⓃⓀⒾⓄⓈⓀ

讀《台文通訊Bong報》石牧民老師文學káng「台」專欄〈 看無台文ê人看台文khah無〉hōo 我想著蹛院無聊紮冊去讀 ê 鬼鬼祟祟、掩掩揜揜。

 這款讀一本冊若 teh 做賊仔 ê 龜怪，窮實 mā m̄ 是第一斗出現，總是有法度自在 tī 公共空間讀一本冊 mā 是按蹛院 tsiah 消敨 ê 自在。

石牧民老師〈看無台文ê人看台文khah無〉討論 ê 問題 tuì 我來講 tshan-tshiūnn Sokrates 分張 ê 智慧，咱無一个人，有十全才調講，知機啥物是媠啥物是好 ê 隨人喙斗，m̄ 免 uī 這个話題踅金龜磨。 

不過石牧民老師這段話引𤆬我翻草徙岫德國前後 ê 讀冊變化。

事實無一種語言、文字ê使命是beh hōo人聽有、看有。伊ê使命是hōo已經聽有ê人聽，hōo已經看有ê人看。若是無本底就聽有、看有，真歹勢，任何一種特定ê語言、文字無法度幫贊--你。你m̄是伊ê對象。Tsia有一个mê角值得lán來注意：「是iah m̄是」kap「好iah bái」，全然兩回事。是、m̄是，tse是客觀ê精差。好、bái，牽涉著你掠做標準ê價值。是，無法度phì-siùnn m̄是。準做「是台語人」竟然ē-tàng phì-siùnn「m̄是台語人」，kan-na一種可能性：台語khah高級別項，致使台語人mā khah高級別種人。若真正án-ne，就是講「台語乃是tsiânn做人ê標準」、「台語ê價值khah kuân別種語言」。也就是leh講：「你定著ài ē-hiáu台語tsiah ē-sái！」

2024 挪威車日子露營，tī 挪威惡魔之舌 Trolltunga 彼跤兜露營，挪威人露營敢若較慣勢家己紮 Gá-suh 出門，所致當挪威成做 gún 遮 ê 外國人一心向往(hiòng-óng) ê 露營勝地，自本在額 ê 設備成做無夠額。

自搭布棚晉級到 Caddy，gún-ê 露營裝備 mā 齊有 Gá-suh 通款飯頓，總是一搪著「無料」準做廚房遠甲若臺灣去阿根廷，準做廚房需要排隊我 mā 願意排隊，畢竟錢四跤，人兩跤，一个錢無拍二十四個結 buē 使得。

瑞典交挪威 tī 疫情進前，罕得聽德國人分張，疫情開始挪威交瑞典因為露營制度交德國無相𫝛，一時間成做露營七星寶地 hōo 德國人成做烏仔魚搢水，拚勢上北露營。

Gún 自本就按算去挪威交瑞典行跤花，一見德國人如此熱情斡頭隨落南交向東行，等待這波熱情洘流 tsiah 出發。

2024 熱人，本底猶無按算 ê 瑞典交挪威露營車日子，因為慢牛總愛厚屎尿 hōo 我正式提出離緣，慢牛 uī-tio̍h 安搭這个問題隨 kā 綿豉熥 m̄ 知幾百冬 ê 西班牙車日子露營換做伊寶惜 ê 牽手心所向望 ê 瑞典交挪威。

當一陣人討論這愛按怎寫，彼愛按怎講 tsiah 著，我已經揣著德語號做 Hirse 英語號做 Millet 華語揣著 ê 資料 kā 伊號做雜穀 ê 澎祖。

寫這段臭酸話無任何特別 ê 意思，只有拄拄好想著遮 ê 綿精請教「你為什麼要說臺語」、「你 ê 意思是恁阿爸是 ē 曉講臺語 ê 外省仔？」𤆬 hōo 我 ê「阿嬤你怎麼沒感覺」。

遮 ê 話 tuì 目今 ê 我正經是無感覺，起因我清楚知機，我講 ê 話是咱人族其中一个語言，無啥特別。若 bueh 講伊有啥物特別，我 kan-ta ē 按呢講，世間萬物無一个固定，唯一 ê 固定只有咱人類慣勢 ê 西瓜倚大爿掠做猴穿衫 ē 變做人 ê 陷眠。

語言問題交 hōo 專業學者交軍隊接觸盤撋，平民老百姓 ê 我只要享受學者承 Martin Luther 生湠 ê 智慧，符號無屬任何族群，像拉丁語 ê Mare 轉化做 Meer，羅馬按一个拆做東西羅馬閣拆做一个 hōo Voltaire 伏爾泰講伊是一屑仔都無神聖，閣 m̄ 是羅馬、更加 m̄ 是帝國 ê 神聖羅馬帝國，跟綴 Napoléon Bonaparte 拿破崙行入歷史，遮 ê 過程千枝萬葉 mā 有紲壇較省紅包禮 ê 新面肉。

像 Engagements 一字，德語、法語、英語講法齊無相𫝛，準做 m̄ 捌葡萄牙語，認捌 Engagements mā 有才調看出 Engajamentos 大約仔 ê 意思，𫝛款 ê 意思，臺灣華/台/客語寫保證，日文寫保証，中國普通話寫保证，四个語言無仝講法。

近來魚指 m̄ 知受著啥物因端影響又閣按漲懸價行向大落價 hōo gún 翁無法度無成做 Hamster 豬仔鼠 kā 冷凍庫櫼甲 buē 喘氣。

「你敢有遮爾仔愛食魚」我問。

「這魚比小白銀(Sprotten)抑是白銀魚(Hering)閣較好味素」伊講。

逐半年愛轉去齒科複診 ê 齒岸發癀(huat-hông)約 tī 後月日，伊知影四常 ē-tàng 喝無閒貼貼無通仔專車駛我去款魚 ê 日子，tī 我 ê 齒科日是走閃 buē 掉 ê 任務，隨趁這个機會先佔先贏。

照我往時 ê 性地，我 ē 六月蚶，開喙臭 kā 伊臭甲哀爸叫母 hōo 伊交我繼續一个斡倒爿，一个斡正爿 ê 睏破草蓆三領，掠你心肝 buē 著 mā 大丈夫 ê 龍鳳生活。

喝收擔喝幾仔冬 ê 翁 ê 公司 tī 這斗 ê 疫情總算落決心 --- 收擔。

 我按呢講 buē-su 誠替翁歡喜仝款，總是我清楚知機 m̄ 是，不過我確實有一種「雜唸大家出蠻皮新婦」ê 態度，喝「𨑨迌」免致意。 

翁自學生實習(si̍t-si̍p)就敢若 Mistel 寄生仔白莓 tī 這欉百年大樹吸收養份到伊 mā 有才調 kā 養份分張 hōo 其他 ê 人，交伊做無仝途 ê 我 mā 因為這欉樹成做 gún 翁 ê 寄生莓仔，kā 家己若涵空龜 ê 人生提升到別人欣羨 ê 十八港跤猶未行透透 ê 好字運，總是我 mā 清楚這个好字運是人飼人，一支骨，天飼人，肥朒朒，伊 buē 遮爾仔好按算，tshan-tshiūnn 翁設定 ê 我 bueh 做到幾歲就 bueh 交伊 さようなら。

「Hōo 你哭呻 buē 離 ê 大家這久正經愛你去雲遊四海，你有啥物感覺?」自交伊熟似就聽伊「雜唸」到猶未徙岫就已經成做「蠻皮」ê 我問。

「我 buaih 遮爾仔早就 hőng 雲遊四海...」伊應。

檢采是天氣 ê 關係，致到近來 ê 心情捷捷起雺霧，捷捷落鬱雨， 罕得摸日鬚。

我無鬱症 mā 無烏白亂想，不過他鄉變家鄉，家鄉變故鄉，我總算理解一開放中國探親芋仔爸隨起手安排返鄉 ê 心情，交第六間伯伯總做身體已經無蓋好 mā bueh 泅轉去故里 ê 心情。

交翁來往，m̄ 捌剪 gún 姊妹 ê 舌，台語 mā 講甲比我輾轉 ê 芋仔爸交人生總有不可節 ê 狀況 hōo 兩位阿姊 mā 相紲轉去塗州賣鴨卵 hōo 伊 tuì 𪜶三人無印象，總是我清楚知機，當我談著「我 ê 阿姊𪜶若猶 tī-leh，搪著遮 ê 代誌𪜶 ē 按呢做，按呢生，𪜶 ē kā 我 ê Line 添甲滇滇 hōo 我起痟...」我 ê 心有一个烏空，烏甲 hōo 我無法度妝娗，gún 這个家賰我一个人。

我思念臺灣，逐年過年 mā 有朋友寫 Line 問「今年敢有按算轉來臺灣過年？」我 tuì 轉去臺灣這件代誌猶是無按算，起因臺灣已經無一人 ē uī-tio̍h 我一通電話，坐踮亭仔跤等我硞 leh 硞 leh 按大路踅入巷仔，猶未見著人隨問「腹肚 ē 枵仔 buē，我有攢滷肉，ē-tàng 隨食」，抑是「你當時歇睏，敢 bueh 轉來？」一確定時間轉到厝，厝內隨一盤炒甲芳芳芳 ê 蒜頭蝦。

遠兜 ê 花蕊猶原踮心頭勻勻仔分張伊 ê 清芳。

Blume aus der Ferne, sie Strahlt Einer -Noch Ihren Duf in Meinem herzen aus.

猶未起行 ê 跤花，聊聊仔啉一甌茶，等伊開花，等伊蔫。

Diese Blumen kenne ich noch nicht, ich trinke eine Tasse Tee, warte bis sie blüht, warte bis sie verwelkt. 

將伊 tsham 遠兜 ê 花蕊掖踮花圃，繼續清芳，繼續五彩。

翁身軀邊有 tsuē-tsuē 追求超級食物顧健康抑是聽專家講 30% 家己做專家 100% ê 朋友，交伊遮 ê 朋友做陣食飯，我捷感覺家己 tī 杜鵑岫(Cuckoo's Nest)，看𪜶遮 ê 人一時仔成做病人，一時仔成做護士長 Nurse Ratched。

起因，𪜶 ê 健康生活是食酒、食煙、食甜粅粅齊大丈夫 buē 影響健康，食無敆𪜶喙斗 ê 物抑是無順𪜶推薦 ê 方式去採購是交健康交繃。

舉一个例，一个險 bueh hōo 心梗窒(sim-kénn-that)➀𤆬走 ê 朋友，認為食食齊款有機商店商品交 kā 薰改掉，心梗塞 buē 閣翻頭挨拶問伊 bueh 去塗州賣鴨卵無，就安心馬照常走，舞照常跳。

龍交龍，鳳交鳳，隱痀 ê 交侗戇，翁 ê 朋友是按怎有這个性特我無興研究，畢竟我 ê 研究者 hōo 我一日貼貼行 buē 開跤。

雪 m̄ 來，冬倚到

日走覕，月 m̄ 妝

天鬱鬱，地澹澹

伊短䘼，我肉粽

坐𫝛椅，蓋𫝛被

「這瓷仔有毒。」

第一斗交伊見面，gún 翁隨 hōo 勥母上童聽我 ê 話食藥包穩你食百二閣 buē 食虧。

第一斗交伊見面見，準做我無信仰，我猶是順勥母 ê 乩身交伊保持距離，畢竟我跤踏 ê 萬項代伊上知機。

第二斗交伊見面，手猶未伸出去摸勥母隨來跳童，我斡頭問一句「這瓷仔有毒，伊呔猶原活跳跳，遮是德國，敢 m̄ 是？」邊仔掠做家己是神 teh 跳神舞 ê 勥母乩身隨退童問「敢 bueh 款幾个轉來做網衝?」

Vor der Reise, ich weiß nicht warum, braucht ich mein Mann's Facebook nicht mehr.

Ich bin sehr neugierig über die Idee, aber jetzt... das ist mir Wurscht.

Aber ich fühle etwas Dinge Beeinflussen Sie mich und ich liebe es sehr.

Vor der Reise, ich klebe am Computer fast den ganzen Tag und nur für den Blog.

Ich weiß, wozu ich den Blog geschrieben habe, aber ich weiß nicht warum, ich fühle nicht gut... wenn ich ein Tag den Blog nicht geschrieben haben.

Wir sind gewöhnt, bei allem Vollkommenen die Frage nach dem Werden zu unterlassen: sondern uns des Gegenwärtigen zu freuen, wie als ob es auf einen Zauberschlag aus dem Boden aufgestiegen sei. 

咱攏慣勢，tī 完美內底 kā 問題靠沙，而且咱歡喜目今，若神仙 ê 蠓捽仔按塗跤一捽隨飛龍在天。

--- Friedrich Nietzsche 

翁看我又閣無法度反面冊讀 Meta 資料「我 ê 口座無註銷，敢有興趣 kā 我 ê Meta 摒盪一下？」  

「多謝你 ê 大方」我微微仔笑應，翁知影我 ê 14 繼續𫝻伊 ê 手機仔，我 mā 繼續請教網路大眾廟賜我生疏 ê 智慧。

遠兜 ê 花蕊猶原踮心頭勻勻仔分張伊 ê 清芳

猶未起行 ê 跤花，聊聊仔啉一甌茶，等伊開花，等伊蔫。

將伊 tsham 遠兜 ê 花蕊掖踮花圃，繼續清芳，繼續五彩。

聽作家顏冰心女仕分張伊 ê 換年有一項是目睭焦甲若火燒埔，聽歷史老師陳啟鵬老師分張伊 ê 換年拄著情緒懸低坎 ê 問題，我無確定我敢開始換年，總是我確定我 ê 來洗沓沓仔行向于美人捌分張 ê 本底一日五包，這久一年五包猶閣有三包通繼續使用。

我無確定我 ê 人生敢正式行入換年，總是這久 ê 我確定徛 tī 醫學設定 ê 換年年間。講醫學設定，起因朋友 ê 阿母無照大數據來換年，朋友 ê 阿母到六十歲 tsiah 開始換年，我 ê 阿母 45 歲進前就無子宮，我兩个阿姊一个 29 歲 hōo 塗牛𤆬去塗州賣鴨卵，一个認為只要保持身材翁婿就 buē 佮外口彼个夥計大麵炒粉圓，押尾翁婿猶原夥計膏膏纏，伊人無到 40 換來直腸癌尾期，按發見到離開無到半冬，伊透世人對抗 ê 夥計 mā tī 伊轉去塗州猶無到半冬就入𪜶翁 ê 家甲。

Ich habe das Problem, wenn ich etwas nicht mag oder nicht brauche, ich möchte die Sache aus meinem Leben.

Ich weiß das ist merkwürdig, aber...

Das heißt ich liebe das Leben einfach und sauber, kein Mist.

Ja, mein Ziel ist das Leben mit wenigen Sachen. Ich meine, ich habe was ich brauche, das ist genug.

Deshalb mache ich das Rezept nochmal, ich meine werde ich das Rezept weiter machen oder nicht.

我一直掠做家己 m̄ 捌出過木瓜生菜盤，巡田園揣靈感 tsiah 發見家己 tī 二冬外前就捌出菜。

記持真正 buē 食餌，無 Blog ê 記錄，現此時 ê 我絕對一分田磅甲若甲 buē 講伊偌好味素 m̄-koh 寫一堆跤帛文。

感謝阿羅交阿珊，無𪜶 ê 福利分張，這鞏金閣包銀 ê 木瓜無金色驢仔 kā gún 鬥相共，伊無啥機會通出現 tī gún 兜桌頂，養飼 gún-ê 腹肚捅仔。

2025 按算落南西班牙，向望翁分張 ê 西班牙木瓜有機會交伊相拄搪。

「等你 80 歲記持猶原 ē 食餌，我包領你看著伊你隨泅去咱 tī 西元佗一年來 Mikołaj Kopernik 哥白尼 ê 家鄉行跤花」當我猶 teh 請花 kā 我鬥出主意，尻脊後真正出錢 ê 錢出主意並指這仙有掛喙罨 ê Printenmann 人模仔印。

出錢 ê 人已經主意，我這个無功不受祿 ê 人哪通無好喙水「God bless us, my lord➀。」

「我已經揣著我 ê 天佮主人」出錢 ê 人揹仔搝一下，學驢仔叫。

感謝 Shrek hōo 鈍喙成做喙花。